- ປີ 2024, ວຽກງານກ່ຽວກັບຊາວຫວຽດນາມ ຢູ່ຕ່າງປະເທດບັນລຸໄດ້ໝາກຜົນອັນໃດແດ່, ຂໍຮຽນທ່ານ?
ໃນປີ 2024, ພວກຂ້າພະເຈົ້າເອົາໃຈໃສ່ເຖິງ 2 ບາດກ້າວບຸກທະລຸໃຫຍ່ຄື: ວຽກງານມະຫາສາມັກຄີຊາດ ແລະ ເສີມຂະຫຍາຍແຫຼ່ງກຳລັງຊາວຫວຽດນາມ ອາໄສຢູ່ຕ່າງປະເທດ. ນອກນີ້, ພວກຂ້າພະເຈົ້າຍັງໄດ້ຜັນຂະຫຍາຍ 7 ໜ້າທີ່ຈຸດສຸມໃນຂົງເຂດຕ່າງໆ. ສາມາດຢືນຢັນໄດ້ວ່າ ພວກຂ້າພະເຈົ້າໄດ້ປະຕິບັດສໍາເລັດຢ່າງຈົບງາມ, ພ້ອມກັນນັ້ນກໍ່ລື່ນກາຍບັນດາເປົ້າຫມາຍທີ່ວາງອອກ.
 |
| ທ່ານ ຫງວຽນແມ້ງດົງ, ຮອງປະທານຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ. |
ກ່ຽວກັບວຽກງານມະຫາສາມັກຄີຊາດ, ຫຼາຍການເຄື່ອນໄຫວໄດ້ຮັບການປະຕິບັດ, ໃນນັ້ນໂດດເດັ່ນ ແມ່ນກອງປະຊຸມຊາວຫວຽດນາມຢູ່ຕ່າງປະເທດໃນທົ່ວໂລກຄັ້ງທີ 4. ນີ້ແມ່ນກາລະໂອກາດເພື່ອເພີ່ມທະວີການພົວພັນລະຫວ່າງບັນດາຊາວຫວຽດນາມ ອາໄສຢູ່ຕ່າງປະເທດໃນທົ່ວໂລກ, ຢູ່ແຕ່ລະພາກພື້ນ ກໍ່ຄືລະຫວ່າງຊາວຫວຽດນາມ ອາໄສຢູ່ຕ່າງປະເທດກັບປະຊາຊົນ, ອົງການຈັດຕັ້ງພາຍໃນປະເທດ. ນອກນັ້ນ, ພວກຂ້າພະເຈົ້າຍັງໄດ້ຈັດຕັ້ງເວທີປາໄສປັນຍາຊົນ ແລະ ນັກຊ່ຽວຊານຫວຽດນາມ ຢູ່ຕ່າງປະເທດປີ 2024, ໄດ້ດຶງດູດບັນດາຂໍ້ລິເລີ່ມຢ່າງແທດຈິງ ແລະ ການປະກອບສ່ວນສຳຄັນຫຼາຍຢ່າງ.
ໃນຂົງເຂດພັດທະນາຊັບພະຍາກອນ, ພວກຂ້າພະເຈົ້າຍູ້ແຮງການເຄື່ອນໄຫວເຊື່ອມຕໍ່, ໜູນຊ່ວຍການສົ່ງເສີມການຄ້າທັງພາຍໃນ ແລະ ຕ່າງປະເທດຄື: ຈັດຕັ້ງກອງປະຊຸມສົ່ງເສີມການຄ້າຂອງສະມາຄົມວິສາຫະກິດ ຫວຽດນາມ ຢູ່ ການາດາ ກັບບັນດາວິສາຫະກິດ, ທ້ອງຖິ່ນພາຍໃນປະເທດ; ຊຸກຍູ້ບົດບາດຂອງສະມາຄົມນັກທຸລະກິດຫວຽດນາມຢູ່ຕ່າງປະເທດ (BAOOV); ສືບຕໍ່ຮຽກຮ້ອງໃຫ້ບັນດາວິສາຫະກິດ, ນັກລົງທຶນຫວຽດນາມ ຢູ່ຕ່າງປະເທດ ເພີ່ມທະວີການໂຄສະນາ, ນຳບັນດາຜະລິດຕະພັນ, ສິນຄ້າ ຫວຽດນາມ ໄປຍັງທ້ອງຕະຫຼາດຕ່າງປະເທດ...
