| ອົດສະຕາລີສ້າງສູນການສຶກສາທຳອິດຢູ່ ຫວຽດນາມ | |
| ປິດຊຸດຝຶກອົບຮົມຄູສອນພາສາຫວຽດນາມ ຢູ່ ອາຊີ - ອົດສະຕາລີ |
 |
| ທ່ານ ຟ້າມຮຸ່ງເຕິມ ເອກອັກຄະລັດຖະທູດ ຫວຽດນາມ ປະຈຳ ອົດສະຕາລີ (ເບື້ອງຂວາ) ແລະ ທ່ານ Kim Sampson, ປະທານສະມາຄົມມິດຕະພາບ ອົດສະຕາລີ - ຫວຽດນາມ. (ພາບ: ສະຖານທູດຫວຽດນາມ ປະຈໍາ ອົດສະຕາລີ) |
ທີ່ການພົບປະ, ທ່ານ Kim Sampson ສະແດງຄວາມປາດຖະໜາຢາກສົມທົບກັບສະຖານທູດ ຫວຽດນາມ ປະຈຳ ອົດສະຕາລີ ເພື່ອຊຸກຍູ້ບັນດາການເຄື່ອນໄຫວຮ່ວມມື, ເຊື່ອມຕໍ່ລະຫວ່າງ 2 ຝ່າຍກໍ່ຄືລະຫວ່າງສະມາຄົມມິດຕະພາບ ອົດສະຕາລີ - ຫວຽດນາມ ກັບບັນດາສະມາຄົມຊາວຫວຽດນາມ ຢູ່ ອົດສະຕາລີ.
ທ່ານ Kim Sampson ກ່າວວ່າ: ປະຈຸບັນ ພວມມີຮ່ວມມືເປັນຢ່າງດີກັບສະມາຄົມວິສາຫະກິດຫວຽດນາມ ຢູ່ ອົດສະຕາລີ ແລະ ໃຫ້ຄວາມສົນໃຈກັບບັນດາສະມາຄົມຂອງຊາວຫວຽດນາມ ເພື່ອເປີດກວ້າງເຄືອຂ່າຍ, ປະກອບສ່ວນປັບປຸງຄວາມເຂົ້າໃຈ ແລະແລກປ່ຽນລະຫວ່າງອົດສະຕາລີ ແລະ ຫວຽດນາມ.
ນອກຈາກນີ້ ທ່ານກໍ່ຍັງໄດ້ແບ່ງປັນຄວາມຕັ້ງໃຈທີ່ຢາກຊຸກຍູ້ການກັບຄືນມາຂອງໂຄງການແລກປ່ຽນທ່ານໝໍຫຼາຍຂະແໜງຄອບຄົວລະຫວ່າງ ຫວຽດນາມ ແລະ ອົດສະຕາລີ ແນໃສ່ເພື່ອເພີ່ມທະວີການເຊື່ອມຕໍ່ ແລະ ແລກປ່ຽນບົດຮຽນດ້ານວິຊາຊີບໃນຂົງເຂດການເບິ່ງແຍງສຸຂະພາບເບຶ້ອງຕົ້ນ ຢູ່ບັນດາສະຖານພະຍາບານທ້ອງຖິ່ນ ແລະ ຊົນນະບົດ. ຄາດວ່າໃນເດືອນຕຸລາ 2024, ສະມາຄົມຂອງເພີ່ນຈະຕ້ອນຮັບທ່ານໝໍຫວຽດນາມ 2 ທ່ານມາຍັງ Adelaide ໃນຂອບເຂດໂຄງການແລກປ່ຽນທ່ານໝໍລະຫວ່າງ 2 ຝ່າຍ.
ທ່ານເອກອັກຄະລັດຖະທູດ ຟ້າມຮຸ່ງເຕິມ ໄດ້ຕີລາຄາສູງບັນດາການເຄື່ອນໄຫວເຊື່ອມຕໍ່ຂອງສະມາຄົມມິດຕະພາບອົດສະຕາລີ - ຫວຽດນາມ ແລະ ການປະກອບສ່ວນຢ່າງຕັ້ງໜ້າໂດນສ່ວນຕົວຂອງ ທ່ານ Kim Sampson ໃນຖານະເປັນປະທານສະມາຄົມມາ ເປັນເວລາ 10 ກວ່າປີ, ພ້ອມກັນນັ້ນກໍເຊື່ອໝັ້ນວ່າ ສະມາຄົມຈະມີຫົວຄິດປະດິດສ້າງຢ່າງຕັ້ງໜ້າເພີ່ມຂຶ້ນກວ່າເກົ່າ ແລະ ປະກອບສ່ວນຍົກສູງຄວາມເຂົ້າໃຈລະຫວ່າງ 2 ປະເທດ.
ທ່ານ ເອກອັກຄະລັດຖະທູດກໍ່ເນັ້ນໜັກເຖິງພື້ນຖານການຮ່ວມມືອັນດີງາມ ແລະ ຄວາມໄວ້ເນື້ອເຊື່ອໃຈລະຫວ່າງ 2 ປະເທດ, ສະເໜີໃຫ້ສະມາຄົມຕັ້ງໜ້າປະຕິບັດ MOU ທີ່ໄດ້ລົງນາມກັບສະມາຄົມມິດຕະພາບ ຫວຽດນາມ - ອົດສະຕາລີ, ເປີດກວ້າງເຄືອຂ່າຍສະມາຊິກທີ່ສະໜັບສະໜູນການພົວພັນ ຫວຽດນາມ - ອົດສະຕາລີ ຫຼາຍຂຶ້ນກວ່າເກົ່າ, ເພີ່ມທະວີຄວາມເຂົ້າໃຈ, ການແລກປ່ຽນ ແລະ ການແບ່ງປັນປະສົບການລະຫວ່າງ 2 ຝ່າຍ.
ເນື່ອງໃນໂອກາດນີ້, ທ່ານ ຟ້າມຮຸ່ງເຕິມ ເອກອັກຄະລັດຖະທູດ ແລະ ທ່ານ Kim Sampson ກໍ່ໄດ້ແລກປ່ຽນປຶກສາຫາລືກ່ຽວກັບການເຄື່ອນໄຫວຂອງວົງຄະນະຍາດຊາວ ຫວຽດນາມ ຢູ່ ອົດສະຕາລີ, ພິເສດແມ່ນລັດ Victoria.
ທອງມີ ສີຫາວົງ
