ແກ້ໄຂຂໍ້ຕິດຂັດໃນວຽກງານຄຸ້ມຄອງ
ຕາມການສະຖິຕິ, ຫວຽດນາມ ມີປະມານ 70.000 ວິສາຫະກິດ CNS ພວມເຄື່ອນໄຫວດ້ວຍຜູ້ແຮງງານ 1,5 ລ້ານຄົນ, ມີນັກວິສະວາກອນເກືອບ 500.000 ຄົນ, ໃນນັ້ນ 1.500 ວິສາຫະກິດ CNS ມີລາຍຮັບຈາກຕະຫຼາດຕ່າງປະເທດ. ອຸດສາຫະກໍາ CNS ໄດ້ກາຍເປັນໜຶ່ງໃນບັນດາຂະແໜງເສດຖະກິດ-ເຕັກນິກທີ່ມີຂອບຂະໜາດໃຫຍ່ສຸດໃນທົ່ວປະເທດ, ແມ່ນກໍາລັງໜູນຊຸກຍູ້ການເຕີບໂຕຂອງປະເທດ. ຄາດຄະເນວ່າຮອດທ້າຍປີ 2024, ລາຍຮັບຈາກອຸດສາຫະກໍາ CNS ບັນລຸ 152 ຕື້ໂດລາສະຫະລັດ, ເພີ່ມຂຶ້ນ 35,7% ເມື່ອທຽບໃສ່ປີ 2019.
ເຖິງຢ່າງໃດກໍ່ຕາມ, ຄວາມຈິງສະແດງໃຫ້ເຫັນວ່າ, ຈໍານວນວິສາຫະກິດ CNS ຂອງປະເທດເຮົາເຖິງວ່າມີຫຼາຍກໍ່ຕາມ, ແຕ່ສ່ວນຫຼາຍແມ່ນບັນດາວິສາຫະກິດຂະໜາດນ້ອຍ ແລະກາງ, ຂອບຂະໜາດກ່ຽວກັບທຶນກໍ່ຄືຊັບພະຍາກອນຍັງຈໍາກັດ ແລະພວມປະສົບກັບຄວາມຫຍຸ້ງຍາກຫຼາຍຢ່າງໃນການເຂົ້າເຖິງເຕັກໂນໂລຢີທີ່ທັນສະໄໝ. ພິເສດ, ພາຍຫຼັງພື້ນຖານເສດຖະກິດທ່ົວໂລກ “ຮັບຜົນສະທ້ອນ” ຈາກພະຍາດໂຄວິດ-19 ແລະບັນດາເຫດການພູມສາດການເມືອງເຮັດໃຫ້ກໍາລັງໃຊ້ຈ່າຍກໍ່ຄືຜະລິດຜະລິດຕະພັນເຕັກໂນໂລຢີຫຼຸງລົງ. ຖ້າຫາກບໍ່ມີບັນດາກົນໄກສະດວກ, ສ້າງເງື່ອນໄຂໃຫ້ວິສາຫະກິດ CNS, ພິເສດແມ່ນບັນດາວິສາຫະກິດຂະໜາດນ້ອຍ ແລະກາງ, ການເປີດກວ້າງຂອບຂະໜາດພື້ນຖານເສດຖະກິດດີຈີຕອນຂອງຫວຽດນາມ ຈະປະສົບກັບຄວາມຫຍຸ້ງຍາກທີ່ສຸດ...
ເພື່ອແກ້ໄຂບັນດາຮົ້ວກີດຂວາງ, ຂໍ້ຕິດຂັດໃນວຽກງານຄຸ້ມຄອງ, ສ້າງບັນດາກົນໄກອຳນວຍຄວາມສະດວກເພື່ອຊຸກຍູ້ການພັດທະນາຂອງບັນດາວິສາຫະກິດ CNS, ຫວ່າງແລ້ວນີ້ລັດຖະບານໄດ້ຍື່ນສະເໜີຮ່າງກົດໝາຍຍວ່າດ້ວຍອຸດສາຫະກໍາ CNS ໃຫ້ສະພາແຫ່ງຊາດພິຈາລະນາ, ໃຫ້ຄໍາຄິດເຫັນຢູ່ກອງປະຊຸມສະໄໝສາມັນເທື່ອທີ 8. ບັນດາສະມາຊິກສະພາແຫ່ງຊາດສ່ວນຫຼາຍ ຖືວ່າ ຢາກສົ່ງເສີມວິສາຫະກິດ CNS ພັດທະນາ, ຄຽງຂ້າງກົນໄກ, ນະໂຍບາຍພິເສດ, ຕ້ອງກໍານົດ ຢ່າງຈະແຈ້ງກວ່າກ່ຽວກັບເປົ້າໝາຍນໍາໃຊ້, ພິເສດແມ່ນຕ້ອງມີບັນດາກົນໄກພິເສດທີ່ມີລັກສະນະບາດລ້ຽວ, ມີຈຸດສຸມ, ຈຸດເນັ້ນ, ທັງສອດຄ່ອງກັບເງື່ອນໄຂພັດທະນາເສດຖະກິດ-ສັງຄົມ, ຮັບປະກັນລັກສະນະເປັນໄປໄດ້, ທັງປະກອບສ່ວນສ້າງການບຸກທະລຸກ່ຽວກັບຂົງເຂດເຕັກໂນໂລຢີ.
