| ສ້າງຕັ້ງຫ້ອງທົດລອງ 5G ແລະ AI ໃຫ້ແກ່ນັກສຶກສາຢູ່ຫວຽດນາມ | |
| ການຄົ້ນຄວ້າກ່ຽວກັບການນຳໃຊ້ເຕັກໂນໂລຊີ AI ຂອງທ່ານ ປະລິນຍາເອກຊາວຫວຽດນາມ ໄດ້ຮັບການຍ້ອງຍໍຊົມເຊີຍຈາກວາລະສານອາເມລິກາ ຫຼາຍສະບັບ |
ສະພາ ເອີຣົບ (EC) ໃຫ້ຮູ້ວ່າ ສົນທິສັນຍາຂອບກ່ຽວກັບປັນຍາປະດິດ (AI) ໄດ້ກໍານົດຂອບເຂດກົດຫມາຍສໍາລັບທຸກຂັ້ນຕອນໃນການພັດທະນາ ແລະ ການນໍາໃຊ້ລະບົບ AI. ພ້ອມກັນນັ້ນ ແມ່ນການແກ້ໄຂຄວາມສ່ຽງທີ່ອາດຈະເກີດຂື້ນຂອງ AI ແລະ ສົ່ງເສີມນະວັດຕະກໍາເຕັກໂນໂລຢີຢ່າງມີຄວາມຮັບຜິດຊອບ. EC ເນັ້ນໜັກວ່າ ປະເທດນອກສະຫະພາບເອີລົບ (EU) ກໍ່ສາມາດເຂົ້າຮ່ວມສົນທິສັນຍານີ້.
ສົນທິສັນຍາ AI ໄດ້ຮັບການຮັບຮອງເອົາໃນກອງປະຊຸມປະຈຳປີຂອງຄະນະກຳມະການລັດຖະມົນຕີສະພາ ເອີຣົບ, ໂດຍມີການເຂົ້າຮ່ວມຂອງລັດຖະມົນຕີການຕ່າງປະເທດຂອງ 46 ປະເທດສະມາຊິກ.
 |
| ທ່ານ ນາງ Marija Pejcinovic ເລຂາທິການໃຫຍ່ EC |
ທ່ານເລຂາທິການໃຫຍ່ EC ນາງ Marija Pejcinovic ໃຫ້ຮູ້ວ່າ ສົນທິສັນຍາຂອບກ່ຽວກັບ AI ສາມາດຊ່ວຍຮັບປະກັນການນຳໃຊ້ AI ຢ່າງມີຄວາມຮັບຜິດຊອບ, ເຄົາລົບສິດທິມະນຸດ, ລະບຽບກົດໝາຍ ແລະ ປະຊາທິປະໄຕ. ສົນທິສັນຍາດັ່ງກ່າວມີຈຸດປະສົງເພື່ອສ້າງຄວາມໂປ່ງໃສ ແລະ ຕິດຕາມກວດກາທີ່ເໝາະສົມກັບສະພາບການ ແລະ ຄວາມສ່ຽງຕົວຈິງ, ລວມທັງການກໍານົດເນື້ອໃນທີ່ສ້າງຂຶ້ນໂດຍລະບົບ AI.
ສົນທິສັນຍາສະບັບນີ້ແມ່ນໝາກຜົນຂອງການເຮັດວຽກ 2 ປີຂອງອົງການລະຫວ່າງລັດຖະບານ, ໄດ້ໂຮມສຸມ 46 ປະເທດສະມາຊິກສະພາເອີລົບ, ສະຫະພາບເອີລົບ (ອີຢູ) ແລະ 11 ປະເທດທີ່ບໍ່ແມ່ນສະມາຊິກສະຫະພາບ ເອີລົບ - ໃນນັ້ນມີ ອາເມລິກາ, ກໍຄືຜູ້ຕາງໜ້າຂອງວົງການນັກຮຽນຮູ້.
ຕາມການຄາດຄະເນແລ້ວ, ສົນທິສັນຍາຂອບ AI ຈະໄດ້ຮັບການລົງນາມໃນກອງປະຊຸມລັດຖະມົນຕີຍຸຕິທຳ EU ຢູ່ທີ່ນະຄອນຫູວງ Vilnius (Litva) ໃນເດືອນກັນຍາ 2024.
ໃນເດືອນມີນາ 2024, ລັດຖະສະພາ ເອີຣົບ ໄດ້ຜ່ານບັນດາກົດລະບຽບການຄຸ້ມຄອງການນໍາໃຊ້ AI, ໂດຍສະເພາະແມ່ນລະບົບ AI ທີ່ນິຍົມເຊັ່ນ ChatGPT ຂອງບໍລິສັດ OpenAI.
EC ກ່າວວ່າ, ບັນດາປະເທດນອກສະຫະພາບ ເອີລົບ (EU) ກໍສາມາດເຂົ້າຮ່ວມສົນທິສັນຍານີ້. ບັນດາຜູ້ລົງນາມຈະຕ້ອງຮັບປະກັນໜ້າທີ່ຄວາມຮັບຜິດຊອບອະທິບາຍກ່ຽວກັບຜົນກະທົບຫຍໍ້ທໍ້ ແລະ ກ່ຽວກັັບເລື່ອງລະບົບ AI ເຄົາລົບຄວາມສະເຫມີພາບ, ລວມມີຄວາມສະເຫມີພາບລະຫວ່າງຍິງ-ຊາຍ, ການຫ້າມການຈໍາແນກການປະພຶດ ແລະ ສິດສ່ວນຕົວ.
