 | ຊຸກຍູ້ການຮ່ວມມືລະຫວ່າງສະຫະພັນບັນດາອົງການມິດຕະພາບຫວຽດນາມ ແລະ ສະຫະປະຊາຊາດ ປະຈຳຫວຽດນາມ |
| ສະຫະປະຊາຊາດ ໄດ້ເລືອກເອົາປີ 2026 ເປັນປີສາກົນ ແມ່ຍິງເຮັດວຽກງານກະສິກຳ |
- ຮຽນທ່ານຮອງລັດຖະມົນຕີຜູ້ປະຈຳການ, ຂໍຮຽນທ່ານໃຫ້ຮູ້ກ່ຽວກັບຄຸນຄ່າ ແລະ ບົດບາດຂອງສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ?
ສົນທິສັນຍາຍັງແມ່ນພື້ນຖານເພື່ອໃຫ້ບັນດາປະເທດຮ່ວມມືໃນການຄຸ້ມຄອງມະຫາສະໝຸດຢ່າງເປັນລະບຽບ ແລະ ຍືນຍົງ. ອາດເວົ້າຮອດບາງຈຸດເດັ່ນ ແລະ ຄວາມສຳຄັນຂອງສົນທິສັນຍາທີ່ໄດ້ລະບຸໄວ້ດັ່ງນີ້:
ອັນທີໜຶ່ງ, UNCLOS ເປັນຄັ້ງທຳອິດໄດ້ແກ້ໄຂບັນຫາຂອບເຂດ ແລະ ຂໍໍ້ກຳນົດກົດລະບຽບບັນດາເຂດທະເລໂດຍສັງລວມ ຮອບດ້ານ ແລະ ເຖິງຖອງ, ສ້າງພື້ນຖານເພື່ອໃຫ້ບັນດາປະເທດປະຕິບັດສິດ ແລະ ດຳເນີນບັນດາການເຄື່ອນໄຫວຢູ່ທະເລ. ຂໍ້ກຳນົດກ່ຽວກັບບັນດາເຂດທະເລທີ່ໄດ້ກຳນົດໄວ້ໃນສົນທິສັນຍາ ໄດ້ແກ້ໄຂຜົນປະໂຫຍດຂອງບັນດາກຸ່ມປະເທດຕ່າງໆຢ່າງກົມກຽວກັນ, ລວມມີບັນດາປະເທດແຄມທະເລ, ປະເທດທີ່ບໍ່ມີທາງອອກສູ່ທະເລ ຫຼື ສະພາບພູມສາດທີ່ດ້ອຍໂອກາດ.
ຄຽງຂ້າງນັ້ນ, ມີໜຶ່ງຂໍ້ກຳນົດທີ່ມີຫົວຄິດປະດິດສ້າງ, ສາມາດເວົ້າໄດ້ວ່າ ມີຫົວຄິດປະດິດສ້າງທີ່ສຸດໃນສົນທິສັນຍາແມ່ນການຖື “ເຂດ” ເຊິ່ງລວມທັງພື້ນທະເລ ແລະ ພື້ນດິນລຸ່ມພື້ນທະເລຢູ່ນອກສິດພິພາກສາອຳນາດແຫ່ງຊາດ ແລະ ຊັບພະຍາກອນອື່ນໆຢູ່ທີ່ນີ້ແມ່ນ “ມໍລະດົກຮ່ວມມຂອງມວນມະນຸດ”. ຕາມນັ້ນແລ້ວ, ສົນທິສັນຍາໄດ້ສ້າງຕັ້ງອົງການສາກົນເພື່ອຄຸ້ມຄອງບັນດາການເຄື່ອນໄຫວຢູ່ເຂດ ເພື່ອແນໃສ່ຮັບປະກັນການແບ່ງປັນຜົນປະໂຫຍດດ້ານເສດຖະກິດຢ່າງສະເໝີພາບຈາກການຂຸດຄົ້ນຊັບພະຍາກອນຢູ່ທີ່ນີ້ໃຫ້ທຸກປະເທດ.
