ເງື່ອນໄຂ ແລະກາລະໂອກາດບືນຕົວຂຶ້ນຂອງປະເທດຊາດຫວຽດນາມ

	ລາວ: ປັບປຸງ​ເງື່ອນໄຂ ແລະ ມາດ​ຕະການ​ສຳລັບ​ການເຄື່ອນໄຫວ​ຂອງ​ພາກ​ທຸລະ​ກິດ ໃນ​ໄລຍະ​ທີ່​ມີ​ການ​ລະບາດ​ຂອງ​ພະຍາດ ໂຄ​ວິດ-19
	ສປປ ລາວ ຍັງເຫຼືອ 1 ເງື່ອນໄຂ ໃນການຫຼຸດພົ້ນອອກຈາກປະເທດດ້ອຍພັດທະນາ

ຫວຽດນາມ ມີຄວາມສາມາດດໍາເນີນການປະຕິວັດໄດ້ຢ່າງສົມບູນ ແລະມີໄຊໃນ ສັກສະຫຼາດໃໝ່ ຍ້ອນມີໂອກາດ ແລະເງື່ອນໄຂທີ່ສະດວກໃນ ເບື້ອງຕົ້ນ. ເມື່ອທົວພັກ, ທົ່ວປວງຊົນ, ທົ່ວກອງທັບພ້ອມກັນມານະພະຍາ ຍາມ, ຕັດສິນໃຈສູ້ຊົນປະຕິບັດເປົ້າໝາຍສ້າງສາຫວຽດນາມ ໃຫ້ຮັ່ງມີເຂັ້ມແຂງ,ຈະເລີນຮຸງເຮືອງ, ຄວາມຜາສຸກ ຄ່ອຍຫັນໃຫ້ປະກົດຜົນເປັນຈິງເທື່ອລະ ກ້າວ.

ໃນຍຸກສະໄໝໂຮ່ຈີມິນ, ແຕ່ລະສັກກະຫຼາດໃໝ່ລ້ວນແຕ່ເລີ່ມຕົ້ນດ້ວຍເຫດ ການທີ່ມີຄວາມໝາຍປະຕິວັດ ຫຼື ບຸກທະລຸຕໍ່ກັບວິວັດການພັດທະນາ ຫຼື ບຸກທະລຸຕໍ່ກັບວິວັດການພັດທະນາຂອງປະເທດເຮົາ. ໃນນັ້ນ, ສັກກະຫຼາດປົກປັກຮັກສາພື້ນຖານເອກະລາດ, ເສລີພາບຂອງປະເທດ ແລະກໍ່ສ້າງສັງຄົມນິຍົມ ໄດ້ເປີດສາກດ້ວຍໄຊຊະນະອັນຍິ່ງໃຫຍ່ຂອງການປະຕິວັດ ເດືອນ ສິງຫາ ເປັນການແຈ້ງກຳເນີດປະເທດຫວຽດນາມ ປະຊາທິປະໄຕ ສາທາລະນະລັດ (1945-1975); ສັກກະຫຼາດສ້າງຕັ້ງປະເທດໃຫ້ເປັນເອກະພາບພາຍຫຼັງສົງຄາມ ແລະກໍ່ສ້າງລັດທິສັງຄົມໃນຂອບເຂດທົ່ວປະເທດ (1975-1986); ສັກກະຫຼາດປ່ຽນແປງໃໝ່, ປະຕິຮູບເປີດປະຕູ ແລະເຊື່ອມໂຍງເຂົ້າກັບສາກົນເລີ່ມຕົ້ນດ້ວຍກອງປະຊຸມໃຫຍ່ ຄັ້ງທີ VI ຂອງພັກ (ນັບແຕ່1986-ມາຮອດປະຈຸບັນ).

