ຕາມບົດລາຍງານທີ່ກອງປະຊຸມແລ້ວ, ພາຍຫຼັງ 8 ເດືອນຜັນຂະຫຍາຍດຳເນີນການທົດລອງເຂດທິວທັດນ້ຳຕົກ ບ້ານຢົກ (ຫວຽດນາມ) - ດຶກທຽນ (ຈີນ), ໄດ້ຮັກສາຈຳນວນນັກທ່ອງທ່ຽວໄປມາທ່ອງທ່ຽວ, ຜົນບວກຈຳນວນນັກທ່ອງທ່ຽວທັງສອງຝ່າຍແຕ່ວັນທີ 15 ກັນຍາ 2023 ຫາວັນທີ 13 ພຶດສະພາ 2024 ມີ 8.458 ຄົນ, ໃນນັ້ນມີນັກທ່ອງທ່ຽວຈາກຝ່າຍ ຫວຽດນາມ ໄປ ຈີນ ແມ່ນ 4.323 ຄົນ; ນັກທ່ອງທ່ຽວຈາກ ຈີນ ໄປຫວຽດນາມ ແມ່ນ 4.135 ຄົນ. ວຽກງານປ້ອງກັນຄວາມສະຫງົບ; ການກວດກາ ແລະ ຄວບຄຸມຄົນຂາເຂົ້າຂາອອກເມືອງຢູ່ດ່ານຊາຍແດນ ບ້ານຢົກ (ຫວຽດນາມ) - ດຶກທ້ຽນ (ຈີນ) ໄດ້ປະຕິບັດໂດຍກອງບັນຊາການທະຫານຊາຍແດນ, ດ່ານພາສີ, ດ່ານັ້ງ ຕາມລະບຽບການ, ສ້າງເງື່ອນໄຂອັນສະດວກໃຫ້ແຂກທ່ອງທ່ຽວຂອງທັງສອງຝ່າຍເດີນທາງກັບໄປມາ ໄປສູ່ເຂດພູມພາບ. ການເຄື່ອນໄຫວຂົນສົ່ງນັກທ່ອງທ່ຽວໄປມາຢູ່ເຂດພູມພາບແມ່ນໄດ້ສົມທົບກັນຢ່າງສະດວກ, ປະຕິບັດຕາມກົດໝາຍຂອງສອງຝ່າຍ.
 |
| ທ່ານ ່ຮວາງຊວນແອັງ ປະທານຄະນະກຳມະການປະຊາຊົນແຂວງ ກາວບັ່ງ ມີຄຳເຫັນທີ່ກອງປະຊຸມ. (ພາບ: caobang.gov.vn) |
ແຂວງ ກາວບັ່ງ ໄດ້ຕັ້ງໜ້າ ແລະ ເປັນເຈົ້າການໃນວຽກພົບປະເຈລະຈາ ປຶກສາຫາລືກັບຝ່າຍຈີນ ທຸກຂັ້ນ ເພື່ອແນໃສ່ຍອມຮັບ, ຕີລາຄາຢ່າງກົງໄປກົງມາ, ຕົວຈິງກ່ຽວກັບສະພາບການຜັນຂະຫຍາຍດໍາເນີນການທົດລອງເຂດທັດສະນິຍະພາບນ້ຳຕົກຕາດບ້ານຢົກ (ຫວຽດນາມ) - ດຶກທຽນ (ຈີນ). ສຳເລັດການກໍ່ສ້າງພື້ນຖານໂຄງລ່າງຢູ່ເຂດທິວທັດທຳມະຊາດ, ມາຮອດປະຈຸບັນ, ໄດ້ບຸກເບີກບໍລິເວນພື້ນທີ່ຕີນນ້ຳຕົກ ແລະ ເຂດຫຼັກໝາຍ 834/1-835 ແລ້ວ; ມ້າງກະຕູບ, ຕູບມ້ຽນເຄື່ອງ, ຫ້ອງນໍ້າຊົ່ວຄາວ ແລະ ລານຈອດລົດຫຼາຍບ່ອນ. ກໍ່ສ້າງປະດັບປະດາບາງໂຄງການໃຫ້ສົມບູນແບບ; ດໍາເນີນການລົງທຶນກໍ່ສ້າງເສັ້ນທາງຫຼວງເລກທີ 206 ທີ່ມີຄວາມຍາວທັງໝົດ 24.5 ກິໂລແມັດ ເຊື່ອມຕໍ່ຈາກຕາແສງ ດ່າມຖຸ້ຍ, ເມືອງຈຸ່ງແຂງ ຫາດ່ານຊາຍແດນ ຫຼີວ້ານ. ໂຄງການດັ່ງກ່າວໄດ້ສ້າງສຳເລັດ ແລະ ນຳໃຊ້ແຕ່ປີ 2023 ເປັນຕົ້ນມາ, ໄດ້ຫຼຸດຈຳນວນລົດບັນທຸກຕູ້ຄອນເທນເນີ ແລະ ລົດຂົນສົ່ງສິນຄ້າໄປເຖິງດ່ານຊາຍແດນ ຫຼີວ້ານ ໂດຍບໍ່ເຂົ້າຜ່ານເຂດທ່ອງທ່ຽວນ້ຳຕົກບ້ານຢົກ.
