ຂີດໝາຍໃໝ່ໃນການພົວພັນຫວຽດນາມ-ສະຫະພັນລັດເຊຍ

	ລາວ - ສະຫະພັນລັດເຊຍ ເຫັນດີເປັນເອກະພາບເພີ່ມທະວີການຮ່ວມມືສອງຝ່າຍກ່ຽວກັບດ້ານການຄ້າ ແລະ ການລົງທຶນ
	ຊຸກຍູ້ການຮ່ວມມືຫຼາຍດ້ານລະຫວ່າງຫວຽດນາມ ແລະ ສະຫະພັນລັດເຊຍ

ວັນທີ 12 ມັງກອນ, ກ່ອນການຢ້ຽມຢາມຫວຽດນາມຢ່າງເປັນທາງການຂອງທ່ານ Mikhail Vladimirovich Mishustin ນາຍົກລັດຖະມົນຕີສະຫະພັນລັດເຊຍ ໃນລະຫວ່າງວັນທີ 14- 15 ມັງກອນ, ທ່ານ G.S.Bezdetko ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງສະຫະພັນລັດເຊຍ ປະຈໍາຫວຽດນາມ ໄດ້ຕີລາຄາການຢ້ຽມຢາມ ແລະການພົວພັນຫວຽດນາມ - ລັດເຊຍ.

ເອກະສານຫຼາຍສະບັບ ຈະໄດ້ຮັບການລົງນາມ

ທ່ານເອກອັກຄະລັດຖະທູດ ໃຫ້ຮູ້ວ່າ ໃນຂອບເຂດການຢ້ຽມຢາມ, ທ່ານ Mikhail Vladimirovich Mishustin ຈະມີການພົບປະ ແລະເຈລະຈາກັບບັນດາການນຳຫວຽດນາມ.

2 ຝ່າຍຈະປຶກສາຫາລືບັນດາບັນຫາຮີບດ່ວນຂອງການຮ່ວມມືຫວຽດນາມ - ລັດເຊຍ ໃນຂົງເຂດການຄ້າ, ເສດຖະກິດ, ວັດທະນະທຳ ແລະມະນຸດສະທຳ. 2 ຝ່າຍເອົາໃຈໃສ່ເປັນພິເສດເຖິງການຜັນຂະຫຍາຍບັນດາໂຄງການຮ່ວມມືໃນຂົງເຂດພະລັງງານ, ຄົມມະນາຄົມຂົນສົ່ງ, ອຸດສາຫະກຳ, ກະສິກຳ ແລະຂົງເຂດອື່ນໆ. ພາຍຫຼັງການເຈລະຈາ, ຄາດວ່າຈະໄດ້ລົງນາມໃນເອກະສານລວມຫຼາຍສະບັບ.

ທ່ານ G.S. Bezdetko ເອກອັກຄະລັດຖະທູດສະຫະພັນລັດເຊຍ ປະຈຳ ຫວຽດນາມ. ພາບ: ຈີ

ທ່ານ G.S.Bezdetko ກ່າວວ່າ “ການຢ້ຽມຢາມຫວຽດນາມ ຂອງການນຳແຖວໜ້າຂອງສະຫະພັນລັດເຊຍ ກ່ອນທີ່ດໍາເນີນເຫດການສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ໂຊວຽດ-ສະຫະພັນລັດເຊຍ ແລະຫວຽດນາມ (30-1-1950 / 30-1-2025) ເປັນເຫດການມີລັກສະນະສັນຍາລັກ,”.

