ງານມະຫະກໍາກິລາວິສາຫະກິດສາກົນ ຄັ້ງທີ 1 ໄດ້ຈັດຂຶ້ນໂດຍສະມາຄົມພັດທະນາກິລາວິສາຫະກິດຂອງລັດເຊຍ ຈັດຂຶ້ນ. ງານມະຫະກຳໄດ້ມີການເຂົ້າຮ່ວມຂອງນັກກິລາ 2.500 ຄົນທີ່ມາຈາກ 20 ກວ່າປະເທດ, ມີພີ່ນ້ອງປະຊາຊົນ, ມີວິສາຫະກິດທີ່ດໍາເນີນທຸລະກິດ ແລະ ອາໄສຢູ່ໃນສະຫະພາບ ລັດເຊຍ ເປັນຈຳນວນຫຼາຍ.
ການເປີດວສາກໃນພິທີເປີດງານມະຫະກໍາ ແມ່ນການເດີນຂະບວນຂອງບັນດາຄະນະຜູ້ແທນປະເທດຕ່າງໆ ທີ່ເຂົ້າຮ່ວມ ໂດຍມີການເຂົ້າຮ່ວມຢ່າງໜາແໜ້ນຂອງຄະນະຫົວໜ້າທິມ, ນັກກິລາ, ຜູ້ຕາງໜ້າບັນດາອົງການຈັດຕັ້ງ, ວິສາຫະກິດ ແລະ ມີພີ່ນ້ອງປະຊາຊົນຂອງຫຼາຍປະເທດ ທີ່ກໍາລັງດຳລົງຊີວິດ, ຮ່ຳຮຽນ ແລະ ເຮັດວຽກຢູ່ ລັດເຊຍ.
 |
| ຄະນະຫວຽດນາມ ເຂົ້າຮ່ວມການເດີນຂະບວນ. ພາບ: VOV. |
ງານມະຫະກໍາ ໄດ້ຈັດການແຂ່ງຂັນ 24 ປະເພດກິລາ ໂດຍແຂ່ງຂັນເປັນປະເພດທິມ ແລະ ປະເພດດ່ຽວ ເຊັ່ນ: ກິລາບານເຕະ 6x6, ບານບ້ວງ 3x3, ບານສົ່ງ, ແລ່ນແລະລານ, ດຶງເຊືອກ, ເທນນິດ, ປິງປອງ, ຕີດອກປີກໄກ່, ລອຍນ້ຳ, ໝາກຮຸກ, ຍິງປືນ ແລະ Shot Put...
ປະຊາຄົມຄົນຫວຽດນາມ ຢູ່ລັດເຊຍ ເຂົ້າຮ່ວມງານມະຫະກຳໃນ 3 ປະເພດກິລາຄື: ກິລາບານເຕະ 6x6, ເທນນິດ ແລະ ປິງປອງ. ທ່ານ ເຈີ່ນຟຸທວ້ນ ຮອງປະທານຜູ້ປະຈໍາການສະມາຄົມຄົນຫວຽດນາມ ປະຈຳສະຫະພັນ ລັດເຊຍ ກ່າວວ່າ: ບັນດາທິມຂອງປະຊາຄົມທີ່ເຂົ້າຮ່ວມງານມະຫະກຳຄັ້ງນີ້ ໄດ້ຮັບການຄັດເລືອກຢ່າງລະອຽດ ຈາກບັນດາການແຂ່ງຂັນຂອງປະຊາຄົມຄົນຫວຽດນາມ ຢູ່ສະຫະພັນ ລັດເຊຍ, ມີຂະບວນການຝຶກແອບ ແລະ ກະກຽມຄວາມພ້ອມຢ່າງລອບຄອບ.
ທ່ານ ເຈີ່ນຟຸທວ້ນ ຮອງປະທານຜູ້ປະຈໍາການສະມາຄົມຄົນຫວຽດນາມ ປະຈຳສະຫະພັນ ລັດເຊຍ ກ່າວວ່າ: ບັນດາທິມທີ່ແຂ່ງຂັນໃນຄັ້ງນີ້ໄດ້ຮັບການຄັດເລືອກຈາກ ບັນດາການແຂ່ງຂັນຂອງປະຊາຄົມຊາວຫວຽດນາມ ແລະ ຫວັງວ່າຈະນຳມາເຊິ່ງບັນດາຜົນງານທີ່ດີ ເມື່ອໄດ້ເຂົ້າຮ່ວມງານມະຫະກຳຄັ້ງນີ້ແລ້ວ.
ງານມະຫາກຳກິລາວິສາຫະກິດສາກົນຄັ້ງນີ້ ໄດ້ດຶງດູດກອງເຊຍເຂົ້າຮ່ວມຊົມເຊຍເປັນຈຳນວນຫຼວງຫຼາຍ, ເຊິ້່ງແມ່ນວັນສະມາຄົມຂອງປະຊາຄົມຄົນຕ່າງປະເທດຢູ່ ລັດເຊຍ ຢ່າງແທ້ຈິງ, ປະກອບສ່ວນຍົກສູງຂະບວນການກິລາກາຍະກຳ, ພ້ອມກັນນັ້ນ ກໍ່ເພີ່ມທະວີຄວາມເຂົ້າໃຈ ແລະ ຄວາມສາມັກຄີຂອງຫຼາຍປະຊາຄົມຄົນຕ່າງປະເທດຢູ່ ລັດເຊຍ.
ທອງມີ ສີຫາວົງ
