| ຄິດຮອດ ມ໋ອງກ໋າຍ - ນະຄອນຊາຍແດນທີ່ສວຍງາມ | |
| ທົບທວນການຈັດຕັ້ງປະຕິບັດ ສັນຍາວ່າດ້ວຍລະບຽບ ການຄຸ້ມຄອງ ຊາຍແດນ ແລະ ດ່ານຊາຍແດນ ລະຫວ່າງ ຫວຽດນາມ ແລະ ລາວ |
ນີ້ແມ່ນໝາກຜົນຄວາມມານະພະຍາຍາມຂອງນະຄອນ ມ໋ອງກ໋າຍ (ແຂວງ ກວາງນິງ) ໃນການສົມທົບກັບອຳນາດການປົກຄອງນະຄອນ ດົງຊິງ (ແຂວງ ກວາງສີ, ຈີນ) ເພື່ອແລກປ່ຽນ, ແກ້ໄຂ ແລະ ສະເໜີບັນດາວິທີການແກ້ໄຂທີ່ໝັ້ນຄົງເພື່ອຊຸກຍູ້ການເຄື່ອນໄຫວເຂົ້າເມືອງ ແລະ ອອກເມືອງສຳລັບບັນດາການເຄື່ອນໄຫວທ່ອງທ່ຽວເຂດຊາຍແດນຂອງສອງຝ່າຍ, ພ້ອມກັນນັ້ນກໍ່ຊຸກຍູ້ການເຜີຍແພ່ ແລະ ເພີ່ມທະວີການບໍລິໂພກປະເພດສິນໃນນ້ຳຂອງຫວຽດນາມ ໄປຍັງຕະຫຼາດຈີນ ແລະ ໃນດ້ານກົງກັນຂ້າມ.
 |
ການເຄື່ອນໄຫວນຳເຂົ້າ ແລະ ສົ່ງອອກສິນຄ້າຜ່ານຂົວບັກລວນ II. (ພາບ: ສາຂາພາສີຊາຍແດນ ມ໋ອງກ໋າຍ) |
ຕາມເນື້ອໃນລະຫວ່າງຄະນະກຳມະການປະຊາຊົນແຂວງກວາງນິງ ແລະ ລັດຖະບານປະຊາຊົນເຂດປົກຄອງຕົນເອງເຜົ່າຈ້ວາງກວາງສີ (ຈີນ) ແລະ ຈົດໝາຍທີ່ກົມການຄ້າ ແລະ ຄຸ້ມຄອງດ່ານຊາຍແດນນະຄອນ ດົງຊີງ (ຈີນ) ໄດ້ແລກປ່ຽນໃນວັນທີ 11 ທັນວາ 2023, ນັກທ່ອງທ່ຽວທີ່ໃຊ້ໜັງສືຜ່ານແດນ ແລະ ໜັງສືເດີນທາງທ່ອງທ່ຽວຊາຍແດນຈະໄດ້ຮັບອະນຸຍາດໃຫ້ຜ່ານດ່ານຊາຍແດນສາກົນ ມ໋ອງກ໋າຍ (ເຂດ ບັກລວນ II).
ເວລາປະຕິບັດການຜ່ານດ່ານແມ່ນແຕ່ 8:00 ໂມງເຊົ້າ ຫາ 15:00 ໂມງແລງ (ເວລາຮ່າໂນ້ຍ), ຫຼື ແຕ່ 9 ໂມງເຊົ້າ ຫາ 16 ໂມງແລງ (ເວລາປັກກິ່ງ). ໂດຍສະເພາະແມ່ນສຳລັບດ່ານຊາຍແດນສາກົນ ມ໋ອງກ໋າຍ (ເຂດດ່ານຊາຍແດນບັກລວນ I), ເວລາຜ່ານດ່ານ ແລະ ປະເພດຄົນທີ່ສາມາດຜ່ານດ່ານໄດ້ນັ້ນ ແມ່ນບໍ່ມີການປ່ຽນແປງ.
