 | ກອງພັນນ້ອຍ 126 “ຮ່ວມມືທຳຄວາມສະອາດສິ່ງແວດລ້ອມທະເລ” |
| ຊຸກຍູ້ການຄົ້ນຄ້ວາ ເພື່ອແນໃສ່ຫຼຸດຜ່ອນຜົນກະທົບຈາກຢາງປຼາສຕິກ ຕໍ່ສຸຂະພາບ ແລະ ສະພາບແວດລ້ອມການດຳລົງຊີວິດ |
ໂກນດ່າວຢືນຢັນຄວາມຕັດສິນໃຈໃນການຫຼຸດຜ່ອນສິ່ງເສດເຫຼືອຢາງປຼາສະຕິກ
ວັນທີ 9 ທັນວາ, ຄະນະກຳມະການປະຊາຊົນເມືອງ ໂກນດ່າວ (ແຂວງ ບ່າເຣຍ - ຫວຸງເຕົາ) ໄດ້ປະສານສົມທົບກັບ ອົງການສາກົນ ແລະ ອະນຸລັກທຳມະຊາດ (WWF ຫວຽດນາມ) ພ້ອມກັບຜູ້ຕາງໜ້າບັນດາສາຍການບິນ, ທ່າອາກາດສະຍານ; ບັນດາວິສາຫະກິດ ແລະ ການບໍລິການທ່ອງທ່ຽວ ທີ່ດຳເນີນທຸລະກິດຢູ່ເມືອງໂກນດ່າວ ໄດ້ຈັດພິທີລົງນາມເຂົ້າຮ່ວມສັນຍາຫຼຸດຜ່ອນຢາງປຼາສະຕິກ ແລະ ເປີດຕົວຮູບແບບເຊັກອິນ "ການທ່ອງທ່ຽວ ຫຼຸດຜ່ອນຢາງປຼາສະຕິກ" ຢູ່ເມືອງໂກນດ່າວ.
ທີ່ພິທີດັ່ງກ່າວ, ຄະນະກຳມະການປະຊາຊົນເມືອງໂກນດ່າວ ແລະ ບັນດານັກລົງທຶນ ແລະ ວິສາຫະກິດ ທີ່ດຳເນີນທຸລະກິດບໍລິການທ່ອງທ່ຽວໂກນດ່າວ ໄດ້ລົງນາມສັນຍາເຂົ້າຮ່ວມການຫຼຸດຜ່ອນຢາສງປຼາສະຕິກຢູ່ໂກນດ່າວ ແລະ ເປີດຕົວໃນຮູບແບບ ເຊັກອິນ ການທ່ອງທ່ຽວ "ຫຼຸດຜ່ອນຢາງປຼາສະຕິກ".
 |
| ເປີດຕົວຮູບແບບການເຊັກອິນ “ທ່ອງທ່ຽວຫຼຸດຜ່ອນຢາງປຼາສະຕິກ” ຢູ່ ໂກນດ່າວ (ພາບ: ໜັງສືພິມເອເລັກໂຕຼນິກພັກກອມມູນິດຫວຽດນາມ). |
ຫຼັງພິທີລົງນາມສັນຍາ, ຄະນະກຳມະການປະຊາຊົນເມືອງໂກນດ່າວ ໄດ້ຈັດຂະບວນການທໍາຄວາມສະອາດຕາມຫາດຊາຍເພື່ອແນໃສ່ສົ່ງສານເຖິງບັນດາຊັ້ນຄົນ ແລະ ນັກທ່ອງທ່ຽວ ກ່ຽວກັບແບບແຜນການດຳລົງຊີວິດສີຂຽວ, ເປັນມິດກັບສິ່ງແວດລ້ອມ, ຫຼຸດຜ່ອນການນຳໃຊ້ຜະລິດຕະພັນ ຢາງປຼາສະຕິກທີ່ໃຊ້ຄັ້ງດຽວ, ປົກປັກຮັກສາສິ່ງແວດລ້ອມ ແລະ ລະບົບນິເວດທະເລທີ່ໂກນດາວ.
