| ເພີ່ມທະວີການຮ່ວມມືລະຫວ່າງພະແນກອຸດສາຫະກໍາ ແລະການຄ້າແຂວງດ້ຽນບຽນ ກັບພະແນກອຸດສາຫະກໍາ ແລະການຄ້າ 6 ແຂວງພາກເໜືອຂອງລາວ | |
| ຫວຽດນາມ ສົ່ງອອກເກີນດຸນ 2,53 ຕື້ໂດລາສະຫະລັດ ໃນ 4 ເດືອນຕົ້ນປີ 2022 |
ຫວ່າງແລ້ວນີ້, ຢູ່ຮ່າໂນ້ຍ, ກະຊວງອຸດສາຫະກໍາ ແລະການຄ້າຫວຽດນາມ ໄດ້ຈັດຕັ້ງກອງປະຊຸມສະຫຼຸບວຽກງານໃນປີ 2023 ແລະຜັນຂະຫຍາຍໜ້າທີ່ໃນປີ 2024. ທ່ານ ຫງວຽນຮົ່ງຢຽນ ລັດຖະມົນຕີກະຊວງອຸດສາຫະກໍາ ແລະການຄ້າ ເປັນປະທານກອງປະຊຸມ. ທ່ານຮອງນາຍົກລັດຖະມົນຕີ ເຈີ່ນຮົ່ງຮ່າ ໄດ້ເຂົ້າຮ່ວມ ແລະຊີ້ນຳກອງປະຊຸມ.
 |
| ພາບປະກອບ: cafef.vn |
ໃນບົດລາຍງານກ່ຽວກັບສະພາບການ, ໝາກຜົນການປະຕິບັດໜ້າທີ່ຂອງຂະແໜງອຸດສາຫະກຳ ແລະການຄ້າປີ 2023, ທ່ານນາງ ຟານທິຖັ໊ງ ຮອງລັດຖະມົນຕີກະຊວງອຸດສາຫະກຳ ແລະການຄ້າ ໃຫ້ຮູ້ວ່າ: ປີ 2023, ຫວຽດນາມ ປະຕິບັດໜ້າທີ່ພັດທະນາເສດຖະກິດ-ສັງຄົມໃນສະພາບມີຄວາມຫຍຸ້ງຍາກ ແລະສິ່ງທ້າທາຍຫຼາຍຢ່າງ.
ໃນສະພາບການນັ້ນ, ດ້ວຍການຊີ້ນຳຢ່າງຂ້ຽວຂາດ, ຄົບຊຸດຂອງການນຳພັກ, ລັດ, ພ້ອມດ້ວຍຄວາມມານະພະຍາຍາມ ແລະຄວາມຕັດສິນໃຈສູງຂອງທົ່ວລະບົບການເມືອງ, ປະຊາຊົນທົ່ວປະເທດ, ປະຊາຄົມວິສາຫະກິດ, ເສດຖະກິດຂອງປະເທດບັນລຸໄດ້ໝາກຜົນເປັນໜ້າຮັບຮູ້: ເສດຖະກິດມະຫາພາກໝັ້ນທ່ຽງ, ໄພເງິນເຟີ້ໄດ້ຮັບການຄວບຄຸມ, ເສດຖະກິດມະຫາພາກຮັບປະກັນຄວາມດຸ່ນດ່ຽງ... ປະກອບສ່ວນເຂົ້າໃນຜົນງານລວມ ນັ້ນແມ່ນມີການເປັນເຈົ້າການ ແລະຄວາມຕັ້ງໜ້າຂອງຂະແໜງອຸດສາຫະກຳ ແລະການຄ້າ.
ກ່ຽວກັບການສົ່ງອອກ - ນໍາເຂົ້າ, ໃນປີ 2023, ໂດຍຕັ້ງໜ້າຍາດແຍ່ງກາລະໂອກາດຈາກການຟື້ນຟູຂອງບັນດາຕະຫຼາດໃຫຍ່, ຕະຫຼາດເດີມຂອງຫວຽດນາມ ເພື່ອຍູ້ແຮງການສົ່ງອອກ. ການສົ່ງອອກສືບຕໍ່ເກີນດຸນໃນປີທີ 8 ຢ່າງລຽນຕິດ ດ້ວຍຍອດມູນຄ່າສ່ວນເກີນຄາດວ່າບັນລຸ 26 ຕື້ໂດລາສະຫະລັດ, ເພີ່ມຂຶ້ນເກືອບ 3 ເທົ່າເມື່ອທຽບໃສ່ປີ 2022, ປະກອບສ່ວນຢ່າງຕັ້ງໜ້າໃຫ້ການດຸນຊຳລະ, ຊ່ວຍຍົກສູງລະດັບເງິນຕາຕ່າງປະເທດແຮໄວ້...
ກ່າວຄຳເຫັນຊີ້ນໍາທີ່ກອງປະຊຸມ, ທ່ານຮອງນາຍົກລັດຖະມົນຕີ ເຈີ່ນຮົ່ງຮ່າ ໄດ້ຮັບຮູ້ ແລະຍ້ອງຍໍຊົມເຊີຍຜົນງານຂອງຂະແໜງອຸດສາຫະກຳ ແລະການຄ້າປີ 2023, ພິເສດແມ່ນໃນສະພາບຄວາມຫຍຸ້ງຍາກ, ສິ່ງທ້າທາຍຫຼາຍກ່ວາຄວາມສະດວກ, ສະພາບການສາກົນຜັນແປໄປຢ່າງວ່ອງໄວ, ສັບສົນ, ຄາດຄະເນໄດ້ຍາກ, ຜົົນກະທົບຢ່າງຫຍໍ້ທໍ້, ຫຼາຍສົ້ນເຂົ້າໃສ່ວິວັດການຟື້ນຟູ ແລະການພັດທະນາເສດຖະກິດພາຍໃນປະເທດ. ທ່ານຮອງນາຍົກລັດຖະມົນຕີ ເຈີ່ນຮົ່ງຮ່າ ຍັງຮຽກຮ້ອງໃຫ້ກະຊວງອຸດສາຫະກຳ ແລະການຄ້າ ກຳແໜ້ນຄວາມຫຍຸ້ງຍາກ, ສິ່ງທ້າທາຍ, ຂໍ້ຈຳກັດ ແລະສິ່ງທີ່ຍັງຄົງຄ້າງເພື່ອມີມາດຕະການແກ້ໄຂ.
ບູນມີ