ສຸດທ້າຍ, ສົນທິສັນຍາໄດ້ກຳນົດລະບົບການແກ້ໄຂຂໍ້ແກ້ງແຍ້ງທີ່ຂ້ອນຂ້າງຮອບດ້ານ, ດ້ານໜຶ່ງຢືນຢັນຄືນພັນທະໃນການແກ້ໄຂຂໍ້ແກ້ງແຍ້ງສາກົນໂດຍສັນຕິວິທີທີ່ກຳນົດໄວ້ໃນກົດບັດສະຫະປະຊາຊາດ ແລະ ອີກດ້ານໜຶ່ງແມ່ນໄດ້ກຳນົດລະອຽດກ່ຽວກັບບັນດາວິທີການແກ້ໄຂຂໍ້ແກ້ງແຍ້ງໂດຍສັນຕິວິທີເຊັ່ນ: ການໄກ່ເກ່ຍໃຫ້ປອງດອງ, ກຳມະການ ຫຼື ສານ. ດ້ວຍລະບົບດັ່ງກ່າວ, ບັນດາຂໍ້ແກ້ງແຍ້ງທີ່ກ່ຽວຂ້ອງກັບການອະທິບາຍ ແລະ ການນຳໃຊ້ສົນທິສັນຍາສາມາດແກ້ໄຂໄດ້ຢ່າງທັນການ, ໂດຍຜ່ານນັ້ນ ກໍ່ຮັກສາສັນຕິພາບ, ສະຖຽນລະພາບ ແລະ ສະກັດກັ້ນການປະທະກັນ.
 |
| ທ່ານ ຫງວຽນມິນຫວູ໊ ຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫວຽດນາມ ໃຫ້ສຳພາດຕໍ່ນັກຂ່າວ. |
- ຮຽນທ່ານຮອງລັດຖະມົນຕີຜູ້ປະຈຳການ, ພາຍຫຼັງ 30 ປີນັບຕັ້ງແຕ່ມີຜົນສັກສິດ, ຫວຽດນາມ ໄດ້ປະກອບສ່ວນອັນໃດແດ່ໃນການສ້າງສາ ແລະ ປະຕິບັດສົນທິສັນຍາ?
ໃນຊຸມປີທີ່ຜ່ານມາ, ເພື່ອແນໃສ່ປະຕິບັດ UNCLOS, ຫວຽດນາມ ໄດ້ປັບປຸງລະບົບກົດໝາຍກ່ຽວກັບທະເລ ແລະ ມະຫາສະໝຸດເທື່ອລະກ້າວ, ປະກາດໃຊ້ບັນດາເອກະສານນິຕິກຳ, ຍຸດທະສາດ, ນະໂຍບາຍ, ແຜນການຮັບໃຊ້ການນຳໃຊ້, ຂຸດຄົ້ນທະເລ ແລະ ມະຫາສະໝຸດຢ່າງມີປະສິດທິຜົນ ແລະ ຍືນຍົງຂອງປະເທດ.
ຄຽງຂ້າງນັ້ນ, ຫວຽດນາມ ຍັງເປັນເຈົ້າການເຂົ້າຮ່ວມບັນດາການເຄື່ອນໄຫວໃນຂອບເຂດບັນດາກົນໄກສາກົນທີ່ສ້າງຕັ້ງພາຍໃຕ້ສົນທິສັນຍາຢ່າງຕັ້ງໜ້າ, ຍົກອອກຫຼາຍຂໍ້ລິເລີ່ມທີ່ໄດ້ຮັບການຍອມຮັບຈາກປະຊາຄົມສາກົນ, ຜ່ານນັ້ນ ກໍ່ຍົກສູງບົດບາດຂອງ ຫວຽດນາມ ໃນເວທີສາກົນເທື່ອລະກ້າວ.
ຫວຽດນາມ ເຄີຍດຳລົງຕຳແໜ່ງເປັນສະມາຊິກສະພາອົງການມະຫາອຳນາດສາກົນກ່ຽວກັບພື້ນມະຫາສະໝຸດ, ປະກອບສ່ວນຢ່າງແທ້ຈິງເຂົ້າໃນຂະບວນວິວັດຂອງສານກ່ຽວກັບກົດໝາຍວ່າດ້ວຍທະເລສາກົນ ໃຫ້ຄວາມເຫັນເປັນທີ່ປຶກສາກ່ຽວກັບການປ່ຽນແປງຂອງດິນຟ້າອາກາດ ແລະ ກົດໝາຍສາກົນ, ຕັ້ງໜ້າເຂົ້າຮ່ວມຂະບວນການເຈລະຈາ ແລະ ໄດ້ລົງນາມໂດຍໄວໃນສັນຍາອະນຸລັກ ແລະ ນຳໃຊ້ຊີວະນາໆພັນທາງທະເລແບບຍືນຍົງຢູ່ເຂດທະເລນອກຂອບເຂດສິດພິພາກສາແຫ່ງຊາດ – ເອກະສານສາກົນຫຼ້າສຸດແມ່ນກ່ຽວກັບການຈັດຕັ້ງປະຕິບັດສົນທິສັນຍາ.
