 |
| ນັກຂ່າວໜັງສືພິມ Gaston Fiorda, ຜູ້ຂຽນປຶ້ມ “ຫວຽດນາມ, ປະຫວັດສາດຂອງການຕໍ່ຕ້ານ”. |
ນັກຂ່າວໜັງສືພິມ Gaston Fiorda, ນັກຊ່ຽວຊານທີ່ຄົ້ນຄວ້າບັນດາບັນຫາກ່ຽວກັບອາຊີຕາເວັນອອກສ່ຽງໃຕ້ຂອງວິທະຍຸກະຈາຍສຽງແຫ່ງຊາດ ອາກຊັງຕິນ ໄດ້ເນັ້ນໜັກຄືດັ່ງກ່າວເມື່ອກ່າວເຖິງບັນດາໝາກຜົນຂອງການທູດ ຫວຽດນາມ ໃນໄລຍະທີ່ຜ່ານມາ.
ນັກຊ່ຽວຊານ, ນັກຮຽນຮູ້ສາກົນຫຼາຍຄົນເຫັນດີເປັນເອກະພາບວ່າ “ການທູດໄມ້ໄຜ່” ຂອງ ຫວຽດນາມ ໄດ້ເກັບກ່ຽວບັນດາຜົນງານໃໝ່ທີ່ມີຄວາມໝາຍປະຫວັດສາດ, ພິເສດ ແມ່ນໃນສະພາບການໂລກທີ່ພວມຜັນແປຢ່າງວ່ອງໄວ ແລະ ສັບສົນກວ່າທີ່ຄາດຄະເນໄວ້, ກໍ່ໃຫ້ເກີດສິ່ງທ້າທາຍໃໝ່ໃນການພົວພັນສາກົນ. ທ່ານຮອງອະດີດທີ່ປຶກສາດ້ານຄວາມໝັ້ນຄົງແຫ່ງຊາດ ອິນເດຍ Satyendra Pradhan ໃຫ້ຄຳພິນິດໃສວ່າ: “ການທູດໄມ້ໄຜ່” ໄດ້ຊ່ວຍຍົກສູງທີ່ຕັ້ງຂອງ ຫວຽດນາມ ບົນເວທີສາກົນ ແລະ ຮັບປະກັນການເຕີບໂຕດ້ານເສດຖະກິດຂອງປະເທດ.
ທ່ານສາດສະດາຈານ Carl Thayer, ວິທະຍາຄານປ້ອງກັນຊາດ ອົດສະຕາລີ ຕີລາຄາວ່າ: “ຫວຽດນາມ ໄດ້ສ້າງເຄືອຂ່າຍການພົວພັນທາງການເມືອງ ແລະ ການທູດຢ່າງກວ້າງຂວາງ, ຫຼາຍດ້ານກັບບັນດາປະເທດໃຫຍ່ ແລະ ບັນດາອົງການຫຼາຍຝ່າຍທີ່ສຳຄັນໃນທົ່ວໂລກ. ສິ່ງດັ່ງກ່າວໄດ້ຊ່ວຍໃຫ້ ຫວຽດນາມ ມີອິດທິພົນ, ທີ່ຕັ້ງສູງໃນປະຊາຄົມສາກົນ ແລະ ໜູນຊ່ວຍການພັດທະນາເສດຖະກິດຂອງ ຫວຽດນາມ”.
ທ່ານ ປອ. ຫງວຽນຮົ່ງຫາຍ, ນັກຄົ້ນຄວ້າສູນນະໂຍບາຍອະນາຄົດ, ມະຫາວິທະຍາໄລ Queensland (ອົດສະຕາລີ) ໄດ້ຊີ້ແຈ້ງຜົນງານຂອງ “ການທູດໄມ້ໄຜ່ ຫວຽດນາມ” ແມ່ນການຮັກສາເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ, ສ້າງສະພາບແວດລ້ອມແຫ່ງສັນຕິພາບ ແລະ ສະດວກເພື່ອຮັບໃຊ້ການພັດທະນາຂອງປະເທດ; ພ້ອມກັນນັ້ນ, ກໍ່ປະກອບສ່ວນຢ່າງຕັ້ງໜ້າ ແລະ ມີຄວາມຮັບຜິດຊອບເຂົ້າໃນການຮັບປະກັນຄວາມໝັ້ນຄົງ, ສັນຕິພາບ ແລະ ການພັດທະນາຢູ່ພາກພື້ນ ແລະ ໃນໂລກ, ປະກອບສ່ວນຊ່ວຍໃຫ້ ຫວຽດນາມ “ມີພາລະກິດໃຫຍ່ຫຼວງ, ທ່າແຮງ, ທີ່ຕັ້ງ ແລະ ຊື່ສຽງສາກົນຄືໃນປະຈຸບັນ”.
