ຫວຽດນາມ ຕອບສະໜອງບັນດາມາດຖານການຮັບຮອງພື້ນຖານດ້ານເສດຖະກິດການຕະຫຼາດທັງໝົດ

20:06 | 07/08/2024

ຍສໝ - ທ່ານກຳມະການກົມການເມືອງ ຫງວຽນຊວນຖັງ ສະເໜີ 2 ຝ່າຍຕ້ອງໄດ້ສືບຕໍ່ເພີ່ມທະວີການແລກປ່ຽນ, ອາເມລິກາ ຕ້ອງຕີລາຄາຢ່າງພາວະວິໄສ, ມຸ່ງໝ້າໄປເຖິງການຮັບຮອງ ຫວຽດນາມ ແມ່ນພື້ນຖານເສດຖະກິດການຕະຫຼາດ.

	ການພົວພັນຫວຽດນາມ-ຍີ່ປຸ່ນ ໄດ້ຮັບການເປີດກວ້າງ, ເຂົ້າສູ່ລວງເລິກ, ແທດຈິງຢ່າງບໍ່ຢຸດຢັ້ງ
	ເຊື່ອມຕໍ່ສະມາຄົມມິດຕະພາບ ອົດສະຕາລີ - ຫວຽດນາມ ກັບບັນດາສະມາຄົມຊາວຫວຽດນາມ ຢູ່ ອົດສະຕາລີ

ໃນຂອບເຂດການຢ້ຽມຢາມ ແລະເຮັດວຽກຢູ່ທີ່ອາເມລິກາ, ແຕ່ວັນທີ 31 ກໍລະກົດ ຫາວັນທີ 4 ສິງຫາ, ຢູ່ທີ່ນະຄອນວໍຊິງຕັນ ດີຊີ, ທ່ານ ຫງວຽນຊວນຖັງ, ກຳມະການກົມການເມືອງ, ຫົວໜ້າສະຖາບັນການເມືອງແຫ່ງຊາດ ໂຮ່ຈີມິນ, ປະທານສະພາທິດສະດີສູນກາງ ແລະຄະນະປະຕິບັດງານ ໄດ້ມີການພົບປະ, ແລກປ່ຽນກັບລັດຖະມົນຕີຜູ້ທີໜຶ່ງກະຊວງການຕ່າງປະເທດອາເມລິກາ Kurt Campbell, ທູດພິເສດຂອງປະທານາທິບໍດີອາເມລິກາ ກ່ຽວກັບການປ່ຽນແປງຂອງດິນຟ້າອາກາດ John Podesta; ຮອງທີ່ປຶກສາຄວາມໝັ້ນຄົງແຫ່ງຊາດ ຮັບຜິດຊອບດ້ານຄວາມປອດໄພທາງອິນເຕີເນັດ Anne Neuberger; ຮອງຜູ້ຊ່ວຍລັດຖະມົນຕີກະຊວງການເງິນ ຮັບຜິດຊອບອາຊີ ແລະ ປາຊີຟິກ Robert Kaproth; ປຶກສາຫາລືກັບບັນດານັກຄົ້ນຄວ້າ ແລະນັກຮຽນຮູ້ທີ່ສູນການຄົ້ນຄວ້າຍຸດທະສາດ ແລະສາກົນ (CSIS), ກອງທຶນ Heritage, ສະຖາບັນສັນຕິພາບ, ສູນ Wilson; ກອງປະຊຸມເຈລະຈາກັບຜູ້ຕາງໜ້າຂອງພັກກອມມູນິດອາເມລິກາ; ພົບປະ ແລະໂອ້ລົມກັບຖັນແຖວພະນັກງານຂອງສະຖານທູດຫວຽດນາມ ແລະ ບັນດາອົງການອ້ອມຂ້າງສະຖານທູດ.

