| WB: ການເຄື່ອນໄຫວການລົງທຶນຂອງຕ່າງປະເທດຢູ່ຫວຽດນາມ ຍັງໝັ້ນຄົງ ບໍ່ຫົວຊາຕໍ່ຄວາມບໍ່ສະຫງົບຂອງໂລກ | |
| ກຸ່ມບໍລິສັດ Viettel ເປີດກວ້າງການພົວພັນຄູ່ຮ່ວມມືທົ່ວໂລກກັບກຸ່ມ WB (ໂປແລນ) |
ວັນທີ 13 ທັນວາ, ທະນາຄານໂລກ (WB) ໃຫ້ຮູ້ວ່າ ບັນດາປະເທດພວມພັດທະນາຈະໃຊ້ງົບປະມານເກືອບ 500 ຕື້ USD ເພື່ອຈ່າຍໜິ້ສິນຕ່າງປະເທດໃນປີ 2022, ເຮດໃຫ້ໝົດກ້ຽງແຫຼ່ງການເງິນສຳລັບຄວາມຕ້ອງການອັນສຳຄັນໃນດ້ານສາທາລະນະສຸກ, ການສຶກສາ ແລະ ການຮັບມືກັບການປ່ຽນແປງຂອງດິນຟ້າອາກາດ, ພ້ອມກັນ ທີ່ເຮັດໃຫ້ບັນດາປະເທດທຸກຍາກທີ່ສຸດມີຄວາມໄພອັນຕະລາຍສູງທີ່ຈະຕົກຢູ່ໃນວິກິດການໜີ້ສິນ.
 |
| ປະຊາຊົນລຽນແຖວຊື້ນ້ຳມັນຢູ່ Colombo, Sri Lanka |
ໃນບົດລາຍງານໜີ້ສາກົນໃໝ່ທີ່ສຸດ, WB ສະແດງໃຫ້ເຫັນວ່າໃນປີ 2022, ບັນດາຂໍ້ຊຳລະໜີ້ສິນ - ລວມທັງຕົ້ນທຶນກັບເງິນດອກເບ້ຍ - ໃດ້ເພີ່ມຂຶ້ນ 5% ເມື່ອທຽບໃສ່ປີ 2021, ຂຶ້ນສູ່ລະດັບສະຖິຕິ 443,5 ຕື້ USD ໃນສະພາບບັນດາອັດຕາດອກເບ້ຍທົ່ວໂລກໄດ້ເພີ່ມຂຶ້ນຢ່າງໄວທີ່ສຸດໃນຮອບ 40 ປີທີ່ຜ່ານມາ.
WB ຄາດຄະເນວ່າ ບັນດາຂໍ້ຊຳລະສະສາງເຫຼົ່ານີ້ສາມາດເພີ່ມຂຶ້ນ 10% ໃນໄລຍະ 2023-2024.
ອີງຕາມບົດລາຍງານຂອງ WB, 75 ປະເທດທີ່ທຸກຍາກທີ່ສຸດໄດ້ຮັບຜົນກະທົບຢ່າງໜັກໜ່ວງທີ່ສຸດ, ດ້ອຍບັນດາຂໍ້ຊຳລະໜີ້ສິນຕ່າງປະເທດຂຶ້ນສູ່ລະດັບສະຖິຕິ 88,9 ຕື້ໂດລາ ໃນປີ 2022 ແລະ ອາດຈະເພີ່ມຂຶ້ນ 40% ໃນໄລຍະ 2023-2024.
ນັບແຕ່ບັນດາຂໍ້ຊຳລະດອກເບ້ຍ ໄດ້ເພີ່ມຂຶ້ນ 4 ເທື່ອ ນັບຕັ້ງແຕ່ປີ 2012, ເປັນ 23.6 ຕື້ໂດລາ. ຫົວໜ້ານັກເສດຖະສາດຂອງ WB, ທ່ານ Indermit Gill ກ່າວວ່າ ລະດັບໜີ້ສິນ ແລະອັດຕາດອກເບ້ຍທີ່ສູງ ໄດ້ເຮັດໃຫ້ຫຼາຍປະເທດ ຕົກຢູ່ໃນສະພາບວິກິດການ ແລະກ່າວເຕືອນວ່າ ການຮັກສາອັດຕາດອກເບ້ຍສູງ ຈະເຮັດໃຫ້ປະເທດທີ່ກຳລັງພັດທະນາ ຕົກຢູ່ໃນສະພາບຫຍຸ້ງຍາກ ຍ້ອນໜີ້ສິນ.
