 | ຈິດໃຈຜ່ານຜ່າຄວາມຫຍຸ້ງຍາກ, ປ່ຽນແປງໃໝ່ປະດິດສ້າງປະກອບສ່ວນຢັ້ງຢືນຄຸນຄ່າທະຫານລຸງໂຮ່ |
| ງານມະໂຫລານອາຫານສາກົນ 2024: ເລື່ອງລາວກ່ຽວກັບປະຫວັດສາດ ແລະຄຸນຄ່າມູມເຊື້ອຂອງບັນດາຊາດໃນທົ່ວໂລກ |
 |
| ນະຄອນ ໂຮ່ຈິມິນ ໄດ້ຮັບຂະໜານນາມວ່າ ແມ່ນນະຄອນທີ່ຂະຫຍັນຂັນເຄື່ອນ ແລະ ເຕັມໄປດ້ວຍພະລັງຊີວິດ. ພາບ: ຮວ່າງຈຽວ |
1 ໃນສະພາບການໂລກາພິວັດ ແລະ ການປະຕິວັດເຕັກໂນໂລຢີ 4.0, ການຫັນເປັນດິຈິຕອນ ແລະ ການປະຕິຮູບດ້ານການບໍລິຫານ ໄດ້ກາຍເປັນວຽກງານຂໍ້ກຸນແຈ ເພື່ອຍົກສູງປະສິດທິຜົນ, ຜົນສັກສິດຂອງການຄຸ້ມຄອງລັດ ເພື່ອຮັບໃຊ້ປະຊາຊົນ, ວິສາຫະກິດໃຫ້ນັບມື້ນັບດີຂຶ້ນ. ທ່ານ ຫວໍຫງອກກ໋ວກທ້ວນ ຜູ້ອຳນວຍການພະແນກພາຍໃນນະຄອນ ໂຮ່ຈີມິນ ໃຫ້ຮູ້ວ່າ ນະຄອນ ພວມສັບຊ້ອນກົງຈັກໃຫ້ກະທັດລັດ ເພື່ອໃຫ້ລະບົບມີການເຄື່ອນໄຫວຢ່າງມີປະສິດທິຜົນ, ຜົນສັກສິດອີກກວ່າ .
ອາດເວົ້າໄດ້ວ່າ, ການນຳເອົາມະຕິເລກທີ 98/2023/QH15 ຂອງສະພາແຫ່ງຊາດກ່ຽວກັບທົດລອງກົນໄກ, ນະໂຍບາຍສະເພາະ ເພື່ອພັດທະນານະຄອນ ໂຮ່ຈິມິນ ເຂົ້າສູ່ຊີວິດຕົວຈິງ ໄດ້ນຳມາເຊິ່ງກຳລັງແຮງໃໝ່ໃຫ້ແກ່ນະຄອນ.
ທ່ານ ເຈີ່ນເຖທ້ວນ ຫົວໜ້າພະແນກວັດທະນະທຳ ແລະ ກິລາ ໃຫ້ຮູ້ວ່າ ນະຄອນສະເໜີຮຽກຮ້ອງການລົງທຶນສຳລັບ 40 ໂຄງການ ແລະ 23 ໂຄງການ ໄດ້ຜ່ານສາລະບານການລົງທຶນຈາກສະພາປະຊາຊົນນະຄອນ, ໃນນັ້ນ ມີຫຼາຍໂຄງການຈຸດສຸມ, ມີຂອບຂະໜາດ… ບັນດາໂຄງການນີ້ ໄດ້ມີຄວາມຫວັງຈະກາຍເປັນສັນຍາລັກໃໝ່ຂອງນະຄອນ ໂຮ່ຈີມິນ ໃນອະນາຄົດ.
2 ມະຕິເລກທີ 31-NQ/TW ລົງວັນທີ 30 ທັນວາ 2022 ຂອງກົມການເມືອງກ່ຽວກັບທິດທາງ, ໜ້າທີ່ພັດທະນານະຄອນໂຮ່ຈິມິນ ຮອດປີ 2030, ວິໄສທັດຮອດປີ 2045, ໄດ້ມອບໜ້າທີ່ໃຫ້ນະຄອນຮອດປີ 2030 ກາຍເປັນນະຄອນອຸດສາຫະກຳຕາມທິດທັນສະໄໝ ແລະ ຮອດປີ 2045 ກາຍເປັນນະຄອນທີ່ມີພື້ນຖານອຸດສາຫະກຳທີ່ທັນສະໄໝ ທຽບໃສ່ບັນດານະຄອນໃຫຍ່ໃນພາກພື້ນ ແລະ ກ້າວໄປເຖິງລະດັບທະວີບ.