ສາມາດເຫັນໄດ້ວ່າ ການປະກອບສ່ວນເຂົ້າໃນຂະບານວິວັດການສ້າງຕັ້ງ ແລະ ພັດທະນາ UNCLOS, ຫວຽດນາມ ຍາມໃດກໍ່ປະຕິບັດໜ້າທີ່ເປັນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບຂອງສົນທິສັນຍາ, ຍາມໃດກໍ່ຍົກສູງຄຸນຄ່າ, ເຄົາລົບ ແລະ ປະຕິບັດສົນທິສັນຍາຢ່າງຄົບຖ້ວນ, ໃນຂະນະນັ້ນກໍ່ຢືນຢັນທີ່ຕັ້ງ, ບົດບາດ ແລະ ຄວາມຕັ້ງໜ້າ, ເປັນເຈົ້າການຂອງ ຫວຽດນາມ ໃນເວທີສາກົນ.
- ສະນັ້ນ ໃນໄລຍະຈະມາເຖິງ, ຫວຽດນາມ ຈະປະກອບສ່ວນອັນໃດໃຫ້ແກ່ການຍົກສູງ ແລະ ປະຕິບັດສົນທິສັນຍາສະບັບນີ້, ຮຽນທ່ານຮອງລັດຖະມົນຕີຜູ້ປະຈຳການ?
ໃນໄລຍະຈະມາເຖິງ, ຫວຽດນາມ ຈະຕັດສິນໃຈຜັນຂະຫຍາຍບັນດາໜ້າທີ່ຢ່າງສຳເລັດຜົນ ເພື່ອແນໃສ່ສືບຕໍ່ສະແດງຄວາມເຄົາລົບ ແລະ ປະຕິບັດຕາມ UNCLOS ຢ່າງຄົບຖ້ວນ, ສະແດງໃຫ້ເຫັນພາບພົດຂອງ ຫວຽດນາມ ໃນຍຸກແຫ່ງການພັດທະນາປະເທດຊາດ, ແມ່ນເພື່ອນມິດທີ່ໄວ້ເນື້ອເຊື່ອໃຈ ແລະ ເປັນສະມາຊິກທີ່ມີຄວາມຮັບຜິດຊອບຂອງປະຊາຄົມສາກົນ.
ອັນທີໜຶ່ງ, ຫວຽດນາມ ຈະສືບຕໍ່ປະກາດໃຊ້ບັນດານະໂຍບາຍ ແລະ ເຮັດສຳເລັດລະບົບກົດໝາຍແຫ່ງຊາດກ່ຽວກັບທະເລ, ໝູ່ເກາະມຸ່ງໄປສູ່ການພັດທະນາແບບຍືນຍົງ, ຕອບສະໜອງຄວາມຮຽກຮ້ອງຕ້ອງການປົກປັກຮັກສາອະທິປະໄຕເຂດທະເລ ແລະ ໝູ່ເກາະ, ຮັບປະກັນໃຫ້ສອດຄ່ອງກັບກົດໝາຍສາກົນ, ໃນນັ້ນມີ UNCLOS.
ອັນທີສອງ, ຫວຽດນາມ ຍາມໃດກໍ່ຍົກສູງຈິດໃຈເຄົາລົບກົດໝາຍ ແລະ ຖືສົນທິສັນຍາແມ່ນພື້ນຖານນິຕິກຳເພື່ອດຳເນີນບັນດາການເຄື່ອນໄຫວຢູ່ທະເລ, ໃນນັ້ນມີການແກ້ໄຂຂໍ້ແກ້ງແຍ້ງທາງທະເລກັບບັນດາປະເທດບ້ານໃກ້ເຮືອນຄຽງໂດຍສັນຕິວິທີ, ມຸ່ງໄປເຖິງການຄຸ້ມຄອງເຂດທະເລໂດຍສັນຕິ ແລະ ຍືນຍົງຢູ່ບັນດາເຂດທະເລ, ໃນນັ້ນມີທະເລຕາເວັນອອກ.
