 | WVI ໃຊ້ງົບປະມານກວ່າ 1,7 ລ້ານ USD ເພື່ອໜູນຊ່ວຍປັບປຸງຊີວິດການເປັນຢູ່ຂອງປະຊາຊົນ ເມືອງຮາຍລັງ (ກວາງຈິ) |
| ແຂວງກວາງບິ່ງ ແລະ ສະຫວັນນະເຂດ (ລາວ) ແລກປ່ຽນປະສົບການ ກ່ຽວກັບການລຶບລ້າງຄວາມອຶດຫິວ ແລະ ຫຼຸດຜ່ອນຄວາມທຸກຍາກ |
 |
| Lễ ký kết biên bản hội đàm năm 2024 giữa Quảng Trị và Savannakhet |
ຕອນບ່າຍວັນທີ 10 ທັນວາ, ຢູ່ແຂວງສະຫວັນນະເຂດ (ລາວ) ໄດ້ດຳເນີນກອງປະຊຸມພົບປະວຽກງານຊາຍແດນ ລະຫວ່າງ ແຂວງກວາງຈິ ແລະ ແຂວງສະຫວັນນະເຂດ (ລາວ) ປີ 2024.
ທ່ານ ຮ່າສີດົ່ງ, ຮັກສາການປະທານຄະນະກຳມະການປະຊາຊົນແຂວງກວາງຈິ, ຫົວໜ້າຄະນະຊີ້ນຳວຽກງານຊາຍແດນ ຫວຽດນາມ - ລາວ ມີຄໍາເຫັນເນັ້ນໜັກວ່າ: “ສັນຕິພາບ, ການຮ່ວມມື ແລະ ພັດທະນາສືບຕໍ່ແມ່ນທ່າອ່ຽງ ແລະ ຄວາມມຸ່ງມາດປາດຖະໜາຂອງບັນດາປະເທດ ແລະ ປະຊາຊົນໃນທົ່ວໂລກ, ກວາງຈິ ແລະ ສະຫວັນນະເຂດ ພວມປະເຊີນໜ້າກັບກາລະໂອກາດໃໝ່ຫຼາຍຢ່າງ, ພິເສດແມ່ນຈາກກະແສການລົງທຶນໃຫມ່ຂອງຕ່າງປະເທດເຂົ້າໃນບັນດາໂຄງການຄົມມະນາຄົມຍຸດທະສາດລະຫວ່າງ ຫວຽດນາມ - ລາວ ເຊື່ອມໂຍງບັນດາປະເທດໃນແລວເສດຖະກິດຕາເວັນອອກ-ຕາເວັນຕົກ”.
ປີ 2024, ບັນດາກໍາລັງເຈົ້າໜ້າທີ່ຄຸ້ມຄອງ ແລະ ປົກປັກຮັກສາຊາຍແດນ 2 ແຂວງກວາງຈິ ແລະ ສະຫວັນນະເຂດ ໄດ້ຈັດຕັ້ງການລາດຕະເວນກວດກາສອງຝ່າຍຢູ່ຂັ້ນແຂວງ 1 ຄັ້ງ/ 24 ເທື່ອ, ລາດຕະເວນກວດກາສອງຝ່າຍຢູ່ຂັ້ນຄ້າຍທະຫານ 20 ຄັ້ງ/ 480 ເທື່ອພະນັກງານນັກຮົບເຂົ້າຮ່ວມ; ຮັບປະກັນບັນດາຫຼັກໝາຍຊາຍແດນໃຫ້ຢູ່ໃນສະພາບເດີມ, ຄົ້ນພົບ ແລະ ແກ້ໄຂກັບບັນດາກໍລະນີລະເມີດລະບຽບການຊາຍແດນໃຫ້ທັນການ, ສະກັດກັ້ນເຄື່ອນໄຫວການຄ້າເຖື່ອນ, ຂຸດຄົ້ນປ່າໄມ້ ແລະ ເຄື່ອງປ່າຂອງດົງທີ່ຜິດກົດໝາຍໃຫ້ມີປະສິດທິຜົນ.
