| ບໍາລຸງໃຫ້ຖັນແຖວຄູອາຈານສອນພາສາຫວຽດນາມ ໃຫ້ປະເທດເພື່ອນລາວ | |
| ປະຊາຄົມຊາວຫວຽດນາມ ໃນ 5 ທະວີບເຊີດຊູ ແລະຮັກສາພາສາຫວຽດ |
ແຜນການຮ່ວມມືລະຫວ່າງກະຊວງສຶກສາ ແລະ ບຳລຸງສ້າງ ຫວຽດນາມ, ກະຊວງສຶກສາ ແລະ ກິລາ ລາວ ໃນປີ 2024 ແມ່ນສຸມໃສ່ຜັນຂະຫຍາຍຍົກສູງຄຸນນະພາບການບຳລຸງສ້າງ, ວຽກງານຄັດເລືອກເອົາສົ້ນເຂົ້າທີ່ປະຕິບັດຕາມອະນຸສັນຍາຂອງ 2 ລັດຖະບານ, ວຽກງານບຳລຸງສ້າງພາສາຫວຽດນາມ, ບຳລຸງສ້າງສະເພາະຂະແໜງ, ບຳລຸງສ້າງບຳລຸງສໍາລັບພະນັກງານຄຸ້ມຄອງບັນດາຂັ້ນ.
ສອງກະຊວງ ຈະສືບຕໍ່ເພີ່ມທະວີການສິດສອນ ແລະ ຮຽນພາສາຫວຽດນາມ ຢູ່ລາວ. ຝ່າຍລາວ ໄດ້ພິຈາລະນານຳເອົາພາສາ ຫວຽດນາມ ເປັນພາສາຕ່າງປະເທດເປັນວິຊາເລືອກສຳຮອງ, ສອບເສັງຈົບຊັ້ນມັດທະຍົມປາຍຢູ່ ລາວ; ປະສານສົມທົບກັບຫວຽດນາມ ເພື່ອກໍ່ສ້າງບັນດາສູນຕີລາຄາຄວາມສາມາດພາສາ ຫວຽດນາມ ຢູ່ ລາວ ເພື່ອກະກຽມແຫຼ່ງຊັບພະຍາກອນ ເພື່ອຕອບສະໜອງຄວາມຕ້ອງການກ່ຽວກັບຄາຄວາມສາມາດດ້ານພາສາກ່ອນທີ່ຈະສົ່ງໄປຮຽນຢູ່ ຫວຽດນາມ.
ໃນແຕ່ລະປີ, ລັດຖະບານ ຫວຽດນາມ ໄດ້ມອບທຶນການສຶກສາ 1.120 ທຶນໃຫ້ນັກສຶກສາລາວ ໄປຮຽນຢູ່ຫວຽດນາມ ໃນລະດັບມັດທະຍົມປາຍ, ມະຫາວິທະຍາໄລ ແລະ ຫຼັງມະຫາຢູ່ ຫວຽດນາມ.
ສອງກະຊວງໄດ້ຍູ້ແຮງການຜັນຂະຫຍາຍນຳບັນດາເນື້ອໃນປະມວນປະຫວັດສາດສາຍພົວພັນພິເສດ ຫວຽດນາມ - ລາວ, ລາວ - ຫວຽດນາມ ເຂົ້າໃນການສອນຢູ່ບັນດາຮາກຖານການສຶກສາຂອງສອງປະເທດ ເພື່ອປະກອບສ່ວນໂຄສະນາ, ສຶກສາກ່ຽວກັບມູນເຊື້ອສາຍພົວພັນພິເສດ ຫວຽດນາມ - ລາວ ໃນລຸ້ນໜຸ່ມຂອງສອງປະເທດ.
 |
ນັກສຶກສາລາວ ໄປທັດສະນະຢູ່ເມືອງ ລູກງ້ານ (ແຂວງ ບັກຢາງ) |
ສອງກະຊວງ ມີຄວາມສົນໃຈກ່ຽວກັບການບຳລຸງສ້າງຊັ້ນມັດທະຍົມຕອນປາຍໃຫ້ ລາວ, ນີ້ແມ່ນແຫຼ່ງຊັບພະຍາກອນມະນຸດກະກຽມກ່ອນທີ່ດີເດັ່ນ, ເພື່ອໄດ້ຮັບທຶນການສຶກສາຢູ່ມະຫາວິທະຍາໄລທີ່ດີທີ່ສຸດຢູ່ ຫວຽດນາມ.
ສົ່ງເສີມໃຫ້ບັນດາຮາກຖານການສຶກສາ ຫວຽດນາມ ເປີດກວ້າງການຜັນຂະຫຍາຍບັນດາລາຍການຮ່ວມມືກັບບັນດາຮາກຖານການສຶກສາຂອງ ລາວ ແລະ ເພີ່ມທະວີວຽກງານການຮັບປະກັນຄຸນນະພາບ.
ຕາມສະຖິຕິແລ້ວ, ຈຳນວນນັກສຶກສາ ລາວ ທີ່ພວມຮຽນຢູ່ຫວຽດນາມມີ 14.050 ຄົນ. ໃນປີ 2023 ຫວຽດນາມ ໃຫ້ທຶນການສຶກສາແກ່ລາວ 1.120 ທຶນ, ໃນນັ້ນ ກະຊວງສຶກສາ ແລະ ບຳລຸງສ້າງ ໄດ້ຮັບຜິດຊອບການຜັນຂະຫຍາຍ 464 ທຶນການສຶກສາ. ມາຮອດປະຈຸບັນ, ກະຊວງສຶກສາ ແລະ ບຳລຸງສ້າງໄດ້ສຳເລັດວຽກງານຮັບນັກສຶກສາຕ່າງປະເທດປີ 2023 ແລະ ແລກປ່ຽນນັກສຶກສາ ທີ່ໄດ້ສຳເລັດຫຼັກສູດການກຽມພາສາ ຫວຽດນາມ ເພື່ອໄປຮຽນຕໍ່ຢູ່ບັນດາຮາກຖານບຳລຸງສ້າງຕ່າງໆ.
ມິງດຶກ
