 | ພາສາຫວຽດນາມ ແລະ ການເດີນທາງບືນອອກໂລກ |
| ຊຸກຍູ້ການຮ່ວມມື, ແລກປ່ຽນວັດທະນະທຳ, ຊາວໜຸ່ມລະຫວ່າງ ຫວຽດນາມ - UAE |
Daniel ຫງວຽນຮວ່າຍຕ໋ຽນ: ພາສາຫວຽດນາມ ເພື່ອເຂົ້າໃຈກ່ຽວກັບຕົນເອງ
ຫຼັງຈາກຮຽນຈົບ, Daniel ໄດ້ໄປຍັງນະຄອນ New Orleans (Louisiana, ອາເມລິກາ), ບ່ອນທີ່ລາວໄດ້ເລີ່ມຕົ້ນການເຮັດວຽກໃນຂົງເຂດທີ່ກ່ຽວຂ້ອງກັບສິ່ງແວດລ້ອມ, ຊັບພະຍາກອນທໍາມະຊາດ ແລະ ການພັດທະນາຊຸມຊົນ. ເປັນເວລາຫຼາຍປີ, Daniel ໄດ້ຊ່ວຍສ້າງການຫາລ້ຽງຊີບໃຫ້ແກ່ຊາວປະມົງທີ່ມີເຊຶ້ອຊາດຫວຽດນາມ ຫຼາຍຄົນທີ່ວ່າງວຽກພາຍຫຼັງພາຍຸ Katrina ແລະ ນ້ຳມັນຮົ່ວຢູ່ອ່າວເມັກຊິໂກ. ລາວໄດ້ສ້າງຕັ້ງສະຫະກອນກະສິກຳ VEGGI, ຊ່ຽວຊານໃນການຜະລິດຜັກສະອາດ, ເຮັດເຕົ້າຮູ້, ນົມຖົ່ວເຫຼືອງ... ສະໜອງໃຫ້ບັນດາລະບົບຮ້ານອາຫານ, ສັບພະສິນຄ້າຫລາຍສິບແຫ່ງຢູ່ California.
 |
| ທ່ານ Daniel ຫງວຽນຮວ່າຍຕ໋ຽນ ໃນການເດີນທາງໄປຊອກຫາພືດສະຫມູນໄພຢູ່ໃນປ່າຕາເວັນຕົກສຽງເຫນືອ. (ພາບ: Å by TUNG) |
ການເດີນທາງກັບຄືນບ້ານເກີດເມືອງນອນໃນປີ 2008 ເປັນຂີດໝາຍບ້າດລ້ຽວທີ່ສຳຄັນໃນການເດີນທາງຊອກຫາກົກເຄົ້າເຫງົ້າກໍຂອງທ່ານ Daniel. "ເມື່ອເຫັນພໍ່ນ້ຳຕາໄຫລເມື່ອກັບຄືນຫວຽດນາມ ຫຼັງຈາກຫ່າງໄກໄປກວ່າ 30 ປີ, ຂ້າພະເຈົ້າຮູ້ວ່າ ມີຄວາມຜູກພັນຢ່າງເລິກເຊິ່ງລະຫວ່າງຂ້າພະເຈົ້າກັບຫວຽດນາມ, ເຖິງແມ່ນວ່າໃນເວລານັ້ນ ຂ້າພະເຈົ້າບໍ່ຮູ້ເວົ້າພາສາຫວຽດນາມ, ບໍ່ເຂົ້າໃຈຫຍັງກ່ຽວກັບຫວຽດນາມ. ນັ້ນແມ່ນກຳລັງຜັກດັນທຳອິດ ເພື່ອໃຫ້ຂ້າພະເຈົ້າຮຽນພາສາ ແລະ ຊອກຮູ້ກ່ຽວກັບຫວຽດນາມ”, ທ່ານ Daniel ເລົ່າໃນລາຍການໂທລະພາບປີ 2023.
