| ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ | |
| ນັກສຶກສາແມ່ນນັກການທູດເພື່ອເພີ່ມພູນຄູນສ້າງການພົວພັນມິດຕະພາບ ຫວຽດນາມ - ຍີ່ປຸ່ນ |
ນີ້ແມ່ນໜຶ່ງໃນບັນດາການເຄື່ອນໄຫວສຸດທ້າຍຂອງປີ 2023 ໃນບັນດາການເຄື່ອນໄຫວຮ່ວມມືສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ, 75 ປີແຫ່ງວັນມູນເຊື້ອກຳລັງປ້ອງກັນຝັ່ງທະເລ ຍີ່ປຸ່ນ ແລະ 25 ປີແຫ່ງວັນມູນເຊື້ອຕຳຫຼວດທະເລ ຫວຽດນາມ.
ຕາມຜູ້ຕາງໜ້າພິເສດສຳນັກຂ່າວສານ ຫວຽດນາມ ປະຈຳ ໂຕກຽວ ແລ້ວ, ກອງປະຊຸມດັ່ງກ່າວ ຢູ່ໃນຂອບເຂດການໄປປະຕິບັດງານຢູ່ ຍີ່ປຸ່ນ ຂອງຄະນະຜູ້ແທນຂັ້ນສູງຕຳຫຼວດທະເລ ຫວຽດນາມ ໂດຍທ່ານພົນຈັດຕະວາ ຫວູຈຸງກຽນ ເປັນຫົວໜ້າຄະນະ ໃນລະຫວ່າງວັນທີ 19 - 22 ທັນວາ.
 |
ຄະນະຜູ້ແທນປະຕິບັດງານຕຳຫຼວດທະເລ ຫວຽດນາມ ເຂົ້າຮ່ວມກອງປະຊຸມ. |
ທີ່ກອງປະຊຸມ, 2 ຝ່າຍໄດ້ຕີລາຄາບັນດາການເຄື່ອນໄຫວຮ່ວມມືທີ່ພົ້ນເດັ່ນ, ລວມມີ: ການສົ່ງກຳປັ່ນຂອງກຳລັງສອງປະເທດມາຢ້ຽມຢາມເຊິ່ງກັນ ແລະ ກັນ ແລະ ສົມທົບການຝຶກຊ້ອມປອດການສູ້ລົບຢູ່ທະເລ; ແລກປ່ຽນຄະນະຜູ້ແທນຂັ້ນສູງ; ສຳເລັດບັນດາລະບຽບການໂຄງການ/ບໍ່ເປັນໂຄງການທັງໝົດທີ່ ຍີ່ປຸ່ນ ໜູນຊ່ວຍຍົກສຸງກຳລັງຄວາມສາມາດໃນການປະຕິບັດກົດໝາຍຢູ່ທະເລ ໃຫ້ແກ່ຕຳຫຼວດທະເລ ຫວຽດນາມ ແລະ ກອງປະຊຸມສອງຝ່າຍຄັ້ງທີ 10 ລະຫວ່າງສອງຝ່າຍ.
ກ່າວຄຳປາໄສທີ່ກອງປະຊຸມ, ທ່ານພົນຈັດຕະວາ ຫວູຈຸງກຽນ ເນັ້ນໜັກວ່າ ບັນດາການເຄື່ອນໄຫວຮ່ວມມືທັງໝົດລະຫວ່າງສອງກຳລັງໃນປີ 2023 ໄດ້ຮັບການປະຕິບັດຢ່າງຈິງຈັງ, ມີປະສິດທິຜົນ; ປະກອບສ່ວນຢ່າງແທດຈິງເຂົ້າໃນຫຼາຍກວ່າ 500 ກິດຈະກຳສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ. ຜ່ານນັ້ນ, ບັນດາການເຄື່ອນໄຫວກໍ່ຊ່ວຍໃຫ້ຕຳຫຼວດທະເລ ຫວຽດນາມ ກໍຄືກຳລັງປ້ອງກັນຝັ່ງທະເລ ຍີ່ປຸ່ນ ຍົກສູງຄວາມສາມາດປະຕິບັດກົດໝາຍຢູ່ທະເລ.
