| ຊຸກຍູ້ການປ່ຽນແປງໃໝ່ປະດິດສ້າງໃນຂະແໜງການທ່ອງທ່ຽວລະຫວ່າງ ຫວຽດນາມ ແລະ ຟີລິບປິນ | |
| ການປຶກສາຫາລືການເມືອງ ຫວຽດນາມ - ຟີລິບປິນ ຄັ້ງທີ 1 |
ກະຊວງການເງິນໃຫ້ຮູ້ວ່າ: ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ໄດ້ຮັບການລົງນາມໂດຍບັນດາລັດຖະມົນຕີເສດຖະກິດອາຊຽນ ແລະ ບັນດາປະເທດຄູ່ຮ່ວມມືຄື: ຈີນ, ສ.ເກົາຫຼີ, ຍີ່ປຸ່ນ, ອົດສະຕາລີ ແລະ ນິວຊີແລນ ໃນວັນທີ 15 ພະຈິກ 2020. ວັນທີ 6 ກໍລະກົດ 2021, ລັດຖະບານໄດ້ປະກາດໃຊ້ມະຕິເລກທີ 18/NQ-CP ອະນຸມັດຜ່ານສັນຍາ RCEP.
 |
10 ປະເທດອາຊຽນ ແລະ 6 ປະເທດຄູ່ຮ່ວມ RCEP. ພາບ: ASEAN.org |
ເພື່ອປະຕິບັດບັນດາຄຳໝັ້ນສັນຍາຂອງຫວຽດນາມ ໃນສັນຍາ RCEP, ວັນທີ 30 ທັນວາ 2022, ລັດຖະບານໄດ້ປະກາດໃຊ້ດຳລັດເລກທີ 129/2022/ND-CP ກ່ຽວກັບຕາຕະລາງອັດຕາພາສີນໍາເຂົ້າບູລິມະສິດພິເສດຂອງຫວຽດນາມ ເພື່ອປະຕິບັດສັນຍາ RCEP ໄລຍະ 2022-2027. ດຳລັດດັ່ງກ່າວໄດ້ນຳໃຊ້ສຳລັບບັນດາປະເທດອາຊຽນ ລວມມີ ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ສິງກະໂປ, ໄທ (ຍົກເວັ້ນມຽນມາ ແລະ ຟີລິບປິນ) ແລະ ບັນດາປະເທດຄູ່ຮ່ວມມືລວມທັງຈີນ, ສ.ເກົາຫຼີ, ຍີ່ປຸ່ນ, ອົສຕຣາລີ, ນິວຊີແລນ). ມາຮອດປະຈຸບັນ, ສັນຍາ RCEP ໄດ້ມີຜົນສັກສິດກັບມຽນມາ ແລະ ຟີລິບປິນ.
ສະນັ້ນ, ລັດຖະບານຈຶ່ງໄດ້ປະກາດໃຊ້ດຳລັດເລກທີ 84/2023/ND-CP ສະບັບປັບປຸງ ແລະ ເພີ່ມເຕີມບາງມາດຕາຂອງດຳລັດເລກທີ 129/2022/ND-CP ລົງວັນທີ 30/12/2022 ກ່ຽວກັບຕາຕະລາງອັດຕາພາສີນຳເຂົ້າບຸລິມະສິດພິເສດຂອງຫວຽດນາມ ເພື່ອປະຕິບັດສັນຍາຄູ່ຮ່ວມມືເສດຖະກິດຮອບດ້ານພາກພື້ນໄລຍະ 2022 – 2027 ເພື່ອເພີ່ມເຕີມຂໍ້ກຳນົດນຳໃຊ້ທີ່ກ່ຽວສຳລັບ ມຽນມາ ແລະ ຟີລິບປິນ.
ຕາມນັ້ນແລ້ວ, ດຳລັດເລກທີ 84/2023/ND-CP ກໍ່ໄດ້ເພີ່ມເຕີມທ້າຍຈຸດ a ຂອງ ມາດຕາ 3, ຂໍ້ 3 ຂອງດຳລັດເລກທີ 129/2022/NĐ-CP ດັ່ງນີ້: “ແຕ່ວັນທີ 4 ມີນາ 2022 ຫາວັນທີ 31 ທັນວາ 2022 ສໍາລັບສາທາລະນະລັດ ສະຫະພາບມຽນມາ;"
ເພີ່ມເຕີມເຂົ້າທ້າຍຈຸດ b ຂອງຂໍ້ 3, ມາດຕາ 3 ຂອງດຳລັດເລກທີ 129/2022/ND-CP ດັ່ງນີ້: “ແຕ່ວັນທີ 1 ມັງກອນ 2023 ຫາວັນທີ 31 ທັນວາ 2023 ສຳລັບສາທາລະນະລັດ ສະຫະພາບມຽນມາ; ແຕ່ວັນທີ 2 ມິຖຸນາ 2023 ຫາວັນທີ 31 ທັນວາ 2023 ສຳລັບສາທາລະນະລັດຟີລິບປິນ;".
ເພີ່ມຈຸດ n ແລະ o ຫຼັງຈາກຈຸດ m ຂອງຂໍ້ 2, ມາດຕາ 4 ຂອງດຳລັດເລກທີ 129/2022/ND-CP ດັ່ງນີ້: "n) ສາທາລະນະລັດສະຫະພາບມຽນມາ; o) ສາທາລະນະລັດຟີລິບປິນ".
ດີງເລື້ອງ