ເຖິງຢ່າງໃດກໍ່ຕາມ, ບັນດາກຳລັງສັດຕູ, ປະຕິການ, ບັນດາອົງການ ແລະ ບຸກຄົນທີ່ຂາດເຈດຕະນາດີຕໍ່ ຫວຽດນາມ ຍັງມີເຈດຕະນາບິດເບືອນ ແລະ ບັນຍາຍບໍ່ຖືກກ່ຽວກັບເນື້ອແທ້ຂອງ “ການທູດໄມ້ໄຜ່” ເພື່ອສ້າງຂໍ້ອ້າງໃສ່ຮ້າຍປ້າຍສີໃຫ້ແນວທາງການພົວພັນຕ່າງປະເທດທີ່ເປັນເອກະລາດ, ເປັນເຈົ້າຕົນເອງ, ຫຼາຍຝ່າຍ ແລະ ມີຄວາມຫຼາກຫຼາຍຂອງພັກ ແລະ ລັດ ຫວຽດນາມ. ບາງອົງການຈັດຕັ້ງ ແລະ ພາກສ່ວນຝ່າຍຄ້ານ ທັງພາຍໃນ ແລະ ຕ່າງປະເທດ ໃຊ້ເລ່ລ່ຽມ “ລັກປ່ຽນຄວາມຄິດ”, ບິດເບືອນວ່າ “ການທູດໄມ້ໄຜ່” ແມ່ນ “ບໍ່ມີຄວາມເຫັນທາງດ້ານການເມືອງ ແລະ ຂາດຫຼັກໝັ້ນທີ່ສະເໝີຕົ້ນສະເໝີປາຍ”. ບັນດາການບິດເບືອນຄວາມຈິງດັ່ງກ່າວ ແມ່ນມີຈຸດປະສົງຢ່າງຈະແຈ້ງເພື່ອທຳລາຍນະໂຍບາຍການທູດຂອງ ຫວຽດນາມ, ເຮັດໃຫ້ເກີດການແບ່ງແຍກ, ສົ່ງຜົນສະທ້ອນບໍ່ດີຕໍ່ການພົວພັນຕ່າງປະເທດຂອງ ຫວຽດນາມ ກັບບັນດາປະເທດ, ເປັນການຍຸແຫຍ່ແນວຄິດຊາດນິຍົມຫົວຮຸນແຮງ...
ຜູ້ຊ່ຽວຊານຫຼາຍທ່ານເນັ້ນໜັກວ່າ “ການທູດໄມ້ໄຜ່” ຂອງ ຫວຽດນາມ ແມ່ນການສົມທົບກັນຂອງຄວາມເປັນເຈົ້າການ, ມີຄວາມສາມາດປັບຕົວສູງໃນໂລກທີ່ຜັນແປ, ພ້ອມທັງມີຄວາມສະຫຼາດຄ່ອງແຄ່ວ, ມີຫົວຄິດປະດິດສ້າງ ແລະ ພື້ນຖານເພື່ອ “ກົມກຽວ” ກັບທຸກຂົ້ວໃນໂລກທີ່ຫຼາຍຂົ້ວ. ທ່ານ ປອ. Tomotaka Shoji, ຜູ້ອຳນວຍການຄະນະຄົ້ນຄວ້າພາກພື້ນຂອງວິທະຍາຄານຄົ້ນຄວ້າປ້ອງກັນຊາດ, ກະຊວງປ້ອງກັນປະເທດ ຍີ່ປຸ່ນ ຢັ້ງຢືນວ່າ ຝ່າຍການທູດນີ້ ແມ່ນສອດຄ່ອງກັບສະພາບແວດລ້ອມຍຸດທະສາດ ແລະ ສະພາບການປະຫວັດສາດ, ສະແດງໃຫ້ເຫັນວ່າ ນະໂຍບາຍການພົວພັນຕ່າງປະເທດຂອງ ຫວຽດນາມ ບໍ່ເປັນຄຳພີແຕ່ສະແດງໃຫ້ເຫັນຄວາມມີໄຫວພິບຂຶ້ນກັບຄູ່ຮ່ວມງານ ແລະ ສະຖານະການ.
ພາກສ່ວນໜຶ່ງໃນຍຸດທະສາດຂອງ ຫວຽດນາມ ແມ່ນຮັກສາການພົວພັນແບບພິເສດກັບ ຈີນ ຢ່າງສະເໝີ, ພ້ອມກັນນັ້ນ ກໍ່ພັດທະນາການພົວພັນຢ່າງແໜ້ນແຟ້ນກັບ ອາເມລິກາ ແລະ ບັນດາປະເທດມະຫາອຳນາດອື່ນໆ”. ໃນຂະນະນັ້ນ, ນັກຊ່ຽວຊານ Layton Pike, ຜູ້ຮ່ວມກໍ່ຕັ້ງສະຖາບັນນະໂຍບາຍ ຫວຽດນາມ - ອົດສະຕາລີ (AVPI), ຖືວ່າ ຫວຽດນາມ ສືບຕໍ່ປະຕິບັດວິທີການເຂົ້າເຖິງຢ່າງລະມັດລະວັງ, ເປັນເຈົ້າການ ແລະ ສະເໝີຕົ້ນສະເໝີປາຍສຳລັບບັນດາປະເທດມະຫາອຳນາດທົ່ວໂລກ, ຈາກ ຈີນ, ອາເມລິກາ, ລັດເຊຍ, ຍີ່ປຸ່ນ, ອິນເດຍ, ອົດສະຕາລີ..., ໂດຍຜ່ານນັ້ນ, ຫວຽດນາມ ໄດ້ພິສູດໃຫ້ເຫັນແຜນນະໂຍບາຍ “ເປັນເພື່ອນກັບທຸກປະເທດ”.