ຄ້າຍຄືກັນນັ້ນ, ສັກກະຫຼາດໃໝ່, ສັກກະຫຼາດບືນຕົວຂອງຊາດຫວຽດນາມ ຈະເປີດສາກດ້ວຍເຫດການທີ່ມີຄວາມໝາຍປະຫວັດສາດ-ກອງປະຊຸມໃຫຍ່ທົ່ວປະເທດ ຄັ້ງທີ XIV ຂອງພັກ. ທີ່ກອງປະຊຸມໃຫຍ່ XIV, ພັກເຮົາຈະນໍາບັນດານະໂຍບາຍຊີ້ຂາດທີ່ມີຄວາມໝາຍປະຫວັດສາດເພື່ອນໍາພາປະເທດຫວຽດນາມ ກາຍເປັນປະເທດພວມພັດທະນາ, ມີອຸດສາຫະກໍາທັນສະໄໝ, ລາຍຮັບສະເລ່ຍສູງ ໃນປີ 2030, ເນື່ອງໃນໂອກາດສະເຫຼີມສະຫຼອງ 100 ປີແຫ່ງວັນສ້າງຕັ້ງພັກ ແລະຈະກາຍເປັນປະເທດພັດທະນາ, ມີລາຍຮັບສູງໃນປີ 2045, ເມື່ອພວກເຮົາສະເຫຼີມສະຫຼອງ 100 ປີແຫ່ງວັນສ້າງຕັ້ງປະເທດປະຊາທິປະໄຕ ສາທາລະນະລັດ ຫວຽດນາມ, ປະຈຸບັນແມ່ນສາທາລະນະລັດ ສັງຄົມນິຍົມ ຫວຽດນາມ.

ສະນັ້ນ, ເປົ້າໝາຍກວມລວມຂອງສັກກະຫຼາດບືນຕົວຂອງຊາດຫວຽດນາມ ແມ່ນກໍ່ສ້າງປະເທດຫວຽດນາມ ສັງຄົມນິຍົມໃຫ້ສໍາເລັດ. ບັນລຸໄດ້ເປົ້າໝາຍນີ້, ຫວຽດນາມ ສະແດງໃຫ້ໂລກໄດ້ເຫັນທ່າອ່ຽງພັດທະນາທີ່ຈຳເປັນຂອງມະນຸດໃນສະໄໝຂ້າມຜ່ານຈາກລັດທິທຶນນິຍົມຂຶ້ນສູ່ລັດທິສັງຄົມນິຍົມ.

ພາບປະກອບຈາກ tuyengiao.vn

ກ່ຽວກັບເປົ້າໝາຍນີ້, ໃນຄາວຍັງມີຊີວິດ, ທ່ານ ຫງວຽນຝູຈ້ອງ ເລຂາທິການໃຫຍ່ ໄດ້ລະລຸວ່າ: “ພວກຂ້າພະເຈົ້າຕ້ອງມີສັງຄົມໜຶ່ງ ເຊິ່ງໃນນັ້ນ, ການພັດທະນາແມ່ນແທ້ຈິງເພື່ອຄົນແຕ່ບໍ່ແມ່ນເພື່ອຜົນປະໂຫຍດທີ່ຂູດຮີດ ແລະຢຽບຍ່ຳກຽດສັກສີຂອງຄົນ. ພວກເຮົາຕ້ອງການພັດທະນາກ່ຽວກັບເສດຖະກິດໄປຄຽງຄູ່ກັບຄວາມກ້າວໜ້າ ແລະຄວາມຍຸຕິທໍາສັງຄົມແຕ່ບໍ່ແມ່ນເພີ່ມໄລຍະຫ່າງລະຫວ່າງຮ່ັງມີ-ທຸກຍາກ ແລະຄວາມບໍ່ສະເໝີພາບທາງສັງຄົມ... ແລະພວກເຮົາຕ້ອງມີລະບົບການເມືອງເຊິ່ງອໍານາດແມ່ນຂອງປະຊາຊົນ, ເພື່ອປະຊາຊົນ ແລະຮັບໃຊ້ຜົນປະໂຫຍດຂອງປະຊາຊົນຢ່າງແທ້ຈິງແຕ່ບໍ່ແມ່ນໃຫ້ພຽງແຕ່ຈໍານວນຄົນຮ່ັງມີກຸ່ມນ້ອຍເທົ່ານັ້ນ. ແມ່ນບໍ່ວ່າ, ບັນດາຄວາມມຸ່ງຫວັງອັນດີງາມນັ້ນແມ່ນຄຸນຄ່າແທ້ຈິງຂອງສັງຄົມນິຍົມ ແລະກໍ່ແມ່ນເປົ້າໝາຍ, ແມ່ນເສັ້ນທາງເຊິ່ງປະທານໂຮ່ຈີມິນ, ພັກກອມມູນິດຫວຽດນາມ ແລະປະຊາຊົນໄດ້ເລືອກເອົາ ແລະພວມຢຶດໝັ້ນເດີນຕາມ”. ນີ້ແມ່ນເປົ້າໝາຍທີ່ມີຄວາມໝາຍຍຸກສະໄໝອັນເລິກເຊິ່ງ, ຢືນຢັນທ່າອ່ຽງພັດທະນາລວມໃນສະໄໝຂ້າມຜ່ານແຕ່ລັດທິທຶນນິຍົມ ຂຶ້ນເປັນລັດທິສັງຄົມ ນິຍົມ.

