 | ວິທະຍາຄານການແພດທະຫານຫວຽດນາມ - ລາວ ຮ່ວມມືບຳລຸງສ້າງ, ຄົ້ນຄວ້າວິທະຍາສາດ |
| ບຸນປີໃໝ່ປະຈຳຊາດຫວຽດນາມ ເຊື່ອມຕໍ່ໄວໜຸ່ມຫວຽດນາມ - ລາວ - ກຳປູເຈຍ |
ຄວາມສາມັກຄີອັນອົບອຸ່ນ ລະຫວ່າງ ຫວຽດນາມ - ລາວ
ຢູ່ບົນດິນແດນເຂດຊາຍແດນຂອງມື້ຕົ້ນປີໃໝ່ 2024, ບັນດາທະຫານປ້ອງກັນຊາຍແດນພວມ “ຊົ້ນໄຟ” ໃຫ້ລຸ້ນໜຸ່ມຂອງສອງປະເທດ ກ່ຽວກັບນ້ຳໃຈສາມັກຄີ, ມິດຕະພາບທີ່ໄດ້ຮັບການເສີມຂະຫຍາຍ ມາແຕ່ລຸ້ນຫຼັງ. ບໍ່ວ່າຈະປະສົບກັບຄວາມຫຍຸ້ງຍາກ ແລະ ສິ່ງທ້າທາຍໃດໆ, ນ້ຳໃຈມິດຕະພາບຫວຽດນາມ - ລາວ ກໍ່ຍັງ“ຂຽວສົດງົດງາມ, ໝັ້ນຄົງຂະນົງແກ່ນຕະຫຼອດກາລະນານ”.
 |
| ປ້ອມທະຫານຊາຍແດນ ດ່ານ ອາເດີດ ແລະ ບັນດາກຳລັງປະກອບອາວຸດ ມອບເຄື່ອງໃຊ້ທີ່ຈຳເປັນ, ວັດຖຸຸອຸປະກອນ ການແພດ ໃຫ້ປະຊາຊົນ ບ້ານ ກາໂລ່. ຮູບພາບ: ແອ່ງຢຸ້ງ |
ງານບຸນຊາຍແດນທີ່ແຮງກ້າ
ທີ່ລາຍການພົບປະແລກປ່ຽນ ແລະ ມອບຂອງຂວັນໃຫ້ຄູອາຈານ ແລະ ນັກຮຽນໂຮງຮຽນ ກິນນອນຊົນເຜົ່າ ລາໂກ່ (ເມືອງເຊໂປນ, ແຂວງສະຫວັນນະເຂດ, ລາວ) ແລະ ໂຮງຮຽນປະຖົມ-ມັດທະຍົມຕອນຕົ້ນ ເຮື້ອງຫວຽດ (ເມືອງ ເຮື້ອງຮວ້າ, ແຂວງ ກວາງຈິ, ຫວຽດນາມ) ໂດຍ ປ້ອມທະຫານປ້ອງກັນຊາຍແດນ ເຮື້ອງເລີບ (ທະຫານຊາຍແດນ ແຂວງກວາງຈິ) ແລະ ກອງຮ້ອຍທະຫານຊາຍແດນ 321 (ທະຫານ ແຂວງສະຫວັນນະເຂດ) ສົມທົບກັນຈັດຕັ້ງໃນທ້າຍປີ 2023ທີ່ຜ່ານມານີ້້ ໄດ້ສ້າງເປັນວັນບຸນທີ່ເບີກບານມ່ວນຊື່ນ. ອີກຄັ້ງໜຶ່ງ, ນ້ຳໃຈມິດຕະພາບ ທີ່ເປັນມູນເຊື້ອແບບພິເສດ ຫວຽດນາມ - ລາວ ໄດ້ຮັບການຍົກສູງຂຶ້ນສູ່ລະດັບສູງໃໝ່. ປະຊາຊົນສອງຟາກຊາຍແດນ ນັບມື້ນັບສະໜິດຕິດພັນກັນຫຼາຍຂຶ້ນ ຍ້ອນການແບ່ງປັນ ແລະ ມີອຸດົມການອັນດຽວກັນ.