ສິ່ງສຳຄັນກວ່າ, ຫວຽດນາມ ໄດ້ສະແດງໃຫ້ເຫັນວ່າ ເປັນໜຶ່ງໃນບັນດາປະເທດທີ່ມີຄວາມໄວ້ເນື້ອເຊື່ອໃຈທີ່ສຸດໃນການຮັດແໜ້ນສາຍພົວພັນ, ທ່ານ ປອ. Ruvislei González Saez, ຮອງປະທານສະມາຄົມມິດຕະພາບ ກູບາ - ຫວຽດນາມ, ຜູ້ອຳນວຍການໂຄງການພົວພັນສາກົນຢູ່ ກູບາ. ນັກຊ່ຽວຊານ ກູບາ ເນັ້ນໜັກວ່າ, ຫວຽດນາມ ແມ່ນເພື່ອນ ແລະ ຄູ່ຮ່ວມມືທີ່ໄວ້ເນື້ອເຊື່ອໃຈຂອງທຸກປະເທດໃນປະຊາຄົມສາກົນ, ຕັ້ງໜ້າເຂົ້າຮ່ວມບັນດາຂະບວນການຮ່ວມມືສາກົນ ແລະ ພາກພື້ນ, ສິ່ງດັ່ງກ່າວໄດ້ປັບປຸງທີ່ຕັ້ງທາງການທູດຂອງ ຫວຽດນາມ, ສອດຄ່ອງກັບຄວາມຂະຫຍັນຂັນເຂື່ອນທີ່ນັບມື້ນັບເພິ່ມຂຶ້ນຂອງປະເທດອາຊີຕາເວັນອອກສ່ຽງໃຕ້ນີ້ "ຄືເປັນຫນຶ່ງໃນບັນດເສືອອາຊີທີ່ພວມຟື້ນຕົວລຸກຂຶ້ນ".
ສາມາດຢັ້ງຢືນໄດ້ວ່າ “ການທູດໄມ້ໄຜ່” ໄດ້ເຮັດໃຫ້ ຫວຽດນາມ ມີບົດບາດນັບມື້ນັບສູງໃນເວທີສາກົນ, ຊ່ວຍໃຫ້ ຫວຽດນາມ ປະສົບຜົນສຳເລັດໃນການຮັກສາສາຍພົວພັນກັບບັນດາປະເທດມະຫາອຳນາດ, ໃນຂະນະທີ່ຍັງໄດ້ຮັບປະກັນຜົນປະໂຫຍດແຫ່ງຊາດ. ບັນດາການເຄື່ອນໄຫວການພົວພັນຕ່າງປະເທດທີ່ຟົດຟື້ນຂອງ ຫວຽດນາມ ໃນໄລຍະຜ່ານມາ, ການເຂົ້າຮ່ວມທີ່ເປັນເຈົ້າການ ແລະ ຕັ້ງໜ້າຂອງ ຫວຽດນາມ ໃນບັນດາບັນຫາສາກົນ ໄດ້ສະແດງໃຫ້ເຫັນຢ່າງຄົບຖ້ວນເຖິງທີ່ຕັ້ງ ແລະ ອິດທິພົນສາກົນທີ່ນັບມື້ນັບສູງຂອງ ຫວຽດນາມ. ນັ້ນກໍ່ແມ່ນການສະແດງໃຫ້ເຫັນຢ່າງມີຊີວິດຊີວາ ແລະ ຊັດເຈນທີ່ສຸດກ່ຽວກັບຜົນສຳເລັດຂອງ “ການທູດໄມ້ໄຜ່”, ປະຕິເສດບັນດາຂໍ້ກ່າວຫາທີ່ບິດເບືອນນະໂຍບາຍການພົວພັນຕ່າງປະເທດຂອງ ຫວຽດນາມ.
 | ວັນທີ 20 ມັງກອນ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດງານພົບປະສັງສັນກັບສື່ມວນຊົນ ເນື່ອງໃນໂອກາດຕົ້ນລະດູບານໃໝ່ ປີຂານ 2022 ໂດຍທ່ານນາງ ຫງວຽນເຟືອງງາ ປະທານສະຫະພັນ ເປັນປະທານ. |
 | ຫວ່າງແລ້ວນີ້, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງ ປະເທດ ໄດ້ອວຍພອນ ເນື່ອງໃນໂອກາດວັນສ້າງຕັ້ງ ສາຍພົວພັນການທູດ ລະຫວ່າງ ສປປ ລາວ ແລະ ສປ ຈີນ ຄົບຮອບ 60 ປີ (25/04/1961-25/04/2021) ແລະ ປີມິດຕະພາບ ລາວ-ຈີນ 2021. |
ມິງດຶກ
