| ຫວຽດນາມ - ກຣົວຊີ ຊຸກຍູ້ການຮ່ວມມືໃນຂົງເຂດແຮງງານ ແລະ ບຳລຸງສ້າງວິຊາຊີບ | |
| ຫວຽດນາມ ຕ້ອງຊຸກຍູ້ການປັບປຸງສະພາບແວດລ້ອມແຫ່ງການລົງທຶນໃຫ້ດີຂຶ້ນຕື່ມອີກ, ຜັນຂະຫຍາຍການຮ່ວມມືໃນຂົງເຂດໃໝ່. |
ໂຄງການບຳລຸງສ້າງ ໄດ້ຮັບການອຸປະຖຳໂດຍກະຊວງການຕ່າງປະເທດ, ລັດຖະບານ ອິນເດຍ, ຂຶ້ນກັບໂຄງການຮ່ວມມືດ້ານເສດຖະກິດ ແລະ ເຕັກນິກ ອິນເດຍ (ITEC).
ກ່າວຄຳປາໄສທີ່ພິທີເປີດ, ທ່ານ ປອ. Shashank Goel, ຜູ້ອຳນວຍການໃຫຍ່ສະຖາບັນພັດທະນາຊັບພະຍາກອນມະນຸດ ທັງເປັນເລຂາລັດຖະບານແຫ່ງລັດ Telangana ໃຫ້ຮູ້ວ່າ ໂຄງການບຳລຸງສ້າງນີ້ແມ່ນສ້າງຕັ້ງຂຶ້ນບົນການພົວພັນຄູ່ຮ່ວມມືມິດຕະພາບໃນໄລຍະຍາວນານຂອງລັດຖະບານ ຫວຽດນາມ ແລະ ອິນເດຍ.
ຕາມທ່ານ Shashank Goel ແລ້ວ, ສື່ມວນຊົນສະແດງສຽງເວົ້າຂອງປະຊາຊົນ, ມີຜົນສະທ້ອນອັນສຳຄັນໃນການຮັກສາສະຖຽນລະພາບປະຊາທິປະໄຕ, ບົດບາດຂອງນັກຂ່າວແມ່ນສຳຄັນທີ່ສຸດ.
“ບັນດາອົງການສື່ມວນຊົນສື່ສານເຊັ່ນ ໜັງສືພິມ, ສະຖານີວິທະຍຸກະຈາຍສຽງ ແລະ ໂທລະພາບ ໄດ້ສະໜອງຂໍ້ມູນໃຫ້ຜູ້ອ່ານ, ຜູ້ຊົມຢ່າງຄົບຖ້ວນກ່ຽວກັບບັນຫາສັງຄົມ, ມອບສິດໃຫ້ປະຊາຊົນ ເພື່ອປະກອບສ່ວນເຂົ້າໃນການປ່ຽນແປງທາງບວກ ແລະ ການພັດທະນາຮອບດ້ານຂອງປະເທດ", ທ່ານກ່າວ.
 |
| ຄະນະນັກຂ່າວ ຫວຽດນາມ ໄດ້ມີການພົບພະແລກປ່ຽນກັບຊາວໜຸ່ມ ອິນເດຍ. |
ປະຈຸບັນ, ການປະກົດຕົວຂອງພາຫະນະສື່ມວນຊົນສັງຄົມເຊັ່ນ Facebook, X (ອະດີດແມ່ນ Twitter), Instagram, YouTube, LinkedIn... ໄດ້ສ້າງການປ່ຽນແປງຢ່າງເລິກເຊິ່ງໃນການສື່ສານ.
ການທີ່ສື່ມວນຊົນຖືກລະເມີດລິຂະສິດເຮັດໃຫ້ພື້ນເສດຖະກິດຊຸດໂຊມ, ຈາກນັ້ນ ຕ້ອງແລ່ນຕາມລົດນິຍົມພື້ນຖານຂອງຜູ້ອ່ານ ແລະ ຂຶ້ນກັບການໂຄສະນາຫຼາຍຂຶ້ນ, ນໍາໄປສູ່ການຫຼຸດລົງຂອງແຫຼ່ງການລົງທຶນສໍາລັບສື່ມວນຊົນທີ່ມີຄຸນນະພາບ.
