 |
ຮອງປະທານສະພາແຫ່ງຊາດ ອວງຈູລິວ ພົບປະ ບັນດານ້ອງເຍົາວະຊົນຜູ້ດີເດັ່ນແຂວງບັກກ້ານ.
ຕ່າງໜ້າໃຫ້ຄະນະທີ່ມີຜົນງານດີເດັ່ນ ທັງ 84 ຄົນເຂົ້າຮ່ວມງານສະເຫຼີມສະຫຼອງ“ເຍົາວະຊົນ ບັກກ້ານ ຈັດຕັ້ງປະຕິບັດຕາມຄຳສອນຂອງລຸງ” ສົກປີ 2017-2018, ນ້ອງ ຫງວ໋ຽນມາຍເຟືອງ ໄດ້ຂື້ນລາຍງານຜົນການຮ່ຳຮຽນ, ຝຶກຝົນຫຼໍ່ຫຼອມ, ເຂົ້າຮ່ວມການເຄື່ອນໄຫວ ຂອງກອງເຍົາວະຊົນ ກ້າວໜ້າ ໂຮ່ຈີ໋ມິງ. ແຕ່ປີ 2016 ມາຮອດປະຈຸບັນ, ເຍົາວະຊົນ ແຂວງບັກກ້ານ ໄດ້ຜ່ານການຮຽນຫຼາຍກ່ວາ 6,50ແສນ ຊົ່ວໂມງຮຽນດີ, ຫຼາຍກວ່າ 16ພັນ ອາທິດຮຽນດີ ແລະ ເກືອບ 6ພັນ ຜູ້ທີ່ໄດ້ຮັບຄະແນນ 9,ຄະແນນ10.
ປາໄສທີ່ກອງປະຊຸມພົບປະ ຮອງປະທານສະພາແຫ່ງຊາດ ອວງຈູລິວ ໄດ້ສັນລະເສີນ ແລະ ຍິນດີ ຕໍ່ຜົນການຮຽນທີ່ດີ, ຜົນສຳເລັດ ທີ່ນ້ອງເຍົາວະຊົນ ແຂວງບັກກ້ານ ເຮັດໄດ້ໃນຊຸມປີທີ່ຜ່ານມາ. ບັກກ້ານເປັນແຂວງພູດອຍ ຍັງມີຄວາມທຸກຍາກ ແຕ່ຜ່ານຜົນງານທີ່ເຮັດໄດ້ດັ່ງກ່າວ ສະແດງໃຫ້ເຫັນເຖິງຄວາມພະຍາຍາມບຸກບືນຜ່ານຜ່າຄວາມລຳບາກ, ແຂ່ງຂັນຮ່ຳຮຽນຝຶກຝົນຫຼໍ່ຫຼອມຢ່າງຕັ້ງໜ້າຂອງເຍົາວະຊົນ, ຄວາມເອົາໃຈໃສ່ຂອງທຸກໆຂະແໜງການຂັ້ນແຂວງ.
 |
ຮອງປະທານສະພາແຫ່ງຊາດ ອວງຈູລິວ ຖ່າຍຮູບເປັນທີ່ລະລືກກັບນ້ອງນ້ອຍເຍົາວະຊົນ ບັກກ້ານ.
ຮອງປະທານສະພາແຫ່ງຊາດຍັງໄດ້ສະເໜີໃຫ້ ຄະນະພັກແຂວງ, ອຳນາດການປົກຄອງ, ຂະແໜງການຕ່າງໆທີ່ກ່ຽວຂ້ອງ ແຂວງບັກກ້ານ ພໍ່ແມ່ຜູ້ປົກຄອງ, ພະນັກງານຄູອາຈານ ຍົກສູງຈິດໃຈຮັບຜິດຊອບ, ປະສານສົມທົບເອົາໃຈໃສ່, ລົງທືນໃຫ້ຫຼາຍຂື້ນໃນວຽກງານການປ້ອງກັນ, ເອົາໃຈໃສ່, ສືກສາອົບຮົມນ້ອງນ້ອຍ ໂດຍສະເພາະແມ່ນນ້ອງນ້ອຍທີ່ມີສະພາບຄອບຄົວທຸກຍາກລຳບາກ, ນ້ອງນ້ອຍຢູ່ເຂດຫ່າງໄກສອກຫຼີກ; ເອົາໃຈໃສ່ລົງທືນໃສ່ພື້ນຖານໂຄງລ່າງ, ໂຮງຮຽນ, ສະຖານທີ່ຫຼິ້ນ,… ຍູ້ຖອຍປະກົດການຫຍໍ້ຖໍ້ຕໍ່ນ້ອງນ້ອຍເຍົາວະຊົນ.
（ຫັດທະບູນ）
