 |
ທ່ານນາຍົກລັດຖະມົນຕີ ຫງວ໋ຽນຊົນ ຟຸ໋ກ ກ່າວຄຳປາໄສທີ່ກອງປະຊຸມໃຫຍ່ ກຳມະບານຫວຽດນາມທົ່ວປະເທດ ຄັ້ງທີ 12.
ທ່ານນາຍົກລັດຖະມົນຕີ ຮຽກຮ້ອງໃຫ້ ກຳມະບານປະກອບສ່ວນຄຳຄິດຄຳເຫັນເພື່ອຮ່ວມກັນສ້າງສາພັດທະນາປະເທດຊາດບ້ານເກີດເມືອງນອນ. “ ບັນຫາທີ່ຕັ້ງຂື້ນມາໃຫ້ພວກເຮົາປະຈຸບັນນີ້ແມ່ນຫຍັງ? ເຮັດແນວໃດເພື່ອລະດົມສົ່ງເສີມ, ຊຸກຍູ້ປະຊາຊົນຫວຽດນາມທຸກທົ່ວໜ້າ, ໃນປະກອບມີກຳມະກອນ, ລັດຖະກອນ, ຊາວຜູ້ອອກແຮງງານ, ກອງກຳລັງປະຈັນບານໃນການຍົກສູງຄວາມສາມາດໃນການແຂ່ງຂັນແຫ່ງຊາດ ແລະ ພັດທະນາ ແບບຍືນຍົງ”.
ທ່ານນາຍົກລັດຖະມົນຕີ ຫວັງເປັນຢ່າງຍິ່ງວ່າ: ກຳມະກອນ, ລັດຖະກອນ, ຊາວຜູ້ອອກແຮງງານ ທົ່ວປະເທດ ຮ່ວມມື ຮ່ວມແຮງກັນ ສ້າງຄວາມເຂັ້ມແຂງ ປະຊາຊົນບັນດາເຜົ່າ ໃນວຽກງານການຍົກສູງຄວາມສາມາດການແກ່ງແຍ້ງແຫ່ງຊາດ ແລະ ພັດທະນາ ແບບຍືນຍົງຂອງຊາດ. ສະມາຊິກກຳມະບານ ແລະ ຊາວຜູ້ອອກແຮງງານ ແຕ່ລະຄົນປ່ຽແປງແນວຄິດໃໝ່, ການຮັບຮູ້ກ່ຽວກັບ ການຮັບໃຊ້, ອຸທິດຕົນ, ກ່ຽວກັບຄວາມຢາກໃນການຫຼຸດພົ້ນຄວາມທຸກຍາກ, ກ່ຽວກັບ ຈິດໃຈຖືຕົວ, ຊື່ກົງ, ຊື່ສັດສຸດ ຈະລິດ; ກ່ຽວກັບຄຸນສົມບັດພະນັກງານລັດ, ຈັນຍາບັນອາຊີບ ແລະ ຄວາມຮັບຜິດຊອບຕໍ່ສັງຄົມ. ຊາວຜູ້ອອກແຮງງານຫວຽດນາມທຸກທົ່ວໜ້າ ເຖິງວ່າຈະສັງກັດ ລັດ ຫຼື ເອກກະຊົນ ລ້ວນແລ້ວແຕ່ຕ້ອງໄດ້ຍົກສູງຄວາມຮັບຮູ້ໃນການກົດລະບຽບແຮງງານ, ປະດັບຄວາມຮູ້ດ້ານກົດໝາຍ, ສ້າງພາບລັກໃນການເຮັດວຽກ, ປະຕິບັດມາດຕະການບໍ່ຟຸມເຟືອຍ ປະຫຍັດມັດທະຍັດ, ຕ້ານແລະສະກັດກັ້ນການສໍ້ລາດບັງຫຼວງ. ຕ້ອງມີຄວາມລະມັດລະວັງ ແລະ ພາກພູມໃຈໃນຜົນສຳເລັດຂອງວຽກງານ ຫຼື ຜົນຜລິດທີ່ຕົນໄດ້ສ້າງຂື້ນມາ. ຕ້ອງຖືເອົາການເຮັດວຽກແບບໝູ່ຄະນະເປັນສຳຄັນ ແລະ ສ້າງໝູ່ຄະນະສາມັກຕີ ຮັດແໜ້ນກັບຫ້ອງການ, ວິສາຫະກິດ, ມານະພະຍາຍາມຢ່າງບໍ່ຮູ້ອິດຮູ້ເໝື່ອຍເພື່ອຜົນປະໂຫຍດສ່ວນລວມ.
（ຫັດທະບູນ）