ຈາກການເດີນທາງຄັ້ງທຳອິດນີ້, Daniel ໄດ້ຄ່ອຍໆຕິດພັນກັບຫວຽດນາມ. ມາຮອດປີ 2014, ລາວຕັດສິນໃຈກັບຄືນບ້ານເກີດເມືອງນອນເພື່ອເລີ່ມຕົ້ນທຸລະກິດ. “ພາສາຫວຽດນາມ ບໍ່ພຽງແຕ່ຊ່ວຍໃຫ້ຂ້າພະເຈົ້າເຂົ້າໃຈກ່ຽວກັບປະຊາຊົນ ແລະ ຊີວິດການເປັນຢູ່ ຢູ່ຫວຽດນາມ ຢ່າງເລິກເຊິ່ງເທົ່ານັ້ນ, ຫາກຍັງສ້າງບັນດາສາຍພົວພັນອັນເຂັ້ມແຂງ, ຊຸກຍູ້ຂ້າພະເຈົ້າໃຫ້ພັດທະນາບັນດາໂຄງການແບບຍືນຍົງເພື່ອໜູນຊ່ວຍປະຊາຊົນຊົນເຜົ່າສ່ວນຫນ້ອຍ”. ທ່ານ Daniel ໃຫ້ຮູ້. ທ່ານໄດ້ເຂົ້າຮ່ວມບັນດາໂຄງການພັດທະນາແບບຍືນຍົງຢູ່ ເບັ໋ນແຈ, ເລີມດົງ, ໂຄງການຕິດຕາມກວດກາການມອບທີ່ດິນມອບປ່າໄມ້ຢູ່ບັນດາແຂວງເຂດພູດດອຍພາກກາງຕອນເຫນືອ, ຕາເວັນຕົກສຽງເໜືອ...
ໃນປີ 2018, ທ່ານ Daniel ໄດ້ສ້າງຕັ້ງ Song Cai Distillery, ເຄື່ອງໝາຍການຄ້າຂອງເຫຼົ້າຫັດຖະກຳຊັ້ນສູງ, ນຳໃຊ້ສັດຖຸດິບຂອງຫວຽດນາມ ເຊັ່ນ ເຂົ້າສານໜຽວ ຮວາ ວ່າງ, ໝາກກ້ຽງໃຫຍ່ ຢ້ຽນ, ໝາກແຄ່ນ. “ພວກຂາ້ພະເຈົ້າບໍ່ພຽງແຕ່ຜະລິດເຫຼົ້າເທົ່ານັ້ນ, ຫາກຍັງເລົ່າເລື່ອງລາວຂອງວັດທະນະທຳຫວຽດນາມ ຜ່ານແຕ່ລະຂວດເຫຼົ້າ, ນັບແຕ່ບັນດາຄຸນຄ່າຫຼັກແຫຼ່ງຂອງກົກເຄົ້າເຫງົ້າກໍເຖິງຄວາມຍອດຍິ່ງໃນວິທີການຊິມ”, Daniel ແບ່ງປັນຢ່າງພາກພູມໃຈ.
ດ້ວຍຄວາມປາດຖະໜາຢາກພັດທະນາການຫາລ້ຽງຊີບແບບຍືນຍົງ, ທ່ານ Daniel ໃຫ້ຄຳໝັ້ນສັນຍາເຮັດວຽກຢ່າງແໜ້ນແຟ້ນກັບບັນດາປະຊາຊົນເຜົ່າສ່ວນຫນ້ອຍຢູ່ ຫວຽດນາມ, ບໍ່ພຽງແຕ່ຮັກສາບັນດາແນວພັນກະສິກຳອັນລ້ຳຄ່າເທົ່ານັ້ນ ຫາກຍັງຊ່ວຍໃຫ້ປະຊາຊົນພັດທະນາທັດສະການຜະລິດອີກດ້ວຍ.
ຍິ່ງຕິດພັນກັບຫວຽດນາມ, ທ່ານ Daniel ຢືນຢັນວ່າ“ນີ້ແມ່ນບ້ານຂອງຂ້າພະເຈົ້າ”. ສຳລັບ ທ່ານ Daniel ແລະ ຊາວໜຸ່ມທີ່ມີີເຊຶ້ອຊາດຫວຽດນາມ ຫຼາຍຄົນແລ້ວ, ເພື່ອເຂົ້າໃຈຊາວຫວຽດນາມ ຢ່າງເລິກເຊິ່ງ ຫຼື ເຂົ້າໃຈຕົນເອງ, ແມ່ນຕ້ອງເລີ່ມຕົ້ນດ້ວຍພາສາ. ພາສາຫວຽດນາມ ບໍ່ພຽງແຕ່ຊ່ວຍໃຫ້ລາວຄົ້ນຫາປະເທດຊາດຂອງຕົນເທົ່ານັ້ນ ຫາກຍັງກາຍເປັນກຸນແຈ ເພື່ອເຊື່ອມຕໍ່ ແລະ ພັດທະນາຊຸມຊົນນຳອີກ.
ເດືອນມີນາ 2024, ທ່ານ Daniel ຫງວຽນຮວ່າຍຕ໋ຽນ ແມ່ນໜຶ່ງໃນ 100 ຄົນຫວຽດນາມ ແລະ ຄົນທີ່ມີເຊຶ້ອຊາດຫວຽດນາມ ດີເດັ່ນໃນທົ່ວໂລກ ເຂົ້າຮ່ວມເວທີປາໄສຊາວຫວຽດນາມ ລະດັບຜົນສະທ້ອນ 2024 ໂດຍອົງການວິທະຍາສາດ ແລະ ນັກຊ່ຽວຊານຫວຽດນາມ ທົ່ວໂລກ (AVSE Global) ຈັດຕັ້ງຢູ່ Paris, ຝຣັ່ງ.
