| ລາວແຈ້ງເຕືອນຄວາມສ່ຽງທີ່ອາດຈະເກີດດິນເຊາະເຈື່ອນ ແລະ ນໍ້າຖ້ວມ ຍ້ອນຝົນຕົກໜັກແກ່ຍາວເປັນເວລາດົນ | |
| ບໍລິສັດ ສະຕາ ໂທລະຄົມ ມອບເງິນຊ່ວຍຜູ້ປະສົບໄພ ນໍ້າຖ້ວມ ຢູ່ແຂວງສະຫວັນນະເຂດ ມູນຄ່າ 500 ລ້ານກີບ |
ພາຍຫຼັງພາຍຸລູກທີ 3 (ຢາກີ) ພັດເຂົ້າມາບໍ່ພຽງແຕ່ໄດ້ກໍ່ຜົນຮ້າຍຢ້ອນຫຼັງຢ່າງໜັກໜ່ວງໃຫ້ບັນດາແຂວງພາກເໜືອຫວຽດນາມ ເທົ່ານັ້ນ, ຫາກຍັງກໍ່ຄວາມເສຍຫາຍໃຫ້ຫຼາຍແຂວງພາກເໜືອຂອງປະເທດລາວ ອ້າຍນ້ອງອີີກດ້ວຍ. ປະຊາຄົມຊາວຫວຽດນາມ ອາໄສຢູ່ລາວ ໄດ້ມີການກະທໍາອັນສູງສົ່ງຊ່ວຍເຫຼືອປະຊາຊົນລາວ ອ້າຍນ້ອງຜ່ານຜ່າໄລຍະທີ່ຫຍຸ້ງຍາກຍ້ອນຜົນຮ້າຍຂອງພາຍຸລູກທີ 3.
ບໍ່ພຽງແຕ່ການບໍລິຈາກ, ສະໜັບສະໜູນພໍ່ແມ່ປະຊາຊົນຢູ່ພາຍໃນປະເທດກໍ່ຄືປະຊາຊົນລາວ, ປະຊາຄົມຊາວຫວຽດນາມ ອາໄສຢູ່ລາວ, ໄດ້ສ້າງຕັ້ງຄະນະປະຕິບັດງານໄປຍັງແຂວງຫຼວງນໍ້າທາ ເຊິ່ງແມ່ນທ້ອງຖິ່ນທີ່ໄດ້ຮັບຜົນສະທ້ອນຢ່າງໜັກໜ່ວງທີ່ສຸດຢູ່ພາກເໜືອຂອງລາວ ເພື່ອມອບຂອງຂວັນທີ່ມີຄວາມໝາຍໃຫ້ປະຊາຊົນທີ່ຮັບຜົນສະທ້ອນ.
 |
| ປະຊາຄົມຊາວຫວຽດນາມ ອາໄສຢູ່ລາວ ມອບເງິນ ແລະມອບຂອງຂວັນໃຫ້ຄອບຄົວທີ່ຖືກເສຍຫາຍ. ພາບ: dangcongsan.vn |
ແຕ່ຮຸ່ງເຊົ້າຂອງວັນທີ 19 ກັນຍາ, ບັນດາພະສົງ, ສຳມະເນນ, ແມ່ຂາວ ແລະພຸດທະສາສະນິກະຊົນວັດເຝິດຕິກ ນະຄອນຫຼວງວຽງຈັນ ແລະວັດໂສກປາຫຼວງຢູ່ນະຄອນຫຼວງວຽງຈັນ ໄດ້ກຽມພ້ອມອອກເດີນທາງ “ສົ່ງນໍ້າໃຈ” ຂອງຜູ້ມີຈິດໃຈເຫຼື້ອມໃສສັດທາ, ຜູ້ໃຈບຸນໃຈກຸສົນໄປໃຫ້ປະຊາຊົນແຂວງຫຼວງນໍ້າທາ ທີ່ໄດ້ຮັບຜົນສະທ້ອນຈາກພາຍຸ.
ໃນການເດີນທາງແບ່ງປັນຄວາມຮັກແພງຄັ້ງນີ້ຍັງມີການເຂົ້າຮ່ວມຂອງຜູ້ຕາງໜ້າສະຖານກົງສູນໃຫຍ່ຫວຽດນາມ ປະຈໍາ ແຂວງຫຼວງພະບາງ ແລະປະຊາຄົມ, ວິສາຫະກິດ, ອົງການອ້ອມຂ້າງສະຖານກົງສູນໃຫຍ່ ແລະຜູ້ໃຈບຸນໃຈກຸສົນ.