ພິເສດ, ຄະນະກຳມະການໄດ້ມີສຽງເວົ້າຢ່າງຕັ້ງໜ້າກັບບັນດາອົງການທີ່ມີໜ້າທີ່ໃນການສ້າງກົດໝາຍກ່ຽວກັບຊາວຫວຽດນາມຢູ່ຕ່າງປະເທດ. ແບບຢ່າງແມ່ນລະບຽບການກ່ຽວກັບທີ່ດິນ, ທີ່ພັກອາໄສ ແລະ ບັດປະຈຳຕົວພົນລະເມືອງ, ເປີດກ້ວາງສິດ ແລະ ສ້າງເງື່ອນໄຂໃຫ້ປະຊາຊົນເຊື່ອມຕໍ່ກັບບ້ານເກີດເມືອງນອນຫຼາຍຂຶ້ນ.
ພວກຂ້າພະເຈົ້າສືບຕໍ່ຍຸ້ແຮງຂະບວນການສິດສອນ ແລະ ຮຽນພາສາຫວຽດນາມ ເພື່ອຮັກສາພາສາ ແລະ ວັດທະນະທຳຂອງຊາດໃຫ້ແກ່ລຸ້ນໜຸ່ມຊາວຫວຽດນາມ ຢູ່ຕ່າງປະເທດ. ນີ້ແມ່ນການເຄື່ອນໄຫວທີ່ໄດ້ຮັບຄວາມສົນໃຈ ແລະ ຕອບສະໜອງຢ່າງກວ້າງຂວາງຈາກປະຊາຄົມຊາວຫວຽດນາມ ໃນທົ່ວໂລກ.
ຄຽງຄູ່ກັນນັ້ນ, ໃນສະພາບການທີ່ຫຍຸ້ງຍາກ, ເປັນຕົ້ນແມ່ນໄພພິບັດທຳມະຊາດທີ່ຜ່ານມາ, ວຽກງານຊ່ວຍເຫຼືອຊຸມຊົນກໍ່ໄດ້ປະຕິບັດຢ່າງທັນການ ແລະ ມີປະສິດທິຜົນ. ຕົວຢ່າງ, ທັນທີຫຼັງຈາກໄຟໄຫມ້ຕະຫຼາດຢູ່ ໂປແລນ ຫຼື ແຜ່ນດິນໄຫວຢູ່ຍີ່ປຸ່ນ, ພວກຂາ້ພະເຈົ້າໄດ້ຢື້ຢາມຖາມຂ່າວຢ່າງໄວວາ, ປຸກລະດົມບັນດາຂະບວນການສະຫນັບສະຫນູນ, ໜູນຊ່ວຍປະຊາຊົນ ເພື່ອແກ້ໄຂຜົນທີ່ຕາມມາ. ພິເສດ, ຈິດໃຈສາມັກຄີຂອງປະຊາຄົມຫວຽດນາມ ໄດ້ສະແດງໃຫ້ເຫັນຢ່າງຈະແຈ້ງເມື່ອຊາວຫວຽດນາມຢູ່ຕ່າງປະເທດຮ່ວມມືຊ່ວຍເຫຼືອເຊິ່ງກັນ ແລະ ກັນ, ສ້າງເປັນການພົວພັນຢ່າງເຂັ້ມແຂງ ແລະ ອົບອຸ່ນ.
 |
| ທ່ານ ຫງວຽນແມ້ງດົງ ໄດ້ຂຽນປຶ້ມທີ່ລະນຶກຢູ່ອະນຸສອນສະຖານປະທານໂຮ່ຈີມິນ ຢູ່ Nakhon Phanom (ປະເທດໄທ). |
- ຂໍຮຽນທ່ານ, ທ່ານສາມາດໃຫ້ຮູ້ບັນດາການປະກອບສ່ວນອັນພົ້ນເດັ່ນຂອງຊາວຫວຽດນາມ ອາໄສຢູ່ຕ່າງປະເທດຕໍ່ປະເທດໃນປີທີ່ຜ່ານມາໄດ້ບໍ?
