ຮັບປະກັນທຸກບ້ານ ແລະ ທຸກຄົນມີເງື່ອນໄຂເພື່ອມ່ວນຊື່ນໃນລະດູບານໃໝ່ ແລະ ຕ້ອນຮັບບຸນປີໃໝ່

ຍສໝ - ວັນທີ 11 ທັນວາ 2024, ໂດຍຕາງໜ້າໃຫ້ຄະນະເລຂາທິການ, ສະຫາຍ ເຈີນເກີມຕູ໋, ກຳມະການກົມການເມືອງ, ຜູ້ປະຈຳການຄະນະເລຂາທິການ, ປະທານຄະນະກຳມະການກວດກາສູນກາງ ໄດ້ລົງນາມ ແລະ ປະກາດໃຊ້ຄຳສັ່ງເລກທີ 40-CT/TW, ກ່ຽວກັບການຈັດຕັ້ງ ປີໃໝ່ປະຈຳຊາດ ປີມະເສັງ 2025.

	ລະດູບານໃໝ່ບ້ານເກີດເມືອງນອນ 2025: ບຸນປີໃໝ່ປະຈຳຊາດຂອງຫວຽດນາມ ຢູ່ Osaka, ເຊື່ອມຕໍ່ມິດຕະພາບຫວຽດນາມ - ຍີ່ປຸ່ນ
	ບັນດາກິດຈະກໍາເຄື່ອນໄຫວເບິ່ງແຍງດູແລໃຫ້ຜູ້ອອກແຮງງານ, ນັກສຶກສາລາວ ແລະກໍາປູເຈຍ ຕ້ອນຮັບບຸນປີໃໝ່

ເນື້ອໃນທັງໝົດຂອງຄໍາສັ່ງມີດັ່ງນີ້:

ປະເທດພວກເຮົາຕ້ອນຮັບບຸນປີໃໝ່ປະຈຳຊາດ ປີມະເສັງ 2025 ພ້ອມກັບໂອກາດສະເຫຼີມສະຫຼອງຄົບຮອບ 95 ປີແຫ່ງວັນສ້າງຕັ້ງພັກ, ທົ່ວປະເທດພວມສຸມໃສ່ເລັ່ງ ແລະ ປະຕິບັດມະຕິກອງປະຊຸມໃຫຍ່ທົ່ວປະເທດຄັ້ງທີ XIII ຂອງພັກ ແລະ ມະຕິກອງປະຊຸມໃຫຍ່ອົງຄະນະພັກທຸກຂັ້ນຢ່າງມີໄຊ, ພ້ອມກັນນັ້ນ ກໍ່ກະກຽມຈັດຕັ້ງກອງປະຊຸມໃຫຍ່ຂອງອົງຄະນະພັກທຸກຂັ້ນອາຍຸການ 2025-2030 ມຸ່ງໄປເຖິງກອງປະຊຸມໃຫຍ່ຄັ້ງທີ XIV ຂອງພັກ, ນຳປະເທດຊາດກ້າວເຂົ້າສູ່ສັງກາດໃໝ່.

ຮັບປະກັນທຸກບ້ານ ແລະ ທຸກຄົນມີເງື່ອນໄຂເພື່ອມ່ວນຊື່ນໃນລະດູບານໃໝ່ ແລະ ຕ້ອນຮັບບຸນປີໃໝ່

ເພື່ອກະກຽມບັນດາເງື່ອນໄຂຮັບໃຊ້ໃຫ້ແກ່ປະຊາຊົນໃຫ້ດີທີ່ສຸດເພື່ອມ່ວນຊື່ນໃນລະດູບານໃໝ່, ອວຍພອນປີໃໝ່ຢ່າງປອດໄພ, ປອດໃສ, ປະຢັດ, ສ້າງບັນຍາກາດ ແລະ ກຳລັງຜັກດັນໃໝ່, ປະຕິບັດບັນດາໜ້າທີ່ໃນວຽກງານປີ 2025 ນັບແຕ່ບັນດາເດືອນຕົ້ນປີຢ່າງມີໄຊ , ຄະນະເລຂາທິການ ຮຽກຮ້ອງໃຫ້ບັນດາອົງຄະນະພັກ, ອົງການຈັດຕັ້ງພັກ, ອຳນາດການປົກຄອງ, ແນວໂຮມແຫ່ງຊາດ ຫວຽດນາມ ແລະ ບັນດາອົງການຈັດຕັ້ງການເມືອງ-ສັງຄົມທຸກຂັ້ນ ຈົ່ງສຸມໃສ່ນໍາພາ, ຊີ້ນຳ ແລະ ຈັດຕັ້ງການປະຕິບັດໜ້າທີ່ຈຸດສຸມຈໍານວນໜຶ່ງຄື:

