ເຂົ້າຮ່ວມ ກອງປະຊຸມໃຫຍ່ຄັ້ງນີ້ປະກອບມີ: ອາດີດ ເລຂາທິການໃຫຍ່ ເລຂາ ຟຽວ; ອາດີດ ເລຂາທິການໃຫຍ່ ນົງດຶກ ແມ້ງ; ອາດີດ ປະທານປະເທດ ເຈິ່ນດຶກ ເລືອງ; ອາດີດ ປະທານປະເທດ ເຈືອງເຕິ໋ນ ຊາງ; ທ່ານນາຍົກລັດຖະມົນຕີ ຫງວ໋ຽນຊົນ ຟຸ໋ກ; ປະທານສະພາແຫ່ງຊາດ ຫງວ໋ຽນຖິກີມ ເງິນ; ອາດີດ ປະທານສະພາແຫ່ງຊາດ ຫງວ໋ຽນວັນ ອານ; ອາດີດປະທານສະພາແຫ່ງຊາດ ຫງວ໋ຽນຊິງ ຮຸ່ງ; ຄະນະປະຈຳ ເລຂາກຳມະການ ເຈີ່ນກ໋ວກ ເວື້ອງ ແລະ ບັນດາສະຫາຍການນຳ, ອາອີດການນຳ ຂອງກະຊວງ, ຂະແໜງການ, ທ້ອງຖິ່ນ.
 |
ທ່ານ ເລຂາທິການໃຫຍ່ຫງວ໋ຽນຟູ໋ ຈ້ອງ ກ່າວຄຳປາໄສທີ່ກອງປະຊຸມໃຫຍ່ ກຳມະບານ ຫວຽດນາມ ຄັ້ງທີ XII. (ພາບ:baochinhphu.vn)
ກ່າວຄຳປາໄສທີ່ກອງປະຊຸມໃຫຍ່ ກຳມະບານ ຫວຽດນາມ ຄັ້ງທີ XII ທ່ານ ເລຂາທິການໃຫຍ່ຫງວ໋ຽນຟູ໋ ຈ້ອງ ຢັ້ງຢືນວ່າ: ກອງປະຊຸມຄັ້ງນີ້ເຫດການທີ່ຍິ່ງໃຫຍ່ແລະສຳຄັນ ຕໍ່ກັບຊີວິດການເປັນຢູ່ດ້ານການເມືອງຂອງຊົນຊັ້ນກຳມະກອນຂອງປະເທດເຮົາ. ຜ່ານມາເກືອບ 90 ປີ ແຫ່ງການສ້າງຕັ້ງ ແລະ ພັດທະນາ, ພັກ ແລະ ລຸງ ໂຮ່ຊີ້ນຳ, ຫຼໍ່ຫຼອມ, ກຳມະບານຫວຽດນາມ ບໍ່ຢຸດຢັ້ງເຕີບໃຫຍ່, ຂະຫຍາຍຕົວ ແລະ ມີການປະກອບສ່ວນຢ່າງເປັນທີ່ຍອມຮັບເຂົ້າໄຊຊະນະອັນຍິ່ງໃຫຍ່ຂອງການປະຕິວັດຫວຽດນາມ.
ທ່ານເລຂາທິການໃຫຍ່ ຫງວ໋ຽນຟູ໋ ຈ້ອ ຕີລາຄາສູງ ວຽກງານ ກຳມະບານທີ່ໄດ້ມີແນວຄິດປະດິດສ້າງ, ສະເໜີ ແລະ ຈັດຕັ້ງປະຕິບັດໄດ້ຫຼາຍໆການເຄື່ອນໄຫວ ໃນການເບິ່ງແຍງບັນດາສຳມາຊິກກຳມະບານ, ຈັດບຸນວັນປີໃໝ່ ອັນອົບອຸ່ນໃຫ້ແກ່ ກຳມະກອນ, ກໍ່ສ້າງບັນດາກົນໄກ ກຳມະບານ, ປະກອບສ່ວນແກ້ໄຂຂອດບັນຫາ ເຮືອນຢູ່(ທີ່ຢູ່ອາໄສ), ໂຮງຮຽນລ້ຽງເດັກ, ສະຖານທີ່ເຄື່ອນໄຫວກິດຈະກຳວັດທະນະທຳ (ສະໂມສອນ)ໃຫ້ແກ່ກຳມະກອນຊາວຜູ້ອອກແຮງງານ. ກຳມະບານກໍ່ໄດ້ມີຫຼາຍໆມາດຕະການຢ່າງທ່ວງທັນ ເພື່ອແກ້ໄຂບັນດາວຽກງານທີ່ກ່ຽວຂ້ອງກັບວຽກງານປົກປ້ອງຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ສິດຜົນປະໂຫຍດ, ຊີວິດການເປັນຢູ່ຂອງ ກຳມະກອນຊາວຜູ້ອອກແຮງງານ. ຈັດຕັ້ງໄດ້ຫຼາຍໆການພົບປະເຈລະຈາ, ກໍ່ສ້າງສັນຍາໝູ່ຄະນະ, ປະກອບສ່ວນຮັບປະກັນຊີວິດການເປັນຢູ່ ດ້ານສັງຄົມ, ຍົກສູງສະຫວັດດີການເທື່ອລະກ້າວ ໃຫ້ແກ່ຜູ້ອອກແຮງງານ; ກໍ່ສ້າງສາຍພົວພັນກຳມະກອນ ອັນສອດຄ່ອງ ແລະ ທັນສະໄໝ. ການເຄື່ອນໄຫວ ໂຄສະນາ ແລະ ສຶກສາອົບຮົມ ສ້າງໄດ້ການແຜ່ລາມໃນລະບົບ; ຂະບວນການແຂ່ງຂັນຮັກຊາດ ໃນກຸ່ມຊາວຜູ້ອອກແຮງງານ, ລັດຖະກອນ, ກຳມະກອນ ໄດ້ມີບາດກ້າວອັນຕັ້ງໜ້າ.
（ຫັດທະບູນ）