ເພື່ອເຮັດໃຫ້ລາຍການດັ່ງກ່າວມີຄວາມໝາຍຕື່ມອີກ, ປ້ອມປ້ອງກັນຊາຍແດນ ເຮື້ອງເລີບ ໄດ້ຫ້າງຫາກະກຽມ ແລະ ຂຶ້ນແຜນ ແຕ່ກາງປີ 2023 ດ້ວຍຫຼາຍກິດຈະກໍາທີ່ຟົດຟື້ນ. ບັນດາບົດເພງ “ເທິງຈອມພູຫຼວງພວກເຮົາຂັບຮ້ອງ”, “ສາຍໃຈລາວ-ຫວຽດນາມ”, “ສາວຊຽງຂວາງ”... ຂັບຮ້ອງໂດຍ ພະນັກງານທະຫານປ້ອງກັນຊາຍແດນ ແລະ ຄູອາຈານ, ນັກຮຽນຂອງສອງໂຮງຮຽນ ໄດ້ເຮັດໃຫ້ບັນຍາກາດຂອງວັນບຸນນີ້ ຍິ່ງມີຄວາມຄຶກຄື້ນ ແລະ ມ່ວນຊື່ນ, ເຕັມໄປດ້ວຍນ້ຳໃຈມິດຕະພາບຕື່ມອີກ. ທ່ານພັນຕີ ແກ້ວເລີດມາ ພະນັກງານການເມືອງ ກອງຮ້ອຍທະຫານຊາຍແດນ 321 ໄດ້ແບ່ງປັນ ກ່ຽວກັບການສົມທົບກັນເຄື່ອນໄຫວຄຸ້ມຄອງ, ປົກປັກຮັກສາຊາຍແດນ, ຊ່ວຍເຫຼືອເຊິ່ງກັນ ແລະ ກັນໃນການປະຕິບັດໜ້າທີ່ຢູ່ຊາຍແດນ. ແຕ່ລະເລື່ອງໄດ້ສະແດງໃຫ້ເຫັນເຖິງຄວາມຈົງຮັກພັກດີ ແລະ ຄວາມສາມັກຄີຕິດພັນລະຫວ່າງກຳລັງປ້ອງກັນສອງຟາກຊາຍແດນ. ເຖີງເລື່ອງລາວຈະຜ່ານໄປແລ້ວ ຫຼື ຢູ່ໃນປະຈຸບັນ, ແຕ່ຍາມໃດກໍ່ຍັງສະແດງໃຫ້ເຫັນຈິດໃຈ "ຄຽງບ່າຄຽງໄຫຼ່” ຂອງປະຊາຊົນສອງປະເທດ.
ຕາມທ່ານພັນຕີ ແກ້ວເລີດມາ ແລ້ວ, ທີ່ການພົບປະແລກປ່ຽນ ກໍ່ຄື “ຊົ່ວໂມງຮຽນຢູ່ຊາຍແດນ” ຍາມໃດ ບັນດາທະຫານຊາຍແດນ ແລະ ຄູອາຈານ ກໍ່ໄດ້ຮັກສາໄວ້. ຕ່າງແຕ່ວ່າ ໃນມື້ນີ້ມີນັກສຶກສາລາວ, ບັນດາທະຫານຊາຍແດນລາວ ແລະ ພ້ອມທັງລຸ້ນພໍ່ແມ່ເຂົ້າຮ່ວມ. ແນ່ນອນ, ບົດຮຽນນີ້ຈະເປັນຫນຶ່ງໃນສິ່ງທີ່ຈະຢູ່ຕິດຕົວກັບຜູ້ຮຽນຕະຫຼອດໄປໃນເສັ້ນທາງເດີນໃນອະນາຄົດ. “ໜ້າທີ່ຂອງພົນລະເມືອງຊາຍແດນຫວຽດນາມ ທຸກຄົນແມ່ນຕ້ອງປົກປັກຮັກສາ ແລະ ພັດທະນາຄວາມສາມັກຄີ ກັບປະຊາຊົນລາວອ້າຍນ້ອງ. ເຖິງວ່າຈະເປັນສອງປະເທດກໍ່ຕາມ, ແຕ່ພວກເຮົາມີອຸດົມການອັນດຽວກັນຢູ່ສະເໝີ”.