ປະຈຸບັນ, ແຂວງກາວບັ່ງ ກໍາລັງລົງທຶນຜັນຂະຫຍາຍໃນການກໍ່ສ້າງ 3 ໂຄງການຢູ່ເຂດທັດສະນິຍະພາບດ້ວຍເງິນລົງທຶນ 3.218 ຕື້ດົ່ງ ເພື່ອການລົງທືນຂອງຄະນະຄຸ້ມຄອງເຂດທ່ອງທ່ຽວນ້ຳຕົກຕາດບ້ານຢົກ, ລົງທຶນເຂົ້າໃນບັນດາລາຍການຕ່າງໆຄື: ເຂດບໍລິການທ່ອງທ່ຽວຊົ່ວຄາວ ແລະ ລາຍການເສີມຕື່ມຕ່າງໆ, ແຫຼ່ງທ່ອງທ່ຽວນ້ຳຕົກຕາດບ້ານຢົກ; ກໍ່ສ້າງຫ້ອງການປະຈຳຄະນະຄຸ້ມຄອງເຂດທ່ອງທ່ຽວນ້ຳຕົກຕາດບ້ານຢົກ ຊົ່ວຄາວ; ເຂດບໍລິການຊົ່ວຄາວ ແລະ ລາຍການເສີມຕື່ມຕ່າງໆຢູ່ເຂດຄຸ້ມຄອງບ້ານຢົກ. ສຳລັບບັນດາໂຄງການທີ່ຄາດວ່າຈະຜັນຂະຫຍາຍການກໍ່ສ້າງ, ແຂວງໄດ້ແຈ້ງໃຫ້ລັດຖະບານ ແລະ ບັນດາກະຊວງ ຂັ້ນສູນກາງ ສະໜັບສະໜູນແຫຼ່ງທຶນງົບປະມານສູນກາງໃຫ້ແຂວງ ກາວບັ່ງ ລົງທຶນກໍ່ສ້າງພື້ນຖານໂຄງລ່າງ ເຂດທ່ອງທ່ຽວນ້ຳຕົກຕາດບ້ານຢົກ.
ແຂວງ ກາວບັ່ງ ສະເໜີໃຫ້ທຸກຂັ້ນທີ່ມີສິດອໍານາດ ເອົາໃຈໃສ່ຈັດວາງແຫຼ່ງທຶນເພື່ອຊ່ວຍເຫຼືອແຂວງລົງທຶນ, ພັດທະນາພື້ນຖານໂຄງລ່າງການທ່ອງທ່ຽວ ດໍາເນີນການທົດລອງເຂດທັດສະນິຍະພາບນ້ຳຕົກຕາດບ້ານຢົກ; ອະນຸມັດ “ໂຄງການກ່ຽວກັບກົນໄກນະໂຍບາຍສຳລັບເຂດທັດສະນິຍະພາບນ້ຳຕົກຕາດບ້ານຢົກ” ໄວກ່ອນກຳນົດ, ຮັບປະກັນເງື່ອນໄຂຕ່ຳສຸດເພື່ອຜັນຂະຫຍາຍໃຫ້ແກ່ການດຳເນີນງານຢ່າງເປັນທາງການກັບບັນດາໂຄງການກໍ່ສ້າງແຂວງທີ່ກໍາລັງຜັນຂະຫຍາຍຢູ່. ບັນດາກະຊວງ, ຂະແໜງການຄົ້ນຄວ້າກໍ່ສ້າງວິທີແກ້ໄຂຄວາມຫຍຸ້ງຍາກ, ຂໍ້ຄົງຄ້າງ; ຊ່ວຍເຫຼືອແນະນໍາ ແລະ ຮຽກຮ້ອງບັນດານັກລົງທຶນຍຸດທະສາດທີ່ມີຄວາມສົນໃຈ ເຂົ້າຮ່ວມລົງທຶນພັດທະນາການທ່ອງທ່ຽວຢູ່ເຂດທັດສະນິຍະພາບ; ແລກປ່ຽນ, ຊຸກຍູ້ຝ່າຍຈີນ ຜັນຂະຫຍາຍບັນດາລໍາດັບການດໍາເນີນຂັ້ນຕອນການຕ່າງປະເທດ ທີ່ກ່ຽວຂ້ອງເຖິງການເຄື່ອນໄຫວທີ່ເປັນທາງການ.
