| ເປັນຄັ້ງທຳອິດ ຫວຽດນາມ ສ້າງໂຄງການສື່ມວນຊົນກ່ຽວກັບຄວາມສະເໝີພາບລະຫວ່າງຍິງ - ຊາຍ | |
| ສົ່ງເສີມຄວາມສະເໝີພາບລະຫວ່າງ ຍິງ - ຊາຍ, ມອບສິດຫຼາຍກວ່າເກົ່າໃຫ້ແກ່ຜູ້ຕາງໜ້າທີ່ຖືກເລືອກຕັ້ງທີ່ເປັນແມ່ຍິງ, ຄົນພິການ |
ທ່ານເອກອັກຄະລັດຖະທູດ Jamale Chouaibi ຢືນຢັນວ່າ: ຫວຽດນາມ ແມ່ນໜຶ່ງໃນບັນດາຮູບແບບ ທີ່ປະສົບຜົນສຳເລັດທີ່ສຸດ ໃນການຊຸກຍູ້ຄວາມສະເໝີພາບລະຫວ່າງຍິງ-ຊາຍ, ສອດຄ່ອງກັບບັນດາຈຸດໝາຍພັດທະນາແບບຍືນຍົງ (SDGs) ຂອງສະຫະປະຊາຊາດ. ເປົ້າໝາຍທີ່ໄດ້ວາງອອກໃນຍຸດທະສາດແຫ່ງຊາດ ກ່ຽວກັບຄວາມສະເໝີພາບລະຫວ່າງຍິງ-ຊາຍ ຈະຊ່ວຍສົ່ງເສີມບົດບາດຂອງແມ່ຍິງ ໃນບັນດາການອອກລັດຖະນະໂຍບາຍ ແລະ ຕໍ່ສູ້ຕ້ານຄວາມຮຸນແຮງຕໍ່ແມ່ຍິງໃນທຸກຮູບແບບ. ອັດຕາສ່ວນຂອງແມ່ຍິງຫວຽດນາມ ເຂົ້າຮ່ວມໃນຂົງເຂດການເມືອງ ແລະ ເສດຖະກິດແມ່ນສູງທີ່ສຸດຢູ່ອາຊີຕາເວັນອອກສ່ຽງໃຕ້.
 |
| ຫວຽດນາມ ແມ່ນໜຶ່ງໃນບັນດາຮູບແບບ ທີ່ປະສົບຜົນສຳເລັດທີ່ສຸດ ໃນການຊຸກຍູ້ຄວາມສະເໝີພາບລະຫວ່າງຍິງ-ຊາຍ. (ພາບ: TTXVN) |
ຕາມທ່ານເອກອັກຄະລັດຖະທູດ Jamale Chouaibi ແລ້ວ, ຫວຽດນາມ ໄດ້ມານະພະຍາຍາມຫຼາຍຢ່າງເພື່ອຫຼຸດຜ່ອນຄວາມແຕກໂຕນດ້ານການພັດທະນາຢູ່ເຂດຫ່າງໄກສອກຫຼີກ, ພິເສດແມ່ນຜ່ານບັນດາໂຄງການ ແລະ ແຜນການປັບປຸງຊີວິດການເປັນຢູ່ຂອງປະຊາຊົນຢູ່ບັນດາພາກພື້ນນີ້. ແມ່ຍິງຫວຽດນາມ ພວມມີໜ້າຢູ່ໃນທຸກຂະແໜງການຂອງເສດຖະກິດ ແລະ ປະກອບສ່ວນຢ່າງຕັ້ງໜ້າເຂົ້າໃນການພັດທະນາປະເທດຊາດ. ຫວຽດນາມ ໄດ້ອອກນະໂຍບາຍຫຼາຍຢ່າງເພື່ອຮັບປະກັນສິດທິຂອງແມ່ຍິງ.
ບັນດາຍຸດທະສາດຂອງລັດຖະບານຫວຽດນາມ ແນໃສ່ຍົກສູງທີ່ຕັ້ງ ແລະ ເສີມຂະຫຍາຍບົດບາດຂອງແມ່ຍິງໃນລະບົບການເມືອງ ແລະ ໃນບັນດາການອອກລັດຖະນະໂຍບາຍ ພວມເລີ່ມຕົ້ນນຳມາໝາກຜົນທີ່ໜ້າເຊື່ອຖື. ບັນດານະໂຍບາຍ ແລະ ຍຸດທະສາດນີ້ ໄດ້ຊ່ວຍໃຫ້ແມ່ຍິງ ຫວຽດນາມ ຄົ້ນຫາທ່າແຮງຂອງຕົນ, ມີຄວາມໝັ້ນໃຈຕໍ່ຄວາມມຸ່ງມາດປາດຖະໜາ, ພັດທະນາອາຊີບ, ປັບປຸງທີ່ຕັ້ງດ້ານເສດຖະກິດ.
ຄຳຮຸ່ງ
