ໃນຊຸມປີຜ່ານມາ, ພະນັກງານ, ນັກຮົບຄ້າຍທະຫານຊາຍແດນ ເຍິມ, ທະຫານຊາຍແດນແຂວງເທື່ອທຽນເຫວ້ ຂອງຫວຽດນາມ ບໍ່ພຽງແຕ່ປະຕິບັດໜ້າທີ່ຄຸ້ມຄອງ, ປົກປັກຮັກສາອະທິປະໄຕຜືນແຜ່ນດິນ, ຄວາມສະຫງົບຢູ່ເຂດຊາຍແດນຂອງປະເທດໃຫ້ເປັນຢ່າງດີ ເທົ່ານັ້ນ ຫາກຍັງປະກອບສ່ວນປ່ຽນແປງຊີວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າຢູ່ເຂດຊາຍແດນ ອີກດ້ວຍ. ພິເສດ, ເລື່ອງລາວກ່ຽວກັບບ້ານເຊຊາບ, ເມືອງກະລຶມ, ແຂວງເຊກອງ ຂອງ ລາວ ເຊິ່ງ ເປັນບ່ອນທີ່ທະຫານຊາຍແດນ ໄດ້ພ້ອມກັບອໍານາດການປົກຄອງ ແລະປະຊາຊົນປະເທດເພື່ອນບ້ານ ກໍ່ສ້າງຊີວິດການເປັນຢູ່ປົກກະຕິ, ແມ່ນພະຍານຫຼັກຖານອັນຈະແຈ້ງໃຫ້ແກ່ນໍ້າໃຈມິດຕະພາບ ຫວຽດນາມ - ລາວ ນັບມື້ນັບໝັ້ນແກ່ນ.
ການໄປຢ້ຽມຢາມບ້ານເຊຊາບ ຂອງພວກຂ້າພະເຈົ້າ ໃນມື້ນັ້ນແມ່ນຝົນຕົກ. ຕາມທາງໄປນັ້ນ, ທ່ານ ພັນເອກ ເລຊວນແທັງ ພະນັກງານການເມືອງຄ້າຍທະຫານຊາຍແດນ ເຍິມ ໃຫ້ຮູ້ດ້ວຍຄວາມເບີກບານມ່ວນຊື່ນວ່າ “ແຕ່ກ່ອນ, ໃນຊຸມວັນຝົນຕົກ, ນໍ້າຫ້ວຍຍຶ່ງຂຶ້ນສູງ, ຫົນທາງມີແຕ່ຂີ້ຕົມ, ບໍ່ມີພາຫະນະໃດສາມາດໄປມາໄດ້. ກາງປີ 2018, ແຂວງເຊກອງ ໄດ້ລົງທຶນກໍ່ສ້າງທາງເສັ້ນນີ້, ສ່ວນພະນັກງານ, ນັກຮົບຄ້າຍທະຫານຊາຍແດນ ເຍິມ ກໍ່ໄປເປັນແຮງງານຊ່ວຍ. ເສັ້ນທາງກໍ່ສ້າງສໍາເລັດໄດ້ຊ່ວຍໃຫ້ພໍ່ແມ່ປະຊາຊົນໄປມາສະດວກກວ່າ ແລະປະກອບສ່ວນເຮັດໃຫ້ໝູ່ບ້ານຢູ່ເຂດຊາຍແດນຂອງປະເທດເພື່ອນລາວ ມີຄວາມຈະເລີນເຕີບໂຕຂຶ້ນ”.