ໃນປີ 2024, ປະຊາຄົມຊາວຫວຽດນາມ ອາໄສຢູ່ຕ່າງປະເທດຈສືບຕໍ່ເສີມຂະຫຍາຍບົດບາດ ແລະ ການປະກອບສ່ວນສຳຄັນເຂົ້າໃນການພັດທະນາຂອງບ້ານເກີດເມືອງນອນ. ເຖິງວ່າຍັງບໍ່ທັນມີຕົວເລກຢ່າງເປັນທາງການເທື່ອ, ແຕ່ພວກຂ້າພະເຈົ້າຕັ້ງຫວັງວ່າ ການນຳເງິນຕາຕ່າງປະເທດກັບເມືອບ້ານເກີດປີນີ້ຈະສືບຕໍ່ເພີ່ມຂຶ້ນ, ດັ່ງນັ້ນຈຶ່ງກາຍເປັນແຫຼ່ງຊັບພະຍາກອນສຳຄັນ ເພື່ອຊຸກຍູ້ການພັດທະນາເສດຖະກິດ-ສັງຄົມ, ການລົງທຶນ ແລະ ຮັບປະກັນຊີວິດສັງຄົມພາຍໃນປະເທດໃຫ້ເປັນປົກກະຕິ.
ປີກາຍນີ້, ເມື່ອເກີດໄພທຳມະຊາດ ແລະ ໄພນ້ຳຖ້ວມຢູ່ພາຍໃນ ແລະ ຕ່າງປະເທດ, ປະຊາຄົມຊາວ ຫວຽດນາມ ໄດ້ໜູນຊ່ວຍເຊິ່ງກັນ ແລະ ກັນໂດຍໄວ. ຕົວຢ່າງຄືເມື່ອເກີດພາຍຸໃນຫວ່າງມໍ່ໆມານີ້, ປະຊາຊົນໄດ້ບໍລິຈາກເງິນເກືອບ 60 ຕື້ດົ່ງໃນເວລາສັ້ນເພື່ອໜູນຊ່ວຍການຟື້ນຟູ. ເຖິງວ່າໃນເວລານັ້ນ, ໄພທຳມະຊາດ ແລະ ໄພນໍ້າຖ້ວມຍັງເກີດຂຶ້ນຢູ່ປະເທດສາທາລະນະລັດເຊັກ, ໂປໂລຍ, ສະເປນ, ໄທ, ລາວ ແລະ ອື່ນໆ, ແຕ່ປະຊາຊົນບໍ່ພຽງແຕ່ຫັນໄປສູາບ້ານເກີດເມືອງນອນເທົ່ານັ້ນ, ແຕ່ຍັງໄດ້ໜູນຊ່ວຍພີ່ນ້ອງຮ່ວມຊາດໃນເຂດປະສົບໄພອີກດ້ວຍ.
ບໍ່ພຽງແຕ່ເທົ່ານັ້ນ, ເມື່ອເກີດເຫດການໄຟໄໝ້ຕະຫຼາດໃນປະເທດໂປໂລຍ ຫຼື ແຜ່ນດິນໄຫວຢູ່ ຍີ່ປຸ່ນ, ປະຊາຄົມຊາວ ຫວຽດນາມ ຢູ່ແຕ່ລະທ້ອງຖິ່ນ ແລະ ບັນດາປະເທດບ້ານໃກ້ເຮືອນຄຽງໄດ້ສົມທົບກັນຢ່າງວ່ອງໄວເພື່ອໜູນຊ່ວຍປະຊາຊົນທີ່ປະສົບກັບຄວາມຫຍຸ້ງຍາກ. ສິ່ງດັ່ງກ່າວໄດ້ສະແດງໃຫ້ເຫັນຄວາມສາມັກຄີແບບພິເສດຂອງຊາວຫວຽດນາມ ບໍ່ພຽງແຕ່ຢູ່ບໍລິເວນດຽວກັນເທົ່ານັ້ນ ຫາກຍັງຂ້າມຊາຍແດນອີກດ້ວຍ.