 |
ນ້ຳຕົກບ້ານຢົກ |
ໂດຍຕີລາຄາສູງບັນດາຕໍ່ຄວາມມານະພະຍາຍາມ ແລະ ການຮັບຮູ້ບັນດາຄໍາຄິດເຫັນນໍາສະເໜີສິ່ງທີ່ສົມເຫດສົມຜົນ, ສະພາບຕົວຈິງຂອງແຂວງກາວບັ່ງ, ທ່ານ ຖາຍຊວນຢຸງ, ຮອງຫົວໜ້າຄະນະກຳມະການຊາຍແດນແຫ່ງຊາດ, ກະຊວງການຕ່າງປະເທດ ໄດ້ກ່າວວ່າ: ຈະສືບຕໍ່ຮ່ວມເດີນທາງ, ສະໜັບສະໜູນ, ຊ່ວຍເຫຼືອແຂວງແກ້ໄຂຄວາມຫຍຸ້ງຍາກ, ຂໍ້ຄົງຄ້າງ, ບັນລຸຜົນສຳເລັດຢ່າງຕັ້ງໜ້າ ພາຍຫຼັງ 1 ປີແຫ່ງການດຳເນີນການທົດລອງໃຫ້ນັກທ່ອງທ່ຽວໄປມາຜ່ານເຂດທັດສະນິຍະພາບນ້ຳຕົກຕາດບ້ານຢົກ (ຫວຽດນາມ) - ດຶກທຽນ (ຈີນ). ນີ້ຈະແມ່ນການເປີດສາກໃຫ້ການຮ່ວມມືລະດັບສູງ, ມີລະດັບວິຊາສະເພາະສູງລະຫວ່າງສອງປະເທດ ຫວຽດນາມ ແລະ ຈີນ; ສືບຕໍ່ຮ່ວມມືພັດທະນາການທ່ອງທ່ຽວສີຂຽວຂ້າມຊາຍແດນ, ຊຸກຍູ້ການພັດທະນາເສດຖະກິດການຄ້າ, ແລກປ່ຽນວັດທະນະທຳ, ຕອບສະໜອງຄວາມຮຽກຮ້ອງຕ້ອງການຂອງປະຊາຊົນສອງປະເທດໃຫ້ນັບມື້ນັບດີຂຶ້ນກວ່າເກົ່າ.
ທ່ານ ຮວ່າງຊວນແອັງ ປະທານຄະນະກຳມະການປະຊາຊົນແຂວງ ຫວັງເປັນຢ່າງຍິ່ງວ່າ ບັນດາເນື້ອໃນທີ່ໄດ້ປຶກສາຫາລືກັນ ທີ່ການເຮັດວຍກນີ້ ຈະໄດ້ຮັບການຜັນຂະຫຍາຍຢ່າງວ່ອງໄວ. ພ້ອມທັງໄດ້ມອບໝາຍໜ້າທີ່ຄວາມຮັບຜິດຊອບໃຫ້ບັນດາພະແນກ, ຂະແໜງການ, ໜ່ວຍງານ ແລະ ທ້ອງຖິ່ນທີ່ກ່ຽວຂ້ອງ. ໃນໄລຍະຈະມາເຖິງ, ຈະສືບຕໍ່ເຮັດສໍາເລັດບັນດາຜະລິດຕະພັນທ່ອງທ່ຽວ, ເພີ່ມທະວີການພົບປະເຈລະຈາກັບຝ່າຍຈີນ, ສູ້ຊົນນໍາເຂດທັດສະນິຍະພາບນ້ຳຕົກຕາດບ້ານສົກ (ຫວຽດນາມ) - ດຶກທຽນ (ຈີນ) ເຂົ້າສູ້ການເຄື່ອນໄຫວຢ່າງເປັນທາງການຕາມແຜນການ, ມຸ່ງໄປເຖິງການກໍ່ສ້າງເຂດທັດສະນີຍະພາບໃຫ້ກາຍເປັນຕົວແບບຂອງການທ່ອງທ່ຽວຂ້າມຊາຍແດນ ແລະ ການທ່ອງທ່ຽວສີຂຽວ, ຊຸກຍູ້ຄວາມເຂົ້າໃຈ, ພົບປະແລກປ່ຽນມິດຕະພາບ ແລະ ການຮ່ວມມືຢ່າງແທ້ຈິງ ລະຫວ່າງບັນດາທ້ອງຖິ່ນ ຫວຽດນາມ ແລະ ທ້ອງຖິ່ນ ຈີນ.
ມິງດຶກ
