| ຫຼາຍຂໍ້ມູນທີ່ເປັນປະໂຫຍດຢູ່ເວທີປາໄສການສຶກສາຢູ່ຝລັ່ງ ປີ 2024 | |
| ໄຂງານບຸນເພື່ອສັນຕິພາບ ປີ 2024: ຮ່ວມແຮງຮ່ວມໃຈສ້າງສັນໂລກແຫ່ງສັນຕິພາບ |
ຕາມຂໍ້ມູນຂອງກະຊວງວັດທະນະທຳ, ກິລາ ແລະທ່ອງທ່ຽວ, ວັນວັດທະນະທຳຫວຽດນາມ ຢູ່ສະຫະພັນລັດເຊຍ 2024 ໄດ້ແນະນຳ ແລະເຜີຍແຜ່ວັດທະນະທຳ, ຄວາມສາມາດບົ່ມຊ້ອນການທ່ອງທ່ຽວ ຫວຽດນາມ ໃຫ້ປະຊາຊົນລັດເຊຍ, ເພື່ອແນໃສ່ເພີ່ມທະວີຄວາມເຂົ້າອົກເຂົ້າໃຈ, ມິດຕະພາບ ແລະການຮ່ວມມືອັນດີງາມລະຫວ່າງປະຊາຊົນສອງປະເທດ, ປະກອບສ່ວນພັດທະນາການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ສະຫະພັນລັດເຊຍ ໃຫ້ຫຼາຍຂຶ້ນກວ່າເກົ່າ.
ລາຍການສິລະປະຈະຈັດຂຶ້ນຢູ່ມົສກູ ໃນວັນທີ 2 ກໍລະກົດ ແລະ ຖະໜົນ Petersburg ໃນວັນທີ 6 ກໍລະກົດ ດ້ວຍການເຂົ້າຮ່ວມຂອງບັນດານັກສິລະປິນລຸ້ນເກົ່າ, ໃນນັ້ນມີນັກສິລະປິນຫຼາຍຄົນທີ່ໄດ້ສຶກສາຢູ່ບັນດາສະຖານທີ່ຝຶກຊ້ອມດົນຕີທີ່ມີຊື່ສຽງຂອງສະຫະພັນລັດເຊຍ. ບັນດານັກສິລະປິນຈະສະແດງດົນຕີແບບບູຮານ, ສະແດງສິລະປະຂັບຮ້ອງ, ຟ້ອນ, ດົນຕີພື້ນເມືອງປະສົມປະສານກັບທົບກັບດົນຕີສະໄໝປະຈຸບັນຂອງຫວຽດນາມ.
 |
| ຮູບເງົາເລື່ອງ “ດວງຕາຊວນຝັນ” ໄດ້ເຂົ້າຮ່ວມວັນວັດທະນະທໍາຫວຽດນາມ ຢູ່ສະຫະພັນລັດເຊຍ. |
ໃນຂອບເຂດວັນວັດທະນະທຳຕ່າງໆຂອງຫວຽດນາມ ຢູ່ສະຫະພັນລັດເຊຍ, ແຕ່ວັນທີ 1 – 7 ກໍລະກົດ, ຫໍພິພິທະພັນໂຮ່ຈິມິນ (ຫວຽດນາມ) ແລະ ສວນອະນຸສອນສະຖານ ເລນິນ (ສະຫະພັນລັດເຊຍ) ໄດ້ສົມທົບກັນຈັດຕັ້ງງານວາງສະແດງໃນຫົວເລື່ອງ “ຮູບປັ້ນປະທານ ໂຮ່ຈີມິນ - ມຸມມອງຈາກຮູບແຕ້ມໂຄສະນາເຜີຍແຜ່: 1969 – 2011” ຢູ່ເຂດອະນຸສອນສະຖານ ເລນິນ, ນະຄອນ Ulyanovsk, ໄດ້ແນະນຳໃຫ້ແຂກທ່ອງທ່ຽວບັນດາຮູບພາບ ປະທານ ໂຮ່ຈີມິນ ຜ່ານບັນດາງານສິລະປະຮູບພາບ, ແຕ່ງໂດຍນັກຈິດຕະກອນ ຫວຽດນາມ.
ຄຽງຂ້າງກັນນັ້ນ, ງານວາງສະແດງຮູບຖ່າຍ “ຫວຽດນາມ - ປະເທດມໍລະດົກໂລກ” ໄດ້ໄຂຂຶ້ນໃນວັນທີ 2 ກໍລະກົດ ແລະ ຢູ່ນະຄອນມົສກູ ແລະ ທີ່ຖະໜົນ Petersburg ໃນວັນທີ 4 ກໍລະກົດ, ໄດ້ວາງສະແດງບັນດາຜົນງານພາບຖ່າຍທີ່ໜ້າປະທັບໃຈຂອງບັນດາມໍລະດົກທາງທຳມະຊາດ, ມໍລະດົກວັດທາງທະນະທຳ ຢູ່ທີ່ຫວຽດນາມ ໄດ້ຮັບການຂຶ້ນທະບຽນຈາກອົງການ UNESCO, ພ້ອມດ້ວຍເຄື່ອງຫັດຖະກຳ ແລະ ຊຸດອາພອນຂອງຊາວຫວຽດນາມ....
ໃນຂອບເຂດວັນວັດທະນະທຳຕ່າງໆຂອງຫວຽດນາມ, ກົມຮູບເງົາ, ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ແລະ ອົງການຂ່າວສານວິທະຍຸກະຈາຍສຽງສະຫະພັນລັດເຊຍ (ROSKINO) ໄດ້ສົມທົບກັນຈັດຕັ້ງວັນຮູບເງົາຫວຽດນາມ ຢູ່ທີ່ມົສກູ ແຕ່ວັນທີ 3 – 5 ກໍລະກົດ, ສະແດງຮູບເງົາ 5 ເລື່ອງໄດ້ແກ່. ລວມທັງ: “ທົ່ງຫຍ້າ”; "ດວງຕາຊວນຝັນ"; “ຕໍານານກວນທຽນ”; "ນ້ອງ ແລະ ຈິ່ງ"; "ໝາກຄາຍ, ເຟີ ແລະ ເປຍໂນ" ...
ທອງມີ ສີຫາວົງ
