 | ຈິດໃຈຮ່ວມມື, ຮັກສາສັນຕິພາບ ແມ່ນຊັບສິນອັນລ້ຳຄ່າຂອງຊາວຫວຽດນາມ ແລະ ອາເມລິກາ |
| ອາຊຽນ ແລະ ບົດເລກໂຈດພາສີ ອາເມລິກາ: ການຕອບສະໜອງທີ່ຄ່ອງຕົວໃນສະພາບການໂລກ |
 |
| ການຫຸ້ມຫໍ່ໝາກກ້ຽງໃຫຍ່ເພື່ອສົ່ງອອກຢູ່ໂຮງງານຂອງ ບໍລິສັດ ຂາເຂົ້າ-ຂາອອກໝາກຂາມ. (ພາບ: ໜັງສືພິມ ການລົງທຶນ) |
ສາມສະພາບການການສົ່ງຜົນກະທົບຕໍ່ການເຕີບໂຕກະສິກຳຂອງຫວຽດນາມ
ຕາມຂ່າວສານຫວຽດນາມແລ້ວ, ສະຖາບັນຍຸດທະສາດ, ນະໂຍບາຍກະສິກຳ ແລະ ສິ່ງແວດລ້ອມ (ກະຊວງກະສິກຳ ແລະ ສິ່ງແວດລ້ອມ) ຫາກໍ່ຄາດຄະເນ 3 ສະພາບການ ແລະ ມາດຕະການແກ້ໄຂທີ່ຈຳເປັນເພື່ອຕອບສະໜອງນະໂຍບາຍພາສີອາກອນຂອງ ອາເມລິກາ.
ສະພາບການທີ 1: ຖ້າອັດຕາພາສີຍັງຄົງຢູ່ໃນລະດັບ 10% ຕະຫຼອດປີ 2025 ແລະ ຖືກນຳໃຊ້ຢ່າງເປັນເອກະພາບໃນຂອບເຂດທົ່ວປະເທດ, ການສົ່ງອອກ ແລະ ເປົ້າໝາຍການເຕີບໂຕຂອງຂະແໜງກະສິກຳຈະໄດ້ຮັບຜົນກະທົບຢ່າງໜັກໜ່ວງ.
ສະພາບການທີ 2: ຖ້າຫາກພາຍຫຼັງໄລຍະເລື່ອນເວລາພາສີ, 2 ປະເທດເຈລະຈາສັນຍາກ່ຽວກັບອັດຕາພາສີ 20%, ຄາດວ່າ ການສົ່ງອອກວົງເງິນຈະຫຼຸດລົງປະມານ 20% ໃນ 6 ເດືອນທ້າຍປີ. ດ້ວຍການຫຼຸດລົງດັ່ງກ່າວ, ການຂະຫຍາຍຕົວຂອງຂະແໜງກະສິກຳ, ປ່າໄມ້ ແລະ ການປະມົງ ໃນປີ 2025 ອາດຈະຫຼຸດລົງ 0,15-2 %, ມາເປັນ 3,8-3,85%.
ສະພາບການທີ 3: ຖ້າອາເມລິກາ ສືບຕໍ່ເກັບພາສີ 46% ຕໍ່ສິນຄ້ານໍາເຂົ້າຈາກຫວຽດນາມ ພາຍຫຼັງໄລຍະຜ່ອນຜັນພາສີ, ການສົ່ງອອກໃນ 6 ເດືອນທ້າຍປີ 2025 ຄາດວ່າຈະຫຼຸດລົງ 40%. ການຂະຫຍາຍຕົວຂອງຂະແໜງກະສິກຳ, ປ່າໄມ້ ແລະ ການປະມົງ ໃນປີ 2025 ອາດຈະຫຼຸດລົງ 0,3-0,4 %, ມາເປັນ 3,6-3,8%.
ຕາມສະຖາບັນຍຸດທະສາດ, ນະໂຍບາຍກະສິກຳ ແລະ ສິ່ງແວດລ້ອມແລ້ວ, ເພື່ອຫຼຸດຜ່ອນຜົນກະທົບຈາກອັດຕາພາສີຈາກອາເມລິກາ, ຕ້ອງເພີ່ມທະວີການປຶກສາຫາລືເພື່ອໃຫ້ 2 ປະເທດສາມາດຫຼຸດຜ່ອນອັດຕາພາສີນຳເຂົ້າສິນຄ້າຂອງແຕ່ລະປະເທດ ຫຼື ຊອກຫາກົນໄກຍົກເວັ້ນພາສີສຳລັບບັນດາຜະລິດຕະພັນກະສິກຳຍຸດທະສາດ. ພ້ອມກັນນັ້ນ, ຕ້ອງປະຕິບັດມາດຕະການຮັບປະກັນຄວາມໂປ່ງໃສຂອງການກຳເນີດສິນຄ້າ.