ຊຸກຍູ້ການຮ່ວມມື ແລະກໍ່ສ້າງຊັບພະຍາກອນມະນຸດ
ກ່ຽວກັບການດຶງດູດຊັບພະຍາກອນມະນຸດ, ເລື່ອງປະຕິບັດລະບອບບຸລິມະສິດຕໍ່ຊັບພະຍາກອນມະນຸດ CNS ທີ່ມີຄຸນນະພາບສູງແມ່ນຊາວຫວຽດນາມ ແລະນັກຊ່ຽວຊານຕ່າງປະເທດແມ່ນຍັງຫນ້ອຍ, ຍັງບໍ່ທັນສ້າງກໍາລັງໜູນໄດ້. ປະຈຸບັນ ສ່ວນຫຼາຍພຽງແຕ່ບຸລິມະສິດກ່ຽວກັບພາສີລາຍຮັບສ່ວນຕົວຫາກຍັງບໍ່ທັນມີບັນດານະໂຍບາຍບຸລິມະສິດກ່ຽວກັບເງື່ອນໄຂດຳເນີນຊີວິດ, ເງື່ອນໄຂເຮັດວຽກ, ຄົ້ນຄວ້າ, ເງື່ອນໄຂຮໍ່າຮຽນ.
 |
| ພາບປະກອບ: baochinhphu.vn |
ຕີລາຄາໃນສະພາບການຄືປະຈຸບັນ, ແຫຼ່ງຊັບພະຍາກອນມະນຸດທີ່ມີຄຸນນະພາບສູງ ແມ່ນມີຄວາມໝາຍສໍາຄັນຍິ່ງຕໍ່ການພັດທະນາແບບຍືນຍົງຂອງຂະແໜງອຸດສາຫະກໍາ CNS ຢູ່່ຫວຽດນາມ, ຕາມທ່ານ ຟ້າມແອັງຢຸງ ຜູ້ອໍານວຍການບໍລິສັດຫຸ້ນສ່ວນ ເຕັກໂນໂລຢີ Tech Harmony ແລ້ວ, ຕ້ອງມີຂໍ້ກຳນົດລະອຽດກ່ຽວກັບບັນດາມາດຕະການຊຸກຍູ້ການຮ່ວມມືລະຫວ່າງໂຮງຮຽນ ແລະວິສາຫະກິດໃນການບໍາລຸງສ້າງຊັບພະຍາກອນມະນຸດ, ຄື: ໜູນຊ່ວຍດ້ານການເງິນໃຫ້ບັນດາຫຼັກສຸດບໍາລຸງກໍ່ສ້າງ; ສົ່ງເສີມວິສາຫະກິດເຂົ້າຮ່ວມວິວັດການບໍາລຸງສ້າງ, ແນະນຳວິຊາອາຊີບ;... ສິ່ງເຫຼົ່ານີ້ຈະຊ່ວຍບັນດານັກສຶກສາລື້ງເຄີຍກັບວິສາຫະກິດຕັ້ງແຕ່ຕອນຄາວຍັງຮ່ຳຮຽນຢູ່ໃນໂຮງຮຽນກໍ່ຄືສ້າງມາດຕະຖານລວມໃຫ້ສົ້ນອອກ, ສົ້ນເຂົ້າລະຫວ່າງໂຮງຮຽນ ແລະວິສາຫະກິດ, ຫຼີກເວັ້ນບໍ່ໃຫ້ມີການຟຸມເຟືອຍແຫຼ່ງກໍາລັງຍ້ອນມາດຖານບໍ່ສອດຄ່ອງ.
ບັນດານັກຊ່ຽວຊານກໍ່ໃຫ້ຂໍ້ສັງເກດວ່າ, ການເຄື່ອນໄຫວບໍາລຸງກໍ່ສ້າງບັນດາຂົງເຂດກ່ຽວກັບ CNS ຕ້ອງໄດ້ຮັບການເພີ່ມທະວີ; ເປີດກວ້າງບັນດາຂະແໜງການຮຽນທີ່ກ່ຽວຂ້ອງເຖິງເຕັກໂນໂລຢີຄືປັນຍາປະດິດ, ເຕັກໂນໂລຢີ (Blockchain), ຂໍ້ມູນໃຫຍ່ (Big Data), ຄວາມໝັ້ນຄົງທາງອິນເຕີເນັດ ແລະບັນດາຂະແໜງເຕັກໂນໂລຢີອື່ນ ເພື່ອຕອບສະໜອງຄວາມຕ້ອງການນັບມື້ນັບເພີ່ມຂຶ້ນ; ພັດທະນາລາຍການຫຼັກສຸດບໍາລຸງກໍ່ສ້າງລະຫວ່າງຂະແໜງເຕັກໂນໂລຢີສົມທົບກັບບັນດາຂົງເຂດອືຶ່ນຄື ການແພດ, ເສດຖະກິດ, ວິທະຍາສາດ - ສັງຄົມເພື່ອສ້າງບັນດາມາດຕະການປະດິດສ້າງ ແລະຍົກສູງລັກສະນະໝູນໃຊ້ຂອງ CNS. ພ້ອມກັບການບໍາລຸງກໍ່ສ້າງນັກສຶກສາ, ຖັນແຖວອາຈານກໍ່ຕ້ອງເອົາໃຈໃສ່ເປັນພິເສດເຖິງການບໍາລຸງຄວາມຮູ້ກ່ຽວກັບເຕັກໂນໂລຢີ. ບັນດາອາຈານຕ້ອງໄດ້ສຶກສາ, ອັບເດັດກ່ຽວກັບເຕັກໂນໂລຢີໃໝ່ເປັນປະຈຳເພື່ອສາມາດຖ່າຍທອດໃຫ້ນັກຮຽນ, ນັກສຶກສາຢ່າງມີປະສິດທິຜົນ. ບັນດາຮາກຖານສຶກສາກໍ່ຕ້ອງມີກົນໄກໜູນຊ່ວຍ, ສົ່ງເສີມນັກຮຽນ ແລະຄູສອນຄົ້ນຄວ້າ, ປະດິດສ້າງບັນດາມາດຕະການເຕັກໂນໂລຢີໃໝ່.
