| ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ | |
| ນັກສຶກສາແມ່ນນັກການທູດເພື່ອເພີ່ມພູນຄູນສ້າງການພົວພັນມິດຕະພາບ ຫວຽດນາມ - ຍີ່ປຸ່ນ |
ຕາມຜູ້ຕາງໜ້າພິເສດສຳນັກຂ່າວສານ ຫວຽດນາມ ປະຈຳ ຍີ່ປຸ່ນ, ສະຖານທູດຫວຽດນາມ ປະຈຳ ຍີ່ປຸ່ນ ໃຫ້ຮູ້ວ່າ ມາຮອດເວລາ 21 ໂມງຂອງວັນທີ 1 ມັງກອນນີ້ (ຕາມເວລາທ້ອງຖິ່ນ), ສະຖານທູດ ຍັງບໍ່ທັນໄດ້ຮັບລາຍງານຜູ້ເສຍຊີວິດຍ້ອນເຫດແຜ່ນດິນໄຫວຄັ້ງນີ້ເທື່ອ.
ປະຈຸບັນ, ກຸ່ມປະຕິບັດງານໄດ້ຕິດຕໍ່ກັບບັນດາອົງການທີ່ມີໜ້າທີ່ປະຈຳຖິ່ນ, ບັນດາສະມາຄົມຊາວ ຫວຽດນາມ ຢູ່ບັນດາທ້ອງຖິ່ນທີ່ປະສົບໄພແຜ່ນດິນໄຫວ ເພື່ອຊອກຮູ້ສະພາບການຊາວ ຫວຽດນາມ ຢູ່ບັນດາເຂດດັ່ງກ່າວ, ກຽມພ້ອມທີ່ຈະປະຕິບັດວຽກງານປົກປ້ອງປະຊາຊົນ ຫວຽດນາມ ໃນກໍລະນີມີຄວາມຈຳເປັນ.
ປະຈຸບັນ, ບັນດາອົງການທີ່ມີໜ້າທີ່ຂອງ ຍີ່ປຸ່ນ ຍັງຢູ່ໃນຂະບວນການກວດກາລະດັບເສຍຫາຍຂອງເຫດແຜ່ນດິນໄຫວ. ສະຖານທູດ ຫວຽດນາມ ປະຈຳ ຍີ່ປຸ່ນ ແຈ້ງການວ່າ ກຸ່ມປະຕິບັດງານຂອງສະຖານທູດຍັງຮັກສາການຕິດຕໍ່ພົວພັນຢ່າງໃກ້ຊິດກັບອົງການທີ່ມີໜ້າທີ່ປະຈຳຖິ່ນ ແລະ ຈຸດເຊື່ອມຕໍ່ທີ່ຮັບຜິດຊອບປະຊາຄົມຊາວ ຫວຽດນາມ ຢູ່ບັນດາທ້ອງຖິ່ນປະສົບໄພແຜ່ນດິນໄຫວ.
 |
ເຫດແຜ່ນດິນໄຫວຢູ່ ຍີ່ປຸ່ນ |
ນອກນີ້, ສະຖານທູດຍັງໄດ້ອອກແຈ້ງການຢູ່ໃນເວັບໄຊທາງການດ້ວຍຂໍ້ມູນຂ່າວກ່ຽວກັບເຫດແຜ່ນດິນໄຫວ, ຮຽກຮ້ອງໃຫ້ພົນລະເມືອງຫວຽດນາມ ຢູ່ເຂດປະສົບໄພແຜ່ນດິນໄຫວປະຕິບັດມາດຕະການເຕືອນໄພຂອງຍີ່ປຸ່ນ ແລະ ຍົກຍ້າຍໄປຢູ່ບ່ອນທີ່ປອດໄພຕາມຄຳຮຽກຮ້ອງຂອງອຳນາດການປົກຄອງໂດຍໄວ. ສະຖານທູດຍັງແນະນຳໃຫ້ພົນລະເມືອງໃນກໍລະນີສຸກເສີນຕິດຕໍ່ຫາຈຸດເຊື່ອມຕໍ່ທີ່ມີໜ້າທີ່ຮັບຜິດຊອບຂອງຊຸມຊົນຫວຽດນາມ ຢູ່ທ້ອງຖິ່ນທີ່ໃກ້ທີ່ສຸດ ຫຼື ໂທຫາເບີໂທລະສັບປົກປ້ອງພົນລະເມືອງທີ່ລົງໃນເວັບໄຊ. ໃນກໍລະນີສຸກເສີນ, ພົນລະເມືອງສາມາດຕິດຕໍ່ກັບເບີປົກປ້ອງພົນລະເມືອງດັ່ງຕໍ່ໄປນີ້:
+ ສະຖານທູດ ຫວຽດນາມ ປະຈຳ ໂຕກຽວ: +81-80-3590-9136, ຫຼື +81-80-20346868, +81-90-1255-5537
+ ສະຖານກົງສູນໃຫຍ່ ຫວຽດນາມ ປະຈຳ Osaka: +81-90-4769-6789
+ ສະຖານກົງສູນໃຫຍ່ ຫວຽດນາມ ປະຈຳ Fukuoka: +81-92263-7668.
ມິງດຶກ