ພາຍຫຼັງປະມານເຄິ່ງມື້ທີ່ອອກຈາກນະຄອນຫຼວງວຽງຈັນ ໄປຍັງແຂວງຫຼວງນໍ້າທາ (ພາກເໜືອລາວ), ບັນດາຮູບພາບແຫ່ງການໄວ້ທຸກພາຍຫຼັງພາຍຸໄດ້ເຮັດໃຫ້ຄະນະປະຕິບັດງານກູ້ຊ່ວຍຂອງຫວຽດນາມ ມີຄວາມສະເທືອນໃຈທີ່ສຸດ.
ພາຍຸພັດມາໄວໂພດ, ເຄື່ອງຂອງ ແລະເຄື່ອງໃຊ້ທີ່ຈໍາເປັນຂອງປະຊາຊົນຢູ່ແຫ່ງນີ້ຖືກນ້ຳພັດໄຫຼ່ໄປເກືອບໝົດ.
ດ້ວຍນໍ້າໃຈຮັກແພງຂອງປະຊາຄົມຊາວຫວຽດນາມ ທີ່ພວມດໍາລົງຊີວິດຢູ່ລາວ ແລະຍາມໃດກໍ່ຖືລາວ ແມ່ນບ້ານເກີດເມືອງນອນແຫ່ງທີສອງຂອງຕົນ, ຄະນະປະຕິບັດງານໄດ້ມອບຂອງຂວັນ, ຢື້ຢາມຖາມຂ່າວ ແລະໃຫ້ກຳລັງໃຈໂດຍກົງເພື່ອໃຫ້ເຂົາເຈົ້າຜ່ານຜ່າຄວາມຫຍຸ້ງຍາກ ແລະເຮັດໃຫ້ຊີວິດການເປັນຢູ່ກັບຄືນສູ່ສະພາບປົກກະຕິ.
ຄະນະປະຕິບັດງານໄດ້ໜູນຊ່ວຍ 500 ຄອບຄົວ, ຄອບຄົວລະ 1 ລ້ານກີບພ້ອມດ້ວຍໂສ້ງເສື້ອ, ຊ່ວຍໃຫ້ປະຊາຊົນຜ່ານຜ່າຄວາມຫຍຸ້ງຍາກໄດ້ສ່ວນໃດສ່ວນໜຶ່ງເພື່ອເຮັດໃຫ້ຊີວິດການເປັນຢູ່ກັບຄືນສູ່ສະພາບປົກກະຕິ.
ຕາງໜ້າການນໍາແຂວງຫຼວງນໍ້າທາ, ທ່ານ ຈັນທອງ ໄດ້ສະແດງຄວາມຂອບໃຈ ແລະຮູ້ບຸນຄຸນຢ່າງເລິກເຊິ່ງມາຍັງປະຊາຄົມຊາວຫວຽດນາມ ອາໄສຢູ່ລາວ ກໍ່ຄືສະຖານກົງສູນໃຫຍ່ ປະຈໍາ ແຂວງຫຼວງພະບາງ ທີ່ໄດ້ນຳເອົາອາລົມຈິດຄວາມຮັກແພງ, ວັດຖຸສິ່ງຂອງເຄື່ອງໃຊ້ມາຊ່ວຍເຫຼືອປະຊາຊົນແຂວງຫຼວງນໍ້າທາ ຢູ່ເຂດທີ່ໄດ້ຮັບຜົນເສຍຫາຍຢ່າງໜັກໜ່ວງໃນຄັ້ງນີ້.
ທ່ານ ເນັ້ນໜັກວ່າ ບັນດາອາລົມຈິດຄວາມຮັກແພງ, ນັບທັງວັດຖຸ ແລະຈິດໃຈຂອງຄະນະປະຕິບັດງານບໍ່ພຽງແຕ່ສະແດງໃຫ້ເຫັນຈິດໃຈສາມັກຄີ, ຮັກແພງກັນ ແລະຍາມໃດກໍ່ຊ່ວຍເຫຼືອເຊິ່ງກັນ ແລະກັນລະຫວ່າງສອງພັກ, ສອງລັດ ແລະປະຊາຊົນສອງປະເທດລາວ-ຫວຽດນາມ ເທ່ົານັ້ນຫາກຍັງປະກອບສ່ວນຊ່ວຍໃຫ້ປະຊາຊົນຂອງແຂວງຜ່ານຜ່າຄວາມຫຍຸ້ງຍາກ ເພື່ອເຮັດໃຫ້ ຊີວິດການເປັນຢູ່ກັບຄືນສູ່ສະພາບປົກກະຕິໂດຍໄວ.
