 |
ນາຍົກລັດຖະມົນຕີ ໄດ້ເຊັນຂໍ້ຕົກລົງ ອະນຸມັດ ແຜນການປະຕິບັດງານ ແຫ່ງຊາດ ຈັດຕັ້ງປະຕິບັດແຜນແມ່ບົດ 2030 ກ່ຽວກັບການພັດທະນາແບບຍືນຍົງ. (ພາບ: VGP)
ເຫດການດັ່ງກ່າວໄດ້ຈັດຂຶ້ນ ໂດຍສະພາປະຊາຊົນແຫ່ງຊາດ ເພື່ອການພັດທະນາແບບຍືນຍົງ ແລະ ຍົກສູງຄວາມສາມາດໃນການແຂ່ງຂັນ, ຫ້ອງການ-ການຄ້າ ແລະ ອຸດສາຫະກໍາ ຫວຽດນາມ (VCCI) ແລະ ທະນາຄານໂລກ(WB).
ພາຍໃຕ້ຫົວຂໍ້ " ຍົກສູງຄວາມສາມາດໃນການແຂ່ງຂັນ, ຈັດຕັ້ງປະຕິບັດເປົ້າຫມາຍ ການພັດທະນາແບບຍືນຍົງ ໃນຍຸກສະໄໝ ການປະຕິວັດ ອຸດສາຫະກໍາ 4.0" , ກອງປະຊຸມຄາດວ່າຈະມີຜູ້ຕາງຫນ້າ ບັນດາກະຊວງ, ທະບວງ, ຂະແໜງການ ບັນດາອົງການສາກົນ, ບັນດາເອກອັກຄະລັດຖະທູດ, ຊ່ຽວຊານ, ນັກຄົ້ນຄວ້າ ສາຂາດັ່ງກ່າວນີ້ ແລະ ບັນດານັກທຸລະກິດຈຳນວນຫຼາຍ ເຂົ້າຮ່ວມ ປະມານ 600 ຄົນ.
ບັນດາຂໍ້ສະເໜີ ຈາກກອງປະຊຸມຈະປະກອບສ່ວນ ໃນການສົ່ງເສີມການຈັດຕັ້ງປະຕິບັດ ແຜນການ ຂອງລັດຖະບານ ແລະ ພາກເອກະຊົນ ເພື່ອຍົກສູງ ປະສິດທິພາບ ການຜະລິດ ແລະ ການແຂ່ງຂັນ ໃຫ້ແກ່ການພັດທະນາແບບຍືນຍົງ ໃນຍຸກດິຈິຕັ້ນ.
ກອງປະຊຸມກໍ່ຈະປຶກສາຫາລື ແລະ ເຜີຍແຜ່ຂໍ້ມູນທີ່ອັບເດດທັນການກ່ຽວກັບທ່າອ່ຽງ, ແຜນການ, ແຜນງານ ແລະ ແນວຄວາມຄິດປະດິດສ້າງອັນພົ້ນເດັ່ນຂອງລັດຖະບານ ຫວຽດນາມ, ບັນດາກະຊວງ, ທ້ອງຖິ່ນ ແລະ ອົງການຈັດຕັ້ງສາກົນ ກໍາລັງດໍາເນີນການ ປັບປຸງສະພາບແວດລ້ອມຂອງການດຳເນີນທຸລະກິດ, ຍົກສູງຄວາມສາມາດໃນການແຂ່ງຂັນຂອງປະເທດ ກ້າວໄປສູ່ ເປົ້າຫມາຍ ແຫ່ງການພັດທະນາແບບຍືນຍົງ.
ບັນດາຜູ້ແທນທີ່ເຂົ້າຮ່ວມຈະອັບເດດ ແລະ ແລກປ່ຽນຂໍ້ມູນຂ່າວສານ, ຄວາມຮູ້ ປະສົບການ ກ່ຽວກັບ ການພັດທະນາ ແບບຍືນຍົງ, ກໍ່ຄືບັນດາແນວຄວາມຄິດປະດິດສ້າງ ແລະ ການດຳເນີນທຸລະກິດທີ່ຍືນຍົງ; ບັນດາມາດຕະການ ເພື່ອສົ່ງເສີມ ແລະ ເພີ່ມທະວີການພົວພັນຮ່ວມມື ລະຫວ່າງ ລັດຖະບານ, ວິສາຫະກິດ ແລະ ອົງການຈັດຕັ້ງສັງຄົມ ກ້າວໄປສູ່ການປະຕິບັດບັນບຸໄດ້ຜົນສະເລັດ ຂອງເປົ້າຫມາຍ ການພັດທະນາແບບຍືນຍົງ ຢູ່ ຫວຽດນາມ.
ໃນກອງປະຊຸມໃນຕອນບ່າຍ, ກອງປະຊຸມຈະໄດ້ຮັບຟັງບົດລາຍງານ ກ່ຽວກັບການປັບປຸງສະພາບແວດລ້ອມການດຳເນີນທຸລະກິດ, ຍົກສູງຄວາມສາມາດໃນການແຂ່ງຂັນ ສະໄໝການປະຕິວັດອຸດສາຫະກໍາ 4.0 ຂອງ ກະຊວງແຜນການ ແລະ ການລົງທຶນ; ບົດລາຍງານ ກ່ຽວກັບການປະຕິຮູບເສດຖະກິດ ແລະ ອະນາຄົດຂອງ ວຽກເຮັດງານທຳ ຢູ່ ຫວຽດນາມ ຂອງ ທະນາຄານໂລກ(WB); ລາຍງານກ່ຽວກັບການຮ່ວມມື ພາກລັດ-ເອກະຊົນ ເພື່ອປັບປຸງສະພາບແວດລ້ອມຂອງການດຳເນີນທຸລະກິດ, ຍົກສູງຄວາມສາມາດໃນການແຂ່ງຂັນ ຂອງ VCCI; ລາຍງານ ກ່ຽວກັບ ແນວຄິດປະດິດສ້າງໃໝ່ ແລະ ການປະຕິວັດອຸດສາຫະກໍາ 4.0 ໂດຍ ກະຊວງ ວິທະຍາສາດ ແລະ ເຕັກໂນໂລຊີ; ລາຍງານກ່ຽວກັບບົດຮຽນ ສ້າງນະຄອນອັດສະລິຍະ ຂອງ ນະຄອນ ໂຮ່ຈີ໋ມິງ…
ໃນປີ 2015, ຫວຽດນາມ, ຮ່ວມກັບບັນດາປະເທດ ສະມາຊິກ ສະຫະປະຊາຊາດ ອີກ 192 ປະເທດ, ໄດ້ຮັບຮອງເອົາ 17 ເປົ້າໝາຍ ພັດທະນາແບບຍືນຍົງ (SDGs) ແມ່ນແກນກາງຂອງແຜນແມ່ບົດ 2030.
ເພື່ອບັນລຸໄດ້ 17 ເປົ້າໝາຍ ຂອງ SDG ນີ້, ເດືອນ ພຶດສະພາ 2017, ນາຍົກລັດຖະມົນຕີ ໄດ້ເຊັນຂໍ້ຕົກລົງ ອະນຸມັດ ແຜນການປະຕິບັດງານ ແຫ່ງຊາດ ຈັດຕັ້ງປະຕິບັດແຜນແມ່ບົດ 2030 ກ່ຽວກັບການພັດທະນາແບບຍືນຍົງ .
（ຫັດທະບູນ）