ຮວິ່ງ Samuel ອານ: ພາສາຫວຽດນາມ ຊ່ວຍໃຫ້ຂ້າພະເຈົ້າສ້າງສາຍພົວພັນກັບທຸກຄົນ
ໃນຂະນະທີ່ທ່ານ Daniel ເລືອກເສັ້ນທາງທຸລະກິດເພື່ອເຊື່ອມໂຍງກັບກົກເຄົ້າເຫງົ້າກໍ, ທ່ານ ຮວິ່ງ Samuel ອານ ແມ່ນຜູ້ໜຶ່ງທີ່ມີເຊຶ້ອຊາດຫວຽດນາມ ເຊິ່ງເກີດຢູ່ສະວິດ, ໄດ້ເລືອກວິທີກັບຄືນປະເທດຫວຽດນາມ ເພື່ອມຸ່ງໝັ້ນປະຕິບັດອາຊີບສິລະປະ. ທ່ານ Samuel ແບ່ງປັນວ່າ ເຖິງວ່າເກີດ ແລະ ເຕີບໃຫຍ່ຢູ່ສະວິດ, ແຕ່ພາສາຫວຽດນາມ ຍາມໃດກໍ່ຖືເປັນພາກສ່ວນສໍາຄັນໃນຊີວິດຂອງລາວ.
 |
| ທ່ານ ຮວິ່ງ Samuel ອານ ພວມເຄື່ອນໄຫວໃນບົດບາດເປັນນັກຮ້ອງ, ນັກສະແດງຢູ່ຫວຽດນາມ. (ພາບ: ຮວິ່ງ Samuel ອານ) |
“ເຖິງວ່າເກີດ ແລະ ເຕີບໃຫຍ່ຢູ່ຕ່າງປະເທດກໍ່ຕາມ, ແຕ່ຂ້າພະເຈົ້າໄດ້ຮຽນພາສາຫວຽດນາມ ທຸກຄັ້ງທີ່ຢູ່ບ້ານ, ພໍ່ແມ່ຂອງຂ້າພະເຈົ້າແມ່ນຊາວຫວຽດນາມ, ສະນັ້ນ ຂ້າພະເຈົ້າຈຶ່ງເວົ້າພາສາຫວຽດນາມ 100% ຢູ່ໃນບ້ານ. ຂ້າພະເຈົ້າຢາກສຳຜັດ, ພ້ອມທັງຊອກຮູ້ກ່ຽວກັບຫວຽດນາມ, ກົກເຄົ້າເຫງົ້າກໍຂອງຕົນ, ບ່ອນທີ່ພໍ່ແມ່ຂອງຂ້າພະເຈົ້າເຕີບໃຫຍ່ຂຶ້ນ. ເມື່ອເຂົ້າໃຈພໍ່ແມ່ຂອງຂ້າພະເຈົ້າ, ຂ້າພະເຈົ້າກໍ່ເຂົ້າໃຈຕົນເອງກ່ວາອີກ", ທ່ານ ຮວິ່ງ Samuel ອານ ແບ່ງປັນໃນໂທລະພາບ.
ເມື່ອມີອາຍຸ 24 ປີ, ທ່ານ Samuel ໄດ້ຕັດສິນໃຈກັບຄືນເມືອຫວຽດນາມ ເພື່ອດຳລົງຊີວິດ ແລະ ເຮັດວຽກ. ໃນໄລຍະທຳອິດ, ລາວປະສົບກັບຄວາມຫຍຸ້ງຍາກຫຼາຍຢ່າງກັບພາສາຫວຽດນາມ, ແຕ່ຄວາມອົດທົນໄດ້ຊ່ວຍໃຫ້ລາວເຊື່ອມໂຍງໄດ້ຢ່າງວ່ອງໄວ ແລະ ຊອກຫາໂອກາດໃນຂະແໜງສິລະປະ.
“ຫວຽດນາມ ແມ່ນສະພາບແວດລ້ອມທີ່ຂະຫຍັນຂັນເຄື່ອນດ້ວຍບັນດາກາລະໂອກາດນັບບໍ່ຖ້ວນ, ບໍ່ພຽງແຕ່ໃນຂົງເຂດສິລະປະເທົ່ານັ້ນ ຫາກຍັງມີຫຼາຍຂະແໜງອີກດ້ວຍ. ພາສາຫວຽດນາມ ໄດ້ຊ່ວຍໃຫ້ຂ້າພະເຈົ້າເຂົ້າໃຈວັດທະນະທຳ ແລະ ສ້າງສາຍພົວພັນກັບທຸກຄົນຢ່າງເລິກເຊິ່ງກວ່າ”, ທ່ານ ຮວິ່ງ Samuel ອານ ກ່າວ.
