ກອງປະຊຸມສຳມະນາ ເພື່ອແນໃສ່ປະກອບສ່ວນຊຸກຍູ້ການພັດທະນາດ້ານສື່ມວນຊົນ ແລະ ສື່ສານ ກໍ່ຄື ຄວາມສະເໝີພາບລະຫວ່າງຍິງຊາຍໃນດ້ານສື່ມວນຊົນ ແລະ ສື່ສານ. ເຫດການ ຍັງໄດ້ເປີດເຜີຍແຜ່ເອກະສານສະບັບພາສາຫວຽດຂອງເອກະສານ “ສົ່ງຂ່າວການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ - ປຶ້ມຄູ່ມືສຳລັບນັກຂ່າວ” ເຖິງບັນດານັກຂ່າວ, ນັກສຶກສາດ້ານຂ່າວສານ, ນັກຊ່ຽວຊານ, ຄູອາຈານ ແລະ ຜູ້ຄຸ້ມຄອງວາລະສານ, ການສື່ສານ.
 |
| ນັກຂ່າວກັບບັນຫາການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ. ພາບ: VOV |
ກ່າວຄຳເຫັນໄຂກອງປະຊຸມ, ທ່ານ ສາດສະດາຈານ ຮ່ວາງແອງຕວນ, ອະທິການບໍດີມະຫາວິທະຍາໄລວິທະຍາສາດສັງຄົມ ແລະ ມະນຸດສະທຳ, ມະຫາວິທະຍາໄລແຫ່ງຊາດ ຮ່າໂນ້ຍ ໃຫ້ຮູ້ວ່າ: ວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ທຸກປີ ແມ່ນໂອກາດເພື່ອໃຫ້ບັນດາບຸກຄົນ, ອົງການຈັດຕັ້ງ ໄດ້ປົກປ້ອງສິດທິຂອງແມ່ຍິງໃນ 5 ທະວີບ ໂດຍບໍ່ຈຳແນກພາສາ, ສີຜິວ ແລະ ຊົນເຜົ່າ, ເພື່ອຈຸດໄຟແຫ່ງການຕໍ່ສູ້ເພື່ອລົບລ້າງການໃຊ້ຄວາມຮຸນແຮງຕໍ່ແມ່ຍິງ. ໃນນັ້ນ, ສື່ມວນຊົນ ມີບົດບາດສຳຄັນທີ່ສຸດໃນການປະກອບສ່ວນຍົກສູງຄວາມຮັບຮູ້ຂອງສັງຄົມ ກ່ຽວກັບບັນຫາຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.
ຕາມທ່ານ ຮ່ວາງແອງຕວນ ແລ້ວ, ເພື່ອໃຫ້ສື່ມວນຊົນສາມາດປະຕິບັດບົດບາດດັ່ງກ່າວໄດ້ເປັນຢ່າງດີ, ນັກຂ່າວຕ້ອງໄດ້ຮັບຄວາມຮູ້ຢ່າງຄົບຖ້ວນ, ມີທັກສະທີ່ເໝາະສົມເມື່ອເຮັດວຽກກ່ຽວກັບບັນຫາສຳຄັນນີ້. ວິທີການເຂົ້າຫາ ແລະ ແກ້ໄຂຂໍ້ມູນກ່ຽວກັບບັນດາຕົວລະຄອນ ທີ່ເປັນຜູ້ຖືກເຄາະຮ້າຍຂອງການກະທຳທີ່ຮຸນແຮງດ້ວຍຈາກມຸມກ້ອງ, ວິທີການສະແດງຮູບພາບ, ຄໍາເວົ້າ, ຮູບຂອງເຂົາເຈົ້າ ເພື່ອຫຼີກລ້ຽງເຮັດໃຫ້ເຂົາເຈົ້າເຈັບປວດຕື່ມອີກ.
ທ່ານນາງ Lucila Carrasco, ຜູ້ຕາງໜ້າອົງການ UNESCO ປະຈຳ ຫວຽດນາມ ໃຫ້ຮູ້ວ່າ: “ກອງປະຊຸມສຳມະນາຄັ້ງນີ້ ແມ່ນກາລະໂອກາດອັນດີ ເພື່ອຍົກສູງຄວາມຮັບຮູ້ກ່ຽວກັບຄວາມສະເໝີພາບລະຫວ່າງຍິງ - ຊາຍ ໃນສື່ມວນຊົນ ແລະ ການສື່ສານ, ກໍ່ຄື ວິທີການຫຼຸດຜ່ອນຄວາມຮຸນແຮງຕໍ່ແມ່ຍິງ ແລະ ເດັກ. ສື່ມວນຊົນ ແລະ ການສື່ສານທຸກຮູບແບບ ແມ່ນມີຄວາມສຳຄັນ ເພາະວ່າ ມີອຳນາດທີ່ຈະປ່ຽນແປງພຶດຕິກຳ ແລະ ສ້າງແນວຄິດຂອງທຸກຄົນ”.
ກອງປະຊຸມສຳມະນາ ໄດ້ສຸມໃສ່ກຳນົດບັນຫາການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ, ຍົກອອກບັນດາວິທີການ ແລະ ປຶກສາຫາລືກ່ຽວກັບບັນຫາຄວາມຮຸນແຮງຕໍ່ແມ່ຍິງ ແລະ ເດັກນ້ອຍໃນວົງການຂ່າວ ແລະ ວຽກງານຂອງນັກຂ່າວຜ່ານບັນດາກໍລະນີສະເພາະ. ນັບຕັ້ງແຕ່ນັ້ນມາ, ກອງປະຊຸມສໍາມະນາໄດ້ເປີດໃຫ້ນັກຂ່າວ ຄິດຫງຳເພື່ອສົ່ງເສີມການປະຕິບັດດ້ານຈັນຍາບັນ ໃນເວລານຳສະເໜີຂ່າວກ່ຽວກັບບັນຫາຍິງ-ຊາຍ.ທ່ານນາງ Lucila Carrasco ຍັງໄດ້ແບ່ງປັນກ່ຽວກັບປື້ມຄູ່ມື “ສົ່ງຂ່າວການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ - ປຶ້ມຄູ່ມືສຳລັບນັກຂ່າວ” ຈະຊ່ວຍໃຫ້ນັກຂ່າວແກ້ໄຂຄວາມຫຍຸ້ງຍາກໃນເວລານຳສະເໜີຂ່າວກ່ຽວກັບບັນຫາຍິງ-ຊາຍ. ນີ້ແມ່ນເອກະສານທີ່ອົງການ UNESCO ເຜີຍແຜ່ໃນປີ 2019 ນຳມາເຊິ່ງເອກະສານທີ່ເປັນປະໂຫຍດໃຫ້ແກ່ນັກຂ່າວ, ນັກສຶກສາສື່ສານມວນຊົນ, ອາຈານສອນ, ນັກຂ່າວ ແລະ ຊ່ຽວຊານສື່ມວນຊົນທົ່ວໂລກ; ເປັນເຄື່ອງມືທີ່ອຸດົມສົມບູນທາງດ້ານຂໍ້ມູນຂ່າວສານ ທີ່ສາມາດໃຫ້ການຊ່ວຍເຫຼືອທີ່ແທດຈິງ ແກ່ນັກຂ່າວໃນເວລານຳສະເໜີຂ່າວກ່ຽວກັບບັນຫາຍິງ-ຊາຍ.
ຄຳຮຸ່ງ