ພຶດຕິກໍາຕົວຈິງໃນການພັດທະນາປະເທດຊາດຮຽກຮ້ອງໃຫ້ພັກຕ້ອງປ່ຽນແປງໃໝ່ວິທີການນຳພາຢ່າງບໍ່ຢຸດຢັ້ງເພື່ອຍົກສູງຄວາມສາມາດກໍາອໍານາດເພື່ອຕອບສະໜອງຄວາມຮຽກຮ້ອງຕ້ອງການ, ໜ້າທີ່່ໃໝ່. ໃນນັ້ນ, ເລື່ອງຫັນແນວທາງ, ແຜນນະໂຍບາຍເປັນລະບອບລະບຽບການ ແລະການກໍານົດທິດນະໂຍບາຍຂອງພັກໄດ້ສວມບົດບາດສໍາຄັນພິເສດ, ສະແດງໃຫ້ເຫັນກຳລັງຄວາມສາມາດກໍາອໍານາດຂອງພັກເພື່ອຈຸດປະສົງຫຼາຍຢ່າງ. ນັ້ນແມ່ນ: 1) ສ້າງກອບນິຕິກຳເພື່ອການຈັດຕັ້ງ ແລະການເຄື່ອນໄຫວຂອງບັນດາອົງການຈັດຕັ້ງການເມືອງ, ອົງການຈັດຕັ້ງມະຫາຊົນໃນສັງຄົມຕາມກົດໝາຍ; 2) ສະແດງໃຫ້ເຫັນຄວາມສາມາດຂອງພັກໃນການກໍານົດ ແລະສ້າງກອບລວມໃຫ້ເປັນຮູບເປັນຮ່່າງຕໍ່ທຸກການເຄື່ອນໄຫວເສດຖະກິດ, ການເມືອງ, ວັດທະນະທໍາ, ສັງຄົມ; 3) ເພື່ອໃຫ້ລັດຄຸ້ມຄອງສັງຄົມ ແລະກໍານົດບັນດາເຄື່ອງມືຄຸ້ມຄອງສັງຄົມຢ່າງມີປະສິດທິຜົນ; 4) ກໍ່ສ້າງລັດໃຫ້ປອດໃສເຂັ້ມແຂງ, ສະກັດກັ້ນ ແລະຮັດໃຫ້ ການສໍ້ລາດບັງຫຼວງ, ຟຸມເຟືອຍໝົດໄປ; 5) ຈໍາກັດການຜິດພາດ, ບໍ່ໝັ້ນຄົງທາງດ້ານເສດຖະກິດ, ການເມືອງ ຫຼື ສັງຄົມ; 6) ກໍ່ສ້າງລັດຂອງປະຊາຊົນ, ໂດຍປະຊາຊົນ ແລະເພື່ອປະຊາຊົນ; 7) ຮັບປະກັນໃຫ້ ອົງການຈັດຕັ້ງ, ບຸກຄົນໃນສັງຄົມປະຕິບັດຖືກຕາມສິດອໍານາດ ແລະພັນທະຂອງຕົນ.