ທ່ານຮອງຜູ້ບັນຊາການກົດໝາຍຕຳຫຼວດທະເລ ຫວຽດນາມ ກໍ່ແບ່ງປັນວ່າ ໃນການຢ້ຽມຢາມ ຍີ່ປຸ່ນ ເມື່ອບໍ່ດົນມານີ້ຂອງທ່ານປະທານປະເທດ ຫວໍວັນເຖືອງ, ຫວຽດນາມ ແລະ ຍີ່ປຸ່ນ ໄດ້ຍົກລະດັບການພົວພັນຂຶ້ນເປັນ “ຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ແລະ ວັດທະນາຖາວອນຢູ່ ອາຊີ ແລະ ໃນໂລກ” ແລະ ໃນຖະແຫຼງການຮ່ວມຂອງການຢ້ຽມຢາມໄດ້ໄດ້ເຕື້ອງເຖິງວຽກສອງຝ່າຍ "ເຫັນດີເປັນເອກະພາບຊຸກຍູ້ການຮ່ວມມືກ່ຽວກັບຄວາມປອດໄພ ແລະ ຄວາມໝັ້ນຄົງຢູ່ທະເລໂດຍຜ່ານການເພີ່ມທະວີການເຄື່ອນໄຫວຮ່ວມມື, ລວມມີ ການຝຶກຊ້ອມຮ່ວມ, ແບ່ງປັນຂໍ້ມູນຂ່າວສານ ແລະ ຍົກສູງຄວາມສາມາດຂອງກຳລັງຕຳຫຼວດທະເລສອງປະເທດ". ນີ້ແມ່ນຫຼັກຖານພະຍານທີ່ຈະແຈ້ງທີ່ສຸດເພື່ອໃຫ້ການນຳສອງປະເທດ ຫວຽດນາມ - ຍີ່ປຸ່ນ ໄດ້ຮອງຮັບການພົວພັນຮ່ວມມືອັນດີງາມລະຫວ່າງ 2 ກຳລັງ ແລະ ຍາມໃດກໍ່ມີຄວາມສົນໃຈເຖິງການພັດທະນາການພົວພັນຮ່ວມມືນີ້ໃນອະນາຄົດ ເພື່ອເປົ້າໝາຍຮ່ວມມືກໍ່ສ້າງເຂດທະເລທີ່ໝັ້ນຄົງ, ປອດໄພ, ສັນຕິພາບ, ມີການຮ່ວມມື, ມິດຕະພາບ ແລະ ການພັດທະນາ.
ສິ້ນສຸດກອງປະຊຸມ, 2 ຝ່າຍໄດ້ເຫັນດີເປັນເອກະພາບບັນດາການເຄື່ອນໄຫວຮ່ວມມືໃນປີ 2024, ລວມມີການຈັດຕັ້ງກອງປະຊຸມ 2 ຝ່າຍ ຄັ້ງທີ 11 ລະຫວ່າງ 2 ກຳລັງ ຢູ່ ຫວຽດນາມ.
ກໍໃນຂອບເຂດການໄປປະຕິບັດງານ, ຄະນະຜູ້ແທນຕຳຫຼວດທະເລ ຫວຽດນາມ ໄດ້ເຂົ້າຢ້ຽມຂ່ຳນັບຜູ້ບັນຊາການກຳລັງປ້ອງກັນຝັ່ງທະເລ ຍີ່ປຸ່ນ, ພົບປະກັບອະດີດຮອງຜູ້ບັນຊາການກຳລັງປ້ອງກັນຝັ່ງທະເລ ຍີ່ປຸ່ນ ແລະ ຢ້ຽມຢາມຫົວໜ່ວຍ, ກຳປັ່ນຈຳໜ່ວຍໜຶ່ງຂອງປ້ອມກຳລັງປ້ອງກັນຝັ່ງທະເລ Yokohama.
ມິງດຶກ