 |
| ພະນັກງານຄ້າຍທະຫານຊາຍແດນ ເຍິມ ມອບຂອງຂວັນໃຫ້ອໍານາດການປົກຄອງ ແລະປະຊາຊົນບ້ານເຊຊາບ ຢູ່ປ້ອມຄວບຄຸມຊາຍແດນ ຮົ່ງຖ໋າຍ. ພາບ: ຫວໍ ຕ໊ຽນ |
ສ່ວນທ່ານພັນຕີ ຫງວຽນດັງດົ່ງ, ຫົວໜ້າຄ້າຍທະຫານຊາຍແດນ ເຍິມ ແບ່ງປັນຕື່ມອີກວ່າ “ ທາງກົມກອງ ໄດ້ສົມທົບ, ຈັດຕັ້ງການມອບຂອງຂວັນ, ສະບຽງອາຫານ, ທັນຍາຫານໃຫ້ອໍານາດການປົກຄອງ ແລະປະຊາຊົນບ້ານ ເຊຊາບ. ໃນໂອກາດວັນຊາດ ລາວ ທີ່ຜ່ານມາ, ທາງກົມກອງ ໄດ້ສົມທົບກັບຄະນະກໍາມະການແນວໂຮມປະເທດຊາດຫວຽດນາມ ເມືອງອາເລື້້ອຍ ມອບເຂົ້າສານ 2 ໂຕນ, ໝີ່ໄວໄວ 200 ແກັດ, ເກືອ 500 ກິໂລກຣາມ ແລະເຄື່ອງໃຊ້ທີ່ຈໍາເປັນໃຫ້ອໍານາດການປົກຄອງ ແລະປະຊາຊົນບ້ານເຊຊາບ”.
ໂດຍໄດ້ຮັບຂ່າວວ່າ ທະຫານຊາຍແດນ ມາຢາມ, ປະຊາຊົນບ້ານເຊຊາບ ໄດ້ຕ້ອນຮັບພວກຂ້າພະເຈົ້າຢູ່ຫົວບ້ານດ້ວຍຄວາມຍິ້ມແຍ້ມແຈ່ມໃສ, ຈັບມື, ໂອບກອດກັນຢ່າງອົບອຸ່ນ, ເຕັມໄປດ້ວຍຄວາມຮັກແພງ. ເມື່ອຫວນຄືນອາລົມຈິດກ່ຽວກັບການຮ່ວມເດີນທາງຂອງທະຫານຊາຍແດນ, ນາຍບ້ານບົວທອງມີນໍ້າຕາຍຶ່ງປໍ້ ຍ້ອນຕື້ນຕັນໃຈ. ທ່ານ ບອກວ່າ, ແຕ່ກ່ອນ, ປະຊາຊົນບ້ານເຊຊາບ ດໍາລົງຊີວິດດ້ວຍການປູກຝັງແບບເຄື່ອນທີ່, ການດໍາລົງຊີວິດຂອງປະຊາຊົນໃນບ້ານປະສົບຄວາມຫຍຸ້ງຍາກຫຼາຍ... ແຕ່ວ່ານັບແຕ່ປີ 2010 ມານີ້, ພ້ອມກັບການເບິ່ງແຍງດູແລຂອງອໍານາດການປົກຄອງທ້ອງຖິ່ນ ແລະການຊ່ວຍເຫຼືອຂອງຄ້າຍທະຫານຊາຍແດນ ເຍິມ, ທຸກສິ່ງທຸກຢ່າງໄດ້ປ່ຽນແປງ. ເຮືອນຖາວອນ, ໂຮງຮຽນ, ຫໍວັດທະນະທໍາ ລ້ວນແຕ່ມີການຊ່ວຍເຫຼືອກໍ່ສ້າງຂອງພະນັກງານ, ນັກຮົບຄ້າຍທະຫານຊາຍແດນ ເຍິມ. ບໍ່ພຽງແຕ່ແນວນັ້ນ, ທະຫານຊາຍແດນຫວຽດນາມ ຍັງຊ່ວຍພວກຂ້າພະເຈົ້າ ປູກຝັງ, ລ້ຽງສັດ, ພັດທະນາການຜະລິດ ສະນັ້ນ ປະຊາຊົນໃນບ້ານ ຈຶ່ງຄ່ອຍໆມີຊີວິດການເປັນຢູ່ເປັນປົກກະຕິ.