ນອກຈາກນັ້ນ, ມາດຕະການສະຫນັບສະຫນູນອັນຮີບດ່ວນແມ່ນຈໍາເປັນສໍາລັບຜະລິດຕະພັນທີ່ສໍາຄັນທີ່ຈະໄດ້ຮັບຜົນກະທົບຢ່າງຫຼວງຫຼາຍເມື່ອ ອາເມລິກາ ໝູນໃຊ້ໃຊ້ອັດຕາພາສີໃຫມ່. ມາດຕະການສະໜັບສະໜູນເຫຼົ່ານີ້ອາດຈະເປັນການຊົ່ວຄາວ ແຕ່ຕ້ອງໄວ ແລະ ເຂັ້ມແຂງພໍທີ່ວິສາຫະກິດ ແລະ ປະຊາຊົນສາມາດປັບຕົວເຂົ້າກັບສະພາບການໃໝ່ໄດ້ທັນທີ.
ບາງການຊ່ວຍເຫຼືອທັນທີລວມມີ: ການຫຼຸດຜ່ອນພາສີນໍາເຂົ້າວັດສະດຸນໍາເຂົ້າ, ການເລື່ອນເວລາການຊໍາລະອາກອນມູນຄ່າເພີ່ມ, ອາກອນລາຍໄດ້ຂອງບໍລິສັດ, ພາສີລາຍໄດ້ສ່ວນບຸກຄົນຂອງຄົວເຮືອນການຜະລິດ, ທຸລະກິດກະສິກຳ, ປ່າໄມ້ ແລະ ການປະມົງ ແລະ ການສະໜັບສະໜູນອັດຕາດອກເບ້ຍສິນເຊື່ອໃຫ້ແກ່ວິສາຫະກິດ ແລະ ບຸກຄົນທີ່ໄດ້ຮັບຜົນກະທົບ.
ຄຽງຄູ່ກັນນັ້ນ, ຕ້ອງສືບຕໍ່ຍົກສູງສະມັດຕະພາບ, ຄຸນນະພາບ ແລະ ຫຼຸດຜ່ອນຕົ້ນທຶນຜະລິດຕະພັນ, ຕົ້ນຕໍແມ່ນຜ່ານການຄົ້ນຄວ້າ ແລະ ນຳໃຊ້ວິທະຍາສາດເຕັກໂນໂລຢີ ເພື່ອເພີ່ມທະວີການແຂ່ງຂັນກະສິກຳ, ປ່າໄມ້ ແລະ ການປະມົງ ຫວຽດນາມ ບົນຈິດໃຈມະຕິ 57-NQ/TW ລົງວັນທີ 22 ທັນວາ 2024 ຂອງກົມການເມືອງກ່ຽວກັບການບຸກທະລຸດ້ານວິທະຍາສາດ, ເຕັກໂນໂລຊີ, ນະວັດຕະກໍາແລະການຫັນເປັນດິຈິຕອນແຫ່ງຊາດ.
ນອກຈາກນັ້ນ, ຄວາມຫຼາກຫຼາຍຂອງຕະຫຼາດແມ່ນມີຄວາມຈໍາເປັນ. ນອກຈາກຕະຫຼາດດັ້ງເດີມເຊັ່ນ: ຈີນ ແລະ ບັນດາປະເທດອາຊີຕາເວັນອອກ, ອາຊຽນ, ອາເມລິກາ ແລະ EU, ຕ້ອງເປີດກວ້າງ ແລະ ຂຸດຄົ້ນຢ່າງເລິກເຊິ່ງບັນດາຕະຫຼາດທີ່ມີທ່າແຮງໃນກຸ່ມ BRIC (ລວມທັງ ບຣາຊິນ, ລັດເຊຍ ແລະ ອິນເດຍ), ຕະຫຼາດອາເມລິກາລາຕິນ ແລະ ອາຟຣິກາ ແລະ ຕະຫຼາດ Halal.