ເພື່ອບັນລຸໄດ້ໜ້າທີ່, ເປົ້າໝາຍຍຸດທະສາດທີ່ໄດ້ວາງອອກ, ສະຫາຍ ຫງວຽນວັນເນນ, ກຳມະການກົມການເມືອງ, ເລຂາຄະນະພັກນະຄອນ ໂຮ່ຈີມິນ ໃຫ້ຮູ້ວ່າ ໃນໄລຍະປະຈຸບັນ, ພ້ອມກັບບັນດາວິທີການແກ້ໄຂເພື່ອພັດທະນາແບບຍືນຍົງ, ນະຄອນເລືອກການຫັນເປັນສີຂຽວຮອບດ້ານເປັນໜ້າທີ່ຈຸດສຸມ, ການຫັນເປັນອຸດສາຫະກຳເປັນກຳລັງຜັກດັນ, ການຫັນເປັນດິຈິຕອນເປັນໜ້າທີ່ບຸກທະລຸ ແລະ ການຮ່ວມມືພັດທະນາເປັນໜ້າທີ່ທີ່ສຳຄັນ ແລະ ຈຳເປັນ.
 |
| ຖະໜົນດອກໄມ້ລະດູບານໃໝ່ ຟູໝີຮຶງ, ນະຄອນ ໂຮ່ຈີມິນ. ພາບ: ເຍີດທິ້ງ |
ໃນ 5 ປີຜ່ານມາ, ເສດຖະກິດຂອງນະຄອນສືບຕໍ່ພັດທະນາຢ່າງເປັນປົກກະຕິ, ມີບົດບາດເປັນໃຈກາງຫຼາຍດ້ານຂອງເຂດ ແລະ ຂອງປະເທດຊາດ; ເປັນສູນກາງເສດຖະກິດ, ການເງິນ, ການຄ້າ, ວິທະຍາສາດ - ເຕັກໂນໂລຊີ, ນະວັດຕະກຳຂອງເຂດ ແລະ ທົ່ວປະເທດ. ເຖິງຢ່າງໃດກໍຕາມ, ນອກຈາກບັນດາຜົນງານທີ່ບັນລຸໄດ້ແລ້ວ, ຂົງເຂດອຸດສາຫະກຳຂອງນະຄອນກໍ່ພວມປະສົບກັບສິ່ງທ້າທາຍຫຼາຍຢ່າງ.
ເພື່ອຜ່ານຜ່າບັນດາຂໍ້ຈຳກັດ, ເວທີເສດຖະກິດນະຄອນ ໂຮ່ຈິມິນ ປີ 2024 ດ້ວຍຫົວຂໍ້ “ການຫັນເປັນອຸດສາຫະກຳ, ກຳລັງຜັກດັນໃໝ່ເພື່ອພັດທະນາແບບຍືນຍົງຂອງນະຄອນ ໂຮ່ຈິມິນ” ຢືນຢັນວ່າ ການຫັນເປັນອຸດສາຫະກຳຂອງນະຄອນຕາມທິດສະໜິດຕິດພັນພັນກັບບັນດາແຂວງ, ນະຄອນ ແລະ ທົ່ວປະເທດຢ່າງແໜ້ນແຟ້ນ.
ນະຄອນສືບຕໍ່ສຸມໃສ່ຂຸດຄົ້ນບັນດາຄວາມສາມາດບົ່ມຊ້ອນ, ທ່າໄດ້ປຽບຂອງຕົນໃນການພັດທະນາອຸດສາຫະກຳດ້ວຍບົດບາດເປັນສູນກາງວິທະຍາສາດ, ເຕັກໂນໂລຊີ ແລະ ນະວັດຕະກຳຂອງທົ່ວປະເທດ, ຂຸດຄົ້ນແຫຼ່ງກຳລັງທີ່ດິນຢ່າງມີປະສິດທິຜົນ, ແຫຼ່ງຊັບພະຍາກອນມະນຸດມີລະດັບສູງ, ໝູນໃຊ້ບັນດາໝາກຜົນຂອງການປະຕິວັດອຸດສາຫະກຳຄັ້ງທີ 4 ເພື່ອຍົກສູງປະສິດທິພາບ, ຄຸນນະພາບ, ປະສິດທິຜົນບັນດາຂະແຫນງ, ຜະລິດຕະພັນອຸດສາຫະກໍາ.
3 ວັນທີ 17 ສິງຫາ 2024, ນະຄອນ ໂຮ່ຈິມິນ ໄດ້ເປັນກຽດຕ້ອນຮັບທ່ານ ເລຂາທິການໃຫຍ່ ໂຕ່ເລີມ ມາຢ້ຽມຢາມ ແລະ ເຮັດວຽກ. ໃນການຢ້ຽມຢາມຄັ້ງນີ້, ທ່ານ ເລຂາທິການໃຫຍ່ ໄດ້ຝາກຝັງ ແລະ ເຊື່ອໝັ້ນຕໍ່ການບືນຕົວຂຶ້ນຂອງນະຄອນໃນໄລຍະຈະມາເຖິງ. ທ່ານເລຂາທິການໃຫຍ່ ໂຕ່ເລີມ ຢືນຢັນວ່າ ອະນາຄົດຂອງນະຄອນທີ່ມີຊື່ລຸງໂຮ່ ຕ້ອງເປັນນະຄອນທົ່ວໂລກ, ພັດທະນາຕາມທິດເປັນຕົວເມືອງສະຫຼາດ, ທັນສະໄໝ, ເຊື່ອມໂຍງ ແລະ ຍືນຍົງ, ສັງຄົມສະໜິດສະໜົມ, ເປີດກວ້າງ, ສີວິໄລ, ລວມຍອດບັນດາຄຸນຄ່າທີ່ກ້າວໜ້າຂອງບັນດາປະເທດໃນໂລກ.
