 |
ກອງປະຊຸມ ຄັ້ງທີ 8 ຄະນະບໍລິຫານງານສູນກາງພັກ ກອມມູນິດ ຫວຽດນາມ ສະໄໝທີ XII.
ຕອນເຊົ້າວັນທີ 2 ຕຸລາ, ກອງປະຊຸມ ຄັ້ງທີ 8 ຄະນະບໍລິຫານງານສູນກາງພັກ ຄອມມູນິດ ຫວຽດນາມ ສະໄໝທີ XII ໄດ້ໄຂຂຶ້ນ ທີ່ຮ່າໂນ້ຍ. ທີ່ກອງປະຊຸມຄັ້ງນີ້, ສູນກາງພັກຈະພິຈາລະນາບັນດາເນື້ອໃນ: ສະຫຼຸບ 10 ປີ ແຫ່ງການປະຕິບັດມະຕິສູນກາງພັກຄັ້ງທີ 4 ສະໄໝທີ X ກ່ຽວກັບຍຸດທະສາດທາງທະເລ ຫວຽດນາມ ຮອດປີ 2020; ສະພາບເສດຖະກິດ - ສັງຄົມ ແລະ ງົບປະມານແຫ່ງລັດປີ 2018 ແລະ ແຜນການພັດທະນາເສດຖະກິດ - ສັງຄົມ ແລະ ຄາດຄະເນແຜນງົບປະມານປີ 2019; ກຳນົດ ກ່ຽວກັບໜ້າທີ່ຮັບຜິດຊອບ ເປັນແບບຢ່າງຂອງພະນັກງານ, ສະມາຊິກພັກ, ກ່ອນອື່ນໝົດແມ່ນກຳມະການກົມການເມືອງ, ກຳມະການຄະນະເລຂາທິການ, ກຳມະການຄະນະບໍລິຫານງານສູນກາງພັກ; ສ້າງຕັ້ງບັນດາອະນຸກຳມະການກະກຽມໃຫ້ແກ່ກອງປະຊຸມໃຫຍ່ຄັ້ງທີ XIII ຂອງພັກ; ພິຈາລະນາວຽກງານບຸກຄະລາກອນ ພ້ອມດ້ວຍເນື້ອໃນສຳຄັນອື່ນໆ.
ນັກຂ່າວ ຮ່າດັງ, ອະດີດຫົວໜ້າຄະນະແນວຄິດ ວັດທະນະທຳສູນກາງ (ປັດຈຸບັນແມ່ນຄະນະໂຄສະນາສຶກສາສູນກາງ) ໄດ້ກ່າວວ່າ: “ເລື່ອງກາຍເປັນແບບຢ່າງແມ່ນຕ້ອງປະຕິບັດແຕ່ເທິງລົງລຸ່ມ. ບໍ່ພຽງແຕ່ກຳມະການກົມການເມືອງ, ກຳມະການຄະນະເລຂາ, ກຳມະການສູນກາງເທົ່ານັ້ນ ແຕ່ຍັງລົງໄປເຖິງແຕ່ລະຄະນະພັກແຂວງ, ທ້ອງຖິ່ນນຳອີກ. ຜ່ານນັ້ນ, ບັນດາຜູ້ນຳໜ້າຢູ່ຂັ້ນຄະນະພັກແຂວງ, ໃນຄະນະເລຂາ, ຄະນະພັກປະຈຳທ້ອງຖິ່ນກໍ່ຕ້ອງເຮັດວຽກງານເປັນແບບຢ່າງ. ນີ້ແມ່ນບັນຫາວິໄນລວມ. ຂ້າພະເຈົ້າເຊື່ອວ່າໃນຄັ້ງນີ້ ດ້ວຍຄວາມຕັດສິນໃຈຂອງສູນກາງພັກເຊິ່ງເປັນໂອກາດເພື່ອປຶກສາຫາລືສຳລັບບຸກຄະລາກອນ ກອງປະຊຸມໃຫຍ່ຄັ້ງທີ XIII ໃກ້ຈະມາເຖິງ, ແນ່ນອນວ່າຈະປະຕິບັດໄດ້ຢ່າງສົມບູນ. ສູນກາງພັກໄດ້ມີຄວາມຕັດສິນໃຈສູງ ແລະ ຈະມີການຫັນປ່ຽນຢ່າງເຂັ້ມແຂງຢູ່ໃນພັກ.
（ແຫຼ່ງຂໍ້ມູນ： vov5）