ວິສາຫະກິດເລັ່ງການສົ່ງອອກໃນໄລຍະການເລື່ອນພາສີ
ໃນໄລຍະເລື່ອນເວລາພາສີອາເມລິກາເປັນເວລາ 90 ວັນ, ມີຫຼາຍວິສາຫະກິດໄດ້ດັດແປງຍຸດທະສາດດຳເນີນທຸລະກິດຢ່າງຕັ້ງໜ້າເພື່ອສວຍໂອກາດສົ່ງອອກສິນຄ້າໄປຍັງອາເມລິກາ. ຕາມໜັງສືພິມ Tuoi Tre ແລ້ວ, ມີຫຼາຍວິສາຫະກິດສົ່ງອອກຜັກ, ໝາກໄມ້, ໝາກມ່ວງຫິມະພານ ໄດ້ສົມທົບກັບບັນດາຄູ່ຮ່ວມມືເພີ່ມທະວີປະລິມານການສົ່ງອອກ, ຫຼຸດຜ່ອນຄວາມສ່ຽງຕໍ່ສາງ, ຫຼີກລ້ຽງການເກັບພາສີສູງ ຖ້າການເຈລະຈາບໍ່ປະສົບຜົນສຳເລັດ.
ຜູ້ຕາງໜ້ານັກທຸລະກິດກ່າວວ່າ: ປະລິມານໝາກມ່ວງຫິມະພານທີ່ສົ່ງອອກໄປອາເມລິກາຕັ້ງແຕ່ຕົ້ນເດືອນເມສາໄດ້ເພີ່ມຂຶ້ນປະມານ 30% ເມື່ອທຽບໃສ່ໄລຍະດຽວກັນຂອງປີກາຍ ແລະ ສາມາດຮັກສາຈັງຫວະການເຕີບໂຕນີ້ໄດ້ຈົນເຖິງກາງເດືອນກໍລະກົດ (ເວລາການຢຸດຕິການເສຍພາສີ 90 ວັນ).
ຢ່າງໃດກໍ່ຕາມ, ສະມາຄົມອຸດສາຫະກໍາເຊື່ອວ່າ ນອກເຫນືອຈາກການແຂ່ງຂັນໃນໄລຍະສັ້ນ, ສິ່ງທີ່ສໍາຄັນກວ່ານັ້ນແມ່ນຍຸດທະສາດໄລຍະຍາວສໍາລັບການເພິ່ງພາຕົນເອງ. ທ່ານ ເຈີ່ນວັນຮ້ຽບ, ຮອງປະທານສະມາຄົມໝາກມ່ວງຫິມະພານ ຫວຽດນາມ ໃຫ້ຮູ້ວ່າ ລັດພວມເຈລະຈາເພື່ອຫຼຸດຜ່ອນພາສີໃຫ້ແກ່ບັນດາຜະລິດຕະພັນກະເສດຫຼາຍດ້ານ, ແຕ່ບັນດາວິສາຫະກິດກໍ່ຕ້ອງປັບປຸງຕົນເອງ.
"ສະມາຄົມ ພວມໜູມຊ່ວຍວິສາຫະກິດຊອກຫາຕະຫຼາດອື່ນ, ໂດຍສະເພາະແມ່ນຢູ່ ອົດສະຕາລີ ເພື່ອຊຸກຍູ້ການສົ່ງອອກ. ບັນດາຕະຫຼາດທີ່ມີທ່າແຮງເຊັ່ນຍີ່ປຸ່ນ ແລະ ເອີລົບ... ຍັງຈະເອົາໃຈໃສ່ການຂຸດຄົ້ນ. ຕະຫຼາດຈີນ ທີ່ບໍລິໂພກໝາກມ່ວງຫິມະພານເປັນຕົ້ນຕໍຈະໄດ້ຮັບຄວາມເອົາໃຈໃສ່ຈາກວິສາຫະກິດໃນໄລຍະຈະມາເຖິງ", ທ່ານ ຮ້ຽວ ກ່າວ.