 |
ທ່ານພັນຕີ ຟ້າມຄັກເກ໊ ກວດພະຍາດໃຫ້ປະຊາຊົນບ້ານເຊຊາບ. ພາບ: ຫວໍຕ໊ຽນ |
ເຂົ້າຮ່ວມຄະນະປະຕິບັດງານຂອງຄ້າຍທະຫານຊາຍແດນ ເຍິມ ໄປຢ້ຽມຢາມບ້ານເຊຊາບ ຍັງມີທ່ານພັນຕີ ຟ້າມຄັກເກ໊, ແພດທະຫານຄ້າຍທະຫານຊາຍແດນ ເຍິມ ເຊິ່ງເປັນໜຶ່ງບັນດາພະນັກງານການແພດ ທີ່ເບິ່ງແຍງດູແລສຸຂະພາບໃຫ້ປະຊາຊົນບ້ານເຊຊາບ ໂດຍກົງ ສະນັ້ນ ເມື່ອຫາກໍ່ມາບ້ານ, ທ່ານພັນຕີ ຟ້າມຄັກເກ໊ ໄດ້ໄປກວດພະຍາດ, ແຈກຢາຍຢາຮອດເຮືອນ ປະຊາຊົນແຕ່ລະຄົນ ແລະໂຄສະນາໃຫ້ເຂົາເຈົ້າຮັກສາສຸຂະພາບ.
ພ້ອມກັບການປ່ຽນແປງດ້ານພື້ນຖານໂຄງລ່າງ, ຮັບປະກັນສຸຂະພາບໃຫ້ແກ່ປະຊາຊົນ, ດຽວນີ້ ບ້ານເຊຊາບ ໄດ້ມີໂສມໜ້າໃໝ່ ດ້ວຍ ໄຮ່ສາລີ, ໄຮ່ມັນຕົ້ນ, ໄຮ່ຜັກສະຄູ້ທີ່ຂຽວອຸ່ມທຸ່ມ, ຮັບປະກັນແຫຼ່ງສະບຽງອາຫານໄດ້ສ່ວນໜຶ່ງໃຫ້ປະຊາຊົນ. ທ່ານ ກູປາຍ ຮອງເລຂາໜ່ວຍພັກບ້ານເຊຊາບ ພາພວກຂ້າພະເຈົ້າ ໄປຍ່າງເລາະອ້ອມບ້ານ ແລະຢຸດຢູ່ຕໍ່ໜ້າໄຮ່ເຂົ້າທີ່ພວມສຸກເຫຼືອງ.
 |
| ພະນັກງານ-ນັກຮົບ ປ້ອງກັນຊາຍແດນ ກໍ່ສ້າງສິ່ງອໍານວຍຄວາມສະດວກ ດ້ານນໍ້າສະອາດ ແລະ ສຸຂະອະນາໄມ ໃຫ້ແກ່ບໍລິສັດປ້ອງກັນຊາຍແດນ 531 ຂອງລາວ |
 |
ທ່ານ ກູປາຍ ໃຫ້ຮູ້ວ່າ ແຕ່ກ່ອນ, ປະຊາຊົນ ມີແຕ່ປູກສາລີ, ມັນຕົ້ນ, ຜັກສະຄູ້... ຈາກການໜູນຊ່ວຍ, ຊ່ວຍເຫຼືອຂອງຄ້າຍທະຫານຊາຍແດນ ເຍິມ, ພວກຂ້າພະເຈົ້າໄດ້ມີແນວພັນສັດ, ປູກເຂົ້າຕື່ມອີກເພື່ອຮັບປະກັນແຫຼ່ງສະບຽງອາຫານສ່ວນໜຶ່ງຂອງປະຊາຊົນ, ພິເສດແມ່ນໃນຍາມເຂົ້າຍາກໝາກແພງ. ພວກຂ້າພະເຈົ້າ ກໍຮຽນວິທີເກັບຮັກສາສະບຽງອາຫານ, ກໍ່ສ້າງສາງຖາວອນ ເພື່ອເກັບຮັກສາເຂົ້າ.
10 ກວ່າປີຜ່ານມາ ນັບແຕ່ມີການຮ່ວມເດີນທາງຂອງພະນັກງານ, ນັກຮົບຄ້າຍທະຫານຊາຍແດນ ເຍິມ, ທະຫານຊາຍແດນແຂວງເທື່ອທຽນ ເຫວ້, ຊີວິດການເປັນຢູ່ຂອງພໍ່ແມ່ປະຊາຊົນບ້ານເຊຊາບ, ເມືອງກະລຶມ, ແຂວງເຊກອງ ໄດ້ມີການປ່ຽນແປງຢ່າງເຫັນໄດ້ຊັດ. ດຽວນີ້ ບ້ານເຊຊາບ ບໍ່ພຽງແຕ່ເປັນບ່ອນດໍາລົງຊີວິດຂອງ 47 ຄອບຄົວມີປະຊາກອນ 247 ຄົນ ເທົ່ານັ້ນຫາກຍັງແມ່ນສັນຍາລັກແຫ່ງຄວາມຜູກພັນ, ນໍ້າໃຈມິດຕະພາບລະຫວ່າງສອງຊາດ, ສອງປະເທດອີກດ້ວຍ.