1. ເພີ່ມທະວີຄວາມສາມັກຄີເປັນເອກະພາບພາຍໃນພັກ, ຄວາມສາມັກຄີອັນຍິ່ງໃຫຍ່ທົ່ວປວງຊົນທັງຊາດ, ສົ່ງເສີມມູນເຊື້ອ “ຮັກແພງຊ່ວຍເຫຼືອເຊິ່ງກັນ ແລະ ກັນ”, ຍູ້ແຮງການປະຕິບັດບັນດາລາຍການເພື່ອຫຼຸດຜ່ອນຄວາມທຸກຍາກ, ລົບລ້າງບ້ານຊົ່ວຄາວ ແລະ ເຮືອນຮົ່ວເພ; ປະຕິບັດນະໂຍບາຍຮັບປະກັນຊີວິດສັງຄົມ ແລະ ເບິ່ງແຍງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນຢ່າງລອບຄອບ, ພິເສດແມ່ນປະຊາຊົນທີ່ປະສົບກັບຄວາມຫຍຸ້ງຍາກ, ຄອບຄົວທຸກຍາກ ແລະ ປະຊາຊົນບັນດາທ້ອງຖິ່ນທີ່ຖືກຜົນກະທົບຈາກໄພທຳມະຊາດ, ພະຍາດລະບາດ, ເຂດຊາຍແດນ, ໝູ່ເກາະ, ເຂດຊົນເຜົ່າສ່ວນໜ້ອຍ, ກຳມະກອນ, ຜູ້ອອກແຮງງານ, ຄົນທີ່ວ່າງງານ... ຮັບປະກັນໃຫ້ທຸກບ້ານ ແລະ ທຸກຄົນມີເງື່ອນໄຂເພື່ອມ່ວນຊື່ນໃນລະດູບານໃໝ່ ແລະ ຕ້ອນຮັບບຸນປີໃໝ່ປະຈຳຊາດ.

ຈັດຕັ້ງການຢ້ຽມຢາມ, ລະດົມໃຈພະນັກງານປະຕິວັດ, ຄອບຄົວນະໂຍບາຍ ແລະ ບັນດາກຳລັງທີ່ປະຕິບັດໜ້າທີ່ໃນໂອກາດບຸນປີໃໝ່ ຢູ່ເຂດຊາຍແດນ, ທະເລໝູ່ເກາະ ແລະ ເຂດປະສົບກັບຄວາມຫຍຸ້ງຍາກກ່ຽວກັບຄວາມສະຫງົບການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພສັງຄົມ.

ຄະນະເລຂາທີການຮຽກຮ້ອງໃຫ້ບັນດາຄະນະພັກ, ອົງການຈັດຕັ້ງພັກ, ອຳນາດການປົກຄອງ, ແນວໂຮມແຫ່ງຊາດ ແລະ ບັນດາອົງການການເມືອງ - ສັງຄົມທຸກຂັ້ນ ຮັບປະກັນໃຫ້ທຸກບ້ານ ແລະ ທຸກຄົນມີເງື່ອນໄຂມ່ວນຊື່ນໃນລະດູບານໃໝ່ວຽນມາ ແລະ ຕ້ອນຮັບບຸນປີໃໝ່. (ຮູບປະກອບ: KT)

2. ຄຸ້ມຄອງງານບຸນ, ມ່ວນຊື່ນໃນລະດູບານໃໝ່, ສະເຫຼີມສະຫຼອງວັນມູນເຊື້ອ, ຮັບປະກັນຄວາມປອດໄພ, ປະຢັດ, ສອດຄ່ອງກັບວັດທະນະທຳ, ຮີດຄອງປະເພນີຂອງຊາດ. ບັນດາທ້ອງຖິ່ນທີ່ຈັດການຍິງບັ້ງດອກຕ້ອງຮັບປະກັນຄວາມປອດໄພ, ປະຢັດ, ສ້າງບັນຍາກາດມ່ວນຊື່ນ.

