ເຄື່ອນໄຫວລະບົບ​ຊົນລະປະທານ ໜອງ​ບົກ-ຄຳ​ມ່ວນ ມຸ່ງໄປເຖິງເປົ້າໝາຍກາຍເປັນເປັນ​ເຂດໃຈກາງ​ເຂົ້າສານ​ຂອງ​ລາວ

	ມອບ​ຂອງ​ກອງ​ບັນຊາ​ການ​ທະຫານ​ບົກ​ທີ 1, ​ເປັນ​ຂອງຂວັນ​ຂອງ​ກອງທັບ​ຫວຽດນາມ ​ໃຫ້​ກອງທັບ​ລາວ
	ຊາວ​ໜຸ່ມ​ຫວຽດນາມ ​ແລະ ລາວ ມ່ວນ​ຊື່ນ​ຢູ່​ເຂດ​ຊາຍ​ແດນ

ບໍ່ພຽງແຕ່ປະກອບສ່ວນຊຸກຍູ້ການພັດທະນາເສດຖະກິດ-ສັງຄົມເທົ່ານັ້ນ, ລະບົບຊົນລະປະທານ ເມືອງ ໜອງບົກ, ແຂວງ ຄຳມ່ວນ (ສປປ ລາວ) ຍັງເປັນສັນຍາລັກແຫ່ງຄວາມສາມັກຄີອ້າຍນ້ອງລະຫວ່າງແຂວງ ຮ່າຕິ້ງ ແລະ ຄຳມ່ວນ.

ລະບົບຊົນລະປະທານເມືອງໜອງບົກ ເປີດນໍາໃຊ້ຢ່າງເປັນທາງການ ແລະ ມອບ-ຮັບ ເດືອນຕຸລາ 2024. ພາບ: ເຢືອງຈ໊ຽນ

ພາຍຫຼັງກໍ່ສ້າງຢ່າງຮີບດ່ວນ, ລະບົບຊົນລະປະທານຂອງເມືອງ ໜອງບົກ ໄດ້ເປີດນໍາໃຊ້ຢ່າງເປັນທາງການ.

ນີ້​ແມ່ນ​ໜຶ່ງ​ໃນ​ບັນດາ​ໂຄງການ​ຂະໜາດ​ໃຫຍ່, ນຳ​ໃຊ້ທຶນ​ຊ່ວຍ​ເຫຼືອລ້າ​ຂອງ​ລັດຖະບານ ຫວຽດນາມທີ່ ​ສະຫງວນໃຫ້​ແກ່​ລັດຖະບານ​ລາວ. ຄະນະ​ກຳມະການ​ປະຊາຊົນ​ແຂວງ ຮ່າ​ຕິ້ງ ​ໄດ້​ຮັບ​ການ​ມອບ​ໝາຍໃຫ້​ເປັນ​ເຈົ້າ​ຂອງ​ໂຄງການ ໂດຍ​ສົມທົບ​ກັບ​ແຂວງ​ຄຳ​ມ່ວນ ​ແລະກະຊວງ​ກະສິກຳ ​ແລະ ປ່າ​ໄມ້​ລາວ ​​ຈັດ​ຕັ້ງ​ປະຕິບັດ.

​ໂຄງການ​ດັ່ງກ່າວ​ໄດ້​ນຳ​ໃຊ້​ທຶນ​ຊ່ວຍ​ເຫຼືອ​ລ້າຈາກ​ລັດຖະບານ​ຫວຽດນາມ. ພາບ: ເຢືອງຈ໊ຽນ

​ໂຄງການ​ມີ​ຍອດ​ເງິນ​ລົງທຶນ​ກວ່າ 290 ຕື້​ດົ່ງ. ​ໃນ​ນັ້ນ, ທຶນ​ຊ່ວຍ​ເຫຼືອ​ລ້າຂອງ​ລັດຖະບານ ຫວຽດນາມ ທີ່ສະຫງວນ​ໃຫ້​ແກ່​ລັດຖະບານ​ລາວ ​ແມ່ນຫຼາຍ​ກວ່າ 263 ຕື້​ດົ່ງ.

