 |
ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ(ຢູ່ກາງ).
ທ່ານນາຍົກລັດຖະມົນຕີ ຫວຽດນາມ ຫງວ໋ຽນຊົນຟຸກ ໄດ້ຕີລາຄາສູງບັນດານັກການທູດທີ່ໄດ້ມານະພະຍາຍາມສ້າງສາຍສຳພັນມິດຕະພາບລະຫວ່າງຫວຽດນາມ ແລະ ເພື່ອນມິດໃນທົ່ວໂລກ, ສ້າງຖານະບົດບາດຂອງຫວຽດນາມນັບມື້ນັບສູງຂຶ້ນ. ທ່ານນາຍົກລັດຖະມົນຕີ ຍັງຍົກໃຫ້ເຫັນສະພາບການເສດຖະກິດໂລກທີ່ຂາດສະຖຽນລະພາບ , ຍາກທີ່ຈະຄາດຄະເນໄວ້ລ່ວງໜ້າ.
ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ກ່າວວ່າ : “ ການທູດສ້າງສາພັດທະນາ ຄວນເປັນເຈົ້າການ ແລະ ປະດິດຄິດສ້າງຢ່າງມີປະສິດທິຜົນ. ເຫຼືອພຽງອີກ 2 ປີເທົ່ານັ້ນ, ແມ່ນຈະສິ້ນສຸດອາຍຸການຊຸດໃໝ່ ແລະ ວຽກງານຢ່າງມະຫາສານພວມລໍ່ຖ້າພວກເຮົາ ນັບທັງວຽກງານຢູ່ພາຍໃນປະເທດ ແລະ ສາກົນ, ການພົວພັນກັບຕ່າງປະເທດ. ດັ່ງນັ້ນ, ຂ້າພະເຈົ້າສະເໜີວ່າ ບັນດາພະນັກງານການທູດຕ້ອງປຶກສາຫາລື, ວາງອອກວິທີແກ້ໄຂເພື່ອປະກອບສ່ວນເຂົ້າໃນຄວາມສຳເລັດບັນດາວຽກງານດັ່ງກ່າວ ”.
ທ່ານນາຍົກລັດຖະມົນຕີ ຫວຽດນາມ ຫງວ໋ຽນຊົນຟຸກ ຍັງສະເໜີບັນດານັກການທູດຈົ່ງເສີມຂະຫຍາຍທີ່ຕັ້ງບົດບາດຍຸດທະສາດຂອງຫວຽດນາມ ແລະ ຖືວຽກງານສ້າງ ແລະ ປັບປຸງທີ່ຕັ້ງບົດບາດນີ້ແມ່ນໜຶ່ງໃນບັນດາບຸລິມະສິດຂອງວຽກງານການຕ່າງປະເທດ, ສ້າງປະຖົມປັດໄຈ ແລະ ພື້ນຖານແກ່ການພັດທະນາ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ສະເໜີວ່າ: “ ຂ້າພະເຈົ້າສະເໜີກະຊວງການຕ່າງປະເທດຄວນສົມທົບລະຫວ່າງບັນດາຂະແໜງເພື່ອຊອກຫາບັນດາແບບວິທີທີ່ມີຫົວຕິດປະດິດສ້າງ, ມີໄຫວພິບ, ຍົກສູງທີ່ຕັ້ງບົດບາດຂອງປະເທດຊາດ, ຂຸດຄົ້ນບັນດາຈຸດດີ, ແກ້ໄຂຄວາມບໍ່ລົງລອຍກັນ ແລະ ສິ່ງສຳຄັນແມ່ນສ້າງບັນດາກາລະໂອກາດເພື່ອປົກປັກຮັກສາສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາ ”.
（ຫັດທະບູນ）