ມາຮອດຈຸດເວລາໃນປະຈຸບັນ, ວຽກງານແກ້ໄຂຜົນຮ້າຍຢ້ອນຫຼັງພາຍຸອໍານາດການປົກຄອງທ້ອງຖິ່ນທຸກຂັ້ນຂອງແຂວງຫຼວງນໍ້າທາ ຍັງກຳລັງດໍາເນີນຢ່າງຮີບດ່ວນຄືຊ່ວຍປະຊົນທຳຄວາມສະອາດ, ເຮັດອະນາໄມເຮືອນຊານບ້ານຊ່ອງ, ໜູນຊ່ວຍດ້ານ ສະບຽງອາຫານ, ນໍ້າດື່ມ ແລະໂສ້ງເສື້ອ, ພ້ອມທັງເກັບກຳຂໍ້ມູນເສຍຫາຍຢ່າງລະອຽດເພື່ອມີວິທີການໜູນຊ່ວຍປະຊາຊົນ.
ພາຍຸພັດມາແລ້ວກໍ່ຫາຍໄປ, ທຸກຄວາມຫຍຸ້ງຍາກສິ່ງທ້າທາຍຂອງໄພທໍາມະຊາດຫຼັງຈາກນັ້ນແລ້ວກໍ່ຜ່ານໄປ, ແຕ່ນ້ຳໃຈຄວາມຮັກແພງອູ້ມຊູຊ່ວຍເຫຼືອເຊິ່ງກັນ ແລະກັນ, ນ້ຳໃຈແບ່ງທຸກແບ່ງສຸກໃນຫົວໃຈແຕ່ລະດວງຂອງຊາວຫວຽດນາມ ທີ່ພວມດໍາລົງຊີວິດຢູ່ລາວ ຍາມໃດກໍ່ປະກາຍແສງສະຫວ່າງ.
ນັ້ນແມ່ນສິ່ງທີ່ສອງພັກ, ສອງລັດ ແລະປະຊາຊົນສອງປະເທດ ຫວຽດນາມ-ລາວ ຍັງກໍ່ສ້າງ, ເພີ່ມພູນຄູນສ້າງໃນຕະຫຼອດຫຼາຍທົດສະວັດຢ່າງບໍ່ຢຸດຢັ້ງ, ນໍາການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ, ລາວ-ຫວຽດນາມ ຍືນຍົງຄົງຕົວໄປກັບການເວລາ.
 | ລະດູບານໃໝ່ເຕັມໄປດ້ວຍນໍ້າໃຈໄມຕີຈິດມິດຕະພາບຢູ່ເຂດຊາຍແດນ ຫວຽດນາມ-ລາວ ຍສໝ - ໃນລາຍການມີຫຼາຍການເຄື່ອນໄຫວວັດທະນະທຳທີ່ຟົດຟື້ນມ່ວນຊື່ນ, ເຕັມໄປດ້ວຍຈຸດຄວາມງາມໃນຮີດຄອງປະເພນີຂອງປະຊາຊົນ ຢູ່ເຂດຊາຍແດນ, ຄື: ຫໍ່ເຂົ້າຕົ້ມ, ກໍ່ກອງໄຟຕັ້ງຄ້າຍ, ແຂ່ງຂັນກັນຕຳເຂົ້າໜົມໄຢ່, ລາຍການສະແດງສິລະປະ... |
 | ບັນດາຖ້ຽວກຳປັ່ນທີ່ເຕັມໄປດ້ວຍຄວາມມິດຕະພາບ ເພື່ອສັນຕິພາບ ແລະ ສະຖຽນລະພາບຢູ່ທະເລ ຍສໝ - ດ້ວຍເປົ້າໝາຍປົກປັກຮັກສາອະທິປະໄຕ, ຜົນປະໂຫຍດຂອງຊາດ ແລະ ບັນດາເຜົ່າ, ສັນຕິພາບ ແລະ ສະຖຽນລະພາບຢູ່ທະເລ, ໃນຊຸມປີມໍ່ໆມານີ້, ກອງທັບເຮືອປະຊາຊົນຫວຽດນາມ ໄດ້ຊຸກຍູ້ການເຄື່ອນໄຫວປ້ອງກັນປະເທດຕ່າງປະເທດຢ່າງບໍ່ຢຸດຢັ້ງ, ພິເສດແມ່ນສົ່ງກຳປັ່ນຂ້າມທະເລໄປຢ້ຽມຢາມປະເທດຕ່າງໆຢ່າງມີໄມຕີຈິດມິດຕະພາບ. ບໍ່ພຽງແຕ່ເພີ່ມທະວີຄວາມເຂົ້າໃຈ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນເທົ່ານັ້ນ, ຫາກຍັງຊ່ວຍໃຫ້ພະນັກງານ, ນັກຮົບຍົກສູງຄຸນນະພາບວິຊາຊີບ, ສຶກສາ ແລະ ແລກປ່ຽນປະສົບການ ແລະ ຝຶກຝົນຫຼໍ່ຫຼອມຄວາມສາມາດໃນການເຮັດວຽກໃນສະພາບແວດລ້ອມສາກົນ. |
ສົມເພັດ