​ໂຄງການ​ດັ່ງກ່າວ​ລວມມີ​ລະບົບ​ຄອງ​ນ້ຳ​ຫຼັກ, ລະບົບ​ຄອງ​ນ້ຳຂັ້ນ 1 ​ແລະ ຂັ້ນ 2 ​ເພື່ອສົ່ງນ້ຳ ​ແລະ​ແຈກ​ຢາຍ​ນ້ຳເຂົ້ານາ​ ແລະລະບາຍອອກ; ຕິດຕັ້ງເສົາໄຟຟ້າ ແລະ ສະຖານີເຄື່ອງປັບໄຟຟ້າ ເພື່ອສະໜອງ ກະແສໄຟຟ້າໃຫ້ແກ່ສະຖານີສູບນໍ້າ ແລະການເຄື່ອນໄຫວຕ່າງໆ; ກໍ່ສ້າງ​ເສັ້ນທາງ​ຄຸ້ມ​ຄອງ ​ແລະ​ເຄື່ອນ​ໄຫວ, ແນວກັນເຈື່ອນ​ແຄມ​ຝັ່ງ​ແມ່​ນ້ຳຂອງ ມີ​ຄວາມ​ຍາວ 500 ແມັດ.

ທ່ານ ​ເດດ​ສັກດາ ​ມະນີຄຳ, ຫົວໜ້າ​ພະ​ແນ​ກກະສິກຳ ​ແລະປ່າ​ໄມ້​ແຂວງ ຄຳ​ມ່ວນ ​ແບ່ງປັນ​ວ່າ: ​ລັກສະນະ​ດິນ​ຟ້າ​ອາກາດ​ຂອງ​ເຂດ​ນີ້​ແບ່ງ​ອອກ​ເປັນ​ລະດູ​ແລ້ງ ​ແລະລະດູຝົນ​ຢ່າງ​ຈະ​ແຈ້ງ. ​ຍ້ອນຂາດ​ລະບົບ​ຊົນລະປະທານ, ສະນັ້ນ, ການຜະລິດກະສິກຳສ່ວນຫຼາຍແມ່ນອີງໃສ່ດິນຟ້າອາກາດ ແລະ ສ່ວນຫຼາຍແມ່ນສາມາດຜະລິດເຂົ້າໄດ້ແຕ່ລະດູດຽວຕໍ່ປີ. ເມື່ອຫວຽດນາມ ສະໜັບສະໜູນລົງທຶນກໍ່ສ້າງລະບົບຊົນລະປະທານ, ພວກຂ້າພະເຈົ້າມີ ຄວາມຕື່ນເຕັ້ນຫຼາຍ. ຄໍ່າມ່ວນສູ້ຊົນໃຫ້ກາຍເປັນຂົງເຂດໃຈກາງຜະລິດເຂົ້າສານ ຢູ່ພາກກາງ ແລະພາກໃຕ້ຂອງລາວ (ພ້ອມກັບບັນດາແຂວງ ສະຫວັນນະເຂດ, ສາລະວັນ ແລະ ຈຳປາສັກ).

ໃນໄລຍະຈະມາເຖິງ, ຂະແໜງກະສິກຳ ແຂວງຄຳມ່ວນ ຈະໜູນຊ່ວຍຊາວ ກະສິກອນດ້ານເຕັກນິກການຜະລິດ ແລະທົດລອງແນວພັນເຂົ້າໃໝ່ ພ້ອມທັງເບ້ຍໄມ້ ແລະແນວພັນສັດລ້ຽງທີ່ເໝາະສົມ. ພິ​ເສດ, ເມື່ອ​ເປັນເຈົ້າການ​​ແຫຼ່ງນ້ຳ​ຊົນລະປະທານ​, ພວກ​ຂ້າພະ​ເຈົ້າ​ຢາກ​ຄົ້ນຄວ້າ ​ແລະທົດ​ລອງ​ຜະລິດ​ເຂົ້າ​ 2 ລະດູ​/ປີ. ພ້ອມ​ທັງ​ສ້າງ​ລາຍການ​ສົ່ງ​ເສີມ​ກະສິກຳ ​ເພື່ອສົ່ງເສີມ​ຊາວ​ກະສິກອນ​ຜະລິດ​ຂະໜາດ​ໃຫຍ່​ຕິດ​ພັນ​ກັບ​ການ​ປຸງ​ແຕ່ງ ​ເພື່ອ​ເພີ່ມ​ມູນ​ຄ່າ​ຜະລິດ​ຕະພັນ, ສ້າງ​ເງື່ອນ​ໄຂພັດທະນາ​ເສດຖະກິດ - ສັງຄົມ​ ​ທ້ອງ​ຖິ່ນ.”