ດຳເນີນການປະຕິວັດຫັນປ່ຽນດີຈີຕອນ. ທ່ານ ໂຕເລິມ ເລຂາທິການໃຫຍ່ ຍົກໃຫ້ເຫັນທັດສະນະ: ພວກເຮົາພວມຢຶນຢູ່ຕໍ່ໜ້າຄວາມຮຽກຮ້ອງຕ້ອງການຕ້ອງມີການປະຕິວັດດ້ວຍບັນດາການປະຕິຮູບຢ່າງແຂງແຮງ, ຮອບດ້ານເພື່ອ ດັດປັບການພົວພັນຜະລິດ, ສ້າງກໍາລັງໜູນໃໝ່ໃຫ້ແກ່ການພັດທະນາ. ນັ້ນແມ່ນການປະຕິວັດຫັນປ່ຽນດີຈີຕອນ, ໜູນໃຊ້ວິທະຍາສາດ-ເຕັກໂນໂລຢີ ເພື່ອສ້າງໂຄງປະກອບການພົວພັນຜະລິດຄືນໃໝ່ໃຫ້ສອດຄ່ອງກັບຄວາມກ້າວໜ້າກະໂດດຂັ້ນຂອງກໍາລັງຜະລິດ. ການຫັນປ່ຽນດີຈີຕອນບໍ່ພຽງແຕ່ແມ່ນການນໍາໃຊ້ເຕັກໂນໂລຢີດີຈີຕອນເຂົ້າໃນການເຄື່ອນໄຫວເສດຖະກິດ-ສັງຄົມເທົ່ານັ້ນ ຫາກຍັງແມ່ນວິວັດການກໍານົດບາງວິທີການຜະລິດໃໝ່ທີ່ກ້າວໜ້າ, ທັນສະໄໝ-“ວິທີການຜະລິດດີຈີຕອນ”,... ພ້ອມດຽວກັນນັ້ນ, ການພົວພັນຜະລິດກໍ່ມີການການຫັນປ່ຽນຢ່າງເລິກເຊິ່ງ, ພິເສດແມ່ນໃນຮູບການກຳມະສິດ ແລະແຈກຢາຍພາຫະນະການຜະລິດດີຈີຕອນ. ທັງທິດສະດີ ແລະພຶດຕິກຳຕົວຈິງລ້ວນແຕ່ສະແດງອອກໃຫ້ເຫັນທັດສະນະນັ້ນທັງຕອບທັງສະໜອງຄວາມຮຽກຮ້ອງຕ້ອງການພັດທະນາຂອງ ຫວຽດນາມ ທັງສອດຄ່ອງກັບການພັດທະນາຢ່າງແຂງແຮງຂອງການປະຕິວັດ ອຸດສາຫະກໍາ ຄັ້ງທີ 4 ໃນຂອບເຂດທົ່ວໂລກ.

ດຳເນີນການປະຕິວັດກ່ຽວກັບກະທັດຮັດລະບົບການເມືອງ, ເປັນປະທານ ແລະກ່າວຄໍາເຫັນທີ່ກອງປະຊຸມຄັ້ງທີ 1 ຂອງຄະນະຊີ້ນໍາສະຫຼຸບການປະຕິບັດມະຕິເລກທີ 18-NQ/TW ຂອງຄະນະບໍລິຫານງານ ສູນກາງພັກ ສະໄໝທີ XII, ທ່ານ ໂຕເລິມ ເນັ້ນໜັກວ່າ ການປ່ຽນແປງໃໝ່, ສັບຊ້ອນກົງຈັກການຈັດຕັ້ງຂອງລະບົບການເມືອງໃຫ້ກະທັດຮັດ, ເຄື່ອນໄຫວຢ່າງມີປະສິດທິພາບ, ປະສິດທິຜົນ, ແມ່ນໜ້າທີ່ພິເສດສໍາຄັນ; ແມ່ນການປະຕິວັດ, ຫຍຸ້ງຍາກທີ່ສຸດ, ຫຼໍ່ແຫຼມ, ສັບສົນ, ສົ່ງຜົນສະທ້ອນໂດຍກົງເຖິງແຕ່ລະຄົນໃນທຸກທົງເຂດ. ສະນັ້ນ ຕ້ອງປະຕິບັດການປະຕິວັດນີ້ດ້ວຍຄວາມຕັດສິນໃຈສູງສຸດ, ມີກະທໍາຢ່າງຂ້ຽວຂາດຂອງທົ່ວລະບົບການເມືອງ;...