ຕາມຜູ້ຊ່ຽວຊານດ້ານນີ້, ບັນດາປະເທດຕິດໜີ້, ເຈົ້າໜີ້ພາກລັດ ແລະ ເອກະຊົນ ພ້ອມທັງບັນດາສະຖາບັນການເງິນຫຼາຍຝ່າຍຕ້ອງສົມທົບກັນ ແລະ ປະຕິບັດຢ່າງວ່ອງໄວ ເພື່ອເພີ່ມທະວີຄວາມໂປ່ງໃສ, ພັດທະນາບັນດາເຄື່ອງມືໃຫ້ກູ້ແບບຍືນຍົງກ່ວາອີກ ແລະ ຊຸກຍູ້ຂະບວນການສ້າງໂຄງປະກອບໜີ້ສິນຄືນໃໝ່.
ໃນບົດລາຍງານຂອງ WB, ທ່ານຫົວໜ້ານັກເສດຖະສາດ Indermit Gill ໄດ້ເຕືອນວ່າ ບັນດາປະເທດໃນ ອາຟຣິກາ ກຳລັງປະເຊີນໜ້າທົດສະວັດ “ຄວາມເສຍທິທທາງ” ຕື່ມອີກ, ໂດຍສັງເກດວ່າ ທະວີບນີ້ ບໍ່ໄດ້ເຫັນການເຕີບໂຕຂອງລາຍຮັບຂອງຄົນຕໍ່ຄົນນັບແຕ່ປີ 2014 ເປັນຕົ້ນມາ.
ທ່ານຍັງກ່າວວ່າ 4 ປະເທດພວມພັດທະນາຈະມີ 1 ປະເທດບໍ່ມີຄວາມສາມາດເຂົ້າຮ່ວມທ້ອງຕະຫຼາດທຶນສາກົນອີກແລ້ວ.
ນອກນີ້, ໃນ 3 ປີທີ່ຜ່ານມາ ໄດ້ມີການລະເມີດໜີ້ສິນອະທິປະໄຕ 18 ກໍລະນີຢູ່ 10 ປະເທດ, ແມ່ນຫຼາຍກວ່າຈຳນວນໜີ້ສິນອະທິປະໄຕໃນ 20 ປີຜ່ານມາລວມ.
ຫົວໜ້ານັກເສດຖະສາດຂອງ WB ກ່າວອີກວ່າ ມາດຕາຖ່ວງລາຍຮັບຂອງວິສາຫະກິດການສົ່ງອອກທີ່ໃຊ້ຈ່າຍໜິ້ສິນໃນລະດັບທີ່ສູງທີ່ສຸດເທົ່າທີ່ເຄີຍມີມາປະຈຸບັນ, ມັນເປັນການວິຕົກກັງວົນວ່າ ມີແຕ່ການຊ໊ອກດຽວສາມາດຊຸກດັນໃຫ້ບາງປະເທດເຂົ້າໄປໃນວິກິດການ.
ໃນຄວາມເປັນຈິງ, ປະມານ 60% ຂອງບັນດາປະເທດທີ່ມີເກັບຜົນຕ່ໍາໄດ້ຫຼືມີຄວາມສ່ຽງຕໍ່ຄວາມກົດດັນຂອງຫນີ້ສິນ.
ບົດລາຍງານຂອງ WB ສະແດງໃຫ້ເຫັນວ່າ ບັນດາປະເທດທີ່ໄດ້ເລື່ອນເວລາການຈ່າຍໜີ້ສິນຕົ້ນທຶນ ແລະ ເງິນດອກເບ້ຍ ຕາມຫົວຄິດປະດິດສ້າງຢຸດຕິຊຳລະໜີ້ສິນ (DSSI) ນຳໃຊ້ໃນລະຫວ່າງການລະບາດຂອງ COVID-19 ດຽວນີ້ຕ້ອງປະເຊີນກັບຄ່າໃຊ້ຈ່າຍເພີ່ມເຕີມເມື່ອການຈ່າຍເງິນເຫຼົ່ານີ້ຮອດກຳນົດ.
ນອກນີ້, WB ໃຫ້ຂໍ້ສັງເກດວ່າ ທຶນເອກະຊົນສ່ວນໃຫຍ່ໄດ້ຖອນອອກຈາກປະເທດພວມພັດທະນາຍ້ອນອັດຕາດອກເບ້ຍສູງຂຶ້ນໃນບັນດາປະເທດພັດທະນາແລ້ວ
ເຈົ້າໜີ້ເອກະຊົນໄດ້ຖອນເງິນຕົ້ນ 185 ລ້ານໂດລາ ຫຼາຍກວ່າ ທີ່ເຂົາເຈົ້າໄດ້ເບີກຈ່າຍໜີ້ສິນໃໝ່, ເຊິ່ງເປັນຄັ້ງທຳອິດທີ່ເກີດຂຶ້ນຕັ້ງແຕ່ປີ 2015.
ມິງດຶກ