ອໍາລາພໍ່ແມ່ປະຊາຊົນບ້ານເຊຊາບ, ທ່ານພັນເອກ ເລຊວນແທັງ ບອກວ່າ ແຕ່ລະບາດກ້າວເດີນຂອງພວກຂ້າພະເຈົ້າ, ເຮືອນແຕ່ລະຫຼັງ, ທາງແຕ່ລະເສັ້ນທີ່ກໍ່ສ້າງຢູ່ທີ່ນີ້ລ້ວນແຕ່ແມ່ນອາລົມຈິດ ແລະຄວາມຮັບຜິດຊອບຂອງທະຫານຊາຍແດນທີ່ມີຕໍ່ພໍ່ແມ່ປະຊາຊົນປະເທດເພື່ອນລາວ ຢູ່ເຂດຊາຍແດນຕິດຈອດກັນ. ພວກຂ້າພະເຈົ້າ ຈະສືບຕໍ່ມານະພະຍາຍາມເພື່ອພ້ອມກັບອໍານາດການປົກຄອງປະເທດເພື່ອນລາວ ສ້າງຊີວິດທີ່ອີ່ມໜໍາສໍາລານໃຫ້ປະຊາຊົນ, ຊ່ວຍໃຫ້ນໍ້າໃຈສາມັກຄີຫວຽດນາມ-ລາວ ແໜ້ນແຟ້ນຂຶ້ນຕື່ມ, ປະກອບສ່ວນກໍ່ສ້າງເຂດຊາຍແດນແຫ່ງສັນຕິພາບ, ມິດຕະພາບ, ສະຖຽນລະພາບ ແລະພັດທະນາ.
 |
| ຊາຍແດນມິດຕະພາບ: ເບິ່ງແຍງຊີວິດການເປັນຢູ່ຂອງປະຊາຊົນຢູ່ຊາຍແດນລາວ |
 | ແຂວງ ດ້ຽນບຽນ ຕ້ອນຮັບຫຼຽນໄຊມິດຕະພາບຂອງ ລາວ ຍສໝ - ຕອນເຊົ້າວັນທີ 25 ທັນວາ, ຢູ່ນະຄອນ ດ້ຽນບຽນຝູ (ແຂວງ ດ້ຽນບຽນ), ໂດຍໄດ້ຮັບການມອບສິດຈາກປະທານປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ, ຄະນະຜູ້ແທນແຂວງ ຜົ້ງສາລີ ໄດ້ປະດັບຫຼຽນໄຊມິດຕະພາບ, ຫຼຽນກາມິດຕະພາບຂອງປະທານປະເທດ, ລັດຖະບານລາວ ມອບໃຫ້ບັນດາກົມກອງລວມໝູ່ ແລະ ບຸກຄົນຂອງແຂວງ ດ້ຽນບຽນ. |
 | ເລິມດົງ: ຮັບນັກສຶກສາຕ່າງປະເທດຈາກແຂວງ ບໍລິຄຳໄຊ ແລະ ຈຳປາສັກ ຂອງປະເທດເພື່ອນ ລາວ ຍສໝ - ໂດຍປະຕິບັດໂຄງການຮ່ວມມືສາກົນລະຫວ່າງແຂວງ ເລິມດົງ ກັບ ແຂວງ ຈໍາປາສັກ ແລະ ແຂວງ ບໍລິຄຳໄຊ (ລາວ) ກ່ຽວກັບການລົງນາມການຮ່ວມມື ແລະ ໜູນຊ່ວຍການບຳລຸງສ້າງນັກສຶກສາ ລາວ, ຫວ່າງມໍ່ໆມານີ້, ພະແນກສຶກສາ ແລະ ບຳລຸງສ້າງ ແຂວງ ເລິມດົງ ໄດ້ຈັດພິທີມອບ-ຮັບນັກສຶກສາ ລາວ 5 ຄົນທີ່ມາຮຽນຢູ່ມະຫາວິທະຍາໄລ ... |