ອີກດ້ານໜຶ່ງແມ່ນການປະກອບສ່ວນດ້ານສະຕິປັນຍາຂອງຊາວຫວຽດນາມຢູ່ຕ່າງປະເທດ. ໃນບັນດາເຫດການສຳຄັນຄື: ກອງປະຊຸມໃຫຍ່ຊາວຫວຽດນາມ ອາໄສຢູ່ຕ່າງປະເທດໃນທົ່ວໂລກຄັ້ງທີ 4 ແລະ ເວທີປາໄສປັນຍາຊົນ ແລະ ນັກຊ່ຽວຊານຫວຽດນາມ ອາໄສຢູ່ຕ່າງປະເທດປີ 2024, ປະຊາຊົນໄດ້ປະກອບສ່ວນແນວຄວາມຄິດ, ຂໍ້ລິເລີ່ມປະຕິບັດຕົວຈິງຫຼາຍດ້ານ, ພິເສດໃນຂົງເຂດເຊັ່ນ: ການຫັນເປັນດິຈິຕອນ ແລະ ວິທະຍາສາດເຕັກໂນໂລຢີ. ບັນດາຄຳເຫັນດັ່ງກ່າວໄດ້ຮັບການຮັບຟັງ ແລະ ຮັບຮູ້ຢ່າງກົງໄປກົງມາຈາກບັນດາການນຳຂັ້ນສູງຂອງພັກ ແລະ ລັດ ຄື: ເລຂາທິການໃຫຍ່, ປະທານປະເທດ ແລະ ນາຍົກລັດຖະມົນຕີ.
ເມື່ອເບິ່ງຄືນ, ປະຊາຄົມຊາວຫວຽດນາມ ອາໄສຢູ່ຕ່າງປະເທດນັບມື້ນັບຢືນຢັນບົດບາດສາມັກຄີ, ມີຫົວຄິດປະດິດສ້າງ ແລະ ປາດຖະໜາຢາກປະກອບສ່ວນສ້າງສາບ້ານເກີດເມືອງນອນ. ຄວາມສາມັກຄີນີ້ບໍ່ພຽງແຕ່ແມ່ນອາລົມຈິດເທົ່ານັ້ນ, ຫາກຍັງແມ່ນແຫຼ່ງກຳລັງສຳຄັນໃນການກໍ່ສ້າງ ແລະ ປັບປຸງທີ່ຕັ້ງຂອງ ຫວຽດນາມ ໃນເວທີສາກົນ.
ປະຫວັດສາດໄດ້ພິສູດໃຫ້ເຫັນວ່າ ບໍ່ວ່າໃນສະພາບການໃດ, ຊາວຫວຽດນາມຢູ່ຕ່າງປະເທດ ກໍ່ລ້ວນແຕ່ແມ່ນພາກສ່ວນໜຶ່ງທີ່ບໍ່ອາດຂາດໄດ້ ແລະ ແມ່ນຊັບພະຍາກອນອັນລ້ຳຄ່າຂອງຊາດ. ພວກເຮົາໄດ້ປະກອບສ່ວນຢ່າງຕັ້ງໜ້າເຂົ້າໃນພາລະກິດສ້າງສາ, ປ້ອງກັນຊາດ ແລະ ພັດທະນາປະເທດຊາດ.
ປະຈຸບັນ, ປະຊາຄົມຊາວຫວຽດນາມຢູ່ຕ່າງປະເທດນັບມື້ນັບເພີ່ມຂຶ້ນຢ່າງບໍ່ຢຸດຢັ້ງດ້ວຍຈຳນວນ, ທີ່ຕັ້ງ ແລະ ກຳລັງແຮງພາຍໃນ. ເພື່ອເສີມຂະຫຍາຍຄວາມສາມາດບົ່ມຊ້ອນອັນໃຫຍ່ຫຼວງນີ້, ພວກເຮົາຕ້ອງສືບຕໍ່ເບິ່ງແຍງດູແລ ແລະ ສ້າງເງື່ອນໄຂສະດວກໃຫ້ປະຊາຊົນໃນການເຊື່ອມຕໍ່, ເສີມຂະຫຍາຍາສະຕິປັນຍາ, ກໍ່ຄືຊຸກຍູ້ບັນດາການເຄື່ອນໄຫວຮ່ວມມື, ລົງທຶນຢູ່ບ້ານເກີດເມືອງນອນ. ມີໄດ້ຄືແນວນັ້ນ ປະຊາຄົມຊາວຫວຽດນາມ ອາໄສຢູ່ຕ່າງປະເທດ ຈື່ງສາມາດປະກອບສ່ວນເຂົ້າໃນການພັດທະນາແບບຍືນຍົງ ແລະ ຍົກສູງທີ່ຕັ້ງຂອງປະເທດໃນໄລຍະໃໝ່.