3. ເພີ່ມທະວີວຽກງານການປ້ອງກັນ ຕ້ານຄວາມຟຸ່ມເຟືອຍ, ການຫຍໍ້ທໍ້; ບໍ່ຈັດຕັ້ງການຢ້ຽມຢາມ ແລະ ອວຍພອນປີໃໝ່ການນຳບັນດາຂັ້ນ; ຫ້າມມອບຂອງຂວັນປີໃໝ່ໃຫ້ບັນດາການນຳບັນດາຂັ້ນໃນທຸກຮູບການ; ຫ້າມເຂົ້າຮ່ວມບັນດາກິດຈະກໍາຄວາມເຊື່ອຖືງົມງວາຍ; ບັນດາການນຳບັນດາຂັ້ນພຽງແຕ່ເຂົ້າຮ່ວມພິທີທາງສາສະໜາຢູ່ວັດ ແລະ ງານບຸນຕາມການມອບໝາຍ; ຫ້າມນຳໃຊ້ງົບປະມານແຫ່ງລັດ, ພາຫະນະ ຫຼື ຊັບສິນສາທາລະນະທີ່ຝືນກັບຂໍ້ກຳນົດໃຫ້ກິດຈະກຳງານບຸນ, ງານມ່ວນຊື່ນບັນເທີງ...

ປະຕິບັດຂໍ້ກຳນົດກົດລະບຽບກ່ຽວກັບມາດຕະຖານສິນທຳປະຕິວັດຢ່າງເຂັ້ມງວດ; ຄວາມຮັບຜິດຊອບໃນການເປັນແບບຢ່າງຂອງພະນັກງານ, ສະມາຊິກພັກ ແລະ ບັນດາສິ່ງທີ່ສະມາຊິກພັກບໍ່ສາມາດເຮັດໄດ້ ພິເສດແມ່ນກົດລະບຽບຫ້າມຂັບຂີ່ພາຫະນະໃນເວລາດື່ມເຫຼົ້າ ແລະ ເບຍ.

4. ຮັບປະກັນການປ້ອງກັນຊາດ, ປ້ອງກັນຄວາມສະຫງົບ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ. ເພີ່ມທະວີການປ້ອງກັນ, ແກ້ໄຂບັນຫາອາດຊະຍາກຳ ແລະ ໄພສັງຄົມ. ກວດກາ ແລະ ຕິດຕາມຕະຫຼາດ, ຮັບປະກັນຄວາມປອດໄພດ້ານອາຫານ, ສິ່ງແວດລ້ອມ, ປ້ອງກັນຕ້ານພະຍາດ. ຕັ້ງໜ້າວາງແຜນຮັບປະກັນພາຫະນະຂົນສົ່ງສິນຄ້າ ແລະ ຮັບໃຊ້ປະຊາຊົນ ແລະ ປະຊາຊົນຢູ່ຕ່າງປະເທດກັບເມືອບ້ານເພື່ອຕ້ອນຮັບປີໃໝ່. ຮັບປະກັນຄວາມເປັນລະບຽບຮຽບຮ້ອຍ ແລະ ຄວາມປອດໄພທາງຄົມມະນາຄົມ; ການປ້ອງກັນຕ້ານອັກຄີໄພ ແລະ ລະເບີດ. ປະຕິບັດບັນດາກົດລະບຽບກ່ຽວກັບການຄຸ້ມຄອງ ແລະ ການໃຊ້ບັ້ງໄຟດອກຢ່າງເຂັ້ມງວດ, ບໍ່ໃຫ້ສະພາບການໃຊ້ບັ້ງໄຟດອກແບບຜິດກົດໝາຍເກີດຂຶ້ນຢ່າງສັບສົນໃນຊ່ວງເວລາປີໃໝ່.

