 |
ສືບຕໍ່ກອງປະຊຸມສະໄໝສາມັນເທື່ອທີ 5, ສະພາແຫ່ງຊາດ ຫວຽດນາມ ຊຸດທີ 14
ເມື່ອສະເໜີຮ່າງກົດໝາຍສະບັບປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການສຶກສາ, ທ່ານລັດຖະມົນຕີກະຊວງສຶກສາ ແລະ ບຳລຸງສ້າງ ຫວຽດນາມ ຟຸງຊວນຍະ ຢືນຢັນວ່າ: ໂດຍຜ່ານການປະຕິບັດມາເປັນເວລາ 12 ປີ, ກົດໝາຍວ່າດ້ວຍການສຶກສາໄດ້ປະກອບສ່ວນສຳຄັນເຂົ້າໃນວິວັດການພັດທະນາການສຶກສາ ແລະ ບຳລຸງສ້າງ ຫວຽດນາມ ໃນໄລຍະເຊື່ອມໂຍງເຂົ້າກັບສາກົນ, ມີການຫັນປ່ຽນຢ່າງຕັ້ງໜ້າໃນລະບົບການສຶກສາຂອງປະເທດ. ທ່ານລັດຖະມົນຕີກະຊວງສຶກສາ ແລະ ບຳລຸງສ້າງ ຟຸງຊວນຍະ ຖືວ່າ:
“ໂດຍຜ່ານການປະຕິບັດມາເປັນເວລາ 12 ປີ, ກົດໝາຍວ່າດ້ວຍການສຶກສາ ໄດ້ສະແດງໃຫ້ເຫັນບາງສິ່ງຈຳກັດ, ຂາດຕົກບົກຜ່ອງ, ກາຍເປັນຈຸດອຸດຕັນ, ແມ່ນສິ່ງກີດຂວາງໃນວິວັດການປະຕິບັດການປ່ຽນແປງໃໝ່ການສຶກສາ ແລະ ບຳລຸງສ້າງໂດຍພື້ນຖານ, ຮອບດ້ານ. ການສ້າງຮ່າງກົດໝາຍ ເພື່ອແນໃສ່ຫັນທັດສະນະຂອງພັກເປັນກົດລະບຽບກ່ຽວກັບການປ່ຽນແປງໃໝ່ການສຶກສາ, ບຳລຸງສ້າງໂດຍພື້ນຖານ, ຮອບດ້ານ ແລະ ສືບຕໍ່ປ່ຽນແປງໃໝ່ລະບົບການຈັດຕັ້ງ, ການຄຸ້ມຄອງ, ຕອບສະໜອງຄວາມຕ້ອງການຂອງພຶດຕິກຳຕົວຈິງເພື່ອພັດທະນາ ແລະ ເຊື່ອມໂຍງ. ເພືີ່ອຮັບປະກັນລັກສະນະເປັນໄປໄດ້, ທັງມີລັກສະນະສືບທອດ, ຕາມຫຼັກການກົດໝາຍວ່າດ້ວຍການສຶກສາແມ່ນກອບກົດໝາຍ, ແມ່ນພື້ນຖານເພື່ອກໍ່ສ້າງກົດໝາຍລົງເລິກຂະແໜງ ດັ່ງນັ້ນ, ການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການສຶກສາແມ່ນຈຳເປັນ.”
（ແຫຼ່ງຂໍ້ມູນ： vov5）