ຮ່ວມເບີກບານມ່ວນຊື່ນນຳປະຊາຊົນ, ​ ທ່ານ ​ ຄຳ​ມອນ​ ພົມ​ພິ​ພັກ​ ຮອງ​ເຈົ້າເມືອງ​ ໜອງ​ບົກ​ ​ ໃຫ້​ຮູ້​ວ່າ: ​ “ພວກຂ້າພະເຈົ້າ ຫວັງ​ວ່າ​ໂຄງການ​ຈະ​ປະກອບສ່ວນ​ຍົກ​ສູງ​ສະມັດ​ຕະພາບ​ການ​ປູກຝັງ, ​ ຂະຫຍາຍ​ຂອບ​ເຂດ​ການ​ປູກຝັງ​ຂອງ​ທ້ອງ​ຖິ່ນ. ທາງ​ເມືອງກໍ່​ຈະ​ຊອກ​ຫາ​ວິທີ​ແກ້​ໄຂ​ການ​ນຳ​ໃຊ້​ແຫຼ່ງນ້ຳ​ຢ່າງ​ມີ​ປະສິດທິ​ຜົນ​ ໃຫ້ແກ່​ການ​ຜະລິດ ​ແລະການດໍາລົງຊີວິດ​​, ພັດທະນາ​ເສດຖະກິດ - ສັງຄົມ, ປັບປຸງ​ສະພາບ​ແວດ​ລ້ອມ​ນິ​ເວດ, ປະກອບສ່ວນ​ລົບ​ລ້າງ​ຄວາມ​ອຶດຫິວ, ຫຼຸດຜ່ອນ​ຄວາມທຸກ​ຍາກ​ໃຫ້​ແກ່ປະຊາຊົນ”.

​ໂດຍ​ຮູ້ມາ​​ວ່າ: ​ໂຄງການ​ລະບົບ​ຊົນລະປະທານ​ຢູ່​ເມືອງ​ໜອງ​ບົກ ມີ​ເປົ້າ​ໝາຍ​ຮັບປະກັນ​ການເປັນເຈົ້າການລະບາຍນໍ້າ ໃຫ້​ແກ່​ເນື້ອ​ທີ່​ປູກຝັງ​ປະມານ 500 ​ເຮັກຕາ ຢູ່​ເມືອງ​ໜອງ​ບົກ, ​ແຂວງ​ຄຳ​ມ່ວນ. ໂຄງການດັ່ງກ່າວ ໄດ້ຕັ້ງຄວາມຫວັງໄວ້ວ່າ ຈະສ້າງປະຖົມປັດໄຈ ເພື່ອປັບປຸງການວາງແຜນຜັງລະບົບຊົນລະປະທານຂອງແຂວງຄໍາມ່ວນ ແລະເຂດອ້ອມຂ້າງໃຫ້ສຳເລັດເທື່ອລະກ້າວ.

ໃນໄລຍະທົດລອງ, ໂຄງການໄດ້ປະກອບສ່ວນຍົກສູງສະມັດຕະພາບ ການຜະລິດໃນເຂດຂອງໂຄງການ. ພາບ: ເຢືອງຈ໊ຽນ