5. ຈັດຕັ້ງບັນດາການເຄື່ອນໄຫວສະເຫຼີມສະຫຼອງວັນສ້າງຕັ້ງພັກ ຄົບຮອບ 95 ປີ ຕິດພັນກັບບັນດາການເຄື່ອນໄຫວມ່ວນຊື່ນໃນລະດູບານໃໝ່ ແລະ ຕ້ອນຮັບປີໃໝ່, ສ້າງບັນຍາກາດມ່ວນຊື່ນ, ໄວ້ເນື້ອເຊື່ອໃຈ ແລະ ເອກອ້າງທະນົງໃຈໃນທົ່ວສັງຄົມ. ຄະນະໂຄສະນາສຶກສາສູນກາງ ເປັນປະທານ, ສົມທົບກັບກະຊວງຖະແຫຼງຂ່າວ ແລະ ສື່ສານ, ກະຊວງວັດທະນະທຳ, ກິລາ ແລະ ທ່ອງທ່ຽວ ແລະ ບັນດາອົງການທີ່ກ່ຽວຂ້ອງຊີ້ນຳ, ແນະນຳ, ເພີ່ມທະວີການໂຄສະນາກ່ຽວກັບກຳລັງບົ່ມຊ້ອນ, ທີ່ຕັ້ງ, ອິດທິພົນຂອງປະເທດພາຍຫຼັງ 95 ປີພາຍໃຕ້ການນຳພາຂອງພັກ; ຈັດຕັ້ງບັນດາການເຄື່ອນໄຫວວັດທະນະທຳ, ກິລາ ແລະ ງານບຸນໃນຊ່ວງເວລາປີໃໝ່ເປັນຢ່າງດີ; ເພີ່ມທະວີຄວາມຮັບຜິດຊອບຂອງປະຊາຊົນໃນການປະຕິບັດບັນດາກົດລະບຽບກ່ຽວກັບຄວາມປອດໄພທາງຄົມມະນາຄົມ, ການປ້ອງກັນຕ້ານອັກຄີໄພ ແລະ ລະເບີດ; ຄວາມປອດໄພຂອງສະບຽງອາຫານ; ສິ່ງແວດລ້ອມ; ປ້ອງກັນຕ້ານໄພພິບັດທຳມະຊາດ ແລະ ການລະບາດ; ຕັ້ງໜ້າຕໍ່ສູ້ປະຕິເສດກັບບັນດາຂໍ້ມູນຂ່າວສານ ແລະ ທັດສະນະທີ່ຜິດເຂວຂອງບັນດາອິດທິກຳລັງຕ້ານພັກ, ລັດ ແລະ ປະຊາຊົນ.

6. ຄະນະພັກບັນດາຂັ້ນ, ອົງການຈັດຕັ້ງພັກ, ອຳນາດການປົກຄອງ ແລະ ແນວໂຮມປະເທດຊາດ ຫວຽດນາມ ສະຫຼຸບວຽກງານປີ 2024 ໃນເດືອນທັນວາ 2024 ໂດຍໄວ ແລະ ສົ່ງບົດລາຍງານຕໍ່ຫ້ອງການສູນກາງພັກ ກ່ອນວັນທີ 10 ມັງກອນ 2025. ຮັບປະກັນຄວາມຄືຍໜ້າການເຮັດວຽກບໍ່ຊັກຊ້າໃນຊ່ວງເວລາປີໃໝ່. ບັນດາອົງການຈັດຕັ້ງຮັບປະກັນການເຄື່ອນໄຫວເປັນປົກກະຕິພາຍຫຼັງປີໃໝ່, ຜັນຂະຫຍາຍໜ້າທີ່ວຽກງານປີ 2025, ປະຕິບັດເປົ້າໝາຍເສດຖະກິດ - ສັງຄົມປີ 2025 ແລະ ອາຍຸການຂອງກອງປະຊຸມໃຫຍ່ຄັ້ງທີ XIII ເພື່ອສ້າງພື້ນຖານອັນໜັກແໜ້ນໃຫ້ປະເທດຊາດກ້າວເຂົ້າສູ່ສັງກາດໃໝ່, ບືນຕົວຂຶ້ນພັດທະນາຄວາມຮັ່ງມີ, ວັດທະນາຖາວອນ, ຄວາມສີວິໄລ ແລະ ຄວາມຜາສຸກ.

ຫ້ອງວ່າການສູນກາງພັກ ເປັນປະທານ ແລະ ສົມທົບກັບບັນດາອົງການທີ່ກ່ຽວຂ້ອງ ເພື່ອກຳແໜ້ນສະພາບການຜັນຂະຫຍາຍປະຕິບັດ ແລະ ລາຍງານໃຫ້ຄະນະເລຂາທິການກ່ຽວກັບໝາກຜົນການປະຕິບັດຄຳສັ່ງສະບັບນີ້.

ແທັງຮັ່ງ