 |
| ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ, ປະທານຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນາງ ເລທິທູຮັ່ງ ຕາງໜ້າໃຫ້ປະຊາຄົມຊາວຫວຽດນາມ ອາໄສຢູ່ຕ່າງປະເທດ ໄດ້ມອບເງິນໜູນຊ່ວຍພີ່ນ້ອງຮ່ວມຊາດທີ່ໄດ້ຮັບຜົນກະທົບຈາກພາຍຸເລກທີ 3. |
- ຂໍຮຽນທ່ານ, ເພື່ອເສີມຂະຫຍາຍບົດບາດຂອງຊາວຫວຽດນາມ ອາໄສຢູ່ຕ່າງປະເທດໃນຂະບວນການພັດທະນາປະເທດຊາດ ແມ່ນຕ້ອງເຮັດແນວໃດແດ່?
ພວກຂ້າພະເຈົ້າເຫັນໄດ້ບັນດາສັນຍານທີ່ດີຈາກປະຊາຊົນເມື່ອຮັບເອົາບັນດານະໂຍບາຍໃຫຍ່ຂອງພັກ ແລະ ລັດ, ໃນນັ້ນມີຄວາມມຸ່ງມາດປາດຖະໜາຢາກສ້າງສັງກາດພັດທະນາແບບຍືນຍົງ ແລະ ຄວາມເຂັ້ມແຂງແຮງກ້າຂອງປະເທດຊາດ. ປະຊາຊົນສະແດງອອກຢ່າງຈະແຈ້ງເຖິງການສະໜັບສະໜູນ, ຄວາມໄວ້ເນື້ອເຊື່ອໃຈ ແລະ ປາດຖະໜາຢາກຮ່ວມມືກໍ່ສ້າງຫວຽດນາມ ໃຫ້ເຂັ້ມແຂງ ດ້ວຍທີ່ຕັ້ງອັນໝັ້ນຄົງໃນເວທີສາກົນ. ນີ້ແມ່ນພະຍານຫຼັກຖານໃຫ້ຄວາມມຸ່ງມາດປາດຖະໜາຢາກປະກອບສ່ວນຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດ, ພ້ອມກັນນັ້ນກໍ່ແມ່ນກຳລັງຜັກດັນສຳຄັນເພື່ອໃຫ້ປະເທດຊາດບືນຕົວຂຶ້ນໃນຍຸກສະໄໝໃໝ່.
ຂໍຂອບໃຈທ່ານ!
 | ເກີນເທີ ໄດ້ຈັດຕັ້ງບຸນປີໃໝ່ 2025 ໃຫ້ຊາວຕ່າງປະເທດ ຍສໝ - ຕອນຄ່ຳວັນທີ 6 ທັນວາ, ຢູ່ນະຄອນ ເກີນເທີ ໄດ້ຈັດຕັ້ງກອງປະຊຸມສະເຫຼີມສະຫຼອງປີໃໝ່ 2025 ໃຫ້ຊາວຕ່າງປະເທດພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ນະຄອນ. |
 | ຫວຽດນາມ - ສເກົາຫຼີ ສົມທົບກັນປົກປັກຮັກສາສິດຕາມກົດໝາຍຂອງຄົນງານໄປເຮັດວຽກຢູ່ຕ່າງປະເທດ ຍສໝ - 2 ຝ່າຍຫວັງຢາກຊຸກຍູ້ການພົວພັນຢ່າງມີປະສິດທິຜົນ, ຮັກສາການແລກປ່ຽນຄະນະຜູ້ແທນຂັ້ນສູງສອງປະເທດປະຈຳປີ, ລົງເລິກການຮ່ວມມືລະຫວ່າງບັນດາຂະແໜງການ ແລະ ສະຫະພັນແຮງງານຂອງສອງປະເທດ, ສະໜັບສະໜູນເຊິ່ງກັນ ແລະ ກັນໃນການກໍ່ສ້າງການພົວພັນດ້ານແຮງງານເປັນເອກະພາບ ແລະ ປົກປັກຮັກສາສິດ ແລະ ຜົນປະໂຫຍດອັນຊອບທຳ ເຮັດວຽກຢູ່ຕ່າງປະເທດ... |
ມີງດຶກ