ຄະນະບໍລິຫານງານອົງຄະນະພັກນະຄອນ ໂຮ່ຈີມິນ ພ້ອມກັບທົ່ວລະບົບການເມືອງຕ້ອງໄດ້ຮັບຮູ້ຢ່າງເລິກເຊິ່ງກ່ຽວກັບບົດບາດ, ທີ່ຕັ້ງຂອງນະຄອນໃນທົ່ວປະເທດ, ຈາກນັ້ນ ກໍ່ຕ້ອງມີຄວາມສາມັກຄີ, ເປັນເອກະພາບສູງ, ມີຄວາມຕັດສິນໃຈທາງດ້ານການເມືອງ, ຂະຫຍັນຂັນເຄື່ອນ, ມີຫົວຄິດປະດິດສ້າງກວ່າອີກ, ເປັນເຈົ້າການກຳໄດ້ກາລະໂອກາດ ແລະ ຜ່ານຜ່າບັນດາ ສິ່ງທ້າທາຍ.
ດ້ວຍປະຫວັດສາດອັນອຸດົມສົມບູນ ແລະ ມູນເຊື້ອປະຕິວັດອັນສະຫງ່າລາສີ, ນະຄອນ ໂຮ່ຈີມິນ ຍາມໃດກໍ່ຮູ້ວິທີການຜ່ານຜ່າຄວາມຫຍຸ້ງຍາກດ້ວຍກຳລັງໄວໜຸ່ມ, ຄວາມຂະຫຍັນຂັນເຄື່ອນ ແລະ ຄວາມຄິດປະດິດສ້າງຂອງຕົນ. ການເສີມຂະຫຍາຍບັນດາມູນເຊື້ອອັນດີງາມນັ້ນ ພ້ອມກັບການໜູນຊ່ວຍ, ເພີ່ມພູນຄູນສ້າງສູນກາງ, ບັນດາກະຊວງ, ຂະແໜງການ ແລະ ປະຊາຊົນໃນທົ່ວປະເທດ, ເຊື່ອໝັ້ນວ່າ ນະຄອນ ໂຮ່ຈີມິນ ຈະຮຸ່ງເຮືອງເຫຼືອງເຫຼື້ອມດ້ວຍນາມມະຍົດທອງຄຳ ຈະມີການພັດທະນາຢ່າງເຂັ້ມແຂງ, ໝັ້ນແກ່ນ, ສືບຕໍ່ສ້າງບັນດາລະດູບານໃໝ່.
 | ເຜີຍແພ່ບັນດາຄຸນຄ່າວັດທະນະທຳຂອງ ຫວຽດນາມ ເຖິງເພື່ອນມິດສາກົນ ແລະ ຊາວ ບຣາຊິນ ຍສໝ - ເຂົ້າຮ່ວມງານຕະຫຼາດນັດວັດທະນະທຳ ແລະ ອາຫານສາກົນ, ສະຖານທູດ ຫວຽດນາມ ປະຈຳ ບຣາຊິນ ທັງເຄື່ອນໄຫວການກຸສົນ, ທັງສົມທົບເຜີຍແພ່ຮູບພາບຂອງປະເທດຊາດ. |
 | ເຜີຍແຜ່ບັນດາຄຸນຄ່າວັດທະນະທຳ, ສິລະປະຫວຽດນາມ ຢູ່ ເຊນປີເຕີເບີກ (ສະຫະພັນລັດເຊຍ) ຍສໝ - ເຂົ້າຮ່ວມລາຍການ, ຝ່າຍຫວຽດນາມ ໂດຍມີທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນວັນຮຸ່ງ; ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສາທາລະນະລັດສັງຄົມນິຍົມຫວຽດນາມ ປະຈຳສະຫະພັນລັດເຊຍ ດັ້ງມິງຄອຍ. ຝ່າຍສະຫະພັນລັດເຊຍ, ມີທ່ານ ໂບນຕີນ ຟີດໍ (Boltin Fedor) ປະທານຄະນະກຳມະການວັດທະນະທຳນະຄອນເຊນປີເຕີເບີກ (St.Petersburg). ທ່ານ ການກາໂນບ ວີຢາກຈິລາບ (Kalganov ... |
ແທັງຮັ່ງ