Ông Nguyễn Xuân Thắng và Phó Trợ lý Bộ trưởng Tài chính phụ trách châu Á và Thái Bình Dương Treasury Robert Kaproth. (Ảnh: Kiều Trang/TTXVN) ທ່ານ ຫງວຽນຊວນຖັງ ແລະ ຮອງຜູ້ຊ່ວຍລັດຖະມົນຕີກະຊວງການເງິນ ຮັບຜິດຊອບອາຊີ ແລະ ປາຊີຟິກ Robert Kaproth. (ພາບ: ກວຽດຈາງ/ສໍານັກຂາວສານຫວຽດນາມ)

ທ່ານ ຫງວຽນຊວນຖັງ ແລະ ຮອງຜູ້ຊ່ວຍລັດຖະມົນຕີກະຊວງການເງິນ ຮັບຜິດຊອບອາຊີ ແລະ ປາຊີຟິກ Robert Kaproth. (ພາບ: ກ່ຽວຈາງ/ສໍານັກຂາວສານຫວຽດນາມ)

ຕາງໜ້າການນຳພັກ, ລັດ ຫວຽດນາມ, ທ່ານ ຫງວຽນຊວນຖັງ ໄດ້ສະແດງຄວາມຂອບໃຈເປັນຢ່າງສູງຕໍ່ລັດຖະບານ, ບັນດາອົງການ, ຄູ່ຮ່ວມມື, ວິສາຫະກິດອາເມລິກາ ທີ່ໄດ້ສົ່ງຄວາມເສົ້າສະຫຼົດໃຈຢ່າງສຸດຊຶ້ງມາຍັງພັກ, ລັດ ແລະ ປະຊາຊົນຫວຽດນາມ ກ່ຽວກັບມສະຫາຍ ຫງວຽນຟຸຈ້ອງ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເຖິງແກ່ມໍລະນະກຳ.

ທີ່ການແລກປ່ຽນກັບບັນດາຄູ່ຮ່ວມມືອາເມລິກາ, ທ່ານ ຫງວຽນຊວນຖັງ ໄດ້ຕີລາຄາສູງວຽກການພົວພັນ ຫວຽດນາມ - ອາເມລິກາ ໄດ້ມີບາດກ້າວພັດທະນາຢ່າງຮອບດ້ານ ແລະວ່ອງໄວ.

Ông Nguyễn Xuân Thắng làm việc với đoàn Đảng Cộng sản Hoa Kỳ. (Ảnh: Kiều Trang/TTXVN) ທ່ານ ຫງວຽນຊວນຖັງ ເຮັດວຽກກັບຄະນະຜູ້ແທນພັກກອມມູນິດອາເມລິກາ. (ພາບ: ກວຽດຈາງ/ສໍານັກຂາວສານຫວຽດນາມ)

ທ່ານ ຫງວຽນຊວນຖັງ ເຮັດວຽກກັບຄະນະຜູ້ແທນພັກກອມມູນິດອາເມລິກາ. (ພາບ: ກ່ຽວຈາງ/ສໍານັກຂາວສານຫວຽດນາມ)

ກ່ຽວກັບແຈ້ງການ ກະຊວງການຄ້າຂອງອາເມລິກາທີ່ວ່າ ຍັງບໍ່ທັນຮັບຮອງຫວຽດນາມ ເປັນປະເທດທີ່ມີພື້ນຖານເສດຖະກິດການຕະຫຼາດ, ທ່ານ ຫງວຽນຊວນຖັງ ໄດ້ຍົກໃຫ້ເຫັນຢ່າງຈະແຈ້ງວ່າ ຫວຽດນາມ ຮູ້ສຶກເສຍດາຍ ແລະ ຜິດຫວັງຢ່າງຍິ່ງຕໍ່ເລື່ອງນີ້ ເພາະໃນໄລຍະທີ່ຜ່ານມາ, ການພົວພັນດ້ານການຄ້າ ແລະ ການລົງທຶນລະຫວ່າງ 2 ປະເທດ ໄດ້ມີການພັດທະນາຢ່າງເຂັ້ມແຂງແບບທີ່ບໍ່ເຄີຍມີມາກ່ອນ; 2 ປະເທດກໍ່ໄດ້ມີຄວາມພະຍາຍາມຢ່າງຫຼວງຫຼາຍໃນວຽກຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ; ຫວຽດນາມໄດ້ຕອບສະໜອງທັງໝົດ 6 ມາດຖານເຊິ່ງກະຊວງການຄ້າ ອາເມລິກາ ວາງອອກເມື່ອພິຈາລະນາຮັບຮອງເອົາປະເທດໃດໜຶ່ງເປັນປະເທດທີ່ມີພື້ນຖານເສດຖະກິດການຕະຫຼາດ.

