| ເວທີປາໄສແມ່ຍິງ ຫວຽດນາມ ຢູ່ ເອີລົບ ລົງນາມໃນການຮ່ວມມືກັບສະມາຄົມນັກທຸລະກິດຍິງນະຄອນ ຮ່າໂນ້ຍ | |
| EuroCham: ວິສາຫະກິດ ເອີລົບ ຫາກໍ "ລົງທຶນ" ຕື່ມອີກ 100 ລ້ານ USD ຢູ່ ຫວຽດນາມ |
ອີງຕາມຂໍ້ມູນການຄົ້ນຫາຈາກ Agoda ໃນເດືອນ ເມສາ 2024, ມາເລເຊຍ ໄດ້ຮັບຮູ້ຈຳນວນການຄົ້ນຫາເພີ່ມຂຶ້ນ 89%. ຍີ່ປຸ່ນ ຢືນອັນດັບທີ 2 ດ້ວຍອັດຕາການເຕີບໂຕ 71% ເມື່ອທຽບໃສ່ປີກາຍ. ສະເພາະ ຫວຽດນາມ ຢືນຢູ່ອັນດັບທີ 3, ຮັບຮູ້ຈຳນວນການຄົ້ນຫາເພີ່ມຂຶ້ນ 66% ໃນການຄົ້ນຫາຈາກນັກທ່ອງທ່ຽວ ເອີລົບ.
ຢູ່ ຫວຽດນາມ, 3 ຈຸດໝາຍປາຍທາງທີ່ນັກທ່ອງທ່ຽວຊາວ ເອີຣົບ ຄົ້ນຫາຫຼາຍທີ່ສຸດຄື: ນະຄອນ ໂຮ່ຈີມິນ, ໂຮ້ຍອານ ແລະ ຍາຈ່າງ ຍ້ອນມີການສົມທົບກັນຢ່າງກົມກຽວກັບການພັກຜ່ອນ, ການຜະຈົນໄພ ແລະ ວັດທະນະທຳ. ສາມຈຸດໝາຍປາຍທາງແຫ່ງນີ້ ກໍ່ແມ່ນທາງເລືອກທີ່ດີສຳລັບນັກທ່ອງທ່ຽວທີ່ຢາກມາພັກຜ່ອນໄລຍະຍາວໃນຍາມພັກແລ້ງຢູ່ ຫວຽດນາມ.
ຈຳນວນນັກທ່ອງທ່ຽວທີ່ມາຈາກ ເອີລົບ ເຂົ້າຄົ້ນຫາ ຫວຽດນາມ ຫຼາຍກວ່າໝູ່ແມ່ນມາຈາກ ຝຣັ່ງ, ເຢຍລະມັນ, ອັງກິດ, ໂຮນລັງ ແລະ ແອັດສະປາຍ.
 |
| ຫວຽດນາມ ຢືນອັນດັບທີ 3 ໃນບັນຊີລາຍຊື່ບັນດາຈຸດໝາຍປາຍທາງຂອງ ອາຊີ ທີ່ດຶງດູດນັກທ່ອງທ່ຽວ ເອີລົບ ຫຼາຍທີ່ສຸດໂດຍອີງໃສ່ຈຳນວນຄັ້ງຂອງການຄົ້ນຫາທີ່ພັກ. |
ນອກຈາກນັ້ນ, ເມື່ອລະດູແລ້ງຂອງ ເອີລົບ ໃກ້ຈະມາເຖິງ, ບັນດາສະຖານທີ່ທ່ອງທ່ຽວ ອາຊີ, ໃນນັ້ນມີ ຫວຽດນາມ, ບໍ່ພຽງແຕ່ແມ່ນບັນດາສະຖານທີ່ທ່ອງທ່ຽວທີ່ນິຍົມຢູ່ນອກ ເອີລົບ ເທົ່ານັ້ນ ຫາກຍັງເປັນການຢັ້ງຢືນເຖິງການເຕີບໂຕຢ່າງແຮງນຳອີກ. Agoda ໄດ້ບັນທຶກການເຕີບໂຕ 52% ໃນການຄົ້ນຫາທີ່ພັກຂອງນັກທ່ອງທ່ຽວຊາວ ເອີຣົບ ໃນເດືອນ ເມສາ 2024 ສໍາລັບການເດີນທາງທ່ອງທ່ຽວໃນ ອາຊີ ຂອງເຂົາເຈົ້າໃນລະດູແລ້ງນີ້.