ຄະນະປະຕິບັດງານພິເສດ 2 ແຂວງກວາງຈິ ແລະ ສະຫວັນນະເຂດ ສືບຕໍ່ສົມທົບກັນຢ່າງແໜ້ນແຟ້ນ ແລະ ເຮັດວຽກງານທ້ອນໂຮມຂຸມຝັງສົບນັກຮົບເສຍສະຫຼະຊີວິດເພື່ອຊາດ ໃນລະດູແລ້ງ 2023 – 2024. ຕາມນັ້ນແລ້ວ ກໍ່ທ້ອນໂຮມອັດຖິນັກຮົບຜູ້ເສຍສະຫຼະຊີວິດເພື່ອຊາດ 12 ຄົນ ເຊິ່ງແມ່ນບັນດາທະຫານອາສາສະໝັກ ແລະ ນັກຊ່ຽວຊານຫວຽດນາມ ທີ່ເສຍສະຫຼະຊີວິດເພື່ອຊາດ ໃນໄລຍະສົງຄາມຢູ່ລາວ.
ວັນທີ 25 ພຶດສະພາ 2024, ແຂວງກວາງຈິ ໄດ້ສົມທົບກັບແຂວງສະຫວັນນະເຂດ ຈັດຕັ້ງພິທີຕ້ອນຮັບອັດຖິຂອງທະຫານອາສາສະໝັກຫວຽດນາມ ກັບຄືນປະເທດ ເພື່ອຝັງຢູ່ສຸສານນັກຮົບເສຍສະຫຼະຊີວິດເພື່ອຊາດ, ເສັ້ນທາງເລກ 9 ເພື່ອຮັບປະກັນຢ່າງລອບຄອບ ແລະ ສະຫງ່າລາສີ.
ແຂວງ ວາງຈິ ໄດ້ເປັນເຈົ້າການແລກປ່ຽນກັບແຂວງສະຫວັນນະເຂດ ກ່ຽວກັບການຜັນຂະຫຍາຍການຍົກລະດັບ, ເປີດກວ້າງເສັ້ນທາງແຕ່ເມືອງຕະໂອ້ຍ ແຂວງສາລະວັນ ຫາບ້ານດົງ ເມືອງເຊໂປນ ແຂວງສະຫວັນນະເຂດ ຕອບສະໜອງຄວາມຕ້ອງການຂົນສົ່ງຖ່ານຫີນຈາກລາວ ໄປຫວຽດນາມ.
ບົນພື້ນຖານໝາກຜົນທີ່ບັນລຸໄດ້, 2 ແຂວງໄດ້ເປັນເອກະພາບ ແລະ ລົງນາມໃນບົດບັນທຶກກອງປະຊຸມປະຈຳປີ 2024 ລະຫວ່າງ ກວາງຈິ ແລະ ສະຫວັນນະເຂດ ຕໍ່ກັບບັນດາເນື້ອໃນຕົ້ນຕໍຄື: ຮັກສາການປະຕິບັດວຽກງານໂຄສະນາອົບຮົມ, ເຜີຍແຜ່ສຶກສາ ແລະ ປຸກລະດົມຂົນຂວາຍປະຊາຊົນຢູ່ເຂດຊາຍແດນ ປະຕິບັດບັນດາເອກະສານກົດໝາຍກ່ຽວກັບຊາຍແດນ ຫວຽດນາມ - ລາວ ທີ່ລັດຖະບານ 2 ປະເທດ ໄດ້ລົງນາມໃຫ້ເປັນຢ່າງດີ.
