 |
ພາບປະກອບ.
ພາຍຫຼັງ ກົມການເມືອງເຫັນດີກ່ຽວກັບນະໂຍບາຍ, ນະຄອນຮ່າໂນ້ຍ ເປັນປະທານ, ປະສານສົມທົບຢ່າງແໜ້ນແຟ້ນກັບ ກະຊວງວັດທະນະທຳ, ກິລາ ແລະ ທ່ອງທ່ຽວ ແລະ ບັນດາກະຊວງ, ທະບວງ, ຂັ້ນທ້ອງຖິ່ນທີ່ກ່ຽວຂ້ອງກັບການກໍ່ສ້າງແຜນງານເພື່ອ ກະກຽມເປັນເຈົ້າພາບ ຊີເກມ ຄັ້ງທີ 31 ແລະ ປາລາເກມ ຄັ້ງທີ 11 ບົນເນື້ອໃນຈິດໃຈ ປະຢັດ, ປອດໄພ, ມີປະສິດທິຜົນ, ປະສົບຜົນສຳເລັດ; ເປັນເຈົ້າການໃນການຕິດຕາມກວດກາ, ສຳເລັດການຂື້ນແຜນງານລະອຽດ ກ່ຽວກັບ ພື້ນຖານວັດຖຸຕາມແນວທາງ ນຳໃຊ້ພື້ນຖານວັດຖຸອຸປະກອນທີ່ມີຢູ່ໃຫ້ເກີດປະໂຫຍດສູງສຸດ, ຫຼີກລ້ຽງ-ຈຳກັດ ໃນການສ້າງ ແລະ ຊື້ໃໝ່, ເພີ່ມທະວີຢ່າງເຂັ້ມແຂງ ຫັນຄວາມສາມາດໃຫ້ມີລັກສະນະສັງຄົມ.
ຂະແໜງກິລາ-ກາຍຍະກຳ ຕ້ອງຕື່ນຕົວ, ຕັ້ງໜ້າກະກຽມກຳລັງນັກກິລາ, ຄູຝຶກສອນ ແລະ ບັນເງື່ອນໄຂທີ່ຈຳເປັນໃຫ້ແກ່ ຄະນະນັກກິລາຫວຽດນາມ ບັນລຸໄດ້ຜົນສຳເລັດທີ່ດີທີ່ສຸດໃນການແຂ່ງຂັນ ມະຫະກຳກິລາ ຊີເກມຄັ້ງທີ 31 ແລະ ປາລາເກມ ຄັ້ງທີ 11 ປີ 2021.
ໃນທີ່ຜ່ານມາ ຂະແໜງກິລາ-ກາຍຍະກຳ ແລະ ທ້ອງຖິ່ນທີ່ກ່ຽວຂ້ອງໄດ້ສະແດງເຖິງຄວາມຕັດສິນໃຈສູງ, ມີການກະກຽມຢ່າງເຂັ້ມງວດເພື່ອກຽມພ້ອມຮັບການເປັນເຈົ້າພາບໃນການຈັດງານ ມະຫະກຳກິລາ ຊີເກມຄັ້ງທີ 31 ແລະ ປາລາເກມ ຄັ້ງທີ 11 ປີ 2021. ນີ້ເປັນທັງໜ້າທີ່ ທັງເປັນກຽດອັນສະຫງ່າລາສີຂອງຫວຽດນາມ ປະກອບສ່ວນຊຸກຍູ້ຂະບວນການກິລາພາຍໃນ, ໂຄສະນາເຜີຍແຜ່ພາບລັກຂອງປະເທດ, ປະຊາຊົນຊາວຫວຽດນາມຕໍ່ກັບເພື່ອນມິດສາກົນ.
（ຫັດທະບູນ）