ທ່ານ ຫງວຽນຊວນຖັງ ສະເໜີໃຫ້ 2 ຝ່າຍຕ້ອງໄດ້ສືບຕໍ່ເພີ່ມທະວີການແລກປ່ຽນ, ອາເມລິກາ ຕ້ອງຕີລາຄາຢ່າງພາວະວິໄສ, ມຸ່ງໝ້າໄປເຖິງການຮັບຮອງ ຫວຽດນາມ ແມ່ນພື້ນຖານເສດຖະກິດການຕະຫຼາດ.

ນອກຈາກນີ້ ທ່ານ ຍັງໄດ້ສະແດງຄວາມປາດຖະໜາວ່າ ຢາກໃຫ້ບັນດາວິສາຫະກິດອາເມລິກາ ສືບຕໍ່ຊຸກຍູ້ການລົງທຶນເຂົ້າໃນຫວຽດນາມ ໃນບັນດາຂົງເຂດມີຄວາມສາມາດບົ່ມຊ້ອນຫຼາຍຢ່າງ; ສົ່ງອອກບັນດາຜະລິດຕະພັນຕ່າງໆທີ່ມີທ່າໄດ້ປຽບຂອງອາເມລິກາ ໄປຍັງຫວຽດນາມ; ແລະ ນີ້ອາດເປັນປັດໄຈສຳຄັນໃນປະກອບສ່ວນຫລຸດຜ່ອນການຂາດດຸນການຄ້າຂອງ ອາເມລິກາ ຕໍ່ກັບ ຫວຽດນາມ.

Ông Nguyễn Xuân Thắng và đoàn làm việc với Trung tâm Wilson. (Ảnh: Kiều Trang/TTXVN) ທ່ານ ຫງວຽນຊວນຖັງ ພ້ອມດ້ວຍຄະນະເຮັດວຽກຮ່ວມກັບສູນ Wilson. (ພາບ: ກວຽດຈາງ/ສໍານັກຂາວສານຫວຽດນາມ)

ທ່ານ ຫງວຽນຊວນຖັງ ພ້ອມດ້ວຍຄະນະປະຕິບັດງານ ເຮັດວຽກກັບສູນ Wilson. (ພາບ: ກ່ຽວຈາງ/ສໍານັກຂາວສານຫວຽດນາມ)

ສ່ວນການນຳກະຊວງການຕ່າງປະເທດ ອາເມລິກາ ກໍ່ໄດ້ແບ່ງປັນຄວາມລໍາບາກໃຈຂອງຫວຽດນາມ ກ່ຽວກັບບັນຫາການຮັບຮອງພື້ນຖານເສດຖະກິດການຕະຫຼາດ ແລະ ຢືນຢັນວ່າ ສິ່ງນີ້ຈະບໍ່ສົ່ງຜົນສະທ້ອນເຖິງການພົວພັນດ້ານເສດຖະກິດລະຫວ່າງ 2 ປະເທດທີ່ກໍາລັງພັດທະນາໄປຢ່າງຈົບງາມ, ມຸ່ງໄປເຖິງການສະເຫຼີມສະຫຼອງ 30 ປີແຫ່ງການຫັນສາຍພົວພັນ ຫວຽດນາມ - ອາເມລິກາ ເປັນປົກກະຕິ ໃນປີ 2025.

ທອງມີ ສີຫາວົງ