ສືບຕໍ່ຊີ້ນຳບັນດາກຳລັງຄຸ້ມຄອງ, ປົກປັກຮັກສາຊາຍແດນ ແລະ ບັນດາອົງການທີ່ກ່ຽວຂ້ອງ, ທ້ອງຖິ່ນ ປະສານສົມທົບກັນຢ່າງແໜ້ນແຟ້ນໃນການແລກປ່ຽນບົດຮຽນ ແລະ ແບ່ງປັນຂໍ້ມູນຂ່າວສານໃນຂົງເຂດການທະຫານ - ການອງກັນຄວາມສະຫງົບ ແລະ ວຽກງານຊາຍແດນ; ສົມທົບກັນຕໍ່ສູ້, ສະກັດກັ້ນ ແລະ ແກ້ໄຂບັນດາການກະທຳທີ່ກະທົບເຖິງຊາຍແດນ, ຫຼັກໝາຍຊາຍແດນ, ການລະເມີດລະບຽບຊາຍແດນ; ຕ້ານ, ສະກັດກັ້ນບັນດາການເຄື່ອນໄຫວລັກລອບເຂົ້າເມືອງແບບຜິດກົດໝາຍ ແລະ ການອົບພະຍົບຢ່າງເສລີຢູ່ເຂດຊາຍແດນ; ຕ້ານ, ສະກັດກັ້ນບັນດາຊະຍາກຳຂ້າມຊາດທຸກປະເພດ ແລະ ບັນດາການເຄື່ອນໄຫວອື່ນໆທີ່ສົ່ງຜົນກະທົບຕໍ່ຄວາມສະຫງົບ ແລະ ຄວາມເປັນລະບຽບຮຽບຮ້ອຍຢູ່ເຂດຊາຍແດນ ຫວຽດນາມ - ລາວ.
ເປັນເອກະພາບກັນຊຸກຍູ້ ແລະ ຊີ້ນຳບັນດາອົງການທ້ອງຖິ່ນ ສືບຕໍ່ເສີມຂະຫຍາຍບັນດາຮູບການແຮກສ່ຽວບ້ານ - ບ້ານ 2 ຟາກຊາຍແດນ; ສົ່ງເສີມການຈັດຕັ້ງບັນດາການພົບປະເຄື່ອນໄຫວແລກປ່ຽນວັດທະນະທຳ, ກິລາ, ເບິ່ງແຍງສຸຂະພາບຂອງປະຊາຊົນຢູ່ເຂດຊາຍແດນ, ແລກປ່ຽນປະສົບການດ້ານການຜະລິດກະສິກຳ ແລະ ບັນດາເນື້ອໃນອື່ນໆທີ່ກ່ຽວຂ້ອງ...
ເນື່ອງໃນໂອກາດນີ້, ຄະນະຊີ້ນຳວຽກງານຊາຍແດນ ຫວຽດນາມ - ລາວ ແຂວງກວາງຈິ ໄດ້ມອບເງິນໜູນຊ່ວຍຄະນະຊີ້ນຳວຽກງານຊາຍແດນ ລາວ - ຫວຽດນາມ ແຂວງສະຫວັນນະເຂດ ຈໍານວນ 100 ລ້ານດົ່ງ.
 | ຍູ້ແຮງການຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍຢູ່ເຂດຊາຍແດນລະຫວ່າງແຂວງ ກວາງຈິ ແລະ 3 ແຂວງຂອງປະເທດລາວ ຍສໝ - ບົນພື້ນຖານໝາກຜົນທີ່ບັນລຸໄດ້, ກອງບັນຊາການຕໍາຫຼວດຫວຽດນາມ ແລະກອງບັນຊາການປ້ອງກັນຄວາມສະຫງົບບັນດາແຂວງ ສາລະວັນ-ສະຫວັນນະເຂດ-ຈໍາປາສັກ ໄດ້ລົງນາມໃນບົດບັນທຶກຊ່ວຍຈໍາການຮ່ວມມືໄລຍະ 2023-2024. |
 | ການພົບປະເຈລະຈາ ລະຫວ່າງຄະນະປະຕິບັດງານພິເສດ 2 ແຂວງກວາງຈິ - ສະຫວັນນະເຂດ ຍສໝ - ແຕ່ວັນທີ 16-18 ຕຸລາ 2023, ຢູ່ກອງບັນຊາການທະຫານແຂວງສະຫວັນນະເຂດ (ສປປ ລາວ), ຄະນະປະຕິບັດງານພິເສດແຂວງກວ໋າງຈິ ສສ ຫວຽດນາມ ແລະ ແຂວງສະຫວັນນະເຂດ ລາວ ໄດ້ຈັດກອງປະຊຸມພົບປະປະຈຳປີ ຜັນຂະຫຍາຍແຜນການປະຕິບັດໜ້າທີ່ສຳຫຼວດ, ຊອກຄົ້ນ, ທ້ອນໂຮມອັດຖິທະຫານອາສາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ ແລະສົ່ງກັບຄືນຫວຽດນາມ ໃນລະດູແລ້ງ 2023-2024. |
ທອງມີ ສີຫາວົງ