 |
| ເກັບມ້ຽນທຳຄວາມສະອາດຫາດຊາຍຢູ່ໂກນດ່າວ (ພາບ: ໜັງສືພິມເອເລັກໂຕຼນິກພັກກອມມູນິດຫວຽດນາມ). |
ຕາມຄະນະຄຸ້ມຄອງໂຄງການສາທາລະນະ ເມືອງໂກນດ່າວ ແລ້ວ, ໃນແຕ່ລະມື້, ໂດຍສະເລ່ຍແລ້ວ, ເມືອງໂກນດ່າວ ໄດ້ຖິ້ມຂີ້ເຫຍື້ອປະມານ 15 ໂຕນ. ຂີ້ເຫຍື້ອແມ່ນໄດ້ຖິ້ມ ຢູ່ໃນແຄມດອນຊາຍ ຢາດ( Nhat ). ປະຈຸບັນ, ຫາດຊາຍແຫ່ງນີ້ມີຂີ້ເຫຍື້ອ 70.000 ກວ່າໂຕນ ທີ່ຍັງບໍ່ທັນໄດ້ຮັບການແກ້ໄຂ. ນອກຈາກປະລິມານຂີ້ເຫຍື້ອທີ່ມາຈາກໝູ່ເກາະກາງແລ້ວ, ແຕ່ລະປີເມືອງໂກນດ່າວ ຍັງປະສົບກັບປະລິມານຂີ້ເຫຍື້ອຈາກມະຫາສະໝຸດທີ່ພັດເຂົ້າສູ່ຝັ່ງທະເລ ແລະ ໝູ່ເກາະນ້ອຍນຳອີກ.
 |
| ນັກທ່ອງທ່ຽວ ແລະ ກຳລັງກວດກາເຂດປ່າສະຫງວນແຫ່ງຊາດໂກນດ່າວ (Con Dao) ຮ່ວມກັນເກັບກຳຂີ້ເຫຍື້ອຈາກມະຫາສະໝຸດ ທີ່ຖືກພັດເຂົ້າມາໝູ່ເກາະໄບແກງ (Bay Canh) (ພາບ: KT) |
ວຽກງານປົກປັກຮັກສາສິ່ງແວດລ້ອມ ຢູ່ເມືອງໂກນດ່າວ ແມ່ນໄດ້ຮັບຄວາມເອົາໃຈໃສ່ ແລະ ຊີ້ນຳຈາກຄະນະພັກ, ອຳນາດການປົກຄອງ ແລະ ປະຊາຊົນກໍ່ພ້ອມຈິດໃຈໃນການຈັດຕັ້ງປະຕິບັດ ດ້ວຍຫຼາຍຮູບແບບເຊັ່ນ: ວັນເສົາ, ສີຂຽວ-ສະອາດ-ສວຍງາມ, ເຮືອນສີຂຽວ, ຕົວແບບເຮືອນຢູ່ອາໄສປະຊາຊົນ ທີ່ປອດເສດຂອງຢາງປຼາສະຕິກ, ໂຮງຮຽນປອດຂີ້ເຫຍື້ອຢາງປຼາສະຕິກ... ການປະຕິບັດຜັນຂະຫຍາຍບັນດາຕົວແບບ ໄດ້ ແລະ ພວມນຳມາເຊິ່ງປະສິດທິຜົນທີ່ແທດຈິງ, ປະກອບສ່ວນຍົກສູງຄວາມຮັບຮູ້ ແລະ ສະຕິກ່ຽວກັບການປົກປັກຮັກສາສິ່ງແວດລ້ອມຢູ່ໂກນດ່າວ.
ໃນເດືອນ ມີນາ 2022, ໂກນດ່າວ ແມ່ນທ້ອງຖິ່ນທີ 9 ຂອງຫວຽດນາມ ທີ່ໄດ້ເຂົ້າຮ່ວມຂໍ້ລິເລີ່ມ “ນະຄອນຫຼຸດຜ່ອນຢາງປຼາສະຕິກ” ໂດຍອົງການ WWF ເລີ່ມຕົ້ນກັບສັນຍາວ່າ ຈະສູ້ຊົນຫຼຸດຜ່ອນ 30% ປະລິມານຂີ້ເຫຍື້ອຢາງປຼາສະຕິກໃຫ້ກັບສິ່ງແວດລ້ອມໃນປີ 2025 ແລະ ສູ້ຊົນບໍ່ຖິ້ມຂີ້ເຫຍື້ອຢາງປຼາສະຕິກໃນປີ 2030.
ອານຸໄຊ ສະຫວັດ