ເພື່ອຮັບປະກັນບັນດາເງື່ອນໄຂຮັບໃຊ້ການຜ່ານດ່ານໃຫ້ແກ່ນັກທ່ອງທ່ຽວທີ່ຜ່ານຊາຍແດນສາກົນ ມ໋ອງກ໋າຍ (ເຂດຂົວບັກລວນ 2), ຄະນະກຳມະການປະຊາຊົນນະຄອນ ມ໋ອງກ໋າຍ ກໍ່ໄດ້ຊີ້ນຳບັນດາຂະແໜງການດ່ານຊາຍແດນ ແລະ ບໍລິສັດຫຸ້ນສ່ວນການນຳເຂົ້າ - ສົ່ງອອກສາກົນ ເຕີ່ນດ້າຍເຢື່ອງ, ຄະນະຄຸ້ມຄອງດ່ານຊາຍແດນສາກົນ ມ໋ອງກ໋າຍ ເປັນເຈົ້າການຈັດວາງກຳລັງ, ພາຫະນະ, ເຄື່ອງປະກອບຢ່າງພຽງພໍເພື່ອຮັບປະກັນຄວາມປອດໄພ ແລະ ຄວາມເປັນລະບຽບຮຽບຮ້ອຍ, ສ້າງເງື່ອນໄຂສະດວກທີ່ສຸດໃຫ້ແກ່ພົນລະເມືອງ 2 ປະເທດໃນການປະຕິບັດບັນດາລະບຽບການຄົນເຂົ້າ-ອອກເມືອງຜ່ານດ່ານຊາຍແດນສາກົນ ມ໋ອງກ໋າຍ (ເຂດຂົວບັກລວນ 2).
ຈັດເຈົ້າໜ້າທີ່ປະຕິບັດໜ້າທີ່ຢູ່ຈຸດແຍກລະຫວ່າງເສັ້ນທາງລົດຂົນສົ່ງສິນຄ້າ ແລະ ເສັ້ນທາງຈະລາຈອນຂອງລົດໄຟຟ້າທີ່ຄ່ຽນຖ່ານສົ່ງຕໍ່ຄົນໂດຍສານເພື່ອແນະນຳ ແລະ ຊີ້ນຳບັນດາພາຫະນະທີ່ເຄື່ອນຍ້າຍ, ຮັບປະກັນຄວາມປອດໄພໃຫ້ແກ່ປະຊາຊົນ, ພາຫະນະ ແລະ ສິນຄ້າຢູ່ເທິງລົດ, ເພື່ອຫຼີກລ້ຽງບໍ່ໃຫ້ເກີດຄວາມບໍ່ສະດວກທີ່ເກີດຂຶ້ນແບບບັງເອີນ.
ຕາມຄະນະຄຸ້ມຄອງດ່ານຊາຍແດນສາກົນ ມ໋ອງກ໋າຍ (ແຂວງ ກວາງນິງ) ແລ້ວ, ແຕ່ວັນທີ 9 ທັນວານີ້ເປັນຕົ້ນໄປ, ນອກຈາກສິນຄ້າດັ້ງເດີມແລ້ວ, ກໍ່ຍັງໄດ້ເພີ່ມຕື່ມຍອດ 6 ປະເພດສິນຄ້າທີ່ອາດຈະເຮັດລະບຽບການນຳເຂົ້າປະເທດ ຈີນຜ່ານຊາຍແດນແຂວງ ກວາງນິງ (ຫວຽດນາມ) - ດ່ານຊາຍແດນ ດົ່ງຊິງ (ຈີນ) ຢູ່ເຂດຂົວ ບັກລວນ II.
6 ປະເພດສິນຄ້າປະກອບມີ: ໝາກໄມ້, ອາຫານ, ອາຫານທະເລແຊ່ແຂງ, ສັດນ້ຳທີ່ໃຊ້ເປັນອາຫານ, ແນວພັນປູກຕົ້ໜໄມ້ ແລະ ຢາສະໝູນໄພ.
ດີງເລື້ອງ
