| 9 ແຂວງຂອງ ສປປ ລາວ ເພີ່ມທະວີການຮ່ວມມືກັບແຂວງເຊີນລາ | |
| ກະຊວງປອງກັນປະເທດ ຫວຽດນາມ - ລາວ - ກຳປູເຈຍ ເພີ່ມທະວີການຮ່ວມມື |
ວັນທີ 15 ມີນານີ້, ຢູ່ເທດສະບານ ລາວບາວ (ເມືອງ ເຫື໋ອງຮວ໋າ), ຄະນະພັກແຂວງ, ຄະນະກຳມະການປະຊາຊົນແຂວງ ກວາງຈີ້ ແລະ ຄະນະກຳມະການອຳນາດການປົກຄອງແຂວງ ສະຫວັນນະເຂດ (ລາວ) ໄດ້ສົມທົບກັນຈັດຕັ້ງການສຳມະນາ “ເຂດເສດຖະກິດການຄ້າຂ້າມຊາຍແດນ ລາວບາວ - ແດນສະຫວັນ: ຈາກຄວາມຄິດໄປເຖິງຄວາມເປັນຈິງ”, ດ້ວຍການເຂົ້າຮ່ວມຂອງຜູ້ຕາງໜ້າກວ່າ 300 ຄົນທີ່ມາຈາກ ຫວຽດນາມ ແລະ ລາວ.
ຕາມການນຳຂອງຄະນະກຳມະການປະຊາຊົນແຂວງ ກວາງຈີ້ ແລ້ວ, ໂຄງການກໍ່ສ້າງເຂດເສດຖະກິດການຄ້າຂ້າມຊາຍແດນລວມ ລາວບາວ-ແດນສະຫວັນ ໄດ້ອອກແບບດ້ວຍໂຄງປະກອບ 3 ພາກສ່ວນຕົ້ນຕໍຄື: ແນະນຳຄວາມສາມາດບົ່ມຊ້ອນ, ພູມສາດ ແລະ ພື້ນຖານດ້ານກົດໝາຍ ເພື່ອກໍ່ສ້າງເຂດເສດຖະກິດການຄ້າຂ້າມຊາຍແດນລວມ ລາວບາວ-ແດນສະຫວັນ; ປຽບທຽບບັນດານະໂຍບາຍລະຫວ່າງ ຫວຽດນາມ ແລະ ລາວ ໃນປະຈຸບັນ; ຈາກນັ້ນ ກໍໄດ້ມີນະໂຍບາຍທີ່ພົ້ນເດັ່ນກ່ຽວກັບຂັ້ນຕອນດຶງດູດການລົງທຶນ, ນະໂຍບາຍສິນເຊື່ອ, ນະໂຍບາຍໃຫ້ແຮງງານ ແລະ ນະໂຍບາຍເຂດປອດພາສີ.
 |
| ດ່ານຊາຍແດນສາກົນ ລາວບາວ ພົວພັນຄ້າຂາຍກັບ ດ່ານສາກົນ ແດນສະຫວັນ ແຂວງ ສະຫວັນນະເຂດ. ຮູບພາບ: QT |
ທ່ານຮອງປະທານຜູ້ປະຈຳຄະນະກຳມະການປະຊາຊົນ ກວາງຈີ້ ຮ່າສີດົ່ງ ໃຫ້ຮູ້ວ່າ ຮ່າງກົດໝາຍໂຄງການຄາດຄະເນການສ້າງຮູບແບບ “ສອງປະເທດ ເຂດເສດຖະກິດດຽວ” ບົນພື້ນຖານເຄົາລົບການຮຽກຮ້ອງຕາມກົດໝາຍຂອງທັງສອງຝ່າຍ ແລະ ທຳນຽມສາກົນ.