ກ່ອນປີ 1975, ທ່ານ ໂຮ່ວັນດິງ (ບ້ານ ອາເວຍ, ກຸ່ມບ້ານ ລາໂກ່) ໄດ້ເຂົ້າຮ່ວມການປະຕິວັດເປັນເວລາຫຼາຍປີ, ຕໍ່ສູ້ຢູ່ແນວໜ້າ ບິງຈິທຽນ, ໄດ້ຮັບ ໃບຍ້ອງຍໍ ແລະ ຫຼຽນກາ, ຫຼຽນໄຊຫຼາຍປະເພດ. ພາຍຫຼັງວາງແຜນກຳນົດເຂດຊາຍແດນ, ທ່ານ ດິງ ດຳລົງຊີວິດຢູ່ບ້ານ ອາເວຍ, ຖືສັນຊາດລາວ, ແຕ່ໃນຄວາມຈິງແລ້ວ ແມ່ນຄົນຫວຽດນາມ. ໂດຍມາເຂົ້າຮ່ວມການແລກປ່ຽນຢ່າງສົມກຽດ ໃນຖານະເປັນແຂກຖຶກເຊີນ, ທ່ານກ່າວວ່າ: “ໂດຍໄດ້ເຫັນປະຈັກຕາໃນການເຮັດວຽກຂອງທະຫານປ້ອງກັນຊາຍແດນ, ພິເສດແມ່ນ ຄວາມສາມັກຄີຂອງປະຊາຊົນສອງປະເທດ, ຂ້າພະເຈົ້າຮູ້ສຶກອຸ່ນອຽນໃຈເມື່ອເຫັນແຕ່ລະຄົນໄດ້ມອບຄວາມພິເສດໃຫ້ແກ່ພວກຫຼານນັກຮຽນ, ພົນລະເມືອງຊາຍແດນໃນອະນາຄົດ. ນ້ຳໃຈມິດຕະພາບຫວຽດນາມ-ລາວ ອ້າຍນ້ອງຢູ່ທີ່ນີ້ ແນ່ນອນຈະມີຄວາມຂຽວສົດງົດງາມ ໝັ້ນຄົງຂະນົງແກ່ນຕະຫຼອດກາລະນານ ຄືກັບຄວາມຫວັງຂອງປະທານ ໂຮ່ຈີມິນ ແລະ ປະທານ ໄກສອນ ພົມວິຫານ.
ໃນໂອກາດບຸນເຕັດຕົ້ນປີ, ທ່ານ ບຸນລ້ອມ ສຸພະມີໄຊ, ຮອງເລຂາຄະນະພັກເມືອງເຊໂປນມີຄວາມປິຕິຊົມຊື່ນ ທ່ານກ່າວວ່າ: “ລາຍການແລກປ່ຽນ ແມ່ນການເຄື່ອນໄຫວສ້າງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງສອງປະເທດ ຫວຽດນາມ - ລາວ. ຖ້າຮູບແບບດັ່ງກ່າວ ໄດ້ເປີດກວ້າງສູ່ທົ່ວຊາຍແດນ, ກໍ່ຈະປະກອບສ່ວນປົກປັກຮັກສາອະທິປະໄຕເຂດຊາຍແດນ ແລະ ຮັດແໜ້ນສາຍພົວພັນອັນສະໜິດສະໜົມລະຫວ່າງປະຊາຊົນສອງປະເທດ ໃຫ້ແໜ້ນແຟ້ນຂຶ້ນກວ່າເກົ່າ”.
ຄະນະອາສາສະໝັກນະຄອນ ດ່ານັ້ງ ດຳເນີນລາຍການ “ມອບຄວາມຮັກແພງ” ຢູ່ຕາແສງຮົ່ງເວີ່ນ, ເມືອງ ອາເລື້ອຍ, ແຂວງ ເທືອທ່ຽນເຫວ້.
