 | ມອບລາງວັນສື່ມວນຊົນທົ່ວປະເທດຄັ້ງທີ 1 “ເພື່ອພັດທະນາວັດທະນະທຳ, ກິລາ ແລະ ການທ່ອງທ່ຽວ”. |
| ນັກກິລາປະເທດຕ່າງໆ ເຂົ້າຮ່ວມ ຊີເກມ ຄັ້ງທີ 31 ຢ້ຽມຊົມບັນດາສະຖານທີ່ທ່ອງທ່ຽວທີ່ມີຊື່ສຽງຂອງຫວຽດນາມ |
ນັກກິລາ 5.000 ກວ່າຄົນ ໄດ້ແລ່ນຮ່ວມກັນ, ເຊື່ອມຕໍ່ຄວາມຮັກແພງກັບຄົນພິການ
ວັນທີ 3 ທັນວານີ້, ຢູ່ນະຄອນເຫ້ວ, ນັກກິລາ 5.000 ກວ່າຄົນໃນທົ່ວປະເທດ ໄດ້ເຂົ້າຮ່ວມລາຍການແລ່ນ ຮ່ວມກັບຄົນພິການ ດ້ວຍຂໍ້: “ທຸກບາດແລ່ນ - ເຊື່ອມໂຍງຄວາມຮັກແພງ”.
ເຫດການດັ່ງກ່າວ ໄດ້ຈັດຂຶ້ນໂດຍ ສູນການເຄື່ອນໄຫວແຫ່ງຊາດ ເພື່ອແກ້ໄຂຜົນຮ້າຍຈາກສານເຄມີທີ່ເປັນພິດ ແລະ ສິ່ງແວດລ້ອມ (NACCET) ແລະ ອົງການພັດທະນາສາກົນ ຂອງສະຫະລັດອາເມລິກາ (USAID).
ເຂົ້າຮ່ວມ “ແລ່ນຮ່ວມກັບຄົນພິການ” ມີນັກກິລາອາຊີບ ແລະ ນັກສະໝັກຫຼິ້ນ, ພະນັກງານ, ລັດຖະກອນ, ຊາວໜຸ່ມ, ນັກຮຽນ, ນັກສຶກສາ... ຈາກບັນດາອົງການ, ກົມກອງ, ສະຫະພັນ, ວິສາຫະກິດ... ທີ່ພວມອາໄສຢູ່ເຫ້ວ, ຄົນຕ່າງປະເທດ ແລະ ປະຊາຊົນຢູ່ແຂວງໃກ້ຄຽງ.
ໄລຍະທາງແລ່ນ 3 ກິໂລແມັດ ແລະ 5 ກິໂລແມັດ ແມ່ນໄດ້ຮັບການອອກແບບໃຫ້ເໝາະສົມກັບຜູ້ເຂົ້າຮ່ວມທີ່ລົງທະບຽນ, ເລີ່ມແຕ່ສະໜາມຫຼວງ ເງາະໂມນ, ພະລາດຊະວັງເກົ່າເຫ້ວ, ແລ່ນຜ່ານຕົວເມືອງພາຍໃນ.
 |
| ຊຸກຍູ້ໃຫ້ຄົນພິການເຂົ້າຮ່ວມການແຂ່ງຂັນແລ່ນ. ພາບ: ໜັງສືພິມ Thừa Thiên Huế . |
ບັນດານັກກິລາຄົນພິການ ແລະ ນັກແລ່ນ ພັນກວ່າຄົນ ໄດ້ພາກັນແຂ່ງຂັນກັນຢ່າງເບີກບານມ່ວນຊື່ນໃນ 2 ໄລຍະທາງ 3 ກິໂລແມັດ ແລະ 5 ກິໂລແມັດ ຜ່ານສະຖານທີ່ມໍລະດົກ, ຮ່ອງຮອຍປະຫສັດສາດ ແລະ ທິວທັດທີ່ສວຍງາມຂອງເມືອງເຫ້ວ ເຊັ່ນ: ສະໜາມຫຼວງ ໂງະໂມນ, ພະລາດຊະວັງເກົ່າເຫ້ວ, ພາຍໃນຕົວເມືອງ... ພິເສດແມ່ນ, ເສັ້ນທາງດັ່ງກ່າວໄດ້ອອກແບບເພື່ອເໝາະສົມກັບແຕ່ລະກຸ່ມເປົ້າໝາຍ, ເພື່ອຮັບປະກັນສະໜາມກິລາທີ່ເປັນມິດ, ສະເໝີພາບ ແລະ ປອດໄພໃຫ້ແກ່ນັກກິລາ.
 |
| ໂຄງການດັ່ງກ່າວໄດ້ສົ່ງສານຫົວຂໍ້ "ທຸກບາດແລ່ນ - ເຊື່ອມໂຍງຄວາມຮັກແພງ". |
ຕາມຄະນະຈັດຕັ້ງງານແຂ່ງຂັນແລ້ວ: ດ້ວຍຫົວຂໍ້ “ທຸກບາດແລ່ນ - ເຊື່ອມໂຍງຄວາມຮັກແພງ”, ໂຄງການໄດ້ນຳມາເຊິ່ງຜົນປະໂຫຍດຕໍ່ດ້ານສຸຂະພາບ, ຮ່າງກາຍ ແລະ ຈິດໃຈໃຫ້ແກ່ຄົນພິການ, ເປັນກຳລັງໃຈ ແລະ ຊຸກຍູ້ໃຫ້ມີຄວາມໝັ້ນໃຈເຊື່ອມໂຍງເຂົ້າກັບຊຸມຊົນ.
 |
| ຂໍພ້ອມກັນກະຕຸ້ນ ແລະ ເປັນກຳລັງໃຈໃຫ້ກັນແລ່ນ ເພື່ອສຸຂະພາບ. (ພາບ: ໜັງສືພິມ Thừa Thiên Huế). |
ໃນຕອນທ້າຍຂອງການແລ່ນ, ນັກກິລາທັງຫມົດໄດ້ຮັບຫຼຽນ, ເປັນການຮັບຮູ້ການປະກອບສ່ວນຂອງເຂົາເຈົ້າຕໍ່ຜົນສໍາເລັດຂອງໂຄງການ.
|
ທີ່ພິທີປິດ, ບັນດາຫົວໜ່ວຍ, ວິສາຫະກິດ, ອົງການຈັດຕັ້ງ, ຜູ້ມີຄຸນງາມຄວາມດີ ໄດ້ຊ່ວຍເຫຼືອຂອງຂວັນໃນການທຳມາຫາກິນ 28 ພູດໃຫ້ຄົນພິການ ທີ່ປະສົບກັບຄວາມຫຍຸ້ງຍາກ, ຂອງຂວັນແຕ່ລະພູດມີມູນຄ່າ 3 ລ້ານດົ່ງ.
ຊ ສະຫວັດ
