 |
ບັນດາທ່ານຜູ່ນຳ ແລະ ອາດີດທ່ານຜູ່ນຳຂອງ ພັກ-ລັດ ເຂົ້າວາງພວງມາລາ ລະລຶກເຖິງບຸນຄຸນຂອງ ທ່ານປະທານ ໂຮ່ຈີ໋ມິງ.
ພະນະທ່ານ ເລຂາທິການໃຫຍ່ ຫງວ໋ຽນຟູ໋ຈ໋ອງ, ທ່ານປະທານປະເທດ ເຈີ່ນດ້າຍກວາງ, ທ່ານອາດີດເລຂາທິການໃຫຍ່ ເລຂ໋າຟຽວ, ທ່ານອາດີດ ເລຂາທິການໃຫຍ່ ນົງດືກແມ້ງ, ນາຍົກລັດຖະມົນຕີ ຫງວ໋ຽນຊົນຟຸກ, ທ່ານປະທານ ສະພາແຫ່ງຊາດ ຫງວ໋ຽນທິກີມເງິນ, ທ່ານອາດີດ ປະທານສະພາແຫ່ງຊາດ ຫງວ໋ຽນວັນອານ, ປະທານອົງການແນວລາວສ້າງຊາດ ຫວຽດນາມ ເຈີ່ນແທງເໝິ໋ນ ພ້ອມທັງບັນດາສະຫາຍ ຜູ່ນຳ ແລະ ອາດີດ ຜູ່ນຳ ຂອງພັກ, ລັດຖະບານ ໄດ້ວາງພວງມາລາ ແລະ ເຂົ້າໄຫ້ວອາໄລ ທ່ານປະທານ ໂຮ່ຈີ໋ມິງ ທີ່ ສຸສານ ໂຮ່ຈີ໋ມິງ. ພວງມາລາຂອງຄະນະໄດ້ຂຽນວ່າ: ທຸກເຊັ່ນຄົນ ຮູ້ບຸນຄຸນ ປະທານ ໂຮ່ຈີ໋ມິງ ຜູ່ຍິ່ງໃຫຍ່.
 |
ບັນດາທ່ານຜູ່ນຳ ແລະ ອາດີດທ່ານຜູ່ນຳຂອງ ພັກ-ລັດ ເຂົ້າວາງພວງມາລາ ລະລຶກເຖິງບຸນຄຸນຂອງ ນັກຮົບວິລະຊົນ ທີ່ເສຍສະຫຼະເພື່ອປະເທດຊາດ.
ຕໍ່ໜ້າດວງວິນຍານ ຂອງທ່ານປະທານ ໂຮ່ຈີ໋ມິງ, ບັນດາສະຫາຍທ່ານຜູ່ນຳ ພັກ-ລັດ ໄດ້ສະແດງຄວາມເຄົາລົບນັບຖື, ຮູ້ບຸນຄຸນອັນມະຫາສານຕໍ່ ລຸງ ໂຮ່- ຜູ່ກໍ່ຕັ້ງ, ນຳພາ ແລະ ຝຶກຝົນຫຼໍ່ຫຼອມ ພັກກອມມຸຍນິດຫວຽດນາມ, ຜູ່ເຕົ້າໂຮມຜູ່ຍິງໃຫຍ່ຂອງຊົນເຜົ່າຫວຽດນາມ, ເສຍສະຫຼະທັງຊີວິດ ຂອງຕົນເອງເພື່ອ ພະລະກິດຕໍ່ສູ້ປົດປ່ອຍປະຊາຊົນບັນດາເຜົ່າ, ທ້ອນໂຮມປະເທດເປັນປືກແຜ່ນ, ເປັນແບບເປັນຢ່າງ, ເປັນແສງໄຟ ອັນເປັ່ງປະກາຍ ກ່ຽວກັບ ລັດທິ ນັກປະຕິວັດຜູ່ພິລາດອາດຫານ.
ຄະນະຜູ່ແທນ ຂອງພັກ-ລັດ ກໍ່ໄດ້ເຂົ້າວາງພວງມາລະ, ຈູດທູບ, ລະລືກເຖິງ ບັນດານັກຮົບຜູ່ເສຍສະຫຼະ ທີ່ ອະນຸສອນສະຖານ ບັນດານັກຮົບຜູ່ເສຍສະຫຼະ ບົນຖະໜົນ ບັ໋ກເຊິນ.
ໃນມື້ດຽວກັນ, ຄະນະຜູ້ແທນຈາກກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ຄະນະນະຄອນຫຼວງ ຮ່າໂນ້ຍ ກໍ່ໄດ້ເຂົ້າ ວາງພວງມາລາ, ເຂົ້າຢ້ຽມຢາມສຸສານປະທານ ໂຮ່ຈີ໋ມິງ ແລະ ຈູດທູບ ລະລືກເຖິງ ບັນດາ ນັກຮົບວິລະຊົນ.
（ຫັດທະບູນ）
