ຮູບພາບພິທີເຄົາລົບທຸງຢູ່ເກາະ ເຈື່ອງຊາ

00:00 | 14/12/2023

ຍສໝ - ຕໍ່ໜ້າຫຼັກໝາຍອະທິປະໄຕ ແລະ ທຸງຊາດຢູ່ເກາະເຈື່ອງຊາ, ເນື່ອງໃນໂອກາດຢ້ຽມຢາມໝູ່ເກາະເຈື່ອງຊາ ແລະ ເຮືອນຍາມ DK1 ແຕ່ວັນທີ 18-23 ເມສາ, ບັນດາຜູ້ແທນຄະນະປະຕິບັດງານເລກ 4 ພ້ອມກັບພະນັກງານ, ນັກຮົບ ແລະ ປະຊາຊົນໄດ້ປະຕິບັດພິທີເຄົາລົບທຸງໃນບັນຍາກາດອັນສະຫງ່າ ແລະເຕັມໄປດ້ວຍຄວາມຮັກແພງ.

	ບັນດາທ້ອງຖິ່ນຂອງເມືອງ ເຈື່ອງຊາ ໄດ້ຈັດຕັ້ງການພົບປະສະເຫຼີມສະຫຼອງວັນຄູ ຫວຽດນາມ
	ນຳ “ບຸນປີໃໝ່” ໄປຍັງກອງທັບ ແລະ ປະຊາຊົນ ເຈື່ອງຊາ

ພາຍຫຼັງທີ່ຄະນະປະຕິບັດງານເລກ 4 ໄປເກາະ, ພະນັກງານ, ນັກຮົບ, ຄະນະຜູ້ແທນ ແລະປະຊາຊົນທີ່ອາໄສຢູ່ເກາະໄດ້ເຕົ້າໂຮມກັນຢ່າງວ່ອງໄວ ແລະ ລຽນແຖວຢ່າງເປັນລະບຽບຮຽບຮ້ອຍຢູ່ທາງແລ່ນ, ຖັດຈາກຫຼັກໝາຍອະທິປະໄຕເພື່ອເຂົ້າຮ່ວມພິທີຊັກທຸງ.

ຢູ່ຫຼັກແດນອະທິປະໄຕ, ນັກຮົບໜຸ່ມທີ່ໄດ້ຮັບການມອບໝາຍໜ້າທີ່ປົກປັກຮັກສາ, ຈັບປືນ, ຢືນຢ່າງເຄັ່ງຂຶມ

ເມື່ອຄຳສັ່ງຄົາລົບທຸງຊາດສິ້ນສຸດລົງ, ທຸກຄົນໄດ້ຫັນໜ້າໄປສູ່ທຸງຊາດ ແລະ ພ້ອມກັນຮ້ອງເພງຊາດດັງກ້ອງກັງວານທີ່ພິລະອາດຫານ

ໃນບັນຍາກາດອັນສະຫງ່າຜ່າເຜີຍ, ເຊິ່ງຄື້ນຟອງທະເລພັດເຂົ້າມາທັງສີ່ດ້ານ, ຢູ່ຕໍ່ໜ້າທຸງຊາດ, ສຽງເພງຊາດໄດ້ສະທ້ອນໃນໃຈຂອງທຸກຄົນທີ່ບໍ່ອາດຈະພັນລະນາ, ໃນທຸກຈັງຫວະເຕັ້ນຂອງຫົວໃຈ ແລະ ລົມຫາຍໃຈ.

ພະນັກງານ, ນັກຮົບ, ຊາວ ຫວຽດນາມ ອາໄສຢູ່ຕ່າງປະເທດ ແລະປະຊາຊົນໄດ້ຮ້ອງເພງຊາດ ຫວຽດນາມ ທ່າມກາງໝູ່ເກາະ ແລະທະເລຂອງບ້ານເກີດເມືອງນອນ, ຢັ້ງຢືນອະທິປະໄຕອັນສັກສິດຂອງປະເທດຊາດ.

ຄຳສະບານກິດຕິມະສັກ 10 ຄຳຂອງທະຫານໄດ້ດັງກ້ອງກັງວານວ່າ: “ພວກເຮົາບັນດານັກຮົບໃນກອງທັບປະຊາຊົນຫວຽດນາມ, ຂໍເອົາກຽດຂອງບັນດານັກຮົບປະຕິວັດ ຂໍສາບານຕົວຢູ່ໃຕ້ທຸງອັນສະຫງ່າລາສີຂອງປະເທດຊາດ”.