ຕາມທ່ານເອກອັກຄະລັດຖະທູດ, ປີນີ້ກໍ່ແມ່ນປີທີ່ມີຫຼາຍຂີດໝາຍສະເຫຼີມສະຫຼອງວັນສຳຄັນ ແລະໜ້າຈົດຈຳໃນປະຫວັດສາດການພົວພັນລະຫວ່າງສອງປະເທດ, ຄື: ສະເຫຼີມສະຫຼອງ 80 ປີແຫ່ງໄຊຊະນະໃນສົງຄາມປົກປັກຮັກສາປະເທດຊາດອັນຍິ່ງໃຫຍ່ (ວັນທີ 9 ພຶດສະພາ 2025), ສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້ ແລະທ້ອນໂຮມປະເທດຊາດເປັນເອກະພາບຂອງຫວຽດນາມ (ວັນທີ 30 ເມສາ 2025), ສະເຫຼີມສະຫຼອງ 80 ປີແຫ່ງວັນຊາດຫວຽດນາມ (ວັນທີ 2 ກັນຍາ 2025), ພ້ອມທັງສະເຫຼີມສະຫຼອງ 10 ປີແຫ່ງວັນລົງນາມໃນສັນຍາການຄ້າເສລີລະຫວ່າງສະຫະພັນເສດຖະກິດອາຊີ-ເອີລົບ ແລະຫວຽດນາມ (ວັນທີ 29 ພຶດສະພາ 2025).

ທ່ານ G.S.Bezdetko ຕີລາຄາວ່າ: ໃນໄລຍະ 75 ປີຜ່ານມາ, 2 ປະເທດໄດ້ສະສົມປະສົບການຫຼາຍທີ່ສຸດ, ໃນນັ້ນມີບັນດາປະສົບການທີ່ເປັນເອກະລັກກ່ຽວກັບການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ ແລະຫຼາຍຮູບຫຼາຍແບບ. ນັບແຕ່ປີ 2001 ເປັນຕົ້ນມາ, ການພົວພັນລະຫວ່າງລັດເຊຍ ແລະຫວຽດນາມ ໄດ້ບັນລຸໄດ້ທີ່ຕັ້ງຍຸດທະສາດ ແລະນັບແຕ່ປີ 2012 ໄດ້ຍົກລະດັບຂຶ້ນເປັນຄູ່ຮ່ວມມືຍຸດທະສາດຮອບດ້ານ. ໃນໄລຍະປະຈຸບັນ, ສອງປະເທດມີການພົວພັນຮ່ວມມືໃນຫຼາຍຂົງເຂດຕ່າງໆ, ຄື: ການຄ້າ, ເສດຖະກິດ, ວິທະຍາສາດເຕັກໂນໂລຊີ, ມະນຸດສະທຳ, ການປ້ອງກັນຊາດ-ປ້ອງກັນຄວາມສະຫງົບ.

ເພີ່ມທະວີການຮ່ວມມືສອງຝ່າຍ

ຕາມທ່ານ G.S.Bezdetko ແລ້ວ, ບັນດາປັດໄຈສຳຄັນເພື່ອສືບຕໍ່ພັດທະນາ ແລະປັບປຸງການພົວພັນລັດເຊຍ - ຫວຽດນາມ ແມ່ນການເຈລະຈາດດ້ານການເມືອງເປັນປະຈໍາ ແລະມີຄວາມໝາຍໃນລະດັບສູງສຸດ.

ກໍາລັງໜູນສຳຄັນໃນການຊຸກຍູ້ການຮ່ວມມືລະຫວ່າງສອງປະເທດແມ່ນໝາກຜົນແຫ່ງການຢ້ຽມຢາມທາງລັດຖະກິດຢູ່ຫວຽດນາມ ຂອງທ່ານ Vladimir Vladimirovich Putin ປະທານາທິບໍດີລັດເຊຍ (ແຕ່ວັນທີ 19-20 ມິຖຸນາ 2024), ການພົບປະຂອງທ່ານປະທານາທິບໍດີລັດເຊຍ ແລະທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ຢູ່ນອກກອງປະຊຸມສຸດຍອດ BRICS (ວັນທີ 24 ຕຸລາ 2024), ກໍຄື່ການຢ້ຽມຢາມ ລັດເຊຍ ຢ່າງເປັນທາງການຂອງທ່ານ ເຈີ່ນແທງເໝິນ ປະທານສະພາແຫ່ງຊາດຫວຽດນາມ (ແຕ່ວັນທີ 8-10 ກັນຍາ 2024).