ທ່ານ ປອ. Shashank Goel ຢືນຢັນວ່າ ນີ້ບໍ່ພຽງແຕ່ແມ່ນການປ່ຽນແປງ ຫາກຍັງແມ່ນການປະຕິວັດ, ໄດ້ຊຸກຍູ້ດ້ວຍບັນດາເຄື່ອງອຸປະກອນ ແລະ ເຕັກນິກໃຫມ່, ລວມມີທັງປັນຍາປະດິດ. ແຕ່ແນວໃດກໍ່ຕາມ, ຄຽງຄູ່ກັບຄວາມກ້າວໜ້າກໍແມ່ນສິ່ງທ້າທາຍອັນໃຫຍ່ຫຼວງ, ໃນນັ້ນ ກໍມີການເພີ່ມຂຶ້ນຂອງຂ່າວປອມ, ຄວາມຫັວ່ນໄຫວຂອງປະຊາຊົນໃນສື່ມວນຊົນ.
“ໃນສະພາບການປະຈຸບັນ, ບົດບາດຂອງນັກຂ່າວນັບມື້ນັບກາຍເປັນສຳຄັນກວ່າເວລາໃດໝົດ. ພວກເຂົາບໍ່ພຽງແຕ່ເປັນຜູ້ນຳສະເໜີຂ່າວເທົ່ານັ້ນ ຫາກຍັງຮັກສາບັນດາຫຼັກການກ່ຽວກັບຄວາມຖືກຕ້ອງ, ຍຸຕິທໍາດ້ວຍຄວາມພາວະວິໄສ ແລະ ຈັນຍາບັນຂອງສື່ມວນຊົນ, ເພື່ອຜົນປະໂຫຍດຊຸມຊົນ,” ທ່ານ ປອ. Shashank Goel ກ່າວ.
ທ່ານກໍ່ຢືນຢັນອີກວ່າ ຫວຽດນາມ ແມ່ນປະເທດທີ່ມີມໍລະດົກວັດທະນະທຳທີ່ເຕັມໄປດ້ວຍສີສັນ, ພື້ນຖານເສດຖະກິດພັດທະນາຢ່າງວອງໄວ ແລະ ພວມເຊື່ອມໂຍງເຂົ້າກັບໂລກຢ່າງເຂັ້ມແຂງ. ສະນັ້ນ, ການຍົກລະດັບທັກສະຂອງກຳລັງນັກຂ່າວແມ່ນສຳຄັນທີ່ສຸດ. ຫວຽດນາມ ແລະ ອິນເດຍ ມີລັກສະນະທີ່ຄ້າຍຄືກັນຫຼາຍດ້ານໃນດ້ານການເມືອງ, ສັງຄົມ, ປະຫວັດສາດ, ດັ່ງນັ້ນ ທ່ານກໍເຊື່ອໝັ້ນວ່າ ຊຸດຮຽນນີ້ຈະນຳມາເຊິ່ງຜົນປະໂຫຍດຫຼາຍຢ່າງໃຫ້ແກ່ນັກຂ່າວ ຫວຽດນາມ.
ນອກນັ້ນ, ໂຄງການຍັງເພື່ອເພີ່ມທະວີການພົບພະແລກປ່ຽນ, ການຮ່ວມມືລະຫວ່າງສອງປະເທດ, ປະກອບສ່ວນເປີດກ້ວາງການພົວພັນສອງຝ່າຍໃນໄລຍະຍາວນານລະຫວ່າງ ອິນເດຍ - ຫວຽດນາມ.
ທ່ານ ປອ. Madhavi Ravulpati, ຜູ້ອໍານວຍການຊຸດຮຽນ ໃຫ້ຮູ້ວ່າ ໂຄງການບຳລຸງສ້າງແມ່ນສຸມໃສ່ເຂົ້າໃນບັນດາຮູບແບບສື່ມວນຊົນໃໝ່, ທັກສະເພື່ອເຮັດສື່ມວນຊົນທີ່ທັນສະໄໝ ແລະ ການຜະລິດເນື້ອຫາສໍາລັບສື່ມວນຊົນເຄືອຂ່າຍສັງຄົມ. ໂຄງການດັ່ງກ່າວແມ່ນໄດ້ຮັບການແນະນຳ, ສອນໂດຍນັກຊ່ຽວຊານຂ່າວ, ສື່ມວນຊົນ ອິນເດຍ ທີ່ມີຊື່ສຽງຫຼາຍຄົນ.
ໃນຂອບເຂດໂຄງການບຳລຸງສ້າງບັນດານັກຂ່າວ ຫວຽດນາມ ໄດ້ມີການພົບພະແລກປ່ຽນພ້ອມກັບບັນດາຄູສອນ, ນັກສຶກສາ ອິນເດຍ, ແລະ ຈະໄປຢ້ຽມຢາມກອງບັນນາທິການ Indian Times; ຢ້ຽມຢາມຫ້ອງການສະຖານີໂທລະພາບ ແລະ ວິທະຍຸ.
ມິງດຶກ
