| ສາຍໃຈມິດຕະພາບຜ່ານ 5 ງານບຸນມະໂຫລານມິດຕະພາບປະຊາຊົນຫວຽດນາມ - ລາວ | |
| ພັກກອມມູນິດຫວຽດນາມ ເອົາໃຈໃສ່ຕອບສະໜອງຄວາມມຸ່ງມາດປາດຖະໜາອັນຊອບທຳຂອງປະຊາຊົນ |
ຕອນບ່າຍວັນທີ 26 ທັນວາ, ທີ່ສໍານັກງານສູນກາງພັກ, ສະຫາຍເລຂາທິການໃຫຍ່ຄະນະບໍລິຫານງານສູນກາງພັກກອໃໃູນິດ ຫວຽດນາມ ຫງວຽນຝູຈ້ອງ ໄດ້ໃຫ້ການຕ້ອນຮັບສະຫາຍ Shii Kazuo, ປະທານຄະນະປະທານຄະນະບໍລິຫານງານສູນກາງພັກກອມມູນິດ ຍີ່ປຸ່ນ ເຊິ່ງພວມນຳໜ້າຄະນະຜູ້ແທນພັກກອມມູນິດ ຍີ່ປຸ່ນ ຢ້ຽມຢາມ ແລະເຮັດວຽກຢູ່ຫວຽດນາມ ຕາມຄຳເຊີນຂອງສູນກາງພັກກອມມູນິດຫວຽດນາມ.
 |
| ສະຫາຍເລຂາທິການໃຫຍ່ ຫງວຽນຝູຈ້ອງ ໄດ້ໃຫ້ການຕ້ອນຮັບສະຫາຍ Shii Kazuo, ປະທານຄະນະປະທານຄະນະບໍລິຫານງານສູນກາງພັກກອມມູນິດ ຍີ່ປຸ່ນ. ພາບ: TTXVN |
ສະຫາຍເລຂາທິການໃຫຍ່ ຫງວຽນຝູຈ້ອງ ຕີລາຄາສູງຄວາມໝາຍຂອງການຢ້ຽມຢາມຄັ້ງນີ້ຂອງສະຫາຍ Shii Kazuo ໃນປີທີ່ສອງປະເທດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ, ສອງຝ່າຍຫາກໍ່ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ແລະວັດທະນາຖາວອນຢູ່ອາຊີ ແລະໃນໂລກ. ສະຫາຍເລຂາທິການໃຫຍ່ ຫງວຽນຝູຈ້ອງ ສະແດງຄວາມເຊື່ອໝັ້ນວ່າ ການຢ້ຽມຢາມຈະປະກອບສ່ວນເພີ່ມທະວີການພົວພັນມິດຕະພາບ, ທີ່ເປັນມູນເຊື້ອ ແລະຄວາມສາມັກຄີລະຫວ່າງສອງພັກ ແລະຊຸກຍູ້ນ້ຳໃຈມິດຕະພາບລະຫວ່າງປະຊາຊົນສອງປະເທດ, ເຮັດໃຫ້ນ້ຳໃຈການພົວພັນລະຫວ່າງສອງປະເທດອຸດົມສົມບູນຂຶ້ນຕື່ມ.
ສະຫາຍເລຂາທິການໃຫຍ່ ຫງວຽນຝູຈ້ອງ ເນັ້ນໜັກວ່າ ຄວາມສາມັກຄີທີ່ເປັນມູນເຊື້ອ, ມິດຕະພາບລະຫວ່າງພັກກອມມູນິດ ຍີ່ປຸ່ນ ແລະພັກກອມມູນິດຫວຽດນາມ ໄດ້ກໍ່ສ້າງໃນຊຸມເດືອນປີແຫ່ງການຕໍ່ສູ້ປະຕິວັດ; ສະແດງຄວາມຂອບອົກຂອບໃຈ ແລະການຊ່ວຍເຫຼືອອັນລ້ຳຄ່າເຊິ່ງພັກກອມມູນິດ ຍີ່ປຸ່ນ ແລະປະຊາຊົນຮັກຫອມສິນຕິພາບຍີ່ປຸ່ນ ໄດ້ສະຫງວນໃຫ້ແກ່ຫວຽດນາມ ໃນການຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບກ່ອນໜ້ານີ້ ກໍ່ຄືໃນການກໍ່ສ້າງລັດທິສັງຄົມນິຍົມ ແລະພັດທະນາປະເທດຊາດໃນປະຈຸບັນ. ສະຫາຍເລຂາທິການໃຫຍ່ ແລກປ່ຽນກ່ຽວກັບແນວທາງພົວພັນຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ຮ່ວມມື ແລະພັດທະນາ, ຫັນການພົວພັນຕ່າງປະເທດເປັນຫຼາຍຮູບແບບ ແລະຫຼາຍຝ່າຍ. ທ່ານເລຂາທິການໃຫຍ່ ຫງວຽນຝູຈ້ອງ ກໍ່ຊົມເຊີຍຕໍ່ບາດກ້າວພັດທະນາອັນດີງາມຂອງການພົວພັນສອງພັກໃນໄລຍະຜ່ານມາຜ່ານການຮັກສາການແລກປ່ຽນ, ພົບປະຂັ້ນສູງ, ແບ່ງປັນຂໍ້ມູນ; ຕີລາຄາສູງການແລກປ່ຽນທິດສະດີປະຈຳປີລະຫວ່າງສອງພັກ, ຖືນີ້ແມ່ນຈຸດພົ້ນເດັ່ນໃນການພົວພັນຮ່ວມມື, ການພົບປະລະຫວ່າງສອງພັກ.
ສະຫາຍ Shii Kazuo ໃຫ້ຮູ້ວ່າ ເປົ້າໝາຍຂອງການຢ້ຽມຢາມຫວຽດນາມ ແລະບາງປະເທດອາຊີຕາເວັນອອກສ່ຽງໃຕ້ ຄັ້ງນີ້ແມ່ນເພື່ອແນໃສ່ແລກປ່ຽນຄຳຄິດຄຳເຫັນກ່ຽວກັບການສ້າງສັນຕິພາບໃນພາກພື້ນ; ແບ່ງປັນທັດສະນະຂອງພັກກອມມູນິດ ຍີ່ປຸ່ນ ຕໍ່ກັບບັນຫາສັນຕິພາບ ແລະການພັດທະນາຂອງພາກພື້ນ ແລະໃນໂລກ. ສະຫາຍ Shii Kazuo ຕີລາຄາສູງທີ່ຕັ້ງບົດບາດຂອງຫວຽດນາມ ໃນພາກພື້ນ, ຊົມເຊີຍບັນດາຜົນງານກ່ຽວກັບການພົວພັນຕ່າງປະເທດເຊິ່ງ ຫວຽດນາມ ບັນລຸໄດ້ໃນໄລຍະຜ່ານມາ, ເຊື່ອໝັ້ນວ່າ ຫວຽດນາມ ຈະສືບຕໍ່ມີບັນດາການປະກອບສ່ວນອັນໃຫຍ່ຫຼວງກວ່າອີກຕໍ່ກັບສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ພາກພື້ນ ແລະໃນໂລກ.
ບູນມີ