ບັນດາປັດໄຈທີ່ກ່າວມາຂ້າງເທິງນີ້ສະແດງໃຫ້ເຫັນວ່າ, ບັນດາຈຸດໝາຍປາຍທາງຂອງ ອາຊີ ມີຄວາມດຶງດູດນັກທ່ອງທ່ຽວຫຼາຍຄົນທີ່ມີຄວາມຕ້ອງການໄປທ່ອງທ່ຽວທີ່ຫຼາຍຮູບແບບ. ນັກທ່ອງທ່ຽວ ເອີລົບ ມັກການເດີນທາງໄປທ່ອງທ່ຽວ ອາຊີ ເພາະມັນມີການລົງພຶດຕິກຳຕົວຈິງໃນການທ່ອງທ່ຽວທີ່ອຸດົມສົມບູນ, ຈາກຈັງຫວະຊີວິດບົນຖະຫນົນທີ່ຟົດຟື້ນ, ບັນດາຮ່ອງຮອຍປະຫວັດສາດທີ່ຍາວນານ... ຕະຫຼອດເຖິງສະຖານທີ່ພັກຜ່ອນຕາກອາກາດ.
ຕາມກົມທ່ອງທ່ຽວແຫ່ງຊາດ (ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ), ນັກທ່ອງທ່ຽວສາກົນມາ ຫວຽດນາມ ໃນເດືອນ ເມສາ ບັນລຸ 1,55 ລ້ານເທື່ອຄົນ, ເພີ່ມຂຶ້ນ 58,2% ເມື່ອທຽບໃສ່ໄລຍະດຽວກັນຂອງປີກາຍ. ໃນ 4 ເດືອນຕົ້ນປີ 2024, ຍອດຈຳນວນນັກທ່ອງທ່ຽວສາກົນ ບັນລຸ 6,2 ລ້ານເທື່ອຄົນ, ເພີ່ມຂຶ້ນ 68,3% ເມື່ອທຽບໃສ່ໄລຍະດຽວກັນຂອງປີ 2023.
ສຳລັບຂອບຂະໜາດຂອງທ້ອງຕະຫຼາດ, ສ. ເກົາຫຼີ ສືບຕໍ່ແມ່ນທ້ອງຕະຫລາດທີ່ມີນັກທ່ອງທ່ຽວມາຫຼາຍທີ່ສຸດຂອງ ຫວຽດນາມ ດ້ວຍ 1,6 ລ້ານເທື່ອຄົນ (ກວມເອົາ 25,8%). ຈີນ ຢູ່ອັນດັບທີ 2, ມີນັກທ່ອງທ່ຽວ 1,25 ລ້ານເທື່ອຄົນ (ກວມເອົາ 20%), ຖັດມາແມ່ນທ້ອງຕະຫຼາດ ໄຕ້ຫວັນ (ຈີນ) ຢູ່ອັນດັບທີ 3 (418.000 ເທື່ອຄົນ), ອາເມລິກາ ຢູ່ອັນດັບທີ 4 (301.000 ເທື່ອຄົນ), ຍີ່ປຸ່ນ ຢູ່ອັນດັບທີ 5 (235.000 ເທື່ອຄົນ).
ໃນ 10 ທ້ອງຕະຫຼາດທີ່ໃຫຍ່ທີ່ສຸດຂອງການທ່ອງທ່ຽວ ຫວຽດນາມ, ຍັງມີ ມາເລເຊຍ (181.000 ເທື່ອຄົນ), ອົດສະຕາລີ (180.000 ເທື່ອຄົນ), ໄທ (163.000 ເທື່ອຄົນ), ອິນເດຍ (158.000 ເທື່ອຄົນ), ກຳປູເຈຍ (155.000 ເທື່ອຄົນ).
ມິງດຶກ