ຄວາມສາມັກຄີອັນອົບອຸ່ນ
ເພື່ອເຮັດໃຫ້ລາຍການແລກປ່ຽນມີຄວາມໝາຍ, ປ້ອມປ້ອງກັນຊາຍແດນ ເຮື້ອງເລີບ ໄດ້ລະດົມບັນດາຫົວໜ່ວຍ, ຜູ້ສະໜັບສະໜູນ ແລະ ກຸ່ມອາສາສະໝັກ ອ້າຍນ້ອງແປພາສາແປໄທ ໄດ້ຊ່ວຍມອບຜ້າຫົ່ມ 300 ຜືນ, ເສື້ອກັນໜາວ 383 ຜືນ, ເກີບແຕະ 200 ຄູ່, ເຂົ້າສານ 800 ກິໂລ, ນ້ຳປາ 150 ຕຸກ, ນ້ຳຕານ 50 ກິໂລກຣາມ. ຂອງຂວັນດັ່ງກ່າວໄດ້ມອບໃຫ້ບັນດາຄອບຄົວທີ່ປະສົບກັບຄວາມຫຍຸ້ງຍາກ ໂດຍສະເພາະແມ່ນ ຕາແສງ ເຮື້ອງຫວຽດ ແລະ ກຸ່ມບ້ານ ລາໂກ່. ຊີວິດການເປັນຢູ່ຂອງປະຊາຊົນຢູ່ທີ່ນີ້ ຍັງປະສົບກັບຄວາມຫຍຸ້ງຍາກ, ລາຍຮັບຕົ້ນຕໍແມ່ນຂຶ້ນກັບການປູກຝັງ. ເພາະສະນັ້ນ, ນີ້ແມ່ນຂອງຂວັນທີ່ມີຄວາມຫມາຍ, ມາຖຶກໂອກາດ, ໃນເວລາທີ່ເຫມາະສົມໃຫ້ສໍາລັບປະຊາຊົນ. ທ່ານພົນໂທ ໂຮ່ເລລວນ ໃຫ້ຮູ້ວ່າ: “ປີ 2023 ແມ່ນປີທຳອິດຂອງອົງການຈັດຕັ້ງ, ແຕ່ປະສົບຜົນສຳເລັດທີ່ສຸດ. ຄູອາຈານ ແລະ ນັກຮຽນມີຄວາມພາກພູມໃຈຫຼາຍທີ່ໄດ້ພົບປະ, ພົວພັນ ແລະ ແລກປ່ຽນປະສົບການ. ສູ້ຊົນໃຫ້ນີ້ກາຍເປັນການເຄື່ອນໄຫວປະຈຳປີ ເພື່ອໃຫ້ກຳລັງປ້ອງກັນຊາຍແດນ ແລະ ປະຊາຊົນຕາແສງ ເຮື້ອງຫວຽດ ແລະ ກຸ່ມບ້ານລາໂກ່ ມີຄວາມເຂົ້າໃຈເຊິ່ງກັນ ແລະ ກັນ, ຈາກນັ້ນ ກໍ່ນັບມື້ນັບສາມັກຄີ, ສະໜິດສະໜົມ, ຖືວ່າເປັນເພື່ອນທີ່ສະໜິດສະໜົມ. ພ້ອມກັນເຂົ້າຮ່ວມການເຄື່ອນໄຫວຂອງມະຫາຊົນ ຢ່າງຕັ້ງໜ້າ ເພື່ອປົກປັກຮັກສາຄວາມໝັ້ນຄົງຂອງຊາດ ແລະ ພັດທະນາເສດຖະກິດຮ່ວມກັນ".
ນອກຈາກລາຍການພົບປະແລກປ່ຽນ ໂດຍປ້ອມປ້ອງກັນຊາຍແດນ ເຮື້ອງເລີບ ຈັດຕັ້ງ, ໃນຊຸມວັນໃກ້ຈະເຖິງບຸນເຕັດແຕ່ລະປີ, ຍັງມີຫຼາຍການເຄື່ອນໄຫວທີ່ມີຄວາມໝາຍ ເພື່ອມຸ່ງໄປເຖິງພີ່ນ້ອງຊາວຊາຍແດນ ຫວຽດນາມ - ລາວ. ເປັນຕົ້ນແມ່ນການເຄື່ອນໄຫວອາສາສະໝັກ ແລະ ພົບປະແລກປ່ຽນ ກັບບັນດາທ້ອງຖິ່ນ ຢູ່ເຂດຊາຍແດນ ລາວບາວ (ກວາງຈິ); ເມືອງ ອາເລື້ອຍ (ເທື່ອທ່ຽນເຫວ້). ພວກຂ້າພະເຈົ້າຮູ້ສຶກດີໃຈທີ່ໄດ້ເຂົ້າຮ່ວມລາຍການ “ມອບຄວາມຮັກແພງ” ໃຫ້ບັນດາຄອບຄົວ ແລະ ນັກຮຽນທີ່ປະສົບກັບຄວາມຫຍຸ້ງຍາກທີ່ສຸດ ຢູ່ຕາແສງ ເຍີ່ມ, ຕາແສງ ຮົ່ງເວິ່ນ (ເມືອງ ອາເລື້ອຍ) ແລະ ບັນດານັກຮຽນທີ່ປະສົບກັບຄວາມຫຍຸ້ງຍາກເປັນພິເສດຂອງລາວ, ໂດຍປ້ອມປອງກັນຊາຍແດນ ຮົ່ງເວິ່ນ ສົມທົບກັບກຸ່ມອາສາສະໝັກ “ເພື່ອເດັກນ້ອຍຢູ່ເຂດພູດອຍ” ຈາກ ຮວາກຸ້ຍ, ຫງູແຮ່ງເຊີນ, ນະຄອນ ດ່ານັ້ງ ຈັດຂຶ້ນຫວ່າງແລ້ວນີ້.