ຫວຽດນາມ ມີຄວາມສາມາດດໍາເນີນການປະຕິວັດຢ່າງສົມບູນ ແລະມີໄຊໃນສັກກະຫຼາດໃໝ່ຍ້ອນມີເງື່ອນໄຂສະດວກພື້ນຖານດັ່ງລຸ່ມນີ້:

ໜຶ່ງແມ່ນ, ຫວຽດນາມ ມີລະບົບການເມືອງທີ່ໝັ້ນຄົງເຂັ້ມແຂງພາຍໃຕ້ການນໍາພາຢ່າງເດັດຂາດ ແລະຮອບດ້ານຂອງພັກກອມມູນິດຫວຽດນາມ-ໜຶ່ງພັກການເມືອງເຄີຍນໍາພາພາລະກິດປະຕິວັດຂອງປະຊາຊົນຍາດໄດ້ໄຊຊະນະອັນໃຫຍ່ຫຼວງນັບແຕ່ສ້າງຕັ້ງ ເມື່ອປີ 1930.

ສອງແມ່ນ, ຫວຽດນາມ ມີພື້ນຖານເສດຖະກິດຕະຫຼາດກໍານົດທິດສັງຄົມໄດ້ ແລະພວມເຊື່ອມໂຍງຢ່າງເລິກເຊິ່ງ ກວ້າງຂວາງເຂົ້າພື້ນຖານເສດຖະກິດທົ່ວໂລກ. ປະຈຸບັນ, ຫວຽດນາມ ໄດ້ລົງນາມສັນຍາການຄ້າເສລີພາກພື້ນ ແລະສອງຝ່າຍ (FTA) ຫຼາຍສິບສະບັບ, ກວມເອົາເກືອບ 60 ພື້ນຖານເສດຖະກິດໂລກ ແລະກວມເອົາເກືອບ 90% GDP ທົ່ວໂລກ, ໃນນັ້ນມີ 15 ປະເທດສະມາຊິກຂອງ G20.

ສາມແມ່ນ, ຊົນຊາດຫວຽດນາມ ສາມັກຄີ, ເປັນເຈົ້າຕົນເອງ, ເຊື່ອໝັ້ນຕົນເອງ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ, ມີຄວາມເອກອ້າງທະນົງໃຈຊົນຊາດ; ມີພື້ນຖານວັດທະນະທໍາທີ່ເປັນເອກະລັກ, ດ້ວຍຄຸນຄ່າວັດທະນະທໍາຂອງມວນມະນຸດ; ຊາວຫວຽດນາມ ພັດທະນາຮອບດ້ານ, ຮັກຊາດ, ສະຫຼາດ, ຂະຫຍັນຂັນເຄື່ອນ, ປ່ຽນແປງໃໝ່, ປະດິດສ້າງ, ເຊື່ອມໂຍງ, ມີຄວາມຄາດຫວັງຢາກອຸທິດຕົນເພື່ອຄວາມຈະເລີນຮຸ່ງເຮືອງຂອງປະເທດ, ຊົນຊາດ.

ສີ່ແມ່ນ, ຫວຽດນາມ ມີພື້ນຖານປ້ອງກັນຊາດ, ປ້້ອງກັນຄວາມສະຫງົບທີ່ມີສະຖຽນລະພາບ, ໜັກແໜ້ນ, ນັບມື້ນັບທັນສະໄໝ, ກຽມກໍາລັງໃຫ້ພຽງພໍເພື່ອປົກປັກຮັກສາອະທິປະໄຕແຫ່ງຊາດແຕ່ຫົວທີ, ແຕ່ໄກໃນທຸກກໍລະນີ.