ອັນທີສາມ, ຫວຽດນາມ ຕັ້ງໜ້າເຂົ້າຮ່ວມ ແລະ ປະກອບສ່ວນຢ່າງແທ້ຈິງຢູ່ບັນດາເວທີປາໄສກົດໝາຍທະເລ ແລະ ມະຫາສະໝຸດຄື: ກອງປະຊຸມບັນດາປະເທດສະມາຊິກ UNCLOS ແລະ ກອງປະຊຸມມະຫາສະໝຸດສະຫະປະຊາຊາດ, ພ້ອມທັງສືບຕໍ່ປະກອບສ່ວນເຂົ້າໃນບັນດາບັນຫາທີ່ປະຊາຄົມໂລກພວມໃຫ້ຄວາມສົນໃຈ, ລວມທັງການປ່ຽນແປງຂອງດິນຟ້າອາກາດ, ການອະນຸລັກ ແລະ ການນຳໃຊ້ຊັບພະຍາກອນ, ຊີວະນາໆພັນໃນມະຫາສະໝຸດແບບຍືນຍົງ.
ອັນທີສີ່, ຫວຽດນາມ ຍັງຮຽກຮ້ອງໃຫ້ບັນດາປະເທດສືບຕໍ່ໃຫ້ສັດຕະຍາບັນ ແລະ ເຂົ້າຮ່ວມສົນທິສັນຍາ, ພ້ອມກັນນັ້ນ ກໍ່ຊຸກຍູ້ການປະຕິບັດບັນດາຂໍ້ກຳນົດຂອງສົນທິສັນຍາຢ່າງຄົບຖ້ວນ ແລະ ມີເຈດຕະນາດີ ເພື່ອໃຫ້ UNCLOS ເສີມຂະຫຍາຍບົດບາດເປັນຂອບເຂດຄຸ້ມຄອງນິຕິກຳຢ່າງຮອບດ້ານກວ່າອີກ ດັດປັບທຸກການກະທຳກ່ຽວກັບທະເລ ແລະ ມະຫາສະຫມຸດ.
ສຸດທ້າຍ, ຫວຽດນາມ ຈະສືບຕໍ່ເພີ່ມທະວີການພົວພັນຮ່ວມມືກັບບັນດາອົງການນິຕິບັນຍັດສາກົນ, ພິເສດແມ່ນບັນດາອົງການວິຊາສະເພາະກ່ຽວກັບມະຫາສະໝຸດ ແລະ ກົດໝາຍວ່າດ້ວຍທະເລໃຫ້ເລິກເຊິ່ງ ແລະ ແທດຈິງກວ່າອີກ.
ຂໍຂອບໃຈທ່ານຮອງລັດຖະມົນຕີຜູ້ປະຈຳການ!
 | ຂີດໝາຍຂອງ ຫວຽດນາມ ໃນປີທຳອິດທີ່ຮັບດຳລົງຖານະເປັນສະມາຊິກສະພາສິດທິມະນຸດ ສະຫະປະຊາຊາດ ຍສໝ - ເນື່ອງໃນໂອກາດ ຫວຽດນາມ ຮັບດຳລົງຖານະເປັນສະມາຊິກສະພາສິດທິມະນຸດ ສະຫະປະຊາຊາດ ໄດ້ໜຶ່ງປີ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ໂດ້ຫວຽດຮຸ່ງ ໄດ້ຕີລາຄາ, ໃຫ້ຂໍ້ສັງເກດກ່ຽວກັບບັນດາຂີດໝາຍຂອງ ຫວຽດນາມ ໃນປີທີ່ຜ່ານມາ ແລະ ທິດທາງໃນຕໍ່ໜ້າ. |
 | ຄະນະຜູ້ແທນຫວຽດນາມ ປະຈຳ ສະຫະປະຊາຊາດ ໄດ້ສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຍສໝ - ວັນທີ 20 ທັນວາ, ຢູ່ນິວຢອກ (ອາເມລິກາ), ຄະນະຜູ້ແທນຫວຽດນາມ ປະຈໍາ ສະຫະປະຊາຊາດ (ສປຊ) ໄດ້ຈັດຕັ້ງພິທີສະເຫຼີມສະຫຼອງ 79 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ (22 ທັນວາ 1944 – 22 ທັນວາ 2023 ) ແລະ 34 ປີແຫ່ງ ... |
ມິງດຶກ
