| 76 ທີມບານເຕະເຂົ້າຮ່ວມກອງປະຊຸມໃຫຍ່ບານເຕະຊາວ ຫວຽດນາມ ຢູ່ເຂດ Kanto (ຍີ່ປຸ່ນ) | |
| ນະຄອນໂຮ່ຈີມິນປະສົບກັບຄວາມຫຍຸ້ງຍາກໃນການແຂ່ງຂັນອະສັງຫາລິມະຊັບອຸດສາຫະກຳ |
ນີ້ແມ່ນງານແຂ່ງຂັນໃນຂອບເຂດປະຈຳປີ ໂດຍອົງການແລກປ່ຽນສາກົນຫວຽດນາມ ຍີ່ປຸ່ນ (FAVIJA)ຈັດຂຶ້ນ ພາຍໃຕ້ການອຸປະຖຳຂອງສະຖານທູດຫວຽດນາມ ປະຈຳຍີ່ປຸ່ນ.
 |
| ບັນດານັກກິລາແຂ່ງຂັນຢູ່ໃນສະຫນາມກິລາບານເຕະ |
ການແຂ່ງຂັນໄດ້ດຶງດູດຊາວຫວຽດນາມ ຢູ່ຕ່າງປະເທດ ແລະ ຄົນໃນທ້ອງຖິ່ນເປັນຈຳນວນຫຼວງຫຼາຍມາເຊຍຢູ່ສະໜາມກິລາຢ່າງເບີກບານ, ເປັນປະໂຫຍດ, ທັງຊ່ວຍໃຫ້ຊາວໜຸ່ມຫວຽດນາມ ທີ່ຢູ່ຫ່າງໄກຈາກບ້ານ ໄດ້ອອກກຳລັງກາຍເພື່ອສຸຂະພາບ, ສະໜອງຄວາມຕ້ອງການໃຫ້ແກ່ຄວາມມັກຮັກກິລາບານເຕະ, ທັງເປັນໂອກາດເຮັດໃຫ້ຊາວຫວຽດນາມ ຢູ່ຕ່າງປະເທດໄດ້ພົບປະແລກປ່ຽນເຊິ່ງກັນ ແລະກັນ, ເພີ່ມທະວີຄວາມສາມັກຄີບັນດາຊົນເຜົ່າ. ພ້ອມດຽວກັນນັ້ນ, ຜ່ານການແຂ່ງຂັນກິລາດັ່ງກ່າວ ກໍ່ຍັງໄດ້ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອລະຫວ່າງຊາວຫວຽດນາມ ອາໄສຢູ່ຕ່າງປະເທດ ແລະ ປະຊາຊົນຍີ່ປຸ່ນ.
ຫຼັງຈາກການແຂ່ງຂັນມື້ໜື່ງທີ່ຟົດຟື້ນ ແລະ ຕື່ນເຕັ້ນ, ຂັນຊະນະເລີດໄດ້ເປັນຂອງ FC ST Mobile. ອັນດັບສອງ ເປັນຂອງ FC Hoang Hai, ອັນດັບ 3 ໄດ້ແກ່ FC Nippon Travel ແລະ FC Star Nagoya.
 |
| ມອບລາງວັນໃຫ້ນັກກິລາຜູ້ໄດ້ຮັບລາງວັນຊະນະ. |
ຄະນະຈັດຕັ້ງຍັງໄດ້ມອບລາງວັນບຸກຄົນຄື ນັກເຕະທະລຸເຂົ້າໂກນ ໃຫ້ນັກເຕະ ວໍ້ເທ້ຕວ້ນ ພ້ອມກັບລາງວັນນັດເຕະດີເດັ່ນ, ສ່ວນລາງວັນຜູ້ຮັກສາປະຕູດີເດັ່ນໄດ້ແກ່ ຫງວຽນຮ່ວາງເຊີນ ເຊິ່ງກໍ່ລ້ວນແຕ່ແມ່ນທິມຂອງ FC ST Mobile.
ທ່ານ ໂດ້ກວາງບາ ປະທານ FAVIJA ໃຫ້ຮູ້ວ່າ: 4 ທີມທີ່ມີຜົນງານສູງສຸດໃນການແຂ່ງຂັນຄັ້ງນີ້ ຍັງຍາດໄດ້ປີ້ເຂົ້າຊົມງານມະຫາກຳກິລາບານເຕະທົ່ວປະເທດ ຄົນຫວຽດນາມ ຢູ່ ຍີ່ປຸ່ນ ເຊິ່ງຈະຈັດຂື້ນໃນທ້າຍເດືອນ ພະຈິກ ປີນີ້ ຢູ່ທີ່ນະຄອນໂຕກຽວ.
ອ.ສະຫວັດ