ໃນເດືອນກັນຍາ 2024, ກອງປະຊຸມສະເຫຼີມສະຫຼອງ 25 ປີແຫ່ງວັນສ້າງຕັ້ງຄະນະກໍາມະການລະຫວ່າງລັດຖະບານລັດເຊຍ - ຫວຽດນາມ ກ່ຽວກັບການຮ່ວມມືດ້ານການຄ້າ, ເສດຖະກິດ, ວິທະຍາສາດ ແລະເຕັກນິກໄດ້ຈັດຂຶ້ນຢູ່ນະຄອນຫຼວງມົດສະກູ ໂດຍການເປັນປະທານຂອງທ່ານ Dmitry Nikolayevich Chernyshenko ຮອງນາຍົກລັດຖະມົນຕີສະຫະພັນລັດເຊຍ ແລະທ່ານ ເຈິ່ນຮົ່ງຮ່າ ຮອງນາຍົກລັດຖະມົນຕີລັດຖະບານຫວຽດນາມ.

ບັນດາການພົບປະໄດ້ຮັບການຈັດຕັ້ງຢ່າງຂະຫຍັນຂັນເຄື່ອນລະຫວ່າງບັນດາກະຊວງ, ຄະນະ, ຂະແໜງການທີ່ມີສິດອໍານາດໃນສະພາບການປະຕິບັດບັນດາຂໍ້ຕົກລົງບັນລຸໄດ້ລະດັບສູງສຸດໃນຂົງເຂດຜະລິອຸດສາຫະກຳ, ການຄ້າ ແລະການລົງທຶນ, ຂໍ້ມູນຂ່າວສານ ແລະສື່ມວນຊົນ, ວິທະຍາສາດ... ບັນດາການພົວພັນຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດກໍ່ໄດ້ຮັບການສ້າງຕັ້ງຂຶ້ນໂດຍຜ່ານບັນດາອົງການດໍາເນີນທຸລະກິດ.

ດ້ວຍການຜັນແປຢ່າງຕັ້ງໜ້າໃນການພົວພັນລະຫວ່າງສອງປະເທດ, ທ່ານ G.S.Bezdetko ໃຫ້ຮູ້ວ່າ, ໃນການຢ້ຽມຢາມຫວຽດນາມ ຂອງທ່ານ M.V. Mishustin ນາຍົກລັດຖະມົນຕີ ທີ່ຈະມາເຖິງນີ້, ຄາດຄະເນວ່າ 2 ຝ່າຍຈະປຶກສາຫາລືຢ່າງແທດຈິງກ່ຽວກັບແງ່ຫວັງເພີ່ມທະວີການຮ່ວມມືລະຫວ່າງ ລັດເຊຍ - ຫວຽດນາມ ໃນບັນດາຂົງເຂດທີ່ຕ່າງຝ່າຍຕ່າງມີຄວາມສົນໃຈ, ໃນນັ້ນມີບັນດາມາດຕະການເພີ່ມທະວີການຮ່ວມມືໃນຂົງເຂດການຄ້າ, ເສດຖະກິດ, ວິທະຍາສາດ, ເຕັກໂນໂລຢີ, ມະນຸດສະທໍາ.

ຄາດວ່າ, ສອງຝ່າຍຈະແລກປ່ຽນທັດສະນະກ່ຽວກັບບັນດາບັນຫາເພີ່ມທະວີການສົມທົບກັນກະທໍາຢູ່ເວທີສາກົນ, ຕົ້ນຕໍແມ່ນຢູ່ສະຫະປະຊາຊາດ ແລະຕາມບັນດາການກໍານົດຮູບຮ່າງຖືອາຊຽນ ເປັນໃຈກາງ.