​ໃນ​ໂອກາດ​ມອບ ​-ຮັບ​ໂຄງການ, ທ່ານ​ ຫວໍຈ້ອງຫາຍ ປະທານ​ຄະນະ​ກຳມະການ​ປະຊາຊົນ​ແຂວງ ຮ່າ​ຕິ້ງ ​ແລະ ການ​ນຳ​ແຂວງ ຄຳ​ມ່ວນ ​ໄດ້​ກໍ່​ຢືນຢັນ​ວ່າ: ລະບົບ​ຊົນລະປະທານເມືອງ ໜອງ​ບົກ ​ແມ່ນ​ໂຄງການ​ສຳຄັນ, ບໍ່​ພຽງ​ແຕ່​ມີ​ຄວາມ​ໝາຍ​ດ້ານ​ເສດຖະກິດ, ສັງຄົມ​ເທົ່ານັ້ນ ຫາກຍັງມີ ຄວາມ​ຫມາຍ​ທາງ​ດ້ານ​ການ​ເມືອງ​ທີ່​ເລິກ​ເຊິ່ງອີກດ້ວຍ; ​ແມ່ນ​ສັນຍາ​ລັກ​ແຫ່ງ​ນໍ້າໃຈ ອ້າຍນ້ອງທີ່​ສະໜິດສະໜົມ​ຂອງ​ສອງ​ຊາດ, ປະກອບສ່ວນ​ປັບປຸງ​ສາຍ​ພົວພັນ​ມິດຕະພາບ​ອັນ​ຍິ່ງ​ໃຫຍ່, ຄວາມ​ສາມັກຄີ​ແບບ​ພິ​ເສດ ​ແລະ ການ​ຮ່ວມ​ມື​ຮອບດ້ານ ຫວຽດນາມ - ລາວ ​ເວົ້າ​ລວມ, ຮ່າ​ຕິ້ງ - ຄຳ​ມ່ວນ ເວົ້າ​ສະ​ເພາະ. ນີ້​ກໍ່​ແມ່ນ​ໂຄງການທີ່​ແທດຈິງ ເພື່ອສະເຫຼີມສະຫຼອງ​ກອງ​ປະຊຸມ​ໃຫຍ່​ພັກ​ທຸກ​ຂັ້ນ​ຂອງ​ແຂວງ ຮ່າ​ຕິ້ງ ​ແລະ ​ແຂວງ​ຄຳ​ມ່ວນ.

ທ່ານ​ ຫວໍຈ້ອງ​ຫາຍ ປະທານ​ຄະນະ​ກຳມະການ ​ປະຊາຊົນ​ແຂວງ ກໍ່​ເນັ້ນ​ໜັກ​ວ່າ: ຮ່າ​ຕິ້ງ ຈະ​ສົ່ງ​ພະນັກງານ, ນັກ​ຊ່ຽວຊານ​ໄປ​ໜູນ​ຊ່ວຍ​ແຂວງ ຄຳ​ມ່ວນ ​ໃນ​ການ​ພັດທະນາ​ກະສິກຳ ​ແລະ ກໍ່ສ້າງ​ຊົນນະບົດ​ໃໝ່.

ຫວຽດ​ນາມ ຕັດ​ສິນ​ໃຈ​ປະ​ຕິ​ບັດ​ບັນ​ດາ​ຄຳ​ເໝັ້ນ​ສັນ​ຍາ​ສາ​ກົນ ກ່ຽວ​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ ຍສໝ - ໃນບົດກ່າວປາໄສ, ທ່ານນາຍົກລັດຖະມົນຕີ ຟ້າມມິງຈິ໊ງ ເນັ້ນໜັກວ່າ ຫວຽດນາມ ໄດ້ ແລະ ພວມປະຕິບັດສຳເລັດບັນດາເປົ້າໝາຍພັດທະນາ ສະຫັດສະວັດ, ຕັ້ງໜ້າຜັນຂະຫຍາຍບັນດາເປົ້າໝາຍພັດທະນາແບບຍືນຍົງ, ພ້ອມທັງຮັບປະກັນປະຕິບັດສຳເລັດບົດບາດຢູ່ບັນດາອົງການຕ່າງໆຂອງ ສປຊ.

ຫວຽດ​ນາມ ຮຽກ​ຮ້ອງ​ຮັບ​ປະ​ກັນ​ປະ​ຕິ​ບັດ​ຄຳ​ໝັ້ນ​ສັນ​ຍາ ​ດ້ານການ​ເງິນເພື່​ອ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ ຍ​ສ​ໝ - ຫວ່າງແລ້ວນີ້, ສະພາຄວາມໝັ້ນຄົງ ສປຊ ໄດ້ຈັດຕັ້ງກອງປະຊຸມຕາມຮູບແບບ Arria ດ້ວຍຫົວຂໍ້ “ປະກອບສ່ວນດ້ານການເງິນເພື່ອຮັບມືກັບການປ່ຽນແປງຂອງດິນຟ້າອາກາດໃນການຮັກສາສັນຕິພາບ ແລະ ຄວາມໝັ້ນຄົງ”, ພາຍໃຕ້ການເປັນປະທານຂອງທ່ານ Sutan Al-Jaber, ທູດພິເສດຮັບຜິດຊອບກ່ຽວກັບການປ່ຽນແປງຂອງດິນຟ້າອາກາດ.