ຄຽງຂ້າງນີ້, ສົນທິສັນຍາກໍຮຽກຮ້ອງໃຫ້ແຕ່ລະຝ່າຍສ້າງກົນໄກຕິດຕາມກວດກາເອກະລາດເພື່ອຕິດຕາມກວດກາການປະຕິບັດຕາມສົນທິສັນຍາ. ພ້ອມກັນນັ້ນ, ກໍຍົກສູງຄວາມຮັບຮູ້, ຊຸກຍູ້ການໂຕ້ວາທີຢ່າງຕັ້ງໜ້າເປີດເຝີຍ ແລະ ດຳເນີນການປຶກສາຫາລືຫຼາຍຝ່າຍກ່ຽວກັບການນຳໃຊ້ເຕັກໂນໂລຢີ AI.
ອີງຕາມການຄົ້ນຄວ້າໂດຍໂປຼແກຼມອອນໄລຂອງ ເຢຍລະມັນ ທີ່ມີຄວາມຊ່ຽວຊານໃນການເກັບກໍາຂໍ້ມູນ ແລະ ຫັນເປັນສຳຜັດໂດຍໂກງ Statista, ທ້ອງຕະຫຼາດ AI ທົ່ວໂລກຈະເຕີບໂຕ 54% ຕໍ່ປີ. ຕາມບັນດານັກຊ່ຽວຊານແລ້ວ, ຮອດປີ 2028, ຍອດມູນຄ່າຕະຫຼາດ AI ຈະສາມາດບັນລຸ 1.000 ຕື້ USD. ດັ່ງນັ້ນ, ການສ້າງແລວທາງດ້ານກົດໝາຍເພື່ອຄວບຄຸມ ແລະ ປ້ອງກັນຄວາມສ່ຽງທີ່ອາດຈະເກີດຂຶ້ນຈາກ AI ແມ່ນນັບມື້ນັບມີຄວາມຮີບດ່ວນຫຼາຍຂຶ້ນ.
ທ່ານເລຂາທິການໃຫຍ່ສະຫະປະຊາຊາດ Antonio Guterres ໄດ້ປະກາດສ້າງຕັ້ງຄະນະທີ່ປຶກສາ AI. ໂດຍມີສະມາຊິກ 39 ທ່ານ ລວມມີ ບັນດາຜູ້ອຳນວຍການບໍລິສັດ, ເຈົ້າຫນ້າທີ່ລັດຖະບານ ແລະ ນັກວິຊາການ, ຄະນະທີ່ປຶກສາທີ່ມີໜ້າທີ່ຍົກອອກຄຳແນະນໍາສໍາລັບການຄຸ້ມຄອງ AI ໃນລະດັບສາກົນ. ສະຫະປະຊາຊາດຢືນຢັນວ່າ ເຕັກໂນໂລຊີ AI ຕ້ອງໄດ້ຮັບການຕິດຕາມຢ່າງໃກ້ຊິດ, ບໍ່ວ່າເຕັກໂນໂລຢີຈະພັດທະນາໄປຫຼາຍປານໃດ, ສິດທິມະນຸດຕ້ອງເປັນປັດໄຈໃຈກາງສະເໝີ.
ໃນຂະນະນັ້ນ, ບັນດາເຈົ້າໜ້າທີ່ຂອງກຸ່ມບັນດາປະເທດອຸດສາຫະກຳພັດທະນາ (G7) ໄດ້ເຫັນດີເປັນເອກະສັນກັນກ່ຽວກັບຂໍ້ກຳນົດ 11 ຂໍ້ໃຫ້ສຳລັບບັນດາບໍລິສັດພັດທະນາ AI, ແນະນຳກ່ຽວກັບການຄຸ້ມຄອງລະບົບ AI ທີ່ກ້າວໜ້າທີ່ສຸດ ແລະ ລະບົບ AI ຜະລິດສ້າງ.
ເດືອນທັນວາ 2023, 18 ປະເທດ ລວມມີ ອັງກິດ, ອົດສະຕາລີ, ການາດາ, ຊິລີ, ສາທາລະນະລັດເຊັກ, Estonia, ຝຣັ່ງ, ເຢຍລະມັນ, ອິດສະຣາແອນ, ອີຕາລີ, ຍີ່ປຸ່ນ, ນິວຊີແລນ, ໄນຈີເລຍ, ນໍເວ, ໂປແລນ, ເກົາຫຼີໃຕ້, ສິງກະໂປ ແລະ ສະຫະລັດອາເມຣີກາ ໄດ້ຕົກລົງເຫັນດີກັບຂໍ້ຕົກລົງທີ່ຍາວ 20 ຫນ້າ. ເອກະສານດັ່ງກ່າວໄດ້ຍົກອອກຄໍາແນະນໍາໃຫມ່ສໍາລັບການພັດທະນາທີ່ປອດໄພຂອງລະບົບ AI. ດ້ວຍເຫດນີ້, ຈະຊ່ວຍໃຫ້ຜູ້ພັດທະນາລະບົບໃດໜຶ່ງທີ່ໃຊ້ AI ຕັດສິນໃຈຢ່າງສ່ອງໃສກ່ຽວກັບຄວາມປອດໄພທາງອິນເຕີເນັດໃນທຸກຂັ້ນຕອນຂອງຂະບວນການພັດທະນາ. ມັນໃຊ້ໄດ້ໃຫ້ສຳລັບບໍ່ວ່າແຜນຈະພັດທະນາຕັ້ງແຕ່ເລີ່ມຕົ້ນ, ຫຼືໄດ້ສ້າງຂຶ້ນໂດຍການນຳໃຊ້ເຄື່ອງມືອຸປະກອນ ແລະ ການບໍລິການທີ່ສະໜອງໃຫ້ໂດຍແຫຼ່ງພາຍນອກ.
ມິງດຶກ