ທ່ານ ຫງວຽນມິງຟຸກ, ພະນັກງານ ຄະນະກົດລັບ ລັດຖະບານ ປະຈຳນະຄອນ ດ່ານັ້ງ, ຫົວໜ້າຄະນະອາສາສະໝັກ ໄດ້ຢືນຢັນວ່າ: “ດ້ວຍຄວາມມຸ່ງມາດປາດຖະໜາຢາກໃຫ້ປະຊາຊົນເຂດຊາຍແດນ ລາວ-ຫວຽດນາມ ໄດ້ມີຄວາມຜາສຸກ ແລະ ບຸນເຕັດທີ່ອົບອຸ່ນ. ສະມາຊິກໄດ້ກະກຽມລາຍການແຕ່ຫຼາຍເດືອນກ່ອນ. ນອກຈາກບັນດາຄອບຄົວທີ່ປະກອບສ່ວນແລ້ວ, ກຸ່ມບໍລິສັດ ກໍ່ດີໃຈຫຼາຍເມື່ອໄດ້ຮັບການໜູນຊ່ວຍຈາກ ທ່ານ ດິງວັນວີ, ຜູ້ອຳນວຍການບໍລິສັດ ວິແວດ (Vinvest) ຜ່ານທ່ານ ຫງວຽນຮວ່າງເຊີນ ຂອງບໍລິສັດ ໄດ້ມອບເງິນຈຳນວນ 10 ລ້ານດົ່ງໃຫ້ກຸ່ມ ເພາະຮູ້ວ່າເຂົາເຈົ້າຈະຈັດກິດຈະກໍາທີ່ມີຄວາມໝາຍນີ້. ທີ່ການພົບປະແລກປ່ຽນ ແລະ ມອບຂອງຂວັນ, ຄະນະຜູ້ແທນໄດ້ມອບຂອງຂວັນໃຫ້ປະຊາຊົນທີ່ມີສະພາບຫຍຸ້ງຍາກເປັນພິເສດ ແລະ ນັກຮຽນລາວເກືອບ 40 ພູດ (ລວມມູນຄ່າເກືອບ 25 ລ້ານດົ່ງລວມທັງເງິນ, ຂອງຂວັນ) ກ່ອນລະດູບານໃໝ່ຈະມາເຖິງ.
ທ່ານພົນໂທ ຟ້າມທ້າຍເຊີນ, ຫົວໜ້າໜ່ວຍຂົນຂວາຍປະຊາຊົນ, ປ້ອມປ້ອງກັນຊາຍແດນ ດ່ານຮົງເວິ່ນ ໃຫ້ຮູ້ວ່າ: ແຕ່ລະປີ ເມື່ອໄລຍະບຸນເຕັດ ແລະ ລະດູໃບໄມ້ປົ່ງ, ຫຼາຍກຸ່ມອາສາສະໝັກ ໄດ້ຈັດຕັ້ງການມອບຂອງຂວັນໃຫ້ປະຊາຊົນເຂດຊາຍແດນ. ດັ່ງໃນສອງສາມເດືອນຜ່ານມາຂອງປີ 2023, ມີຫຼາຍກຸ່ມໄດ້ມາຜ່ານດ່ານຊາຍແດນ ເພື່ອໄປຫາພໍ່ແມ່ປະຊາຊົນ, ເປັນການສ້າງຄວາມອົບອຸ່ນໃຫ້ແກ່ຄວາມຮັກແພງລະຫວ່າງທະຫານກັບປະຊາຊົນ. “ໂດຍສະເພາະແມ່ນຂອງຂວັນທີ່ມີຄວາມໝາຍ ເພື່ອຊ່ວຍເຫຼືອປະຊາຊົນ ແລະ ນັກຮຽນຢູ່ເຂດຊາຍແດນຫວຽດນາມ - ລາວ ຈະແມ່ນກຳລັງໃຈຊ່ວຍປະຊາຊົນຜ່ານຜ່າຄວາມທຸກຍາກ, ຊ່ວຍເຫຼືອນັກຮຽນໃຫ້ໄດ້ເຂົ້າໂຮງຮຽນ, ມຸ່ງໄປເຖິງອະນາຄົດທີ່ສົດໃສ”.
ຊ ສະຫວັດ
