ວາມສະເໝີພາບລະຫວ່າງຍິງ-ຊາຍໃນການຫັນເປັນດີຈີຕອນຢູ່ ຫວຽດນາມ: ແມ່​ຍິງ​ຕ້ອງ​ກະ​ກຽມ​ທັກ​ສະ​ຫຍັງ
	ນັກຂ່າວກັບບັນຫາການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ

ວັນທີ 11 ມີນາ, ຢູ່ນິວຢອກ (ອາເມລິກາ), ທ່ານນາງ ຫວໍທິແອັງຊວນ ຮອງປະທານປະເທດຫວຽດນາມ ໄດ້ນຳໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ ຄັ້ງທີ 68 ຄະນະກຳມະການຖານະຕຳແໜ່ງແມ່ຍິງ (CSW68) ຂອງສະພາເສດຖະກິດ ແລະສັງຄົມ ສະຫະປະຊາຊາດ (ECOSOC) ດ້ວຍຫົວຂໍ້ “ຍູ້ໄວການຊຸກຍູ້ຄວາມສະເໝີພາບລະຫວ່າງຍິງ-ຊາຍ, ມອບສິດໃຫ້ແກ່ແມ່ຍິງ ແລະເດັກນ້ອຍ ຮັບຮອງເອົາການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ເພີ່ມທະວີລະບອບລະບຽບການ ແລະສະໜອງດ້ານການເງິນທີ່ມີການຄິດເຖິງແງ່ມູມຂອງເພດຍິງ-ຊາຍ”.

ບັນຍາກາດທີ່ກອງປະຊຸມ. ພາບ: ສໍານັກຂ່າວສານຫວຽດນາມ. (ພາບ: TTXVN)

ທ່ານນາງຮອງປະທານປະເທດ ຫວໍທິແອັງຊວນ ກ່າວຄຳເຫັນຊີ້ແຈ້ງເຖິງບາງຜົນງານຂອງຫວຽດນາມໃນວຽກງານຄວາມສະເໝີພາບລະຫວ່າງຍິງ-ຊາຍ; ໂດຍຢັ້ງຢືນວ່າ ແມ່ຍິງໃນປະຈຸບັນແມ່ນກຳລັງທີ່ບໍ່ສາມາດຂາດໄດ້ໃນທຸກວິວັດທະນາການໃນທຸກລະດັບຂອງສັນຕິພາບ, ຄວາມໝັ້ນຄົງ, ຄວາມກ້າວໜ້າຂອງສັງຄົມ ແລະການພັດທະນາແບບຍືນຍົງ, ຄວນສຸມໃສ່ຊ່ວຍແມ່ຍິງບືນຕົວຂຶ້ນເສີມຂະຫຍາຍເຮັດຈົນສຸດຄວາມສາມາດຂອງຕົນເພື່ອເຂົ້າຮ່ວມເຄື່ອນໄຫວຂອງຊີວິດດ້ານເສດຖະກິດ, ການເມືອງ ແລະສັງຄົມ; ເຊີດຊູການມອບສິດໃຫ້ແກ່ແມ່ຍິງ ແລະເດັກຍິງໃນວິທະຍາສາດ, ເຕັກໂນໂລຢີ, ການຫັນປ່ຽນດີຈີຕອນ, ຕິດພັນກັບການປ້ອງກັນ, ຕ້ານການຈຳແນກການປະພຶດ ແລະໃຊ້ຄວາມຮຸນແຮງໃນອິນເຕີແນັດ, ເພີ່ມທະວີບົດບາດຂອງແມ່ຍິງໃນການສ້າງສະພາບແວດລ້ອມສາກົນແຫ່ງສັນຕິພາບ, ສະຖຽນລະພາບ, ການພັດທະນາກວມລວມ ແລະຍືນຍົງ, ແກ້ໄຂສິ່ງທ້າທາຍຄວາມໝັ້ນຄົງແບບໃໝ່. ທ່ານນາງຮອງປະທານປະເທດ ຫວໍທິແອັງຊວນ ກໍ່ຢັ້ງຢືນວ່າ ຫວຽດນາມ ຍາມໃດກໍ່ພ້ອມແລ້ວທີ່ຈະຮ່ວມມືຢ່າງແໜ້ນແຟ້ນກັບບັນດາປະເທດ ແລະຄູ່ຮ່ວມມືເພື່ອຄວາມສະເໝີພາບລະຫວ່າງຍິງ-ຊາຍ, ມອບສິດໃຫ້ແກ່ແມ່ຍິງ, ບໍ່ໃຫ້ໃຜຖືກປະໄວ້ຢູ່ທາງຫຼັງ.

ເນື່ອງໃນໂອກາດນີ້, ທ່ານນາງຮອງປະທານປະເທດ ຫວໍທິແອັງຊວນ ໄດ້ມີການພົບປະສອງຝ່າຍກັບທ່ານນາງ Viola Amherd ປະທານາທິບໍດີສະວິດ, ທ່ານນາງ Evika Silina ນາຍົກລັດຖະມົນຕີລັດເວຍ, ທ່ານ Achim Steiner ຜູ້ອຳນວຍການໃຫຍ່ໂຄງການ ພັດທະນາສະຫະປະຊາຊາດ (UNDP), ທ່ານ Eric Adams ເຈົ້າຄອງນະຄອນນິວຢອກ.