 |
ທ່ານນາຍົກລັດຖະມົນຕີ ຫງວ໋ຽນຊົນ ຟຸກ ພ້ອມພັນລະຍາ ເດີນທາງໄປເຂົ້າຮ່ວມກອງປະຊຸມ ແມ່ນຳ້ຂອງ-ຍີປຸ່ນ.
ອີງຕາມການລາຍງານຂອງ ໂຄສົກປະຈຳ ກະຊວງການຕ່າງປະເທດ ທ່ານ ເລຖິທູ ຮັ່ງ, ເລີ່ມແຕ່ວັນທີ 8 ຕຸລາ ຫາ 10 ຕຸລາ 2018 ນາຍົກລັດຖະມົນຕີ ຫງວ໋ຽນຊົນ ຟຸກ ພ້ອມພັນລະຍາ ຈະນຳພາ ຄະນະຜູ້ແທນຂັ້ນສູງ ຫວຽດນາມ ເຂົ້າຮ່ວມ ກອງປະຊຸມຂັ້ນສູງ ການຮ່ວມມື ແມ່ນຳ້ຂອງ ແລະ ຍີປຸ່ນ ຄັ້ງທີ 10 ຢູ່ ນະຄອນ ໂຕກຽວ ປະເທດຍີປຸ່ນ.
ກອງປະຊຸມຂັ້ນສູງ ຮ່ວມມື ແມ່ນຳ້ຂອງ-ຍີປຸ່ນ ຄັ້ງນີ້ ເປັນຂີດໝາຍ 10ປີ ຂອງການສ້າງຕັ້ງ ແລະ ພັດທະນາ ກົນໄກການຮ່ວມມື ແມ່ນຳ້ຂອງ-ຍີປຸ່ນ ແລະ 3 ປີ ແຫ່ງການຜັນຂະຫຍາຍ ຍຸດທະສາດ ໂຕກຽວ 2015. ຄະນະຫວຽດນາມ ທີ່ເຂົ້າຮ່ວມກອງປະຊຸມຄັ້ງນີ້ກໍ່ເພື່ອແນໃສ່ໃຫ້ຄຳໝັ້ນສັນຍາກັບກົນໄກການຮ່ວມມືດັ່ງກ່າວນີ້, ພ້ອມທັງຕີລາຄາຄືນບົດຮຽນທີ່ເຮັດໄດ້ແລະຍັງຄົງຄ້າງໃນ 10 ທີ່ຜ່ານມາ, ຂື້ນແຜນກໍ່ຄືທິດທາງ ແລະ ນຳສະເໜີບັນດາມາດຕະການຍົກສູງ ປະສິດທິຜົນຂອງການຮ່ວມມື ໃນອານາຄົດ.
ໃນໂອກາດນີ້ ທ່ານນາຍົກລັດຖະມົນຕີ ຫງວ໋ຽນຊົນ ຟຸກ ກໍ່ຈະຢ້ຽມຢາມ ປະເທດຍີປຸ່ນນຳອີກ. ການຢ້ຽມຢາມແມ່ນຈະດຳເນີນໄປບົນບັນຍາກາດ ການສະເຫຼີມສະຫຼອງ ຄົບຮອບ 45 ປີ ວັນສ້າງຕັ້ງສາຍພົວພັນການທູດ, ເພື່ອຮັດແໜ້ນຕື່ມ ສາຍພົວພັນຮ່ວມມືຍຸດທະສາດທາງລວງເລິກ ຫວຽດນາມ-ຍີປຸ່ນ ທີ່ພວມໄດ້ຮັບການພັດທະນາຢ່າງຕັ້ງໜ້າ ໃນທຸກໆຂົງເຂດ ປະກອບສ່ວນສ້າງຄວາມເຊື່ອໝັ້ນ ທາງການເມືອງລະຫວ່າງ ສອງຊາດ.
ໃນຂອບເຂດການຢ້ຽມຢາມຄັ້ງນີ້ ແຜນການແມ່ນທາງນາຍົກລັດຖະມົນຕີ ຫງວ໋ຽນຊົນ ຟຸກ ຈະເຂົ້າຮ່ວມ ກອງປະຊຸມ ຂັ້ນສູງ ການຮ່ວມມື ແມ່ນຳ້ຂອງ-ຍີປຸ່ນ, ຈະກ່າວຄຳປາໄສບົນເວທີ ການລົງທືນ ແມ່ນຳ້ຂອງ-ຍີປຸ່ນ, ຮ່ວມກັບການນຳບັນດາປະເທດລຸ່ມແມ່ນຳ້ຂອງ ເຂົ້າຂຳນັບ ພະລາຊາ, ພົບປະເຈລະຈາກັບ ນາຍົກລັດຖະມົນຕີ ຍີປຸ່ນ Shinzo Abe, ພົບປະກັບ ປະທານ ສະພາຕຳ່ ແລະ ສະພາສູງ ຂອງຍີປຸ່ນ, ກ່າວຄຳປາໄສທີ່ກອງປະຊຸມ ສົ່ງເສີມ ການລົງທືນ ຫວຽດນາມ, ເຈລະຈາ ກັບວິສາຫະກິດຂອງຍີປຸ່ນຈຳນວນໜຶ່ງ.
（ຫັດທະບູນ）