ຫ້າແມ່ນ, ຫວຽດນາມ ໄດ້ສ້າງຕັ້ງການພົວພັນທາງການທູດກັບເກືອບທຸກປະເທດໃນໂລກ. ໝົດເດືອນ ພະຈິກ 2024, ຫວຽດນາມ ມີການພົວພັນທາງການທູດກັບ 193 ປະເທດ, ໃນນັ້ນ ມີການພົວພັນຄູ່ຮ່ວມມືຍຸດທະສາດຮອບດ້ານກັບ 9 ປະເທດ, ມີການພົວພັນຄູ່ຮ່ວມມືຍຸດທະສາດກັບ 11 ປະເທດ, ມີການພົວພັນຄູ່ຮ່ວມມືຮອບດ້ານກັບ 13 ປະເທດ. ຫວຽດນາມ ແມ່ນສະມາຊິກທີ່ຕັ້ງໜ້າ ແລະມີຄວາມຮັບຜິດຊອບຂອງກວ່າ 70 ອົງການ, ເວທີປາໄສສາກົນສໍາຄັນ, ຄື: ສປຊ, ອາຊຽນ, APEC, ASEM, WTO... ພັກກອມມູນິດຫວຽດນາມ ໄດ້ສ້າງຕັ້ງການພົວພັນທາງການທູດພັກກັບ 254 ພັກການເມືອງ ຢູ່ 114 ປະເທດ. ດ້ວຍກຳລັງຄວາມສາມາດບົ່ມຊ້ອນ ແລະການພົວພັນທາງການທູດເປີດກວ້າງ, ຫວຽດນາມ ຈະເສີມຂະຫຍາຍກໍາລັງແຮງຊົນຊາດສົມທົບກັບກໍາລັງແຮງຍຸກສະໄໝເພື່ອມີຄວາມເຊື່ອໝັ້ນຕົນເອງກ້າວເຂົ້າສູ້ສັກກະຫຼາດບືນຕົວຂອງຊົນຊາດ.

ສະຖາບັນການເມືອງແຫ່ງຊາດ ໂຮ່ຈີມິນ: ບູຣິມະສິດໃນການສ້າງເງື່ອນໄຂທຸກຢ່າງໃຫ້ສຳມະນາກອນລາວ ທີ່ຮ່ຳຮຽນຢູ່ສະຖາບັນ ຍສໝ - ນັ້ນ​ແມ່ນ​ຄຳ​ກ່າວ​ປາ​ໄສ​ຂອງ​ທ່ານ​ຮອງ​ສາດສະດາຈານ, ດຣ ເຢື່ອງຈູງອີ, ຮອງ​ຜູ້ອຳນວຍການ​ສະຖາບັນ​ການ​ເມືອງ​ແຫ່ງ​ຊາດ ​ໂຮ່ຈີ​ມິນ ​ໃນ​ໂອກາດງານ​ບຸນປີ​ໃໝ່​ປະຈຳ​ຊາດລາວ ​ໄດ້ຈັດຕັ້ງໂດຍ​ບັນດາ​ສຳມະນາກອນລາວ ທີ່​ພວມ​ຮ່ຳຮຽນ​ຢູ່ສະ​ຖາ​ບັນ.

ສ້າງທຸກເງື່ອນໄຂສະດວກ ເພື່ອບັນດານັກລົງທຶນ, ວິສາຫະກິດລາວ ຮ່ວມມືລົງທຶນຢ່າງມີປະສິດທິຜົນ ຍສໝ - ແຂວງເທື່ອທຽນເຫວ້ ແມ່ນ 1 ໃນ 10 ແຂວງຂອງເສັ້ນຊາຍແດນຫວຽດນາມ - ລາວ, ມີຄວາມຍາວ 84 ກິໂລແມັດ, ມີ 2 ດ່ານຊາຍແດນທາງບົກຄື: ຮົ່ງເວິນ - ໂກຕ່າຍ ແລະອາເດີດ - ຕະວາງ.