ໂດຍຕິດພັນກັບຫວຽດນາມ ເປັນເວລາ 6 ປີ, ປະຈຸບັນ ທ່ານ ຮວິ່ງ Samuel ອານ ເປັນນັກສະແດງ, ນັກຮ້ອງ ແລະ ພວມມຸ່ງໝັ້ນປະຕິບັດຄວາມມຸ່ງມາດປາດຖະໜາກ່ຽວກັບໂຮງລະຄອນຢູ່ນະຄອນ ໂຮ່ຈີມິນ. ທ່ານຊອກຫາພາລະບົດບາດໃຫມ່ຢ່າງຕໍ່ເນື່ອງ ແລະ ອຸທິດຕົນເພື່ອສິລະປະ. “ພາສາຫວຽດນາມ ແມ່ນພາສາແມ່ຂອງຂາ້ພະເຈົ້າ, ເປັນຂົວຕໍ່ພາໃຫ້ຂ້າພະເຈົ້າກັບຄືນແສງໄຟບົນເວທີຂອງບ້ານເກີດເມືອງນອນ ແລະ ຊ່ວຍໃຫ້ຂ້າພະເຈົ້າໝັ້ນໃຈສືບຕໍ່ຮັກສາຄວາມຮັກແພງ ແລະ ຢືນຢັນຕົນເອງບົນເສັ້ນທາງສິລະປະຢູ່ບ້ານເກີດເມືອງນອນ”, ທ່ານກ່າວ.
ການເດີນທາງຊອກກັບຄືນກົກເຄົ້າເຫງົ້າກໍໂດຍຜ່ານພາສາຂອງ ທ່ານ Daniel ຫງວຽນ ແລະ ທ່ານ ຮວິ່ງ Samuel ອານ ບໍ່ພຽງແຕ່ແມ່ນເລື່ອງເລົ່າສ່ວນຕົວເທົ່ານັ້ນ, ຫາກຍັງເປັນແຫຼ່ງລະດົມກຳລັງໃຈໃຫ້ລຸ້ນໜຸ່ມທີ່ມີເຊຶ້ອຊາດຫວຽດນາມ ໃນທົ່ວໂລກ. ສຳລັບເຂົາເຈົ້າ, ພາສາຫວຽດນາມ ບໍ່ພຽງແຕ່ແມ່ນພາສາສື່ສານເທົ່ານັ້ນ, ຫາກຍັງແມ່ນການເຊື່ອມໂຍງດ້ານຈິດໃຈລະຫວ່າງເຂົາເຈົ້າກັບບ້ານເກີດເມືອງນອນ, ສ້າງກຳລັງຜັກດັນ ເພື່ອພັດທະນາບໍ່ພຽງແຕ່ຕົນເອງເທົ່ານັ້ນ, ຫາກຍັງແມ່ນໃຫ້ທັງປະຊາຄົມອີກດ້ວຍ.
 | ຫວຽດນາມ ເຊີດຊູບົດບາດຂອງແມ່ຍິງ, ຊາວໜຸ່ມໃນການສະກັດກັ້ນການປະທະກັນ ຍສໝ - ຫວຽດນາມ ເນັ້ນໜັກເຖິງຄວາມສຳຄັນຂອງການມອບສິດໃຫ້ແກ່ແມ່ຍິງໃນການສະກັດກັ້ນການປະທະກັນ; ຢືນຢັນວ່າ ຫວຽດນາມ ໄດ້ປະຕິບັດບັນດາບາດກ້າວສະເພາະ ເພື່ອຊຸກຍູ້ການເຂົ້າຮ່ວມຂອງແມ່ຍິງໃນທຸກຂັ້ນຂອງການຄຸ້ມຄອງ. |
 | ຍສໝ - ວັນທີ 9 ມີນານີ້, ສະມາຄົມຊາວໜຸ່ມນັກສຶກສາ ຫວຽດນາມ ປະຈຳ ສາທາລະນະລັດເຊັກໂກ ໄດ້ຈັດຕັ້ງກອງປະຊຸມໃຫຍ່ຜູ້ແທນຄັ້ງທີ VIII ອາຍຸການ 2024-2029. ໃນອາຍຸການໃໝ່, ສະມາຄົມ ໄດ້ກຳນົດຊຸກຍູ້ການໜູນຊ່ວຍການຮຽນຮູ້, ກຳນົດທິດອາຊີບໃຫ້ຊາວໜຸ່ມ, ນັກສຶກສາ ຫວຽດນາມ ຢູ່ ສາທາລະນະລັດເຊັກໂກ. |
ມີງດຶກ