ເພີ່ມກໍາລັງໜູນຕື່ມອີກ ເພື່ອເພີ່ມທະວີການຮ່ວມມືລະຫວ່າງສອງປະເທດ

ຕີລາຄາກ່ຽວກັບຄວາມສາມາດບົ່ມຊ້ອນການຮ່ວມມືລະຫວ່າງສອງປະເທດໃນໄລຍະຈະມາເຖິງ, ທ່ານ G.S.Bezdetko ຖືວ່າ 2 ປະເທດຕ້ອງສືບຕໍ່ເຮັດໃຫ້ເລິກເຊິ່ງ ແລະຫັນການພົວພັນຮ່ວມມືເປັນຫຼາຍຮູບຫຼາຍແບບກວ່າອີກ. ການພົວພັນຮ່ວມມືດັ່ງກ່າວແມ່ນອີງໃສ່ພື້ນຖານອັນໝັ້ນແກ່ນທີ່ເປັນມູນເຊື້ອ ແລະການຊ່ວຍເຫຼືອເຊິ່ງກັນ ແລະກັນທີ່ມີມາແຕ່ດົນນານ, ຕອບສະໜອງຜົນປະໂຫຍດພື້ນຖານຂອງສອງປະເທດ, ເປົ້າໝາຍຕົ້ນຕໍແມ່ນຮັບປະກັນການພັດທະນາທີ່ຈະເລີນຮຸ່ງເຮືອງ ແລະຄວາມຜາສຸກຂອງປະຊາຊົນສອງປະເທດ.

ທ່ານ G.S.Bezdetko ແບ່ງປັນວ່າ “ຂ້າພະເຈົ້າເຊື່ອໝັ້ນວ່າ ບັນດາການພົບປະ ແລະການເຈລະຈາຂອງທ່ານ M.V. Mishustin ນາຍົກລັດຖະມົນຕີລັດເຊຍ ກັບການນໍາຫວຽດນາມ ໃນການຢ້ຽມຢາມຄັ້ງນີ້ ຈະສ້າງກຳລັງໜູນ ເພື່ອເພີ່ມທະວີການຮ່ວມມືລະຫວ່າງ 2 ປະເທດໃນບັນດາຂົງເຂດດັ້ງເດີມ ກໍ່ຄືບັນດາຂົງເຂດໃໝ່ເຕັມໄປດ້ວຍແງ່ຫວັງຕາມຈິດໃຈມິດຕະພາບ, ຄວາມເຂົ້າໃຈເຊິ່ງກັນ ແລະກັນ ແລະການພົວພັນຄູ່ຮ່ວມມືຍຸດທະສາດຮອບດ້ານ”.

ຫວີງຟຸກ: ສະເຫຼີມສະຫຼອງ 70 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງຫວຽດນາມ - ສະຫະພັນລັດເຊຍ ຍສໝ - ລາຍການດັ່ງກ່າວແນໃສ່ເພີ່ມທະວີ ແລະຮັດແໜ້ນສາຍພົວພັນມິດຕະພາບ ແລະການຮ່ວມມືທີ່ດີລະຫວ່າງປະຊາຊົນສອງປະເທດເວົ້າລວມ ແລະລະຫວ່າງສະຖານທູດສະຫະພັນລັດເຊຍ ປະຈໍາ ຫວຽດນາມ, ສູນວິທະຍາສາດ ແລະວັດທະນະທຳ ລັດເຊຍ ຢູ່ ຮ່າໂນ້ຍ ແລະ ບັນດາອົງການຈັດຕັ້ງສາກົນ ຂອງ ລັດເຊຍ ກັບປະຊາຊົນແຂວງ ຫວີງຟຸກ ເວົ້າສະເພາະ.

ສະຫະພັນລັດເຊຍ ຊົມເຊີຍ ຫວຽດນາມ ທີ່ໄດ້ຈັດສົ່ງກໍາລັງເຂົ້າຮ່ວມ Army Games 2020 ເປັນຈໍານວນຫຼວງຫຼາຍ ຍສໝ - ສະຫະພັນລັດເຊຍ ຂອບໃຈ ແລະ ຕີລາຄາສູງການສະໜັບສະໜູນຂອງຫວຽດນາມ ໃນສະພາບພະຍາດໂຄວິດ-19 ພວມຜັນແປຢ່າງສັບສົນ ແຕ່ຍັງຈັດສົ່ງກໍາລັງເຂົ້າຮ່ວມເປັນຈໍານວນຫຼວງຫຼາຍ.