| 5 ກຸ່ມເປົ້າໝາຍວຽກງານຂອງ 6 ເດືອນທ້າຍປີ 2024 | |
| ບັນດາບາດກ້າວພາຍຫຼັງ 6 ເດືອນຂອງການຍົກລະດັບການພົວພັນ ຫວຽດນາມ - ອາເມລິກາ |
ຕາມທີ່ ທ່ານນາງ ສາດສະດາຈານ ນາງ ຫງວຽນທິກິມແທງ ແລ້ວ, ລັດຖະບານຫຼາຍປະເທດໃນທົ່ວໂລກມັກລົງທຶນເຂົ້າໃນການເຄື່ອນໄຫວຄົ້ນຄ້ວາວິທະຍາສາດເພື່ອປະກອບຍົກສູງຄວາມໄວ້ວາງໃຈຂອງຊາດ, ຊຸກຍູ້ການເຕີບໂຕດ້ານເສດຖະກິດ ແລະ ເພີ່ມທະວີທ່າໄດ້ປຽບແກ່ງແຍ່ງທຽບໃສ່ກັບບັນດາປະເທດອື່ນ.
ຫວຽດນາມ ຕ້ອງເອົາໃຈໃສ່ເຖິງການລົງທຶນພັດທະນາວິທະຍາສາດພາຍໃນປະເທດ, ມີລະບົບວິທະຍາສາດສ້າງຄວາມເສລີທາງດ້ານວິຊາການໜຶ່ງ. ຈາກນັ້ນ ກໍ່ປະກອບສ່ວນດຶງດູດການຮ່ວມມືກັບຕ່າງປະເທດ, ເພີ່ມທະວີຄຸນນະພາບການຄົ້ນຄ້ວາ ແລະ ງົບປະມານການໃຊ້ຈ່າຍວິທະຍາສາດ ຈາກບັນດາແຫຼ່ງທຶນຕ່າງປະເທດ.
ນອກຈາກນັ້ນ, ຫວຽດນາມຍັງສາມາດເປັນເຈົ້າພາບຈັດຕັ້ງເວທີປາໄສວິທະຍາສາດໂລກ ຄັ້ງທີ 6 (WSF) ໃນປີ 2026.
ເວທີປາໄສວິທະຍາສາດໂລກ ຕາມປົກກະຕິຈະດຶງດູດຜູ້ຕາງໜ້າ ປະມານ 1,500-2,000 ຄົນ ທີ່ເປັນຕົວແທນໃຫ້ກັບຫຼາຍຂົງເຂດວິທະຍາສາດຈາກ 100 ປະເທດ ໃນທົ່ວໂລກ. ໃນນັ້ນ, ລວມມີທັງຫົວຫນ້າບັນດາອົງການວິທະຍາສາດສາກົນ (ພາກພື້ນ, ທົ່ວໂລກ), ບຸກຄົນທີ່ສະຫນັບສະຫນູນການທູດວິທະຍາສາດ, ຫົວຫນ້າອົງການຈັດຕັ້ງອຸປະຖໍາການຄົ້ນຄວ້າ ແລະ ປະຕິບັດການຄົ້ນຄວ້າແຫ່ງຊາດ ລວມມີບັນດາສະຖາບັນວິທະຍາສາດ, ສະຫະສະມາຄົມ, ຫ້ອງທົດລອງແຫ່ງຊາດ, ສະພາການຄົ້ນຄວ້າ, ນັກວິທະຍາສາດທີ່ມີຊື່ສຽງ, ນັກສື່ສານວິທະຍາສາດ, ນັກວິທະຍາສາດຫນຸ່ມ.
 |
| ທ່ານນາງ ສາດສະດາຈານ ຫງວຽນທິກິມແທງ. |
ເວທີປາໄສຍັງມີການເຂົ້າຮ່ວມຂອງບັນດາຜູ້ວາງແຜນກໍານົດນະໂຍບາຍວິທະຍາສາດ, ລວມມີບັນດາລັດຖະມົນຕີກ່ຽວກັບວິທະຍາສາດ, ຫົວໜ້າຄະນະກຳມາທິການວິທະຍາສາດສະພາແຫ່ງຊາດ, ທີ່ປຶກສາວິທະຍາສາດ ແລະ ສໍານັກງານວິທະຍາສາດລັດຖະບານ. ຄຽງຂ້າງກັນນັ້ນ ກໍ່ຍັງມີບັນດາການນໍາຂອງວາລະສານວິທະຍາສາດ, ການສື່ສານວິທະຍາສາດ, ພ້ອມທັງບັນດາບໍລິສັດທົ່ວໂລກເຂົ້າຮ່ວມຄົ້ນຄວ້າ ແລະ ການພັດທະນາ (R&D) ແລະ ບັນດາຜູ້ຕາງຫນ້າຂອງສັງຄົມພົນລະເຮືອນ, ອົງການຈັດຕັ້ງທີ່ບໍ່ຂຶ້ນກັບລັດຖະບານ. ການເປັນຕົວແທນຂອງວິທະຍາສາດທົ່ວໂລກ ຢູ່ໃນລະດັບການຈັດຕັ້ງແມ່ນມີຄວາມໂດດເດັ່ນທີ່ສຸດ.
ຕາມທ່ານນາງ ສາດສະດາຈານ ຫງວຽນທິກິມແທງ ແລ້ວ, ນີ້ແມ່ນໂອກາດທີ່ຫາຍາກສໍາລັບ ຫວຽດນາມ ເພື່ອ “ຍົກຖານະບົດບາດ, ຄວາມໄວ້ວາງໃຈ” ປັບປຸງພາບພົດຂອງຊາດຜ່ານ WSF, ຈາກນັ້ນ ກໍ່ດຶງດູດບັນດາແຫຼ່ງການລົງທຶນໃໝ່ຈາກພາຍນອກ. ຫວຽດນາມ ຈັດຕັ້ງ WSF ກໍ່ສອດຄ່ອງກັບນະໂຍບາຍຂອງພັກ ແລະ ລັດ ຄື: ນໍາການພົວພັນມິດຕະພາບ, ການຮ່ວມມືນັບມື້ນັບພັດທະນາ, ຕອບສະໜອງຜົນປະໂຫຍດຂອງປະຊາຊົນ, ປະກອບສ່ວນເຂົ້າໃນການຮັກສາສັນຕິພາບ, ການຮ່ວມມື, ວັດທະນາຖາວອນຢູ່ພາກພື້ນ, ເສີມຂະຫຍາຍບົດບາດຂອງສະມາຊິກທີ່ມີຄວາມຕັ້ງໜ້າ ແລະ ມີຄວາມຮັບຜິດຊອບ ໃນປະຊາຄົມໂລກ.
ທອງມີ ສີຫາວົງ