ທ່ານຍັງໄດ້ສັງເກດເຫັນວ່າ ການຫຼາກຫຼາຍຕະຫຼາດຫມາຍຄວາມວ່າ ວິສາຫະກິດຕ້ອງມີຄວາມຫຼາກຫຼາຍຂອງຜະລິດຕະພັນເພື່ອໃຫ້ເຫມາະສົມກັບຄວາມຕ້ອງການສະເພາະຂອງແຕ່ລະຕະຫຼາດ. ປະຈຸບັນ, ຜະລິດຕະພັນປຸງແຕ່ງຢ່າງເລິກເຊິ່ງຂອງອຸດສາຫະກຳໝາກມ່ວງຫິມະພານກວມເອົາບໍ່ຮອດ 10% ຍອດມູນຄ່າວົງເງີນການສົ່ງອອກ ແລະ ມີຫຼາຍວິສາຫະກິດນຳເຂົ້າບັນດາກົນຈັກເພື່ອຊຸກຍູ້ການຜະລິດ.
ທ່ານ ຫງວຽນແທ່ງບິ່ງ, ປະທານສະມາຄົມຜັກ ແລະ ໝາກໄມ້ ຫວຽດນາມ ໃຫ້ຮູ້ວ່າ ນອກຈາກການເປີດກວ້າງຕະຫຼາດແລ້ວ, ແຕ່ລະວິສາຫະກິດຕ້ອງມີວິທີແກ້ໄຂດ້ວຍຕົນເອງ. “ພວກຂາ້ພະເຈົ້າຈະສະເໜີໃຫ້ລັດສະໜັບສະໜູນການສົ່ງເສີມຕະຫຼາດໃໝ່, ສະໜັບສະໜູນພາສີ, ອັດຕາດອກເບ້ຍທະນາຄານ ແລະ ຂະຫຍາຍເງື່ອນໄຂກູ້ຢືມ... ເພື່ອຊ່ວຍໃຫ້ວິສາຫະກິດຮັບມືກັບບັນຫາຜົນຜະລິດ", ທ່ານກ່າວ.
| ເຖິງວ່າ ປະເຊີນໜ້າກັບສິ່ງທ້າທາຍດ້ານພາສີ ແລະ ຕະຫຼາດ, ຂະແໜງກະສິກຳຂອງຫວຽດນາມ ກ້າວເຂົ້າສູ່ໄລຍະເລີ່ມຕົ້ນໃນແງ່ດີໃນປີ 2025. ຕາມສຳນັກງານສະຖິຕິທົ່ວໄປ (ກະຊວງການເງິນ), ໃນໄຕມາດທີ 1 ປີ 2025, ການເຕີບໂຕຂອງຂະແໜງກະສິກຳ, ປ່າໄມ້ ແລະ ການປະມົງບັນລຸໄດ້ 3,74%, ລະດັບເຕີບໂຕສູງສຸດໃນໄຕມາດທີ 1 ຂອງ 4 ປີຜ່ານມາ. ວົງເງິນສົ່ງອອກກະສິກຳ, ປ່າໄມ້ ແລະ ຜະລິດຕະພັນປະມົງໃນໄຕມາດທີ 1 ປີ 2025 ຂອງທົ່ວປະເທດແມ່ນ 15,72 ຕື້ USD, ເພີ່ມຂຶ້ນ 13,1% ເມື່ອທຽບໃສ່ໄລຍະດຽວກັນຂອງປີ 2024. |
 | ສະຫະພັນບັນດາອົງການມິດຕະພາບຫວຽດນາມ ຕ້ອນຮັບຍາດຕິພີ່ນ້ອງຂອງອະດີດນັກບິນ ອາເມລິກາ ຍສໝ - ຕອນເຊົ້າວັນທີ 8 ເມສາ, ຢູ່ຮ່າໂນ້ຍ, ທ່ານຮອງປະທານສະຫະພັນອົງການມິດຕະພາບຫວຽດນາມ ດົງຮຸຍເກື່ອງ ໄດ້ຕ້ອນຮັບທ່ານ Steven Charles Morrissey ແລະ ທ່ານນາງ Joyceleane Claire Morrissey, ພີ່ນ້ອງຂອງອະດີດນັກບິນ ອາເມລິກາ ທີ່ຫາຍສາບສູນຢູ່ຫວຽດນາມ. |
 | Chiều 6/4, theo đề nghị của phía Malaysia, Thủ tướng Phạm Minh Chính đã có cuộc điện đàm với Thủ tướng Malaysia Anwar Ibrahim để ... |
ມີງດຶກ