ເຂດເສດຖະກິດການຄ້າຂ້າມຊາຍແດນລວມ ລາວບາວ-ແດນສະຫວັນ ເຫັນດີເປັນເອກະພາບໃນການແຜນການຂົງເຂດລວມ, ການຈັດຕັ້ງ ແລະ ການເຄື່ອນໄຫວລວມ, ກໍ່ສ້າງພື້ນຖານໂຄງລ່າງລວມໃນເຂດສູນກາງ, ພື້ນຖານໂຄງລ່າງເຊື່ອມຕໍ່ພາຍໃນ ແລະ ພາຍນອກເຂດສູນກາງ; ສ້າງເງື່ອນໄຂສະດວກໃຫ້ແກ່ການເຊື່ອມຕໍ່ການຂົນສົ່ງ, logistics ຂ້າມຊາຍແດນ; ສ້າງຕັ້ງ ແລະ ຜັນຂະຫຍາຍກົນໄກ "ສາມໃນຫນຶ່ງ".
ນັ້ນແມ່ນນະໂຍບາຍຮ່ວມ, ກົດລະບຽບຮ່ວມ, ມາດຕະຖານຮ່ວມ ແລະ "ຫນຶ່ງລວມ" ແມ່ນເຂດດຽວກັນ; ນຳໃຊ້ກົນໄກ, ນະໂຍບາຍພິເສດສູງສຸດທີ່ລັດຖະບານ ຫວຽດນາມ ແລະ ລັດຖະບານ ລາວ ພວມນຳໃຊ້ຢູ່ບັນດາເຂດເສດຖະກິດ, ການຄ້າຂອງ 2 ປະເທດ.
ບັນດາກົນໄກນະໂຍບາຍພິເສດໃໝ່, ທີ່ດຶງດູດກ່ຽວກັບການລົງທຶນ, ມາດຕະການແກ້ໄຂ “ປອດພາສີ” ຂອງສອງປະເທດ ຫວຽດນາມ - ລາວ ຈະແກ້ໄຂບັນດາສິ່ງກີດຂວາງ, ສ້າງຄວາມສະດວກກ່ຽວກັບແຮງງານ, ຂັ້ນຕອນລົງທຶນ, ກູ້ຢືມທຶນໃຫ້ແກ່ບັນດາໂຄງການ, ດຶງດູດວິສາຫະກິດພາຍໃນ ແລະ ຕ່າງປະເທດມາລົງທຶນ.
ທ່ານ ປອ. ຫງວຽນກວກເຈືອງ, ຮອງຫົວໜ້າສະຖາບັນຍຸດທະສາດການພັດທະນາ - ກະຊວງແຜນການ ແລະ ການລົງທຶນ ຫວຽດນາມ ໄດ້ຍົກອອກຄວາມສະດວກຈຳນວນຫນຶ່ງເມື່ອຜັນຂະຫຍາຍໂຄງການ. ຫວຽດນາມ ແມ່ນນັກລົງທຶນຕ່າງປະເທດໃຫຍ່ອັນດັບ 3 ຢູ່ ລາວ ດ້ວຍຍອດຈຳນວນທຶນລົງທຶນກວ່າ 5 ຕື້ USD. ໂຄງການເຊື່ອມຕໍ່ຄົມມະນາຄົມຍຸດທະສາດຈຳນວນໜຶ່ງລະຫວ່າງສອງປະເທດ ພວມໄດ້ຮັບການຜັນຂະຫຍາຍຢ່າງຕັ້ງໜ້າ.
ທ່ານ ປອ. ເຈີ່ນດິ່ງທຽນ, ອະດີດຜູ້ອຳນວຍການສະຖາບັນເສດຖະກິດຫວຽດນາມ ຖືວ່າ ຕ້ອງສ້າງໂຄງການກໍ່ສ້າງ ແລະ ພັດທະນາເຂດເສດຖະກິດການຄ້າຂ້າມຊາຍແດນທີ່ມີລັກສະນະເປັນສັງລວມ; ໃນນັ້ນ ລວມມີບັນດາໂຄງການພັດທະນາສູນກາງ ແລະ ຈຸດພິກັດບູລິມະສິດຍຸດທະສາດອື່ນໆຄື: ສະໜາມບິນ ກວາງຈີ້, ທ່າກຳປັ່ນທະເລ ໝີຖູຍ, ຕົວເມືອງ ດົງຮ່າ ພ້ອມກັບບັນດາເສັ້ນທາງຄົມມະນາຄົມເຊື່ອມຕໍ່.
ມິງດຶກ
